Jɔ̀ɔŋ 19:11 - WƆŊ FƐ̀Ì EBÒ SÌÀŊ DAYÀA

¹¹ Wo Jisɛ̀ naŋ fasàì wààŋ, “Sèè wo Dayà gòum weè kìɛ̀ŋ è gààaŋ, muŋ naàim weè ɓɛ̀nɛ̀ŋ kpùùnyàŋ wɔ̀ŋ vànèkpaaà diɛŋ. Kɛɛ wo nyùnɔ̀ɔŋ naim mààŋ ko nɛ̀ɛ̀ŋ muìŋ wɔ nàŋ kanaŋ e jùumù gbeeɛ̀.”

Jɔ̀ɔŋ 19:11 ပူးပေါင်းရင်းမြစ်များ

Maafiù 26:65

Wo Kànà Sìèfèìŋ Zòòlo Gbeeɔ̀ naŋ sɛ̀ɛ̀ wɔŋ kùmà wuŋ biɔ̀ yèè wò naŋ woò wààŋ, “Wo felaa wɛɛ̀ pɔ̀ɔ̀ wo Dayà ɓɛ̀ɛ! Wò naŋ ɓèmè wuŋ bi wèè yaà wo Dayà aŋ seenè. E manàìŋ ɓɛìŋ aŋ seì joo bà gbiŋ! Nàŋ kòmàŋ maŋ mìè ɓɛ̀ɛ̀ pɔ̀ɔuŋ màŋ koɓɛ̀ Dayài.

Maafiù 27:2

Àŋ naŋ sìè wo Jisɛ̀ maŋ jɔ̀ɔɔ, auŋ koà, yèè àŋ nauŋ tùlìè wo Paalè, wo kànà anyùùŋ ko Luùm nyaŋ.

Maafiù 6:13

Ɓɔ̀ mùŋ koà wi è wàa nyìnga dìì, kɛɛ yɛ̀mɛ̀ wi diɛŋ e yìwìà koɓɛ̀ wo Nyùùŋ kɛ̀ɛ̀nɛ̀ŋ ke Kpèè Naanààaŋ. Esaɓù kɛ̀ muàŋ nàŋ kanaŋ e kanaà, yèè e gààaŋ, yèè e jòòwoɛ̀ wèè julɔfɔ. Àmiinàŋ.’

Luù 22:53

Maŋ ɗɔɔ màŋ gbiŋ mìŋ yààìŋ wa e tɛɛ ko Saaŋ Zòòlò Dayài, yèè niŋ gòim wa kùwà. Kɛɛ e jeiŋ e teengaà lɛɛ̀, yèè e gààŋ ke nyìwìɛ kuwa e tomo.”

Jɔ̀ɔŋ 18:13

Àŋ naŋ wa kɔ̀ɔ̀ wo Jisɛ̀ koɓɛ̀ Anàiŋ wuŋ jiɛ̀, wo dèmààŋ Kaifɔ̀ɔ, wo Kànà Sìèfèìŋ Zòòlo Gbeeɔ̀ wɔŋ doa wiiŋ.

Jɔ̀ɔŋ 18:3

Nààŋ wo Juɗà naŋ wa jɔ̀ɔ̀ e ɗààhiì wèè wo maàŋ wo Jisɛ̀, wò naŋ wa kɔ̀ ko kpòkpòi. Kɛɛ wò naŋ wa kɔ̀ɔ̀ ke gbòò aŋ kààlòòɗùà Luùm nyaŋ bà, yèè anyuùŋ tùnìàŋ ke Saaŋ Zòòlò Dayà nyaŋ bà, aŋ yè nyaŋ aŋ kànà sìèfèìŋ zòòlo nyàŋ yèè Fɛlosiì nyaŋ naŋ wa tùɔ̀ŋ wèè aŋ kùwà wo Jisɛ̀. Nààŋ àŋ yaà wa kɔɔyɛ, àŋ naŋ kɔ̀ɔ̀ maŋ sìngà mɛ̀ɛŋ, maŋ laumpò, yèè manɛ̀ŋ sùmiaŋ ko kààmè Jisɛ̀.

Jɔ̀ɔŋ 19:10

Yèè wo Paalè nauŋ woò wààŋ, “Wèè kiìŋ muŋ manàŋ mùŋ doim gbòà kɔɔ? Muŋ nyimààŋ kɛ̀ mìŋ kuwa è gààaŋ wèè kaum dangè maŋ ka foo ɔ̀ɔ̀ mìŋ kuwa e gààaŋ wèè kaum jìwìà wɔ̀ŋ vànèkpaaà diɛŋ?”

Jɔ̀ɔŋ 3:27

Wo Jɔ̀ɔŋ naŋ nyiŋ fasàì wààŋ, “E keì mààŋ tɛɛ̀ fè ɓɛ̀nɛ̀ŋ kàaiŋ kòɓɛ̀ wò nyùùŋ gbiŋ sɔɔ̀ wo Dayà e yìwìà ko àìjɛnɛ̀ŋ wouŋ gè nyààŋ diɛŋ.

