Jɔ̀ɔŋ 19:20 - WƆŊ FƐ̀Ì EBÒ SÌÀŊ DAYÀA

²⁰ E yìwìà koɓɛ̀i àŋ naŋ wa jìwìè wo Jisɛ̀ lɛ wèè e kà ko jawa gbeeì gò wa diidìì. Anyuùŋ zimgbe naŋ wa kpɛ̀nɛ̀ŋ wɔŋ fɛi kpuuɔ̀ kpuunyaŋ wa wɔ̀ŋ vànèkpàà Jisɛ̀ɔ diɛŋ wɔ̀ŋ. Àŋ naŋ niŋ wa sìngè maŋ kàìŋ ɗì taai sùà, e Hiɓulù, wɔŋ kàìŋ aŋ Juùù nyaŋ, e Latììŋ yèè e Guliì mie.

Jɔ̀ɔŋ 19:20 ပူးပေါင်းရင်းမြစ်များ

Luù 23:38

E sìnga wɔŋ fɛi kpuu diɛŋ sɛɛ wa wɔŋ vànèkpàà Jisɛ̀ɔ diɛŋ è naŋ woò wààŋ, “Wɛɛ̀ nàŋ yaà wo Kànà aŋ Juùù nyaŋ.”

Jɔ̀ɔŋ 19:13

Nààŋ wo Paalè naŋ kòmò e yèɛ anyùùŋ nyaŋ yaà wa woo lɛ̀, wò naŋ fùlìè wo Jisɛ̀ ko nɛ̀ɛ̀ŋ nyiŋ niìŋ yèè wò naŋ jɛ̀ì ke kpùà kanauŋ nɛɛ̀ŋ diɛŋ koɓɛ̀i àŋ nyaaŋ nyààŋ “Koɓɛ̀ le Zààmàiŋ.” E Hiɓulù mieɛ̀ sùà nyààŋ “Ko Gabatà.”

Jɔ̀ɔŋ 19:42

Nààŋ ke ɗɔ̀ɔ̀ guùŋ naŋ wa naàŋ joo wèè ke Ɗɔ̀ɔ̀ Zòòlò aŋ Juùù nyaŋ ke haì e kìlà nààŋ ke hùaàŋ naŋ wa gbɛ̀ɛ̀ koɓɛ̀ bi, àŋ nao wa hèè e dìè Jisɛ̀ɛ ke hùaŋ bi sùà.

Jɔ̀ɔŋ 5:2

Ko jawa gbeeì ko Jùlusɛ̀làm, ko pàtà yaào wa ko yèi kuwa wa e wùìyè. Anyùùŋ guuyà wa e wùìyè bi sùà e gbɛ̀ɛ̀ wɔŋ gbàngì aŋ ɓaawaa nyàŋ, yèè koɓɛ̀ bi kuwa wa maŋ tàamàŋ jɛ̀i e ɗì nɔɔnɔŋ. E dèè koɓɛ̀ bi e Hiɓulù mieɛ̀ sùà nàŋ yaà wa ko Bɛ̀zatà.

Nyɛ̀nɛ̀ŋ 21:37

Nààŋ aŋ kààlòòɗùà nyaŋ yaà wa naàŋ hinie wèè aŋ jɔ̀ɔ̀yɛ̀ wo Pɔɔ̀ ko gbòòkùàŋ aŋ kààlòòɗùà nyaŋ, wo Pɔɔ̀ naŋ dàwè wo kànà aŋ kààlòòɗùà nyaŋ wààŋ, “Màim ɓɛ̀nɛ̀ŋ gè nyààŋ diɛŋ wèè kaum wòò e keì bà?” Wo kànà aŋ kààlòòɗùàa nauŋ dawè wààŋ, “Diè mùŋ naŋ nyìmè e ɗèwè e Guliì mieɛ̀ gbòa?

Nyɛ̀nɛ̀ŋ 21:40

Wo kànà aŋ kààlòòɗùà nyaŋ nauŋ gè nyààŋ diɛŋ wèè wò gbòà, yèè wo Pɔɔ̀ naŋ sìè ke kùù kɛinyɛɛ̀ŋ diɛŋ wèè ko saaìŋ yèè wò naŋ mɛ̀ɛ̀mɛ̀ɛ̀ŋ maŋ kùàŋ koɓɛ̀ anyùùŋ nyaŋ. Nààŋ àŋ naŋ wa nɔ̀ŋ dìì tɔ̀ɔ̀ùŋ, wo Pɔɔ̀ naŋ gbòò ko nɛ̀ɛ̀ŋ nyiŋ niìŋ e Hiɓulù mieɛ̀ sùà, wɔŋ kàìŋ aŋ Hiɓulù nyaŋ.

Nyɛ̀nɛ̀ŋ 22:2

Nààŋ àŋ naŋ wa kòmò wo Pɔɔ̀ yaà gbùùyè ko nɛ̀ɛ̀ŋ nyiŋ niìŋ e Hiɓulù mieɛ̀ sùà, àŋ naŋ nɔ̀ŋ dìì tɔ̀ùŋ.

Nyɛ̀nɛ̀ŋ 26:14

Yàwi nààŋ gbiŋ naŋ sɔ̀ɔ̀ ko dììnaŋ, yèè mìŋ naŋ kòmò ke mìè nyùùŋ kè naim woò e Hiɓulù mieɛ̀ sùà wààŋ, ‘Sɔɔ̀, Sɔɔ̀, wèè kiìŋ mùŋ yààìm nìmila sùà? È yaà e kèì ɓàaɓàa wèè maim sumiàŋ!’

Hiɓu 13:12

Wèè esaɓù lɛɛ̀, àŋ naŋ wa gè wo Jisɛ̀ ko jawa gbeeì, auŋ jìwà, wèè maŋ sɛnùuŋ màŋ nyɛ̀nɛ̀ŋ anyùùŋ nyaŋ aŋ nɔ̀ŋ nɛɛmaŋ sùà.

Maŋ kèì nyɛɛnɛŋ 16:16

Aŋ jinàŋ nyaŋ naŋ gbònò aŋ kana nyàŋ koɓɛ̀ guùŋ koɓɛ̀ bà àŋ nyaaŋ ko Àmàgidɔ̀ɔ̀ŋ e Hiɓulù mieɛ̀ sùà.

Maŋ kèì nyɛɛnɛŋ 9:11

Wo kana nyiŋ nɔɔ̀ŋ nàŋ yaà wo màikàa sia e kèè wɔŋ golo zutùùɔŋ feìŋ wɔ. E deèuŋ nɛ̀ e Hiɓulù mieɛ̀ sùà nàŋ yaà Abadɔ̀ùŋ. E deèuŋ nɛ̀ e Guliì mieɛ̀ sùà nàŋ yaà wo Àponyɔ̀ŋ. E fàsàì tɛɛ̀ nàŋ yaà, “Wo Nyuùŋ Pɔ̀ɔ̀pɔ̀ɔ̀ Keì.”