Jɔ̀ɔŋ 18:20 - WƆŊ FƐ̀Ì EBÒ SÌÀŊ DAYÀA

²⁰ Kɛɛ wo Jisɛ̀ nauŋ fasàì wààŋ, “Mìŋ naŋ gbòò koɓɛ̀ anyùùŋ nyaŋ gbiŋ janyai. Yèè mìŋ naŋ kàà anyùùŋ maŋ sààŋ zòòlò aŋ Juùù nyaŋ yaà Ke Saaŋ Zòòlò Dayàa dìì, ko yèi anyùùŋ nyaŋ gbiŋ hewa hnàŋ koɓɛ̀ guùŋ nɛ. Mìŋ gò wòò è keì gbiŋ kè gbùnuo sùà.

Jɔ̀ɔŋ 18:20 ပူးပေါင်းရင်းမြစ်များ

Maafiù 24:26

“Sèè wo nyùùŋ woiŋ woò wààŋ kɛ̀, ‘Yɛ̀mɛìŋ, wo Kulaìɔ kòò wò yaà ke fòùngà e diì wòaà diɛŋ,’ ɓɔ̀ nìŋ kao! Ɔ̀ɔ̀ wo woò wààŋ, ‘Yɛ̀mɛìŋ, kòò wò yaà ko nyɛɛnɛŋ ko zɔ̀nù yaà’, ɓɔ̀ nìŋ haawè niŋ.

Maafiù 26:55

Wo Jisɛ̀ naŋ gbòò koɓɛ̀ anyùùŋ nyaŋ wààŋ, “Wèè kiìŋ nìŋ naŋ hìɛ̀ŋ maŋ kòyà ɗùà yèè maŋ kuù kpuu kpùù ko kuwieim, e teenè mààŋ mìŋ yaà wo nyuùŋ dàà ke kpùùnɛɛ̀? Maŋ ɗɔɔ màŋ gbiŋ mìŋ jaà wa ko kàà anyùùŋ nyaŋ ke mìè Dayàa ko Saaŋ Zòòlò Dayài, yèè niŋ gòim wa kùwà.

Maafiù 26:65

Wo Kànà Sìèfèìŋ Zòòlo Gbeeɔ̀ naŋ sɛ̀ɛ̀ wɔŋ kùmà wuŋ biɔ̀ yèè wò naŋ woò wààŋ, “Wo felaa wɛɛ̀ pɔ̀ɔ̀ wo Dayà ɓɛ̀ɛ! Wò naŋ ɓèmè wuŋ bi wèè yaà wo Dayà aŋ seenè. E manàìŋ ɓɛìŋ aŋ seì joo bà gbiŋ! Nàŋ kòmàŋ maŋ mìè ɓɛ̀ɛ̀ pɔ̀ɔuŋ màŋ koɓɛ̀ Dayài.

Maafiù 4:23

Wo Jisɛ̀ naŋ wa kìlìè wɔŋ fùɔ̀ŋ Galaliìɔ gbiŋ sùà, wò yaà kàa sùà anyùùŋ nyaŋ maŋ sààŋ zòòlò aŋ Juùù nyaŋ dìì, wò yaà wòò Ebò Siaàŋ e nyaàiŋ dè e Kànà Dayàa. Wò naŋ wa ɓɛìŋ sùngò anyùùŋ Galaliì nyaŋ kuwa wa maŋ sàaŋ gɛ̀wɛɛ̀ zimgbe nyàŋ.

Maafiù 9:35

Wo Jisɛ̀ naŋ kìlìè maŋ jawa yèè maŋ vàa màŋ gbiŋ wɔŋ fùɔ̀ŋ Galaliìɔ sùà. Wò yàa wa kàà sùà anyùùŋ nyaŋ maŋ sààŋ zòòlò aŋ Juùù nyaŋ dìì, yèè wò yaà wòò ke mìè gbìàŋ Ebò Siaàŋ e nyaàiŋ dè e Kànà Dayàa. Wò naŋ wa ɓɛìŋ sùngò anyùùŋ Galaliì nyaŋ kuwa maŋ sàaŋ gɛ̀wɛɛ̀ zimgbe nyàŋ.

Luù 21:37

Wo Jisɛ̀ naŋ wa tòòmò maŋ ɗɔɔ miiŋ ko Saaŋ Zòòlò Dayài wèè anyùùŋ nyaŋ kàa, kɛɛ wɔŋ dùùm gbiŋ wò kɔ̀à wa wo jàwà wɔŋ toòɔ àŋ nyaaŋ wɔŋ tòò maŋ Ɔlè Kùùɔ dìmɛ̀.

Luù 4:15

Wò naŋ kàà anyùùŋ nyaŋ maŋ sààŋ zòòlò aŋ Juùù nyaŋ dìì, yèè anyùùŋ nyaŋ gbiŋ nauŋ tɛnɛ̀ŋ.