Jɔ̀ɔŋ 7:30

Anyùùŋ nyaŋ bà nyiŋ manaŋ wa auŋ kùwà ko fɛɛ̀feìŋ. Kɛɛ wo nyùùŋ gbiŋ gòuŋ wa mɛnlɛ̀ɛ̀ŋ, esaɓù kɛ̀ e tèèngà fàauŋ nɛ̀ kòò è hàì wa.

Jɔ̀ɔŋ 9:41

Wo Jisɛ̀ naŋ nyiŋ fasàì wààŋ, “Sèè nìŋ nɔ̀ŋ weè anyuùŋ zììlè le fɛ̀ɛ̀, e keì naàìŋ weè jeè wèè màŋ jùumù maŋ nìŋ naŋ nyɛ̀nɛ̀ŋ maŋ. Kɛɛ nààŋ nìŋ naŋ woò nààŋ nìŋ yɛmɛ̀ dìì lɛ, nìŋ do nàŋ nɔ̀ŋ anyuùŋ jèè keì wèè maŋ jùumùiŋ màŋ.”

Nyɛ̀nɛ̀ŋ 2:23

Wo Dayà wuŋ bi naŋ wa jàà esaɓù titi ɓula e kìlà wò naŋ kìlè wo Kanaà Jisɛ̀ ko nɛ̀ɛ̀iŋ niìŋ. Kpeiŋ nìŋ nauŋ kùwò yèè nìŋ nauŋ kìɛ̀ŋ koɓɛ̀ anyùùŋ maŋ tùwo naanààŋ wèè aŋ jiwìàuŋ wɔŋ vànèkpaaà diɛŋ.

Nyɛ̀nɛ̀ŋ 3:13

Wo Dàyà Eɓulɔhɛɛ̀ɔŋ, wo Ààze yèè wo Jègɔ, wo Dàyà aŋ nèwàènèwe wi nyàŋ naŋ wa kìɛ̀ŋ e dɛ̀ɛ̀kɛ yèè e jòòwo gbee koɓɛ̀ wo Ɓɔìjɔ̀àuŋ nɔɔ̀ŋ Jisɛ̀. Kɛɛ nìŋ nauŋ wa kìlè koɓɛ̀ anyùùŋ gbèègbèè fuɔɔ̀ŋ wèè auŋ jìwà, yèè nìŋ nauŋ wa gììyè maŋhɛɛ wo Paalè ko fɛɛ̀feìŋ, jòòpɛɛ wo Paalè naŋ wa ɗewè wèè wouŋ wa dangè wo ka foo.

Nyɛ̀nɛ̀ŋ 4:28

Àŋ naŋ wa deenè wèè aŋ nyɛ̀nɛ̀ŋ e yèɛ gbiŋ kɛ̀ muàŋ e yìwìà e gaàŋ mɔ̀ɛ̀ sùà mùŋ naŋ wa naàŋ ɗewè tɛ wèè e kaaìŋ lɛ.

Luùm 11:36

Tɔɔɓaa wo Dayà naŋ wa bànè manɛ̀ŋ maŋ gbiŋ. Wuŋ nàŋ kuwa e gàaŋ manɛ̀ŋ maŋ gbiŋ diɛŋ. E jòòwo nɔ̀ŋ koɓɛ̀ Dayài wèè julɔfɔ. Àmiinàŋ.

Luùm 13:1

Anyùùŋ nyaŋ gbiŋ maŋ nyiiŋ gèe nyiŋ màŋ sùà, kuwa aŋ jɔ̀ɔ̀lɔ̀ aŋ kànà fuɔŋ nyiŋ nyàŋ dìì. Wo Dayà nɔŋ nàŋ kiɛ̀ŋ wo nyùùŋ gbiŋ e gààŋ kana kɛ̀ɛ.

Jìiiŋ 1:17

Manɛ̀ŋ siaŋ màŋ gbiŋ è kùwàìŋ maŋ, wo Dayà nàŋ kiɛ̀ŋ wì miìŋ. Wo Dayàa yèɔ naŋ bànè manɛ̀ŋ maŋ kiɛ̀ŋ e gbolòùŋ lɛ e yìwìà ke nyiliɛ̀, wuŋ nàŋ kiɛ̀ŋ wì manɛ̀ŋ siaŋ. Wo Dayà fè vɔɔnɔ̀ŋ, yèè wo fè wi jùùyà kè nyìwì sùà.

Jìiiŋ 4:17

Wèètii wo nyùnɔ̀ɔŋ gbiŋ naŋ nyìmè e keì sìàaŋ wò nyɛnɛŋ lɛ̀ yèè wo gò niŋ nyɛ̀nɛ̀ŋ wɔ è yaà e jùumù ko nɛ̀ɛ̀uŋ niìŋ.