Jɔ̀ɔŋ 18:18 - WƆŊ FƐ̀Ì EBÒ SÌÀŊ DAYÀA

¹⁸ Ke fòìɛ naŋ wa gàŋ, yèè aŋ ɓɔìjɔ̀à nyaŋ yaà anyùùŋ nyaŋ tunìàŋ ke sààŋ zòòlò Dayàa nyàŋ naŋ dììyè e hmɔ̀ɔ̀ŋ. Àŋ naŋ niŋ jɛ̀ì e kɔɔ àŋ yaà kùmìè hmɔ̀ɔ̀ɛŋ, yèè wo Pììlɛ wuŋ pɛɛ naŋ kɔ̀ wo sìè ko hmɔ̀ɔ̀ŋ kɔɔì wèè wo kòmàŋ e hmɔ̀ɔ̀ŋ.

Jɔ̀ɔŋ 18:18 ပူးပေါင်းရင်းမြစ်များ

Luù 22:44

Ke jii mɔ̀ɔ̀nɛŋ gbee sùà wò naŋ ɓɛìŋ zoolò. Yèè maŋ jɛi màŋ nauŋ wa fòlò kɔɔ màŋ yaà wa mààŋ maŋ sɛ̀ìŋ màŋ yaà dè sùà ko dììnaŋ.

Jɔ̀ɔŋ 18:25

Wo Saimɔŋ Piilɛ̀ kòò wò siao wa weè nɔŋ ko kùmìè e hmɔ̀ɔ̀ɛŋ. Yèè anyùùŋ bà nauŋ dawè nyààŋ, “Sɔ̀ɔ̀ mùŋ yaà wò nyùùŋ màŋjɛ̀wɛ̀ Jisɛ̀ɔ bà guùŋ?” Yèè wo Pììlɛ naŋ niŋ ɓɛìŋ gè maŋhɛɛ wààŋ, “Kpele, miŋ fè wò bà.”

Jɔ̀ɔŋ 18:3

Nààŋ wo Juɗà naŋ wa jɔ̀ɔ̀ e ɗààhiì wèè wo maàŋ wo Jisɛ̀, wò naŋ wa kɔ̀ ko kpòkpòi. Kɛɛ wò naŋ wa kɔ̀ɔ̀ ke gbòò aŋ kààlòòɗùà Luùm nyaŋ bà, yèè anyuùŋ tùnìàŋ ke Saaŋ Zòòlò Dayà nyaŋ bà, aŋ yè nyaŋ aŋ kànà sìèfèìŋ zòòlo nyàŋ yèè Fɛlosiì nyaŋ naŋ wa tùɔ̀ŋ wèè aŋ kùwà wo Jisɛ̀. Nààŋ àŋ yaà wa kɔɔyɛ, àŋ naŋ kɔ̀ɔ̀ maŋ sìngà mɛ̀ɛŋ, maŋ laumpò, yèè manɛ̀ŋ sùmiaŋ ko kààmè Jisɛ̀.

Jɔ̀ɔŋ 21:9

Nààŋ anyùùŋ màŋjɛ̀wɛ̀ nyaŋ naŋ wa fòlò wɔŋ gɔɔ̀ sùà e tiwi feìŋ nɛ, àŋ naŋ mɛ̀ɛ̀ŋ e hmɔɔ̀ŋ dììya wo kɛì hàwà nìŋ diɛŋ yèè ke gbɔ̀u.

Nyɛ̀nɛ̀ŋ 4:23

Anyùùŋ fuɔŋ nyàŋ naŋ wa nɔŋ dàngè wo Pììlɛ yaà wo Jɔ̀ɔŋ fa, àŋ kɛ̀ɛ̀ maŋjɛ̀wɛ koɓɛ̀ anyuùŋ nyiŋ nyàŋ yèè àŋ naŋ nyiŋ wòò e keìɛ kinɛiŋ aŋ kànà sìèfèìŋ zòòlo nyàŋ yèè aŋ màmànkùmɛ̀ŋ fuɔŋ nyàŋ naŋ nyiŋ woò lɛ.

1 Kɔliìŋ 15:33

Ɓɔ̀ nìŋ zuwò nyɛ̀iŋ bi. “Aŋ dàwi nyàŋ nyɛnɛŋ tɛ̀ɛ̀ nyaŋ, aŋ naanààŋ nyaŋ pɔɔpɔ̀ɔ̀ nyiìŋ.”