Jɔ̀ɔŋ 17:3 - WƆŊ FƐ̀Ì EBÒ SÌÀŊ DAYÀA

³ Yèè wɔŋ nyiiŋ gèe gò jùàa nàŋ yaà, wèè aum nyìmàŋ kɛ̀ muàŋ nàŋ yaà wo Dàyà tɔ̀ɔ̀nyaàaŋ, yèè aŋ nyìmàŋ miàim wo Jisɛ̀ Kulaì, wo yèɔ mùŋ naŋ tùɔ̀ŋ wɔ.

Jɔ̀ɔŋ 17:3 ပူးပေါင်းရင်းမြစ်များ

Luù 9:48

Yèè wò naŋ nyiŋ woò wààŋ, “Wo nyùnɔ̀ɔŋ gbiŋ naŋ jàà wo jɔ̀àkàiŋ jɔa mààŋ wɛɛ̀ kùàŋ dìì esàɓù e deè mɛ̀ wɔ, wòim jàà kùàŋ dìì. Yèè wo nyùnɔ̀ɔŋ gbiŋ jààìm kùàŋ dìì wɔ, wò jàà wo nyùnɔ̀ɔŋ naim tùɔ̀ŋ wɔ kùàŋ dìì. Esaɓù kɛ̀ wo tòloòɔ nyɛ̀iŋ gbiŋ e tɛɛ nàŋ yaà wo gbeeɔ̀.”

Jɔ̀ɔŋ 10:36

Wo Dèdaà wuŋ bi naim tàeɗùù yèè wò naim tùɔ̀ŋ koɓɛ̀ anyùùŋ nyaŋ e ɗuunyaàŋ. Kɛ̀ wèè kiìŋ nìŋ naŋ woò nààŋ mìŋ naŋ wòò maŋ mìè ɓɛ̀ɛ̀pɔ̀ɔ koɓɛ̀ Dayài esaɓù kɛ̀ mìŋ naŋ woò mìàŋ miàŋ nàŋ yaà wo Jɔ̀àfèlàà Dayàa?

Jɔ̀ɔŋ 11:42

Kà nyìmàŋ kɛ̀ mùŋ jaa e zòòlo mɛ̀ kùàŋ dìì e teenga gbiŋ, kɛɛ mìŋ naŋ tɛɛ̀ woò wèè esàɓù anyùùŋ nyɛɛ̀ŋ kià, wèè kɛ̀ aŋ haawè kɛ̀ muàŋ naim tùɔ̀ŋ.”

Jɔ̀ɔŋ 14:26

Kɛɛ wo nyuùŋ kpùùmaàŋ, wo Jìnàŋ Nɛɛmaàŋ do nàŋ hnè wèè woiŋ kpuumàŋ, wo yèɔ wo Dèdaà do nàŋ tùɔ̀ŋ e deè mɛ̀ diɛŋ wɔ̀. Wo Jinàaŋ doiŋ nàŋ kàà maŋ keì maŋ gbiŋ, yèè wò doiŋ nàŋ nyɛ̀nɛ̀ŋ naŋ kɛ̀ɛ̀nɛ̀ŋ jii jàa e nyaàiŋ dè e yèɛ mìŋ naiŋ woò e teengaà mìŋ yaà wa ko nɛ̀ɛ̀iŋ niìŋ lɛ.

Jɔ̀ɔŋ 17:18

Mìŋ yaà nyiìŋ tùàŋ sùà koɓɛ̀ anyùùŋ nyaŋ e ɗuunyaàŋ, màànààŋ nɔŋ mùŋ naim wa tùɔ̀ŋ lɛ.

Jɔ̀ɔŋ 17:21

Dèda, mìŋ zoolà wèè aŋ gbiŋ aŋ nɔ̀ŋ anyùùŋ guùŋ koɓɛ̀ aŋ dàwi nyiŋ nyàŋ, màànààŋ nɔŋ mìŋ yaà wò guùŋ mìŋ yààùm ko sùà lɛ, yèè mùŋ yaà wò guùŋ mùŋ yààìm ko sùà. Kpeiŋ kɛ̀ anyùùŋ nyaŋ e ɗuunyaŋ lɛɛ̀ do nàŋ haawè kɛ̀ muàŋ naim tùɔ̀ŋ.

Jɔ̀ɔŋ 17:23

Mìŋ yaà nyiìŋ ko sùà, yèè mùŋ yààìm ko sùà, wèè kɛ̀ aŋ gbiŋ aŋ nɔ̀ŋ anyùùŋ guùŋ aŋ dàwi nyiŋ nyàŋ sùà, wèè kɛ̀ anyùùŋ nyaŋ e ɗuunyaàŋ aŋ nyìmàŋ kɛ̀ muàŋ naim tùɔ̀ŋ yèè kɛ̀ mùŋ mànàŋ nyiìŋ màànààŋ nɔŋ mùŋ mànàìm lɛ.

