Jɔ̀ɔŋ 18:28 - WƆŊ FƐ̀Ì EBÒ SÌÀŊ DAYÀA

²⁸ È yaà wa maŋ nyiìŋ tɛ̀tɛ̀ wɔŋ niìsìaà bàa, àŋ naŋ gè wo Jisɛ̀ ko gbòò Kaifɔ̀, yèè àŋ nauŋ kɔ̀ɔ̀ ko sààŋ gbèè kanaà Paalè, wo kànà anyùùŋ ko Luùm nyaŋ. Kɛɛ anyùùŋ nyaŋ gbiŋ naŋ wa sìè ko jɔɔlèe ko fulieuŋ. Sèè wo bà gbiŋ woo wa weè jɔ̀à, wò naàŋ wa weè nɔ̀ŋ è zɛ̀nɛuŋ wèè wo jè e nɛ̀ŋjè wɔ̀ŋ Ɗaa Gèe Hɔ̀ɛ̀ɛ̀ŋ Diɛɔ̀ŋ.

Jɔ̀ɔŋ 18:28 ပူးပေါင်းရင်းမြစ်များ

Maafiù 27:27

Kpeiŋ aŋ kààlòòɗùà Paalè nyaŋ naŋ kɔ̀ɔ̀ wo Jisɛ̀ ko sààŋ gbèè kanaà, yèè àŋ kààlòòɗùà gbànaŋ nyàŋ gbiŋ nauŋ gbònò kɔɔ.

Luù 22:66

Nààŋ e nììɛ naŋ sìè, aŋ màmànkùmɛ̀ŋ fuɔɔ̀ŋ, aŋ kànà sìèfèìŋ zòòlo nyàŋ, yaà aŋ kààmɔ̀ɔ̀ŋ maŋ Sàwà Dayà nyaŋ naŋ dèènè koɓɛ̀ guùŋ, yèè àŋ naŋ hìɛ̀ŋ wo Jisɛ̀ anyùùŋ gbèègbèè aŋ Juùù nyaŋ fɛɛ̀feìŋ.

Jɔ̀ɔŋ 11:55

È naŋ wa naàŋ jòò maŋ ɗɔɔ kpàa wèè aŋ Juùù nyaŋ aŋ gè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ. Anyuùŋ zimgbe naŋ wa yèwè maŋ tiwi jawa màŋ sùà yèè àŋ naŋ hnè ko Jùlusɛ̀làm wèè aŋ banebànè nyiŋ bi e làngì zòòlo nyiŋ nɛ̀ sùà wèè aŋ nɔ̀ŋ zɛ̀nɛŋ nyiŋ paŋgàà wɔŋ ɗaaà wɔ̀ŋ haì.

Jɔ̀ɔŋ 18:13

Àŋ naŋ wa kɔ̀ɔ̀ wo Jisɛ̀ koɓɛ̀ Anàiŋ wuŋ jiɛ̀, wo dèmààŋ Kaifɔ̀ɔ, wo Kànà Sìèfèìŋ Zòòlo Gbeeɔ̀ wɔŋ doa wiiŋ.

Jɔ̀ɔŋ 18:15

Wo Saimɔŋ Piilɛ̀ yaà wo nyùùŋ màŋjɛ̀wɛ̀ɔ bà guùŋ naŋ dè wo Jisɛ̀ maŋjɛ̀wɛ. Wo Kànà Sìèfèìŋ Zòòlo Gbeeɔ̀ wa nyìmàŋ wo nyùùŋ màŋjɛ̀wɛ̀ bi tɛ̀ɛ̀ kaiŋ, yèè wò naŋ jèè wo Jisɛ̀ maŋjɛ̀wɛ aŋ jɔ̀ɔ̀yɛ̀ wɔŋ gbàngiɔ̀ sùà aŋ kà ko jɔ̀ɔ̀lègbèè wɔŋ gbòòkùàŋ wo kànà sìèfèìŋ zòòlo gbeeɔ̀,

Jɔ̀ɔŋ 18:33

Wo Paalè naŋ kɛ̀ɛ̀ ko sààŋ gbèè kanaà yèè wò naŋ dàwè wo Jisɛ̀ wààŋ, “Muàŋ nàŋ yaà wo kànà aŋ Juùù nyaŋ?”

Jɔ̀ɔŋ 18:39

Wɔŋ doa gbiŋ e tèèngà wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ, è yaà wa e langi wèè wo Paalè wo gè wo nyùùŋ guùŋ ko sààŋ nyìwì wo yèɔ anyùùŋ nyaŋ manaŋ wa wɔ̀. Nààŋ e faaàŋ naŋ wa gbònò koɓɛ̀ guùŋ, wo Paalè naŋ nyiŋ dawè wààŋ, “Nìŋ manaŋ wèè ka dàngè wo kànà aŋ Juùù nyaŋ weèiŋ?”

