Jɔ̀ɔŋ 17:26 - WƆŊ FƐ̀Ì EBÒ SÌÀŊ DAYÀA

²⁶ Kà nyiŋ woò kɛ̀ ɓòò nàŋ yààùm, yèè mìŋ do nyiŋ niŋ ɓɛìŋ nàŋ woò. Kpeiŋ kɛ̀ e mànaàŋ mùŋ kuwa weèim lɛ̀ è do nàŋ nɔ̀ŋ e je nyiŋ, wèè nyiiŋ pɛɛ aŋ kɛɛnɛ̀ŋ e mànaŋ bi wèè aŋ dàwi nyiŋ nyàŋ, yèè yàwi nyiŋ do nàŋ nɔ̀ŋ anyùùŋ guùŋ aŋ dàwio sùà.”

Jɔ̀ɔŋ 17:26 ပူးပေါင်းရင်းမြစ်များ

Jɔ̀ɔŋ 14:20

Sèè e teenga lii hnàŋ wa nàwèè yèè ka kɛ̀ɛ̀ wɔŋ nyiiŋ gèeɔ̀ sùà, nìŋ do nàŋ nyìmè kɛ̀ kòò mìŋ yaà wo Dèda miɔ̀ŋ ko sùà yèè kɛ̀ nyɛ̀iŋ pɛɛ nìŋ yààìm ko sùà, màànààŋ nɔŋ mìŋ yààìŋ ko sùà lɛ.

Jɔ̀ɔŋ 14:23

Wo Jisɛ̀ naŋ fasàì wààŋ, “Anyùùŋ nyaŋ mànàìm nyaŋ, do nàŋ nyɛ̀nɛ̀ŋ e yèɛ mìŋ naŋ nyiŋ woò wèè aŋ nyɛ̀nɛ̀ŋ lɛ. Tɛɛ̀ do nàŋ nyɛ̀nɛ̀ŋ wo Dèda miɔ̀ŋ wo nyiŋ mànàŋ, wo Dèda miɔ̀ŋ yèè miàŋ bi è do nàŋ hnè ko nɛ̀ɛ̀ŋ nyiŋ niìŋ wèè eiŋ nɔ̀ŋ koɓɛ̀ guùŋ.

Jɔ̀ɔŋ 15:15

Miŋ fèiŋ ɓɛìŋ nyààŋ àŋ ɓɔìjɔ̀à, esaɓù kɛ̀ wo ɓɔìjɔ̀à nyimààŋ kè gbùnù wò kààmɔɔuŋ nɔɔ̀ŋ. Mìŋ yààìŋ gbùùyè kɔɔ mààŋ anyuùŋ mɔ̀ɔ̀nɔim, esaɓù kɛ̀ kàiŋ wòò e yèɛ gbiŋ wo Dèda miɔ̀ŋ naim woò lɛ.

Jɔ̀ɔŋ 15:4

Jèeìŋ e jààneiŋ ko nɛ̀ɛ̀ŋ miìŋ, yèè miàŋ pɛɛ mìŋ do nàŋ jèè e jààneim ko nɛ̀ɛ̀iŋ niìŋ. Màànààŋ nɔŋ ke kuù kpee fè ɓɛ̀nɛ̀ŋ kòmaŋ kùàŋ kiìŋ bi sɔɔ̀ nɔŋ ke jèè e jààne nyiŋ koɓɛ̀ ke kuùkpù gbeeɛ̀ lɛ, e ɗèwè guùŋ lɛɛ̀ sùà, nyɛ̀iŋ nààŋ nyùùŋ màŋjɛ̀wɛ̀im nyàŋ fè ɓɛ̀nɛ̀ŋ nyɛ̀nɛ̀ŋ è keì gbiŋ wɔ̀ŋ kùàŋ wùùŋ maiŋ sɔɔ̀ naŋ jèè aŋ bàiŋbà nɔ̀ɔŋ ko nɛ̀ɛ̀ŋ miìŋ.”

Jɔ̀ɔŋ 15:9

Mìŋ mànàìŋ màànààŋ nɔŋ wo Dèda miɔ̀ŋ mànàìm lɛ. Jèeìŋ e hààwe e mànaŋ mɛ̀ sùà.

Jɔ̀ɔŋ 17:23

Mìŋ yaà nyiìŋ ko sùà, yèè mùŋ yààìm ko sùà, wèè kɛ̀ aŋ gbiŋ aŋ nɔ̀ŋ anyùùŋ guùŋ aŋ dàwi nyiŋ nyàŋ sùà, wèè kɛ̀ anyùùŋ nyaŋ e ɗuunyaàŋ aŋ nyìmàŋ kɛ̀ muàŋ naim tùɔ̀ŋ yèè kɛ̀ mùŋ mànàŋ nyiìŋ màànààŋ nɔŋ mùŋ mànàìm lɛ.