Jɔ̀ɔŋ 17:25

Dèdà tɔ̀ɔ̀nyaàaŋ, anyùùŋ nyaŋ e ɗuunyaŋ lɛɛ̀ aŋ nyiŋ mààùm. Kɛɛ miàŋ kàum nyìmàŋ, yèè anyùùŋ màŋjɛ̀wɛ̀im nyàŋ àŋ nyìmàŋ kɛ̀ muàŋ naim tùɔ̀ŋ.

Jɔ̀ɔŋ 17:8

Mìŋ naŋ wòò anyùùŋ màŋjɛ̀wɛ̀im nyàŋ e yèɛ mùŋ naim woò lɛ, yèè àŋ naŋ niŋ jàà kùàŋ dìì. Àŋ nyìmàŋ kɛ̀ tɔɔɓaa ko nɛ̀ɛ̀ŋ muìŋ mìŋ yewe, e kìlà àŋ naŋ haawè kɛ̀ muàŋ naim tùɔ̀ŋ.

Jɔ̀ɔŋ 3:17

E teengaà wo Dayà naŋ wa tùɔ̀ŋ wo Jɔ̀àfelaauŋ nɔɔ̀ŋ koɓɛ̀ anyùùŋ nyaŋ e ɗuunyaàŋ lɛ, e fè wa wèè wo nyiŋ kìlìà è kiti diɛŋ. Wo Dayà nauŋ wa tùɔ̀ŋ ko nɛ̀ɛ̀ŋ nyiŋ niìŋ wèè wo nɔ̀ŋ wo Nyuùŋ Jòèye nyiŋ nɔɔ̀ŋ.

Jɔ̀ɔŋ 3:34

Wo nyùnɔ̀ɔŋ wo Dayà naŋ tùɔ̀ŋ wɔ naŋ wòò ke mìè gbìàŋ Dayàa. E fèfoo wo Dayà naŋ nyɛ̀nɛ̀ŋ wo Jinàuŋ nɔɔ̀ŋ wo nɔ̀ŋ wo nyùùŋ bi diɛŋ.

Jɔ̀ɔŋ 5:44

Nìŋ manaŋ e kèè aŋ dàwi tɛ̀nɛŋ, tii nàŋ fɔɔyɛ̀ìŋ maŋ jii. Niŋ fè kàmè è ɗewe wèè naŋ tuwò tɛ̀ɛ̀ wèè e nyɛ̀nɛ̀ŋ esaɓù wèè wò Dayà wuŋ guùŋ woiŋ tɛnɛ̀ŋ. Kpeiŋ kɛ̀ dièsɔa nìŋ naim naàŋ ɓɛ̀nɛ̀ŋ kɛ̀ɛ̀nɛ̀ŋ e hààwe sùà?

Jɔ̀ɔŋ 6:57

Wo Dèdaà yaà wɔŋ nyiiŋ gèeɔ̀ sùà wɔ naim tùɔ̀ŋ, yèè e saɓùuŋ nɛ̀ sùà miàŋ pɛɛ mìŋ yaà wɔŋ nyiiŋ gèeɔ̀ sùà. Yèè e ɗèwè guùŋ nɛ̀ sùà, wo nyùnɔ̀ɔŋ gbiŋ do nàŋ gbìlè e kenìŋ mɛ̀ wɔ wò do nàŋ nɔ̀ŋ wɔŋ nyiiŋ gèeo sùà esaɓù mɛ̀ sùà.

Jɔ̀ɔŋ 7:29

Kɛɛ kà nyìmàŋ wo yèɔ naim tùɔ̀ŋ wɔ, esaɓù kɛ̀ mìŋ yewe ko nɛ̀ɛ̀uŋ niìŋ.”

Jɔ̀ɔŋ 8:19

Àŋ naŋ dàwè wo Jisɛ̀ nyààŋ, “Kòò wo Dèda mɔɔ̀ŋ wò yaà?” Wo Jisɛ̀ naŋ nyiŋ fasàì wààŋ, “Niŋ nyimààìm miŋ dò nàŋ sɔ̀ wo Dèda miɔ̀ŋ. Sèè nìŋ nyìmèìm weè, nìŋ he weè nàŋ nyìmè wo Dèda miɔ̀ŋ wuŋ pɛɛ.”

1 Kɔliìŋ 15:34

Ɓèmeìŋ e jiikɛ̀ɛ niŋ gè kùàŋ maŋ jùumùiŋ màŋ sùà. Mìŋ yààìŋ wòo sùà e kèì sàngè tiŋ nàŋ yaà kɛ̀ nyɛ̀iŋ nɛɛ̀ŋ bà nyiŋ niŋ nyimààŋ Dayà.

