Jɔ̀ɔŋ 18:11 - WƆŊ FƐ̀Ì EBÒ SÌÀŊ DAYÀA

¹¹ Yèè wo Jisɛ̀ naŋ wòò wo Pììlɛ wààŋ, “Hoà e koya mɔ̀ɛ̀ wɔŋ ɓuùiŋ nɔɔ̀ŋ sùà. Mìŋ naŋ nyimèè wèè ka kɔ̀ɛ̀ e keì nyìngaà dìì, e yèɛ wo Dèda miɔ̀ŋ naŋ banebànè wèè ka niŋ kɔ̀ɛ̀ sùà lɛ.”

Jɔ̀ɔŋ 18:11 ပူးပေါင်းရင်းမြစ်များ

Maafiù 20:22

Wo Jisɛ̀ naŋ nyiŋ woò wààŋ, “Niŋ nyimààŋ è nɛ̀ɛŋ nìŋ yaà dààwè kii niŋ lɛ̀. Nàŋ ɓɛ̀nɛ̀ŋ tììyà wɔŋ kpòò keì nyìngaà mìŋ yaà hinie wèè ka tììyà sùà wɔŋ?” Àŋ naŋ woò nyààŋ, “È ɓɛnɛ̀ŋ.”

Maafiù 26:39

Wò naŋ ɓɛìŋ bɔ̀mɔ̀ŋ ko fènòo tòloò, wo dè maŋ gɛ̀ɛ̀ŋ nùuŋ màŋ dììnaŋ wo gbùwà wɔŋ feìŋ ko dììnaŋ, yèè wò naŋ zoolò wààŋ, “Dèda miɔ̀ŋ, sèè è naŋ ɓɛ̀nɛ̀ŋ hɛ̀ɛ̀nɛŋ, kɛ̀ gìim wɔŋ kpòò è keì nyìnga wɛɛ̀ŋ diɛŋ. Kɛɛ miŋ sɔ̀ɔ̀ è yèɛ mìŋ manaŋ lɛ̀, kɛɛ è yèɛ muàŋ mùŋ manaŋ lɛ̀.”

Maafiù 26:42

Wo Jisɛ̀ naŋ ɓɛìŋ kɔ̀ wo zoolò wààŋ, “Dèda miɔ̀ŋ, sèè mààŋ wɔŋ kpòò e keì nyìnga wɛɛ̀ŋ wɔŋ fèim ɓɛ̀nɛ̀ŋ kɔ̀ɛ̀ɛ̀ diɛŋ sɔɔ̀ nɔŋ ka wɔŋ tììyà sùà, kɛ̀ tɔ̀ e yèɛ mùŋ manaŋ lɛ̀ e hɛɛnɛ̀ŋ.”

Luù 12:30

Anyùùŋ nyaŋ nɔŋ gongà maŋ keì mɛɛ̀ŋ e teenga gbiŋ nyàŋ nàŋ yaà anyùùŋ nyaŋ fè àŋ Juùù nyaŋ e ɗuunyaŋ lɛɛ̀. Wo Dèdaiŋ nɔɔ̀ŋ ko àìjɛnɛ̀ŋ nyìmàŋ kɛ̀ nìŋ naŋ kpɛɛ̀ŋ wèè mànɛ̀ŋ mɛɛ̀ŋ.

Luù 22:42

Wò naŋ zoolò wààŋ, “Dèda, sèè mùŋ mɔnɔŋ, gèim wɔŋ kpòò keì nyìnga wɛɛ̀ŋ diɛŋ. Kɛɛ miŋ sɔ̀ɔ̀ è yèɛ mìŋ manaŋ lɛ̀, kɛɛ è yèɛ muàŋ mùŋ manaŋ e kaaìŋ lɛ̀.”

Jɔ̀ɔŋ 15:10

Sèè nìŋ nyɛnɛŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, nìŋ do nàŋ jèè e mànaŋ mɛ̀ sùà, màànààŋ nɔŋ mìŋ nyɛnɛŋ e yèɛ wo Dèda miɔ̀ŋ manaŋ wèè ka nyɛ̀nɛ̀ŋ lɛ yèè mìŋ naŋ jèè e mànauŋ nɛ̀ sùà.

