Jɔ̀ɔŋ 18:12 - WƆŊ FƐ̀Ì EBÒ SÌÀŊ DAYÀA

¹² Wo sìèfèìŋ aŋ kààlòòɗùà anyùùŋ Luùm nyaŋ yèè aŋ kààlòòɗùàuŋ nyàŋ, yèè aŋ ɓɔ̀ìjɔ̀à aŋ Juùù nyaŋ, naŋ kùwò wo Jisɛ̀ àŋ nauŋ dèkè.

Jɔ̀ɔŋ 18:12 ပူးပေါင်းရင်းမြစ်များ

Maafiù 26:57

Kpeiŋ anyùùŋ nyaŋ naŋ wa kùwò wo Jisɛ̀ nyaŋ nauŋ kɔ̀ɔ̀ ko gbòò Kaifɔ̀, wo Kànà Sìèfèìŋ Zòòlo Gbeeɔ̀, ko yèi aŋ kààmɔ̀ɔ̀ŋ maŋ Sàwà Dayà nyaŋ yèè aŋ màmànkùmɛ̀ŋ fuɔɔ̀ŋ, yaà wa dèènè sùà lɛ.

Maafiù 27:2

Àŋ naŋ sìè wo Jisɛ̀ maŋ jɔ̀ɔɔ, auŋ koà, yèè àŋ nauŋ tùlìè wo Paalè, wo kànà anyùùŋ ko Luùm nyaŋ.

Maafiù 27:27

Kpeiŋ aŋ kààlòòɗùà Paalè nyaŋ naŋ kɔ̀ɔ̀ wo Jisɛ̀ ko sààŋ gbèè kanaà, yèè àŋ kààlòòɗùà gbànaŋ nyàŋ gbiŋ nauŋ gbònò kɔɔ.

Luù 22:54

Kpeiŋ àŋ naŋ kɔ̀ɔ̀ wo Jisɛ̀ ko gbòò wo Kànà Sìèfèìŋ Zòòlo Gbeeɔ̀. Wo Pììlɛ kùwà nyìŋ wa maŋjɛ̀wɛ e fèemàŋ mùnlaŋ sùà.

Jɔ̀ɔŋ 18:3

Nààŋ wo Juɗà naŋ wa jɔ̀ɔ̀ e ɗààhiì wèè wo maàŋ wo Jisɛ̀, wò naŋ wa kɔ̀ ko kpòkpòi. Kɛɛ wò naŋ wa kɔ̀ɔ̀ ke gbòò aŋ kààlòòɗùà Luùm nyaŋ bà, yèè anyuùŋ tùnìàŋ ke Saaŋ Zòòlò Dayà nyaŋ bà, aŋ yè nyaŋ aŋ kànà sìèfèìŋ zòòlo nyàŋ yèè Fɛlosiì nyaŋ naŋ wa tùɔ̀ŋ wèè aŋ kùwà wo Jisɛ̀. Nààŋ àŋ yaà wa kɔɔyɛ, àŋ naŋ kɔ̀ɔ̀ maŋ sìngà mɛ̀ɛŋ, maŋ laumpò, yèè manɛ̀ŋ sùmiaŋ ko kààmè Jisɛ̀.

Nyɛ̀nɛ̀ŋ 10:1

Wo felaa bà yaà wa ko Sesèlià àŋ nyaaŋ wo Kɔ̀nilìɔ̀. Wuŋ nàŋ yaà wa wo nyuùŋ gbeeɔ̀ wèè ke gbòò aŋ kààlòòɗùà Luùm nyaŋ àŋ nyaaŋ nyààŋ “Ètaliɛ̀ŋ Jɔ̀àa.”

Nyɛ̀nɛ̀ŋ 21:31

Nààŋ àŋ yaà wa ɓùlìè wo Pɔɔ̀ wèè auŋ jìwà, ebò naŋ hàì koɓɛ̀ wo kànà aŋ kààlòòɗùà nyaŋ e yìwìà wɔŋ fùɔ̀ŋ anyùùŋ Luùm nyaŋ sùà kɛ̀ anyùùŋ nyaŋ dàà ke gbòà ko Jùlusɛ̀làm jawaì gbiŋ.

Nyɛ̀nɛ̀ŋ 21:37

Nààŋ aŋ kààlòòɗùà nyaŋ yaà wa naàŋ hinie wèè aŋ jɔ̀ɔ̀yɛ̀ wo Pɔɔ̀ ko gbòòkùàŋ aŋ kààlòòɗùà nyaŋ, wo Pɔɔ̀ naŋ dàwè wo kànà aŋ kààlòòɗùà nyaŋ wààŋ, “Màim ɓɛ̀nɛ̀ŋ gè nyààŋ diɛŋ wèè kaum wòò e keì bà?” Wo kànà aŋ kààlòòɗùàa nauŋ dawè wààŋ, “Diè mùŋ naŋ nyìmè e ɗèwè e Guliì mieɛ̀ gbòa?

Nyɛ̀nɛ̀ŋ 23:10

Àŋ naŋ dàà ke gùuŋ e nyaàŋ tàaŋ nyiŋ nɛ̀ sùà, yèè e jùù naŋ nyɛ̀nɛ̀ŋ wo kànà aŋ kààlòòɗùà nyaŋ kɛ̀ anyùùŋ nyaŋ ɓɛ̀nɛ̀ŋ jìwà wo Pɔɔ̀ e kìlà auŋ sɛ̀ɛ̀sɛ̀ɛ̀ maŋ fàà nyɛ̀ɛ̀nyɛ̀ɛ̀. Kpeiŋ wò naŋ tùɔ̀ŋ aŋ kààlòòɗùàuŋ nyaŋ wèè aŋ gè nyiŋ wo Pɔɔ̀ e tɛɛ maŋ dùaŋ dùaŋ aŋ koàuŋ ko gbòòkùàŋ aŋ kààlòòɗùà nyaŋ.