Jɔ̀ɔŋ 19:19 - WƆŊ FƐ̀Ì EBÒ SÌÀŊ DAYÀA

¹⁹ Wo Paalè naŋ wa kpùùnyɛ̀ŋ wɔŋ fɛi kpuu wɔŋ vànèkpaaà wo Jisɛ̀ kpuunyaŋ wa diɛŋ wɔ̀ŋ wààŋ, “Wo Jisɛ̀ e yìwìà ko Naazɔ̀ɛ̀, wo Kànà aŋ Juùù nyaŋ.”

Jɔ̀ɔŋ 19:19 ပူးပေါင်းရင်းမြစ်များ

Maafiù 2:23

Yèè wo Jòòsɛ naŋ kɔ̀ɔ̀ ke kpoouŋ nɛɛ̀ŋ yèè àŋ naŋ jɛ̀ì ko jawaì àŋ nyaaŋ ko Naazɔ̀ɛ̀ lɛ. Tɛɛ̀ naŋ wa kaaìŋ wèè kɛ̀ e nyɛ̀nɛ̀ŋ e nɛ̀ɛŋ wo wɛ̀ijìɔ naŋ wa woò lɛ e hɛɛnɛ̀ŋ kɛ̀, “Àŋ douŋ nàŋ nyààŋ wo jɔ̀à kùmìàŋ ko Naazɔ̀ɛ̀.”

Maafiù 27:37

Àŋ naŋ wa kpùùnyɛ̀ŋ wɔŋ fɛ̀ì e tɔ̀ɔ̀màŋsèì ke sɔ̀ŋ yɛɛ̀ wɔŋ vànèkpaaà wo Jisɛ̀ diɛŋ nyààŋ, “Wo Jisɛ̀ wɛɛ̀, wo Kànà aŋ Juùù nyaŋ.”

Luù 18:37

Yèè anyùùŋ nyaŋ naŋ woò nyààŋ, “Wo Jisɛ̀ e yìwìà ko Naazɔ̀ɛ̀ nàŋ yaà màaŋ sùà.”

Luù 23:38

E sìnga wɔŋ fɛi kpuu diɛŋ sɛɛ wa wɔŋ vànèkpàà Jisɛ̀ɔ diɛŋ è naŋ woò wààŋ, “Wɛɛ̀ nàŋ yaà wo Kànà aŋ Juùù nyaŋ.”

Jɔ̀ɔŋ 1:49

Wo Nàntanyàŋ naŋ fàsàì wo Jisɛ̀ wààŋ, “Kààmɔɔŋ, muàŋ nàŋ yaà wo Jɔ̀àfèlàà Dayàa yèè wo Kanaà wèè ko Ezɔ̀ɛ̀.”

Jɔ̀ɔŋ 18:33

Wo Paalè naŋ kɛ̀ɛ̀ ko sààŋ gbèè kanaà yèè wò naŋ dàwè wo Jisɛ̀ wààŋ, “Muàŋ nàŋ yaà wo kànà aŋ Juùù nyaŋ?”

Jɔ̀ɔŋ 19:12

Nààŋ wo Paalè naŋ wa tɛɛ̀ kòmò, wò manaŋ wa kai wo dàngè wo Jisɛ̀ wo ka foo. Kɛɛ aŋ Juùù nyaŋ naŋ wa ngèè ɓɛìŋ kpààŋ sɛiŋ nyààŋ, “Sèè maŋ dàngè wo felaa wɛɛ̀ wo ka foo, kɛ̀ muŋ fè wò nyùùŋ mɔ̀ɔ̀nɔ̀ŋ Siisɔ̀, wò kànà fùɔ̀ŋ anyùùŋ Luùm nyaŋ! Wo nyùnɔ̀ɔŋ gbiŋ ɓemàŋ wuŋ bi wèè wo nɔ̀ŋ wo kana wɔ̀ wò yaà wo jòòuŋ koɓɛ̀ wo kànà fùɔ̀ŋ anyùùŋ Luùm nyaŋ.”

Jɔ̀ɔŋ 19:14

Tiiŋ zà è yaà wa naàŋ ebɛ̀ŋ e gɔɛɛ hàì ɗìò tɛɛ ke ɗɔɔ dìàmaàŋ wèè ke ɗɔ̀ɔ̀ wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ ke haì. Yèè wo Paalè naŋ wòò aŋ Juùù nyaŋ wààŋ, “Nyùùŋ nyɛɛ̀ŋ, wo kanaiŋ nɔɔ̀ŋ wɛɛ̀!”

Jɔ̀ɔŋ 19:21

Kpeiŋ aŋ kànà sìèfèìŋ zòòlo nyàŋ naŋ kɔ̀ koɓɛ̀ Paalèi yèè àŋ nauŋ woò nyààŋ, “Wèè kiìŋ mùŋ naŋ sìngè mààŋ wuŋ nàŋ yaà wo Kànà aŋ Juùù nyaŋ? Mùŋ he weè nàŋ sìngè mààŋ, ‘Wo felaa wɛɛ̀ wààŋ wuŋ nàŋ yaà wo Kànà aŋ Juùù nyaŋ.’ ”

Jɔ̀ɔŋ 19:3

Kpeiŋ àŋ nauŋ tɔ̀ɔ̀tù hììle àŋ yaà woo nyààŋ, “Jòòwò wiìŋ, wo Kànà aŋ Juùù nyaŋ!” Yèè àŋ naŋ kɔ̀ àŋ nauŋ bìè bìè maŋ fɛ̀ɛ̀.

Nyɛ̀nɛ̀ŋ 26:9

“Miàŋ bi mìŋ naŋ wa gongò kɛ̀ sɔɔ̀ ka wa nyɛ̀nɛ̀ŋ e yèɛ gbiŋ mìŋ kuwa wa ka nyɛ̀nɛ̀ŋ lɛ wèè ka pɔ̀ɔ̀pɔ̀ɔ̀ e dèè sìàŋ Jisɛ̀ɛ e yìwìà ko Naazɔ̀ɛ̀.

Nyɛ̀nɛ̀ŋ 3:6

Kɛɛ wo Pììlɛ nauŋ woò wààŋ, “Miŋ kuwà è nɛɛnɛŋ gbiŋ wèè kaum kiɛ̀ŋ, kɛɛ mìŋ doum nàŋ kìɛ̀ŋ e yèɛ mìŋ kuwa lɛ̀. E dèè Kanaà Jisɛ̀ Kulaìɛ diɛŋ e yìwìà ko Naazɔ̀ɛ̀ yewà dìì muŋ kaaìŋ!”