1 Kɔliìŋ 8:4

Wèètii, e kèè e nɛ̀ŋjè sààà aŋ dayà joo nyɛɛ̀ŋ jèe, èiŋ nyìmàŋ kɛ̀ wo dayà joo wò yaà e nɛ̀ŋ gò gè nyiiŋ. È naiŋ nyìmè kɛ̀ wo Dàyà guùŋ kpò nɔŋ nàŋ yaà.

2 Kɔliìŋ 4:6

Wo Dayàa naŋ woò wààŋ, “E yìwìà ke nyìwìɛ sùà e gbolòùŋ do nàŋ mɛ̀ɛ̀ŋ wɔ,” wo Dàyà guùŋ bi nɔŋ naŋ nyɛ̀nɛ̀ŋ e gbolòùuŋ nɛ naŋ mɛ̀ɛ̀ŋ maŋ jii wi màŋ sùà wèè e wi hìàŋ koɓɛ̀ e jììkɛ̀ɛ̀ e jòòwò Dayàa e yèɛ yaà mɛ̀ɛŋ sùà wo Jisɛ̀ Kulaì dewà lɛ.

Fèle 3:10

E yèɛ gbiŋ mìŋ manaŋ lɛ̀ nàŋ yaà, wèè ka nyìmàŋ wo Jisɛ̀ Kulaì, yèè e gààaŋ nauŋ gè e fàaà dìì wɔŋ nyiiŋ gèe sùà lɛ. Mìŋ manaŋ ka nɔ̀ŋ wo bàimbà wèè e keì nyìngaà wò naŋ kùwò, yèè e fàa wò naŋ kɔ̀ dìì lɛ,

Fèle 3:8

E fè nɔŋ mànɛ̀ŋ miiŋ. Mìŋ naŋ ɓèmè manɛ̀ŋ maŋ gbiŋ maŋ nɔ̀ŋ manɛ̀ŋ foo wèè esàɓù e yèɛ kuwa e sɛmɛmaŋ gbee lɛ̀, e jiikɛ̀ɛɛ̀ e nyaàiŋ dè wo Kana miɔ̀ŋ Jisɛ̀ Kulaì. Wèè e saɓùuŋ nɛ̀ mìŋ gò manɛ̀ŋ maŋ gbiŋ. Mìŋ naŋ miŋ ɓemè wèè maŋ nɔ̀ŋ maŋ dɛɛ, wèè kɛ̀ mìŋ naŋ ɓɛ̀nɛ̀ŋ kɛ̀ɛ̀nɛ̀ŋ wo Jisɛ̀ Kulaì wo nɔ̀ŋ e sɛmɛmaŋ mɛ̀,

1Tɛsè 1:9

Anyùùŋ nyiiŋ gbiŋ woà e kèè e ɗeweɛ̀ nìŋ naŋ wi jàà kùàŋ dìì e teengaà è naiŋ jaamè lɛ, yèè e ɗeweɛ̀ nìŋ naŋ gè kùàŋ kèè aŋ dayà joo zòòlo sùà wèè naŋ tomo wèè wo Dàyà tɔ̀ɔ̀nyaàaŋ wo yèɔ yaà wɔŋ nyiiŋ gèeɔ̀ sùà wɔ,

2Tɛsè 1:8

e hmɔɔ̀ŋ kùwa sùà wèè wo gbàì e tɔ̀ɔ̀nyaàŋ sùà anyùùŋ nyaŋ naŋ kùwìè wo Dayà maŋhɛɛ nyàŋ, yèè aŋ yè nyaŋ fè jɔ̀ɔ̀lɔ̀ Èbò Siaàŋ nyaàiŋ dè wò Kana wiɔ̀ Jisɛ̀ dìì nyaŋ.

Hiɓu 3:1

Nyɛ̀iŋ nààŋ nyuùŋ hààwe dàwium nyàŋ, wo Dayà naiŋ tàeɗùù wèè naŋ nɔ̀ŋ anyùùŋ nɛɛmauŋ. Weètii gòngoìŋ e kèè wo Jisɛ̀, wo yèɔ wo Dayà naŋ tàeɗùù wèè wo nɔ̀ŋ wo keela yèè wo Kànà Sìèfèìŋ Zòòlo Gbeeɔ̀ wèè e hààweɛ̀ è kuwàìŋ lɛ.

2Pììlɛ 1:2

Tɔ̀ wo Dayà yèè wo Jisɛ̀ Kulaì kiɛ̀iŋ e tɛ̀ɛ̀tɛ̀ɛ̀ yèè ke jii fàa dìà sùà esaɓù kɛ̀ nàŋ nyìmàŋ wo Dayà yèè Jisɛ̀ Kulaì wo Kana wiɔ̀.