Jɔ̀ɔŋ 19:11

Wo Jisɛ̀ naŋ fasàì wààŋ, “Sèè wo Dayà gòum weè kìɛ̀ŋ è gààaŋ, muŋ naàim weè ɓɛ̀nɛ̀ŋ kpùùnyàŋ wɔ̀ŋ vànèkpaaà diɛŋ. Kɛɛ wo nyùnɔ̀ɔŋ naim mààŋ ko nɛ̀ɛ̀ŋ muìŋ wɔ nàŋ kanaŋ e jùumù gbeeɛ̀.”

Jɔ̀ɔŋ 19:14

Tiiŋ zà è yaà wa naàŋ ebɛ̀ŋ e gɔɛɛ hàì ɗìò tɛɛ ke ɗɔɔ dìàmaàŋ wèè ke ɗɔ̀ɔ̀ wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ ke haì. Yèè wo Paalè naŋ wòò aŋ Juùù nyaŋ wààŋ, “Nyùùŋ nyɛɛ̀ŋ, wo kanaiŋ nɔɔ̀ŋ wɛɛ̀!”

Jɔ̀ɔŋ 19:9

Yèè wò naŋ ɓɛìŋ kɛ̀ɛ̀ ko sààŋ gbèè kanaà yèè wò naŋ dàwè wo Jisɛ̀ wààŋ, “Kòò mùŋ yewe?” Kɛɛ wo Jisɛ̀ gòuŋ wa fasàì.

Nyɛ̀nɛ̀ŋ 10:28

Wo Pììlɛ naŋ nyiŋ woò wààŋ, “Nàŋ nyìmàŋ kɛ̀ è yaà ke sàwà kɛ̀ yàwi nààŋ Juùù nyaŋ e yìwìà wɔŋ fùɔ̀ŋ Jùdiàa yaà anyùùŋ nyaŋ fè àŋ Juùù nyaŋ ɓɔ̀ àŋ kpulià kè nyɛ̀nɛŋ ɔ̀ɔ̀ eiŋ nyiŋ jaamè. Kɛɛ wo Dayà wòim tɔɔ̀ kɛ̀ wo gò gongò kɛ̀ wò nyùùŋ gbiŋ fè zɛ̀nɛuŋ ɔ̀ɔ̀ wo fè tɛ̀ɛ̀.

Nyɛ̀nɛ̀ŋ 10:32

Weètii tuàŋ wo nyùùŋ ko Jɔpà ko gbòò wo kenàŋ bà àŋ nyaaŋ Saimɔ̀ŋ Piilɛ̀. Wò yaà wo nyùùnèènyɛiŋ ko gbòò kenàŋ bà àŋ nyaaŋ Saimɔ̀ŋ, wo nyuùŋ tòòmò maŋ fɛ̀ì yilì wèè manɛ̀ŋ bàneɔ̀, wo yèɔ joà wɔŋ juwoɔ̀ kɔɔ wɔ̀.’

Nyɛ̀nɛ̀ŋ 11:3

“Mùŋ naŋ mɛ̀iŋ kɔ̀ maŋ gbòòkùàŋ anyùùŋ nyaŋ fè àŋ Juùù aŋ yè nyaŋ fè kpùa jàa nyàŋ yèè nyɛ̀iŋ nyiŋ naŋ jììyè e nɛ̀ŋje koɓɛ̀ guùŋ!”

Nyɛ̀nɛ̀ŋ 3:13

Wo Dàyà Eɓulɔhɛɛ̀ɔŋ, wo Ààze yèè wo Jègɔ, wo Dàyà aŋ nèwàènèwe wi nyàŋ naŋ wa kìɛ̀ŋ e dɛ̀ɛ̀kɛ yèè e jòòwo gbee koɓɛ̀ wo Ɓɔìjɔ̀àuŋ nɔɔ̀ŋ Jisɛ̀. Kɛɛ nìŋ nauŋ wa kìlè koɓɛ̀ anyùùŋ gbèègbèè fuɔɔ̀ŋ wèè auŋ jìwà, yèè nìŋ nauŋ wa gììyè maŋhɛɛ wo Paalè ko fɛɛ̀feìŋ, jòòpɛɛ wo Paalè naŋ wa ɗewè wèè wouŋ wa dangè wo ka foo.

Nyɛ̀nɛ̀ŋ 4:27

Kanaà, è nyìmàŋ kɛ̀ e yèɛ mùŋ naŋ wa woò lɛ è yaà tɔɔɓaa. Wo Hɛɛlɔ̀ yaà wo Pɔuŋtiɔ̀ Paalè naŋ dèènè koɓɛ̀ guùŋ e kpùlìà anyùùŋ nyaŋ fè àŋ Juùù nyaŋ yaà anyùùŋ Ezɔ̀ɛ̀ nyaŋ wèè aŋ nyɛ̀nɛ̀ŋ e ɗèwe naanààŋ koɓɛ̀ wo Ɓɔ̀ìjɔ̀à nɛɛmaŋ mɔɔ̀ŋ Jisɛ̀, wo yèɔ mùŋ naŋ tàeɗùù wèè wo joeyè e ɗuunyaàŋ wɔ.