Jɔ̀ɔŋ 17:24

“Dèda, mìŋ zoolà wèè anyùùŋ nyaŋ gbiŋ mùŋ naim kiɛ̀ŋ nyaŋ aŋ nɔ̀ŋ koɓɛ̀i mìŋ do nàŋ nɔ̀ŋ lɛ. Kpeiŋ kɛ̀ àŋ do nàŋ yɛ̀mɛ̀ e dɛ̀ɛ̀kɛɛ̀ mùŋ naim kiɛ̀ŋ lɛ, esaɓù kɛ̀ mùŋ naim wa mɔ̀nɔ̀ŋ paŋgàà e ɗuunyaàŋ naŋ wa nɔ̀ŋ bàne niŋ.

Jɔ̀ɔŋ 18:36

Yèè wo Jisɛ̀ naŋ woò wààŋ, “E kana mɛ̀ fè wèè ànyùùŋ nyaŋ è ɗuunyaŋ lɛɛ̀. Sèè è nɔ̀ŋ yɛi weè, anyùùŋ màŋjɛ̀wɛ̀im nyàŋ henàŋ sòmò wèè aŋ ɓɔìjɔ̀àiŋ nyàŋ goim weè nàŋ hìɛ̀ŋ koɓɛ̀ anyùùŋ gbèègbèè aŋ Juùù nyaŋ. Kɛɛ e kana mɛ̀ fè wèè ànyùùŋ nyaŋ è ɗuunyaŋ lɛɛ̀.”

Jɔ̀ɔŋ 20:17

Yèè wo Jisɛ̀ nauŋ woò wààŋ, “Ɓɔ̀ mùŋ kpùlàim! Kòò mìŋ kɔ̀ weè kòɓɛ̀ wò Dèda miɔ̀ŋ. Kɛɛ kɔ̀à muŋ woò anyùùŋ màŋjɛ̀wɛ̀im nyàŋ kɛ̀ mìŋ yaà kɔ̀ɔ̀yɛ̀ koɓɛ̀ wo yèɔ yaà wo Dèda miɔ̀ŋ yèè wo Dèda nyiŋ nɔɔ̀ŋ wɔ. Yèè wo yèɔ yaà wo Dayà miɔ̀ŋ yèè wo Dayà nyiŋ nɔɔ̀ŋ wɔ.”

2 Kɔliìŋ 10:4

Manɛ̀ŋ sùmiaŋ màŋ è sumìàìŋ maŋ, maŋ fè mànɛ̀ŋ sùmiaŋ è yìwìà è ɗuunyaŋ lɛɛ̀ sùà, sɔɔ̀ manɛ̀ŋ sùmìàŋ gààŋ maŋ wo Dayà kuwa màŋ, miiŋ è toomàìŋ eiŋ pɔ̀ɔ̀pɔ̀ɔ̀ ko gììyè nyììŋ aŋ joo nyàŋ. È pɔɔpɔ̀ɔ̀ìŋ maŋ hɛ̀ɛ̀ gè tòa

2 Kɔliìŋ 6:7

esàɓù mìè gbìàŋ tɔ̀ɔ̀nyaàŋ wiɛ̀, yèè esàɓù e gààŋ Dayàa sùà. È kùwàìŋ e tɔ̀ɔ̀nyaàŋ tiŋ nàŋ yaà e kaì nɛ̀ŋ sùmiaŋ wilɛ̀, wèè eiŋ dàà ke gùuŋ, yèè wèè eiŋ yɛ̀mɛ̀ yàwi bi diɛŋ.

Hiɓu 12:2

Jàà wiìŋ e fɛɛ̀ wilɛ̀ wo Jisɛ̀ diɛŋ, wo yèɔ è naiŋ tùlìè jii e hààwe wilɛ̀ sùà, e yìwìà ko tɔ̀ɔ̀tù e hààwe wilɛ̀ e hàì ko dìaì. Wò naŋ wa nyimèè wèè auŋ sìà sàngè, yèè auŋ kpùùnyàŋ wɔŋ vànèkpaaà diɛŋ. Kɛɛ esàɓù e zɔlɔ̀ɛ yàaùŋ wa fulie lɛ̀, wo gò wa gòngò è kèè ɓɛ̀ɛ̀pɔ̀ɔɛ̀ wèè auŋ kpùùnyàŋ wɔ̀ŋ vànèkpaaà diɛŋ. Yèè kòò wò jaa naàŋ wɔŋ kùàŋ jìka ke kpùà Kanaà Dayà kɔɔ.