2Pììlɛ 1:3

E nɛ̀ɛ̀màŋ Dayàa, e gaàiŋ nɛ̀ è wi kìɛ̀ŋ e nɛ̀ɛŋ gbiŋ è mànàìŋ wèè eiŋ nɔ̀ŋ wɔŋ nyiiŋ gèeɔ̀ fɔɔyɛ̀ Dayà jii wɔ̀ŋ sùà, esaɓù kɛ̀ eiŋ nyìmàŋ wo yèɔ naŋ wi nyààŋ wèè wo wi gòònò e jòòwouŋ nɛ̀ yèè e tɛ̀ɛ̀tɛ̀ɛ̀uŋ nɛ̀ e fèemàŋ wɔ.

2Pììlɛ 1:8

Maŋ keì mààŋ mɛɛ̀ŋ nìŋ kuwa naŋ nyɛ̀nɛ̀ŋ, sèè nìŋ nyɛ̀nɛ̀ŋ miìŋ yèè nìŋ nyɛ̀nɛ̀ŋ miìŋ zimgbe zimgbe, è do nàŋ nyɛ̀nɛ̀ŋ naŋ nɔ̀ŋ kpala kpala, niŋ naàŋ nɔ̀ŋ ànyuùŋ jɛ̀kɛ e nyaàiŋ dè e jiikɛ̀ɛɛ̀ nìŋ kuwa wèè wo Kana wiɔ̀ Jisɛ̀ Kulaì lɛ.

1Jɔ̀ɔŋ 1:2

Nààŋ wɔŋ nyiiŋ gèeɔ̀ naŋ wi wa fòlò feìŋ, è naiŋ wuŋ yɛmɛ̀, yèè è yààìŋ aŋ sèì wèè e yèɛ è naiŋ yɛmɛ̀ lɛ. Weètii è yààìŋ naàŋ wòò sùà e kèè wɔŋ nyiiŋ gèe gò jùàa wɔŋ yeɔ̀ yaà wa koɓɛ̀ wo Dèdaà yèè wɔ̀ŋ naŋ wi fòlò feìŋ wɔŋ.

1Jɔ̀ɔŋ 1:3

E yèɛ è naiŋ yɛmɛ̀ yèè è naiŋ kòmò lɛ tiŋ è naiŋ woò, wèè naŋ wi dè maŋjɛ̀wɛ wèè eiŋ nɔ̀ŋ ke gbòò Dayà zòòloɛ̀ sùà, yèè ke gbòò zòòlo yɛɛ̀ kè yaà wèè wo Dèdaà yèè wo jɔ̀àfelaauŋ nɔɔ̀ŋ Jisɛ̀ Kulaì.

1Jɔ̀ɔŋ 2:23

Aŋ yè nyaŋ gò jàà wò Jɔ̀àfelaaà kùàŋ dìì nyaŋ, aŋ gò jàà wò Dèdaà kùàŋ dìì. Aŋ yè nyaŋ gbiŋ naŋ jàà wo Jɔ̀àfelaaà kùàŋ dìì nyaŋ, àŋ naŋ jàà wo Dèdaà kùàŋ dìì.

1Jɔ̀ɔŋ 4:6

È yààìŋ aŋ jɔ̀à Dayà, wo nyùnɔ̀ɔŋ gbiŋ naŋ nyìmè wo Dayà wɔ wò kumìàŋ wì. Kɛɛ wo nyùnɔ̀ɔ̀ŋ gbiŋ nyimààŋ wo Dayà wɔ wo fè wi kumìàŋ. Tɛɛ̀ nàŋ nyɛnɛŋ eiŋ nyìmàŋ e fèèmàŋ Jìnàŋ tɔ̀ɔ̀nyaàaŋ yaà wo jinàŋ tòaà.

1Jɔ̀ɔŋ 5:20

Yèè èiŋ nyìmàŋ kɛ̀ wo Jɔ̀àfèlàà Dayàa naŋ hnè yèè wò naŋ wi fè jiikɛ̀ɛ, wèè eiŋ nyìmàŋ wo Dàyà tɔ̀ɔ̀nyaàaŋ. È yààìŋ anyùùŋ guùŋ wo Dayàa tɔ̀ɔ̀nyaàaŋ sùà, yèè anyùùŋ guùŋ wo Jɔ̀àfelaauŋ nɔɔ̀ŋ Jisɛ̀ Kulaì sùà. Wuŋ nàŋ yaà wo Dàyà tɔ̀ɔ̀nyaàaŋ, yèè wuŋ nàŋ yaà wɔŋ nyiiŋ gèe gò jùàa.