Jɔ̀ɔŋ 19:17 - WƆŊ FƐ̀Ì EBÒ SÌÀŊ DAYÀA

¹⁷ Nààŋ àŋ yaà kòasùà wo Jisɛ̀, àŋ nauŋ kìɛ̀ŋ wɔŋ vànèkpaauŋ nɔɔ̀ŋ wèè wo wuŋ koà. Kpeiŋ wò naŋ wuŋ kɔ̀ɔ̀ koɓɛ̀i àŋ nyaaŋ nyààŋ, “Koɓɛ̀ maŋ ɗì Kòkòi.” Àŋ nyaaŋ koɓɛ̀ bi e Hiɓulù mieɛ̀ sùà nyààŋ “Ko Gɔ̀ɔ̀gatɔ̀.”

Jɔ̀ɔŋ 19:17 ပူးပေါင်းရင်းမြစ်များ

Maafiù 10:38

Sèè nìŋ go ɓèmè wɔŋ vànèkpaaiŋ nɔɔ̀ŋ yèè naŋ dè kè kpèè miɛ̀ŋ màŋjɛ̀wɛ, kɛ̀ niŋ fè tɛ̀ɛ̀ wèè naŋ nɔ̀ŋ anyùùŋ màŋjɛ̀wɛ̀im.

Maafiù 16:24

Kpeiŋ wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Sèè wo nyùùŋ gbiŋ manaŋ wèè woim dè maŋjɛ̀wɛ, sɔɔ̀ wo gììyà wuŋ bi maŋhɛɛ, wo ɓèmè wɔŋ vànèkpaauŋ nɔɔ̀ŋ, yèè woim dè maŋjɛ̀wɛ.

Maafiù 27:37

Àŋ naŋ wa kpùùnyɛ̀ŋ wɔŋ fɛ̀ì e tɔ̀ɔ̀màŋsèì ke sɔ̀ŋ yɛɛ̀ wɔŋ vànèkpaaà wo Jisɛ̀ diɛŋ nyààŋ, “Wo Jisɛ̀ wɛɛ̀, wo Kànà aŋ Juùù nyaŋ.”

Luù 14:27

Wo nyùùŋ gbiŋ fè ɓɛ̀nɛ̀ŋ nɔ̀ŋ wò nyùùŋ màŋjɛ̀wɛ̀im sɔɔ̀ nɔŋ wo ɓèmè wɔŋ vànèkpaauŋ nɔɔ̀ŋ woim dè maŋjɛ̀wɛ.

Luù 23:26

Nààŋ aŋ kààlòòɗùà nyaŋ yaà wa kòasùà wo Jisɛ̀, àŋ naŋ kùwò wo felaa bà àŋ nyaaŋ Saimɔ̀ŋ wò yaà wa yìwìè ko ɓùuŋ noo. Wò yaà wa wo nyùùŋ ko jawa gbeeì àŋ nyaaŋ Sàlinìŋ. Àŋ nauŋ kìɛ̀ŋ wɔŋ vànèkpaaà wèè wo koà wuŋ wo Jisɛ̀ maŋjɛ̀wɛ.

Luù 23:33

Nààŋ àŋ naŋ wa hnè koɓɛ̀i àŋ nyaaŋ nyààŋ “Koɓɛ̀ maŋ Ɗì Kòkòi,” kuŋ àŋ naŋ wa jìwìyè wo Jisɛ̀ wɔŋ vànèkpaaà diɛŋ, e hààwè anyùùŋ wùà tìyèe nyàŋ. Wò guùŋ yàaùŋ wa wɔŋ kùàŋ jìka yèè wò guùŋ yàaùŋ wɔŋ kùàŋ gbɔnɔŋ maŋ je nyiŋ vànèkpaa màŋ diɛŋ.

Luù 23:38

E sìnga wɔŋ fɛi kpuu diɛŋ sɛɛ wa wɔŋ vànèkpàà Jisɛ̀ɔ diɛŋ è naŋ woò wààŋ, “Wɛɛ̀ nàŋ yaà wo Kànà aŋ Juùù nyaŋ.”

Luù 9:23

Kpeiŋ wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Sèè wo nyùùŋ gbiŋ manaŋ wèè woim dè maŋjɛ̀wɛ, sɔɔ̀ wo gììyà wuŋ bi maŋhɛɛ, wo nyɛ̀ɛ̀nɛ̀ŋ e kèè wɔŋ bi, wo ɓèmè wɔŋ vànèkpaauŋ nɔɔ̀ŋ ke ɗɔɔ gbiŋ, woim dè maŋjɛ̀wɛ.

Jɔ̀ɔŋ 19:13

Nààŋ wo Paalè naŋ kòmò e yèɛ anyùùŋ nyaŋ yaà wa woo lɛ̀, wò naŋ fùlìè wo Jisɛ̀ ko nɛ̀ɛ̀ŋ nyiŋ niìŋ yèè wò naŋ jɛ̀ì ke kpùà kanauŋ nɛɛ̀ŋ diɛŋ koɓɛ̀i àŋ nyaaŋ nyààŋ “Koɓɛ̀ le Zààmàiŋ.” E Hiɓulù mieɛ̀ sùà nyààŋ “Ko Gabatà.”

Jɔ̀ɔŋ 5:2

Ko jawa gbeeì ko Jùlusɛ̀làm, ko pàtà yaào wa ko yèi kuwa wa e wùìyè. Anyùùŋ guuyà wa e wùìyè bi sùà e gbɛ̀ɛ̀ wɔŋ gbàngì aŋ ɓaawaa nyàŋ, yèè koɓɛ̀ bi kuwa wa maŋ tàamàŋ jɛ̀i e ɗì nɔɔnɔŋ. E dèè koɓɛ̀ bi e Hiɓulù mieɛ̀ sùà nàŋ yaà wa ko Bɛ̀zatà.

Nyɛ̀nɛ̀ŋ 7:58

auŋ gɔ̀ɛ̀ɛ̀ dìì auŋ gè ko jawa gbeeì yèè àŋ nauŋ tɔ̀ɔ̀tù hɔ̀wa. Aŋ sèì nyaŋ naŋ wa gè maŋ kùmà gbeegbèè nyiŋ màŋ yèè àŋ naŋ miŋ jùùyè wo kɔmɔŋjɔa bɔwɔ bà aŋ nyaaŋ wo Sɔɔ̀.