Jɔ̀ɔŋ 18:35 - WƆŊ FƐ̀Ì EBÒ SÌÀŊ DAYÀA

³⁵ Wo Paalè naŋ fasàì wààŋ, “Màŋ nyìmàŋ kɛ̀ miŋ fè wò Juùù. Anyùùŋ muàŋ bi nyàŋ yèè aŋ kànà sìèfèìŋ zòòlo nyàŋ naum hìɛ̀ŋ ko nɛ̀ɛ̀ŋ miìŋ. Kiìŋ mùŋ naŋ nyɛ̀nɛ̀ŋ?”

Jɔ̀ɔŋ 18:35 ပူးပေါင်းရင်းမြစ်များ

Jɔ̀ɔŋ 18:28

È yaà wa maŋ nyiìŋ tɛ̀tɛ̀ wɔŋ niìsìaà bàa, àŋ naŋ gè wo Jisɛ̀ ko gbòò Kaifɔ̀, yèè àŋ nauŋ kɔ̀ɔ̀ ko sààŋ gbèè kanaà Paalè, wo kànà anyùùŋ ko Luùm nyaŋ. Kɛɛ anyùùŋ nyaŋ gbiŋ naŋ wa sìè ko jɔɔlèe ko fulieuŋ. Sèè wo bà gbiŋ woo wa weè jɔ̀à, wò naàŋ wa weè nɔ̀ŋ è zɛ̀nɛuŋ wèè wo jè e nɛ̀ŋjè wɔ̀ŋ Ɗaa Gèe Hɔ̀ɛ̀ɛ̀ŋ Diɛɔ̀ŋ.

Jɔ̀ɔŋ 18:34

Wo Jisɛ̀ nauŋ fasàì wààŋ, “Muàŋ bi nàŋ yaà dààwè wɔŋ mààŋdàwè wɛɛ̀ŋ, ɔ̀ɔ̀ wo nyùùŋ bà naum wòò e kiim?”

Jɔ̀ɔŋ 18:36

Yèè wo Jisɛ̀ naŋ woò wààŋ, “E kana mɛ̀ fè wèè ànyùùŋ nyaŋ è ɗuunyaŋ lɛɛ̀. Sèè è nɔ̀ŋ yɛi weè, anyùùŋ màŋjɛ̀wɛ̀im nyàŋ henàŋ sòmò wèè aŋ ɓɔìjɔ̀àiŋ nyàŋ goim weè nàŋ hìɛ̀ŋ koɓɛ̀ anyùùŋ gbèègbèè aŋ Juùù nyaŋ. Kɛɛ e kana mɛ̀ fè wèè ànyùùŋ nyaŋ è ɗuunyaŋ lɛɛ̀.”

Jɔ̀ɔŋ 19:11

Wo Jisɛ̀ naŋ fasàì wààŋ, “Sèè wo Dayà gòum weè kìɛ̀ŋ è gààaŋ, muŋ naàim weè ɓɛ̀nɛ̀ŋ kpùùnyàŋ wɔ̀ŋ vànèkpaaà diɛŋ. Kɛɛ wo nyùnɔ̀ɔŋ naim mààŋ ko nɛ̀ɛ̀ŋ muìŋ wɔ nàŋ kanaŋ e jùumù gbeeɛ̀.”

Jɔ̀ɔŋ 19:6

Nààŋ aŋ kànà sìèfèìŋ zòòlo nyàŋ yèè anyuùŋ tùnìàŋ ke Saaŋ Zòòlò Dayàa naŋ yɛ̀mɛ̀ wo Jisɛ̀, àŋ naŋ kpààŋ sɛiŋ nyààŋ, “Jìwiàuŋ wɔŋ vànèkpaaà diɛŋ! Jìwiàuŋ wɔŋ vànèkpaaà diɛŋ!” Wo Paalè naŋ nyiŋ woò wààŋ, “Kòa nùuŋ nyɛiŋ bi niŋ jiwìàuŋ wɔŋ vànèkpaaà diɛŋ. Esaɓù kɛ̀ miŋ gò yɛ̀mɛ̀ kè sàwàa wò naŋ pɔɔ̀ yɛ wèè kauŋ jèè è keì.”

Nyɛ̀nɛ̀ŋ 21:38

Muàŋ nàŋ fè wò nyùùŋ Ijèɔ wò yèɔ naŋ wa dàà kè gboà gbeeɛ̀ yèè mùŋ naŋ kɔ̀ɔ̀ anyuùŋ jìwà nyùùŋ tààsùùŋ tiinàŋ (4,000) kè fòùngà e diì wòaà sùà?”

Nyɛ̀nɛ̀ŋ 23:29

Mìŋ naŋ nyɛ̀nɛ̀ŋ maŋ nɔnɔŋ tùaŋ, kɛɛ miŋ gò yɛ̀mɛ̀ è keìɛ wò naŋ nyɛ̀nɛ̀ŋ lɛ wèè wo yɛ̀mɛ̀ fàa ɔ̀ɔ̀ wèè auŋ pɛɛ gbìàŋ kò sààŋ nyìwì. E keìɛ àŋ nauŋ gbùwò ɗì lɛ e nyaàiŋ naŋ dè maŋ sàwà nyiŋ màŋ.

Nyɛ̀nɛ̀ŋ 3:13

Wo Dàyà Eɓulɔhɛɛ̀ɔŋ, wo Ààze yèè wo Jègɔ, wo Dàyà aŋ nèwàènèwe wi nyàŋ naŋ wa kìɛ̀ŋ e dɛ̀ɛ̀kɛ yèè e jòòwo gbee koɓɛ̀ wo Ɓɔìjɔ̀àuŋ nɔɔ̀ŋ Jisɛ̀. Kɛɛ nìŋ nauŋ wa kìlè koɓɛ̀ anyùùŋ gbèègbèè fuɔɔ̀ŋ wèè auŋ jìwà, yèè nìŋ nauŋ wa gììyè maŋhɛɛ wo Paalè ko fɛɛ̀feìŋ, jòòpɛɛ wo Paalè naŋ wa ɗewè wèè wouŋ wa dangè wo ka foo.