Jɔ̀ɔŋ 17:9 - WƆŊ FƐ̀Ì EBÒ SÌÀŊ DAYÀA

⁹ “Mìŋ yààùm zoolo Dèda weè nyiŋ. Miŋ fè zoolo wèè ànyùùŋ nyaŋ è ɗuunyaàŋ. Muàŋ nàŋ kanaŋ anyùùŋ màŋjɛ̀wɛ̀im nyàŋ, weètii mìŋ yaà zoolo weè nyiŋ.

Jɔ̀ɔŋ 17:9 ပူးပေါင်းရင်းမြစ်များ

Luù 22:32

Kɛɛ kà zoolò weèum Saimɔ̀ŋ, wèè kɛ̀ e hààwe mɔ̀ɛ̀ nyìngà sùà. Yèè sèè muŋ kɛɛ maŋjɛ̀wɛ ko nɛ̀ɛ̀ŋ miìŋ, kpùùmaŋ aŋ wùìya gbànaŋ nyàŋ.”

Luù 23:34

Wo Jisɛ̀ naŋ woò wààŋ, “Jùùyaà anyùùŋ nyɛɛ̀ŋ hakɛ̀, Dèda! Esaɓù kɛ̀ aŋ nyimààŋ kɛ̀ kiìŋ àŋ yaà nyinie.” Kɛɛ sɔɔ̀ àŋ naŋ wa dàà ke kpɔlɔ wèè aŋ goonò maŋ deèuŋ màŋ e fèemàŋ nyiŋ nɛ̀.

Luù 8:34

Nààŋ aŋ kpàkòò nyaŋ yaà wa yɛ̀ɛ̀mɛ̀ aŋ nyùàŋ nyaŋ diɛŋ nyàŋ naŋ yɛ̀mɛ̀ e nɛ̀ɛŋ naŋ kaaìŋ lɛ, àŋ naŋ dùɔ̀ŋ aŋ ka aŋ ɓààyè ebò lɛɛ̀ ko jawaì yaà maŋ kpàlàùŋ kpàlàùŋ maŋ sùà.

Jɔ̀ɔŋ 14:16

Kpeiŋ mìŋ do nàŋ dàwè wo Dèdaà, yèè wò doiŋ nàŋ tùɔ̀ŋ wo Jìnàŋ Nɛɛmaàŋ wo yèɔ doiŋ nàŋ kpuumò yèè wo nɔ̀ŋ ko nɛ̀ɛ̀iŋ niìŋ wèè julɔfɔ.

Jɔ̀ɔŋ 17:2

Mùŋ naim kìɛ̀ŋ e gààŋ anyuùŋ kpùuŋ nyàŋ gbiŋ diɛŋ, wèè ka kìɛ̀ŋ wɔŋ nyiiŋ gèe gò jùà koɓɛ̀ anyùùŋ nyaŋ gbiŋ mùŋ naim kiɛ̀ŋ nyaŋ.

Jɔ̀ɔŋ 17:20

“Miŋ fè nɔŋ zoolo wèè ànyùùŋ màŋjɛ̀wɛ̀im nyɛɛ̀ŋ nyiŋ guùŋ. Mìŋ yaà pɛɛ zoolo wèè anyùùŋ nyaŋ gbiŋ do nàŋ kɛ̀ɛ̀nɛ̀ŋ e hààwe esàɓù e yèɛ anyùùŋ màŋjɛ̀wɛ̀im nyàŋ naŋ nyiŋ woò lɛ e nyaàiŋ eim dè.

Jɔ̀ɔŋ 17:6

“Mùŋ naim wa kìɛ̀ŋ anyùùŋ wèè aim nɔ̀ŋ maŋjɛ̀wɛ e ɗuunyaŋ lɛɛ̀, yèè mìŋ naŋ tɔɔ̀ kɛ̀ ɓòò nàŋ yààùm muàum Dayà koɓɛ̀ anyùùŋ nyaŋ e ɗuunyaàŋ. Muàŋ nàŋ kanaŋ wa anyùùŋ nyɛɛ̀ŋ, kɛɛ mùŋ naim nyiŋ wa kiɛ̀ŋ, yèè àŋ naum jɔ̀ɔ̀lɔ̀ dìì.