Jɔ̀ɔŋ 18:21

Kɛ̀ wèè kiìŋ mùŋ yààìm daawe? Wèè kiìŋ muŋ fè dàwè ànyùùŋ nyaŋ naim wa kumiè nyaŋ? Àŋ nyìmàŋ kɛ̀ kiìŋ mìŋ naŋ nyiŋ woò.”

Jɔ̀ɔŋ 6:59

Wo Jisɛ̀ naŋ wa tɛɛ̀ woò nààŋ wò yaà wa kàà sùà anyùùŋ nyaŋ ko sààŋ zòòlò aŋ Juùù nyaŋ ko Kepanàùm.

Jɔ̀ɔŋ 7:14

Nààŋ maŋ ɗɔɔ màŋ wèè wɔŋ ɗaaà naŋ wa naàŋ hàì tɛɛ wèè wɔŋ jùà, wo Jisɛ̀ naŋ kɔ̀ ko Saaŋ Zòòlò Dayài yèè wò naŋ tɔ̀ɔ̀tù anyùùŋ nyaŋ kàa.

Jɔ̀ɔŋ 7:26

Wuŋ wɛɛ̀ kià, wò yaà gbùùyè koɓɛ̀ anyùùŋ nyaŋ gbiŋ wèè auŋ kumiàŋ, yèè wo nyùùŋ kòò wò gbìɛìŋ pɛɛ wɔ̀ŋ mààŋdàwè. Tɔɔɓaa ɓàà wɛɛ̀ wò wɛ̀i ɓɛ̀nɛ̀ŋ nɔ̀ŋ wo yèɔ anyùùŋ gbèègbèè aŋ Juùù nyaŋ naŋ haawè kɛ̀ wo Dayà naŋ tàeɗùù wèè wo joeyè e ɗuunyaàŋ wɔ?

Jɔ̀ɔŋ 7:28

Nààŋ wo Jisɛ̀ yaà wa kàà sùà anyùùŋ nyaŋ ko Saaŋ Zòòlò Dayài, wò naŋ gbòò ke miè gbee sùà yèè wò naŋ woò wààŋ, “Nàŋ gongò kɛ̀ nàim kaikpɔ nyìmàŋ yèè nàŋ nyìmàŋ kɛ̀ kòò mìŋ yewe? Miŋ gò hnàŋ è gààŋ miàŋ biɛ̀ sùà! Wo nyùnɔ̀ɔŋ naim tùɔ̀ŋ wɔ wò yaà wo nyùùŋ tɔ̀ɔ̀nyaàŋ, yèè niŋ nyimààuŋ.

Jɔ̀ɔŋ 7:4

Yèè nyààŋ e gò tɛɛwɛ̀ wèè wò nyùùŋ wo nyɛ̀ɛ̀nɛ̀ŋ è nɛ̀ɛŋ wò nyɛnɛŋ lɛ̀ sèè wò mɔnɔŋ wèè anyùùŋ nyaŋ aŋ niŋ nyìmàŋ. Weètii nyɛnɛ̀ŋ anyùùŋ nyaŋ gbiŋ e ɗuunyaàŋ aŋ nyìmàŋ e yèɛ mùŋ yaà nyinie lɛ̀.”

Jɔ̀ɔŋ 8:2

Maŋ nyiìŋ tɛ̀tɛ̀ wɔŋ niìsìaà bàa wo Jisɛ̀ naŋ kɔ̀ ko Saaŋ Zòòlò Dayài. Anyuùŋ zimgbe nauŋ wa dèènè kɔɔ, yèè wò naŋ jɛi wò naŋ nyiŋ tɔ̀ɔ̀tù kàa.

Jɔ̀ɔŋ 8:26

Mìŋ kuwa e zimgbe niŋ wèè ka weè woò wèè kaiŋ jèè e keì, kɛɛ miŋ naàŋ tii woò. Nààŋ wo yèɔ naim tùɔ̀ŋ wɔ wò yaà e tɔ̀ɔ̀nyaàŋ, yèè mìŋ woàìŋ nyɛ̀iŋ nààŋ anyùùŋ nyaŋ e ɗuunyaŋ lɛɛ̀ e yèɛ mìŋ naŋ kòmò lɛ e yìwìà wo yèɔ naim tùɔ̀ŋ wɔ sìwè.”

Nyɛ̀nɛ̀ŋ 26:26

Maŋ keì mɛɛ̀ŋ bà gbiŋ gò kààìŋ kò zɔ̀nù kòɓɛ̀ bà. Mìŋ naŋ haawè kɛ̀ wo Kanaà Àgulepɔ̀ nyìmàŋ e yèɛ mìŋ yaà woo lɛ̀. Wèè esaɓù lɛɛ̀ mìŋ gboo ko nɛ̀ɛ̀ŋ muìŋ janyai.