Jɔ̀ɔŋ 17:6

“Mùŋ naim wa kìɛ̀ŋ anyùùŋ wèè aim nɔ̀ŋ maŋjɛ̀wɛ e ɗuunyaŋ lɛɛ̀, yèè mìŋ naŋ tɔɔ̀ kɛ̀ ɓòò nàŋ yààùm muàum Dayà koɓɛ̀ anyùùŋ nyaŋ e ɗuunyaàŋ. Muàŋ nàŋ kanaŋ wa anyùùŋ nyɛɛ̀ŋ, kɛɛ mùŋ naim nyiŋ wa kiɛ̀ŋ, yèè àŋ naum jɔ̀ɔ̀lɔ̀ dìì.

Jɔ̀ɔŋ 17:8

Mìŋ naŋ wòò anyùùŋ màŋjɛ̀wɛ̀im nyàŋ e yèɛ mùŋ naim woò lɛ, yèè àŋ naŋ niŋ jàà kùàŋ dìì. Àŋ nyìmàŋ kɛ̀ tɔɔɓaa ko nɛ̀ɛ̀ŋ muìŋ mìŋ yewe, e kìlà àŋ naŋ haawè kɛ̀ muàŋ naim tùɔ̀ŋ.

Jɔ̀ɔŋ 6:56

Anyùùŋ nyaŋ do nàŋ gbìlè e kenìŋ mɛ̀ yèè aŋ tìà maŋ sɛnìim màŋ nyaŋ, àŋ doim nàŋ nyìnìè wɔŋ nyiiŋ gèe nyiŋ nɔɔ̀ŋ ko sùà, yèè wɔŋ nyiiŋ gèe miɔ̀ŋ do nyiŋ nàŋ nɔ̀ŋ ko sùà.

Jɔ̀ɔŋ 8:50

Miŋ fè kààmè è ɓɛ̀ɛ̀jàa wèè miàŋ bi. Kɛɛ wo Dayà manaŋ wèè anyùùŋ aim kìɛ̀ŋ e ɓɛ̀ɛ̀jàa, yèè wuŋ guùŋ nɔŋ nàŋ gbaì anyùùŋ.

Luùm 8:10

Kɛɛ sèè wo Jisɛ̀ Kulaì wò nɔ̀ùm sùà, mùŋ do nàŋ wɔŋ nyiiŋ gèe sùà esaɓù kɛ̀ wo Dayà wòum jàà kùàŋ dìì wèè maŋ nɔ̀ŋ wo nyùùŋ tɔ̀ɔ̀nyaàŋ, jòòpɛɛ maŋ kpùnaiŋ màŋ do nàŋ fɔ̀ esàɓù maŋ jùumù.

1 Kɔliìŋ 1:30

Kɛɛ wo Dayà wòiŋ nyɛ̀nɛ̀ŋ nàŋ nɔ̀ŋ aŋ bàiŋbà Jisɛ̀ Kulaì sùà, yèè wo Dayà naŋ nyɛ̀nɛ̀ŋ wo Jisɛ̀ Kulaì wèè wo nɔ̀ŋ e jiikɛ̀ɛ wilɛ̀. Wuŋ naŋ wi nyɛ̀nɛ̀ŋ è naiŋ nɔ̀ŋ tɔ̀ɔ̀nyaàŋ koɓɛ̀ Dayài, yèè è naiŋ nɔ̀ŋ anyùùŋ nɛ̀ɛ̀màŋ Dayà nyaŋ, yèè wò naŋ wi joeyè wèè foo.

1 Kɔliìŋ 12:12

Wo Jisɛ̀ Kulaì wò yaà mààŋ ke kpùnàŋ guùŋ, ke yèɛ kuwa manɛ̀ŋ è kɔɔ zimgbe lɛ̀, kɛɛ kè yaà nɔŋ ke kpùnàŋ guùŋ kpò, jòòpɛɛ manɛ̀ŋ è kɔɔ nyiŋ màŋ yaà gbàgbà.

Gàla 2:20

Jòòpɛɛ kà naàŋ fà, kɛɛ wo Jisɛ̀ Kulaì yaà wɔŋ nyiiŋ gèe miɔ̀ŋ sùà. E kìlà mìŋ yaà naàŋ wɔŋ nyiiŋ gèe e hààwe wo Jɔ̀àfelàà Dayàa sùà, wo yèɔ naim mɔ̀nɔ̀ŋ yèè wò naŋ kìɛ̀ŋ wɔŋ nyiiuŋ nɔɔ̀ŋ e weèim wɔ̀.

Ɛfesɔ̀ 1:6

Tɔ̀ɔ̀ wiìŋ jii siaŋ wo Dayà wèè e jòòwò tɛ̀ɛ̀tɛ̀ɛ̀uŋ nɛ̀, wò naŋ wi kiɛ̀ŋ wèè foo esàɓù jɔ̀à mànauŋ nɔɔ̀ŋ Jisɛ̀ Kulaì sùà lɛ!

Ɛfesɔ̀ 3:17

Mìŋ humo Dayà wèè wo Jisɛ̀ Kulaì nɔ̀ŋ maŋ jiiiŋ màŋ sùà esàɓù e hààweiŋ nɛ̀. E kìlà mìŋ humo Dayà wèè naŋ kɛ̀ɛ̀nɛ̀ŋ e gulòiŋ nɛ̀ yèè ko tɔɔtuiŋ niìŋ e mànaŋ sùà.

