Jɔ̀ɔŋ 18:8 - WƆŊ FƐ̀Ì EBÒ SÌÀŊ DAYÀA

⁸ Yèè wo Jisɛ̀ naŋ nyiŋ ɓɛìŋ woò wààŋ, “Kàiŋ niŋ woò tɛ kɛ̀ miàŋ nàŋ yaà wo Jisɛ̀. Weètii, sèè mààŋ miàŋ nìŋ yaà kaame, kɛ̀ dàngeìŋ anyuùŋ gbànaŋ nyɛɛ̀ŋ aŋ ka.”

Jɔ̀ɔŋ 18:8 ပူးပေါင်းရင်းမြစ်များ

Maafiù 26:56

Kɛɛ e nɛ̀ɛŋ wɔŋ fɛ̀ì Dayàa naŋ woò lɛ kuwa e hɛɛnɛ̀ŋ nààŋ aŋ wɛ̀ijì nyaŋ naŋ niŋ wa sìngè lɛ.” Kpeiŋ anyùùŋ màŋjɛ̀wɛ̀uŋ nyàŋ gbiŋ nauŋ ɓàà e kɔɔ aŋ dùàŋ auŋ jòà.

Jɔ̀ɔŋ 10:28

Yèè mìŋ do nyiŋ nàŋ kìɛ̀ŋ wɔŋ nyiiŋ gèe gò jùà, yèè kɛ̀ aŋ naàŋ wa nàwèè ɓɛìŋ fɔ̀. Wo nyùùŋ gbiŋ fèim nyiŋ ɓɛ̀nɛ̀ŋ gè kò sìwè.

Jɔ̀ɔŋ 13:1

È naŋ wa naàŋ jòò ke ɗɔ̀ɔ̀ guùŋ paŋgàà wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ wɔŋ haì. Wo Jisɛ̀ wa nyìmàŋ kɛ̀ e teengaà wa naàŋ haì wèè wo jòà e ɗuunyaŋ lɛɛ̀ wèè wo kɛ̀ɛ̀ ko àìjɛnɛ̀ŋ koɓɛ̀ wo Dèdauŋ nɔɔ̀ŋ. Wò naŋ wa tɔ̀ɔ̀ e mànaŋ koɓɛ̀ anyùùŋ màŋjɛ̀wɛ̀uŋ nyàŋ e ɗuunyaŋ lɛɛ̀, yèè wò naŋ nyiŋ wa tɔ̀ɔ̀ e mànaŋ bi paŋgàà wò jòà wa e ɗuunyaàŋ.

Jɔ̀ɔŋ 13:36

Wo Saimɔŋ Piilɛ̀ naŋ dawè wààŋ, “Kanaà, kòò mùŋ yaà kɔɔyɛ?” Wo Jisɛ̀ naŋ fasàì wààŋ, “Niŋ fèim naàŋ ɓɛ̀nɛ̀ŋ dè màŋjɛ̀wɛ, kɛɛ sèè e teenga bà è maaŋ, kɛ̀ nàim dè maŋjɛ̀wɛ.”

Jɔ̀ɔŋ 16:32

Wo Jisɛ̀ naŋ ɓɛìŋ woò wààŋ, “E teenga kòò è yaà hinie, yèè ngèè kòò è yaà naàŋ kià tɛ. Nyɛ̀iŋ nààŋ gbiŋ nìŋ do nàŋ dùɔ̀ŋ naŋ ɓaayè. Nyɛ̀iŋ nààŋ gbiŋ nìŋ doim nàŋ jòò miàŋ guùŋ naŋ kɛ̀ɛ̀ maŋ jawaiŋ màŋ sùà guùŋ guùŋ. Kɛɛ wo Dèda miɔ̀ŋ doim nàŋ nɔ̀ŋ kɔɔ, weètii miŋ naào nɔ̀ŋ miàŋ guùŋ kpò.

Jɔ̀ɔŋ 18:7

Yèè wo Jisɛ̀ naŋ nyiŋ ɓɛìŋ dawè wààŋ, “Ɓòò nìŋ yaà kaame?” Yèè àŋ naŋ ɓɛìŋ fàsàì wo Jisɛ̀ nyààŋ, “È yààìŋ kààmè wo Jisɛ̀ e yìwìà ko Naazɔ̀ɛ̀.”

Jɔ̀ɔŋ 18:9

Wo Jisɛ̀ naŋ wa tɛɛ̀ woò wèè e nyɛ̀nɛ̀ŋ e yèɛ wò naŋ wa woò lɛ e hɛɛnɛ̀ŋ, nààŋ wò naŋ wa woò wààŋ, “Dèda, aŋ yè nyaŋ mùŋ naim wa kiɛ̀ŋ nyaŋ, mìŋ naŋ nyiŋ wa yɛ̀mɛ̀ diɛŋ e yìwìà e gààaŋ mùŋ naim wa kiɛ̀ŋ lɛ sùà. Mìŋ naŋ nyiŋ wa gbònò koɓɛ̀ guùŋ, yèè wo bà gbiŋ gò wa go.”

1 Kɔliìŋ 10:13

E wàa gbiŋ mùŋ naŋ jàà jii kɛ̀ mùŋ naŋ kɔ̀ dìì lɛ, tii nàŋ yaà e wàa ziìɛ è hnàŋ wa koɓɛ̀ nyùùŋ gbiŋ lɛ̀. Kɛɛ wo Dayà yɛmɛ̀ e ɗààhiìuŋ nɛ̀ diɛŋ, yèè wo naàŋ dangè wèè è jɛwɛ̀ gɛ̀ɛ̀ɛ nìnyaum è yèɛ mùŋ fè ɓɛnɛ̀ŋ lɛ eum hnàŋ feìŋ. Wò doum nàŋ kìɛ̀ŋ e gààaŋ wèè maŋ niŋ kà dìì, yèè woum tɔ̀ɔ̀ ke dòmaŋ wèè maŋ niŋ fòlà sùà.

2 Kɔliìŋ 12:9

Kɛɛ wò naŋ fasàì wààŋ, “E kìɛŋ tɛ̀ɛ̀tɛ̀ɛ̀ mɛ̀ nɔŋ mùŋ kuwa maŋ kɛɛnɛ̀ŋ, yèè e gaàŋ mɛ̀ nàŋ yaà e gbeeɛ̀ sèè mùŋ yɔkpɔ̀.” Kpeiŋ kɛ̀ ke jii kèim fà wèè ka kɛ̀ɛ̀ maŋ nyòngà wèè e yɔ̀kpɔ mɛ̀, e wèè ka yɛ̀mɛ̀ e gààŋ Jisɛ̀ Kulaìɛ yɛmɛ̀ nyùùŋ diɛŋ lɛ̀ ko diɛim.

Ɛfesɔ̀ 5:25

Felaa kùwìè jɔùŋ nyaŋ, mànaìŋ aŋ jawèiŋ nyàŋ màànààŋ wo Jisɛ̀ Kulaì naŋ mɔ̀nɔ̀ŋ ke gbòò anyuùŋ hààwe nyàŋ e jèèsùà wo fè wɔŋ nyiiuŋ nɔɔ̀ŋ e weè nyiŋ lɛ̀.

1Pììlɛ 5:7

Jùùya nìuŋ maŋ haamiiŋ màŋ gbiŋ esaɓù kɛ̀ wò naŋ kpɛɛ̀ŋ weèiŋ.