Jɔ̀ɔŋ 6:37

Wo nyùnɔ̀ɔŋ gbiŋ wo Dèda miɔ̀ŋ doim nàŋ kiɛ̀ŋ wɔ wò do nàŋ nɔ̀ŋ wo nyùùŋ màŋjɛ̀wɛ̀ miɔ̀ŋ bà guùŋ. Miŋ naàŋ gè màŋhɛɛ wèè kauŋ jàà kùàŋ dìì.

Jɔ̀ɔŋ 6:39

Yèè e yèɛ wo Dayà manaŋ ka nyɛ̀nɛ̀ŋ lɛ tiŋ tɛɛ̀, wèè ka yɛ̀mɛ̀ anyùùŋ nyaŋ gbiŋ wò naim kiɛ̀ŋ nyaŋ diɛŋ wèè kɛ̀ wo bà gbiŋ ɓɔ̀ wò go. E kìlà, wò manaŋ wèè ka nyiŋ gè e fàaà dìì wɔŋ nyiiŋ gèeo sùà ke ɗɔɔ dìàmaàŋ.

Hiɓu 7:25

Wò ɓɛnɛ̀ŋ sààmɛ, yèè e teenga gbiŋ, wèè wo jòèyè anyùùŋ nyaŋ gbiŋ hnàŋ koɓɛ̀ Dayài nyàŋ e saɓùuŋ nɛ̀ sùà, esaɓù kɛ̀ wò yaà wɔŋ nyiiŋ gèeɔ̀ sùà wèè julɔfɔ, wèè wo pɔwɔ̀ wo Dayà weè nyiŋ.

Hiɓu 9:24

Wo Jisɛ̀ Kulaì gò wa jɔ̀à ko Nɛ̀nɛ̀ŋ Nɛɛmaìŋ àŋ nyuùŋkpùuŋ naŋ wa nyɛ̀lɛ̀ yɛ, ke yèɛ yaà wa wɔŋ mììmììŋ ke vààyà kɛnɛɛ̀ e yìwìà ko àìjɛnɛ̀ŋ. Wò naŋ wa kɔ̀ ko àìjɛnɛ̀ŋ kuŋ bi, ko yèi wò yaà naàŋ ko fɛ̀ɛ̀fèìŋ Dayài wèè wo wi kpuumàŋ.

1Jɔ̀ɔŋ 5:19

Èiŋ nyìmàŋ kɛ̀ wo Dayà nàŋ kànàŋ wì, jòòpɛɛ e ɗuunyaàŋ gbiŋ è yaà e gààŋ wo Nyuùŋ kɛ̀ɛ̀nɛ̀ŋ ke Kpèè naanààaŋ sìwè.

Maŋ kèì nyɛɛnɛŋ 12:9

Wo Dayà naŋ wa gbìɛ̀ŋ wo kaì gbeeɔ̀ ko jɔɔlèi e yìwìà ko àìjɛnɛ̀ŋ. Wò naŋ wa gè wo kaì gɔugɔ̀ù wii wo yèɔ àŋ nyaaŋ wo Dɛwìɔ, ɔ̀ɔ̀ Sɛ̀tanàŋ, ko àìjɛnɛ̀ŋ. Wuŋ naŋ zuwò anyùùŋ fuɔŋ nyàŋ gbiŋ e ɗuunyaàŋ. Àŋ nauŋ wa tùɔ̀ŋ e dììɛ diɛŋ yaà aŋ màikàuŋ nyàŋ.

Maŋ kèì nyɛɛnɛŋ 13:8

Anyùùŋ nyaŋ gbiŋ e ɗuunyaàŋ douŋ nàŋ zoolò, eɓìèmàŋjɛ̀wɛ̀ aŋ yè nyaŋ maŋ deè nyiŋ màŋ yaà sìnga miŋ wɔŋ fɛ̀ì anyuùŋ gè nyiiŋ nyàŋ sùà paŋgàà e ɗuunyaàŋ naŋ wa nɔ̀ŋ bàne niŋ lɛ̀. Anyùùŋ bi àŋ yaà aŋ bà nyiŋ bà wèè wo Ɓaawaaà àŋ naŋ wa jìwè wɔ.

Maŋ kèì nyɛɛnɛŋ 20:15

Anyùùŋ nyaŋ gbiŋ maŋ deè nyiŋ màŋ fè wa sìnga miŋ wɔ̀ŋ fɛ̀ì anyuùŋ gè nyiiŋ nyàŋ sùà nyaŋ, àŋ naŋ nyiŋ wa gbìɛ̀ŋ ko hmɔɔ̀ŋ gbee.