Ɛfesɔ̀ 5:30

Esaɓù kɛ̀ è yààìŋ aŋ bàwibà ke kpùnauŋ nɛɛ̀ŋ sùà.

Ɛfesɔ̀ 5:32

Ke gbùnù tɔ̀ɔ̀nyaàŋ kpɔtukpɔ̀tù naŋ fòlò ke mìè yɛɛ̀ sùà, ke yèɛ mìŋ naŋ nyìmè kɛ̀ kè sɔ̀à wo Jisɛ̀ Kulaì yaà ke gbòò anyuùŋ hààwe nyàŋ lɛ.

Kòlo 1:27

Wo Dayà naŋ wa ɗewè wèè wo tɔ̀ɔ̀ ke gbùnuuŋ nɛɛ̀ŋ koɓɛ̀ anyùùŋ nɛɛmauŋ nyàŋ, ke gbùnu kɛ̀ɛ̀nɛ̀ŋ bàne yaà e jòòwo yɛɛ̀, ke yèɛ wò kuwa wèè anyùùŋ nyaŋ gbiŋ nyàŋ. Ke gbùnu bi zà nàŋ yaà kɛ̀, wo Jisɛ̀ Kulaì joàìŋ ko sùà, yèè wuŋ nàŋ yaà ke jii tùliaiŋ nɛɛ̀ŋ wèè naŋ nɔ̀ŋ aŋ bàiŋbà e jòòwò Dayàa sùà.

Kòlo 2:10

e kìlà tɔɔɓaa wo Dayà naiŋ nyɛ̀nɛ̀ŋ naŋ nɔ̀ŋ aŋ bàiŋbà wɔŋ nyiiŋ gèeuŋ nɔɔ̀ŋ sùà. Wuŋ nàŋ kuwa e gààaŋ aŋ sìèfèìŋ aŋ jìnàŋ nyaŋ yaà anyùùŋ gbèègbèè nyiŋ nyàŋ diɛŋ.

Kòlo 3:11

E tɛɛ gòòno fòo sèè pɛɛ naŋ nɔ̀ŋ anyùùŋ nyaŋ fè àŋ Juùù nyaŋ ɔ̀ɔ̀ àŋ Juùù nyuuŋ, ɔ̀ɔ̀ aiŋ jàà kpùa ɔ̀ɔ̀ naŋ nɔ̀ŋ anyuùŋ gò jàà kpùa, anyùùŋ maŋ fuɔŋ joo, anyùùŋ ɓie gò nyìmàŋ è kèè kò ɓài, aŋ ɗo, yèè anyùùŋ nyaŋ fè àŋ ɗo nyàŋ, kɛɛ wo Jisɛ̀ Kulaì nàŋ yaà e nɛ̀ɛŋ gbiŋ, e kìlà wo Jisɛ̀ Kulaì wò yaà e nɛ̀ɛŋ gbiŋ sùà.

2Tɛsè 2:16

Tɔ̀ wo Kana wiɔ̀ Jisɛ̀ Kulaì wuŋ bi yèè wo Dayà wo Dèdaà, wo yèɔ mànàŋ wì e kìlà wò kiɛ̀ŋ wì keì sìàŋ yèè e yìwìà e tɛ̀ɛ̀tɛ̀ɛ̀uŋ nɛ̀ sùà wò kiɛ̀ŋ wi ke jìì nyìngè nyiiŋ gèe gò jùà, yèè ke jii tùlia nyìngà sùà wɔ,

Hiɓu 2:12

Wo Jisɛ̀ naŋ wòò wo Dayà wààŋ, “Mìŋ do nàŋ tɔ̀ɔ̀ aŋ wùìyaim nyàŋ e deè mɔ̀ɛ̀ e nyaàiŋ dè e tòmoɛ̀ mùŋ naŋ nyɛ̀nɛ̀ŋ lɛ. Mìŋ do nàŋ tɛ̀nɛ̀ŋ e deè mɔ̀ɛ̀ koɓɛ̀ ke gbòò anyuùŋ hààwe nyàŋ sèè àŋ deenàŋ koɓɛ̀ guùŋ wèè zòòlo.”

1Jɔ̀ɔŋ 3:24

Anyùùŋ nyaŋ jɔɔlɔ̀ ke Sàwà Dayà dìì nyaŋ, àŋ yaà e mìèsùàguùŋ sùà ko fɛ̀ɛ̀fèìŋ Dayà, yèè wo Dayà yaà e mìèsùàguùŋ sùà ko nɛ̀ɛ̀ŋ nyiŋ niìŋ. Yèè e nɛ̀ɛŋ nyɛnɛŋ eiŋ nyìmàŋ kɛ̀ yàwi nààŋ Dayà yààìŋ mìèsùàguùŋ sùà lɛ nàŋ yaà kɛ̀, wò naŋ wi fè wo Jinàuŋ nɔɔ̀ŋ wèè wo wi nɔ̀ŋ maŋjɛ̀wɛ.