Jɔ̀ɔŋ 17:24 - WƆŊ FƐ̀Ì EBÒ SÌÀŊ DAYÀA

²⁴ “Dèda, mìŋ zoolà wèè anyùùŋ nyaŋ gbiŋ mùŋ naim kiɛ̀ŋ nyaŋ aŋ nɔ̀ŋ koɓɛ̀i mìŋ do nàŋ nɔ̀ŋ lɛ. Kpeiŋ kɛ̀ àŋ do nàŋ yɛ̀mɛ̀ e dɛ̀ɛ̀kɛɛ̀ mùŋ naim kiɛ̀ŋ lɛ, esaɓù kɛ̀ mùŋ naim wa mɔ̀nɔ̀ŋ paŋgàà e ɗuunyaàŋ naŋ wa nɔ̀ŋ bàne niŋ.

Jɔ̀ɔŋ 17:24 ပူးပေါင်းရင်းမြစ်များ

Maafiù 25:21

Yèè wo kààmɔɔuŋ nɔɔ̀ŋ naŋ woò wààŋ, ‘Mùŋ naŋ nyɛ̀nɛ̀ŋ tɛ̀ɛ̀. Mùŋ yaà wo ɓɔìjɔ̀à siaŋ yèè e tɔ̀ɔ̀nyaàŋ. Mìŋ naum mɛ̀iŋ jùùyè e nɛɛnɛŋ jɔa, kɛɛ mìŋ doum naàŋ nàŋ kìɛ̀ŋ e gbee niŋ. Hnàaàŋ yèè muŋ nɔ̀ŋ wo bàumbà e zɔlɔ̀ gèe mɛ̀ sùà.’

Maafiù 25:23

Yèè wo kààmɔɔuŋ nɔɔ̀ŋ naŋ woò wààŋ, ‘Mùŋ naŋ nyɛ̀nɛ̀ŋ tɛ̀ɛ̀. Mùŋ yaà wo ɓɔìjɔ̀à siaŋ yèè e tɔ̀ɔ̀nyaàŋ. Mìŋ naum mɛ̀iŋ jùùyè e nɛɛnɛŋ jɔa, kɛɛ mìŋ doum naàŋ nàŋ kìɛ̀ŋ e gbee niŋ. Hnàaàŋ yèè muŋ nɔ̀ŋ wo bàumbà e zɔlɔ̀ gèe mɛ̀ sùà.’

Maafiù 25:34

Kpeiŋ kɛ̀ miàim wo Kanaà kà wòò anyùùŋ nyaŋ wɔŋ kùàŋ jìka miɔ̀ŋ mìàŋ, ‘Hnàaìŋ, nyɛ̀iŋ nyàŋ wo Dèda miɔ̀ŋ naŋ haayà nyaŋ! Hnàaìŋ niŋ ɓemè e Kànà Dayàa naŋ wa nɔ̀ŋ bàne niŋ weèiŋ lɛ paŋgàà e ɗuunyaàŋ naŋ wa nɔ̀ŋ bàne niŋ lɛ̀.

Maafiù 26:29

Miŋ woòiŋ e tɔɔɓaaà, e yìwìà nàaŋ, julɔfɔ miŋ naàŋ ɓɛìŋ tìè màŋ tala muaŋ gbiŋ e jèèsùà e hàì ke ɗɔɔɛ̀ mìŋ do nàŋ tìè maŋ tala muaŋ jɛi màŋ e Kànà Dèda miɔ̀ŋ sùà lɛ.”

Luù 12:37

E zɔlɔ̀ do nàŋ nɔ̀ŋ aŋ ɓɔìjɔ̀à nyiiŋ sèè wo kana nyiŋ nɔɔ̀ŋ wò hnàŋ wo nyiŋ mɛ̀ɛ̀ŋ fɛɛ̀ wòwò yèè àŋ yaà bànèbane nyiŋ! Miŋ woòiŋ e tɔɔɓaaà, wò do nàŋ gè wɔŋ kumàuŋ nɔɔ̀ŋ, wo nyiŋ nyɛ̀nɛ̀ŋ aŋ jɛ̀ì wɔŋ gbɛ̀gbɛ̀ɔ kɔɔ, yèè wo nyiŋ gòònò e nɛ̀ŋje fèemàŋ.

Luù 23:43

Wo Jisɛ̀ nauŋ woò wààŋ, “Tɔ̀ miŋ woòum e tɔɔɓaaà, yàwium do nàŋ nɔ̀ŋ ko jàwà Dayà nàaŋ ɗɔɔ yɛɛ̀.”

Jɔ̀ɔŋ 1:14

Wo nyùnɔ̀ɔŋ àŋ nyaaŋ ke Mìèɛ wɔ̀ naŋ wa kìlè wo nyuùŋkpùuŋ, e kìlà e ɗewe lɛɛ̀ sùà wo Dayà wuŋ bi naŋ wa hnè yèè wò naŋ wi kià jòò e tɛɛ. Wò naŋ tɔ̀ɔ̀ e mànaŋ zimgbe yèè e tɔ̀ɔ̀nyààŋ Dayàa koɓɛ̀ anyùùŋ nyaŋ. È naiŋ wa yɛ̀mɛ̀ e jòòwouŋ nɛ̀ ko nɛ̀ɛ̀ŋ wiì. E jòòwoɛ̀ wo Dayà nauŋ wa kiɛ̀ŋ lɛ nààŋ wuŋ nàŋ yaà wo Jɔ̀àfèlàà gunɔ̀ɔŋ koɓɛ̀ wo Dèdaà lɛ.

Jɔ̀ɔŋ 12:26

Sèè nyɛ̀iŋ nààŋ bà gbiŋ nìŋ mɔnɔŋ wèè naŋ tomo weèim, kɛ̀ sɔɔ̀ naŋ dè ke kpèè siaŋ miɛ̀ŋ maŋjɛ̀wɛ. Kpeiŋ sèè mìŋ fà, koɓɛ̀i mìŋ do nàŋ nɔ̀ŋ lɛ, kuuŋ nɔŋ wo ɓɔìjɔ̀à miɔ̀ŋ wò do nàŋ nɔ̀ŋ. Wo Dèda miɔ̀ŋ do nàŋ dɛ̀ɛ̀kɛ̀ wo nyùnɔ̀ɔŋ gbiŋ tomàŋ weèim wɔ̀.”

Jɔ̀ɔŋ 14:3

Yèè sèè mìŋ kɔ̀à mìŋ kpɛɛyɛ̀o bàne, mìŋ do nàŋ hnè wèè kaiŋ noo koà, wèè kɛ̀ yàwi nààŋ gbiŋ eiŋ nɔ̀ŋ koɓɛ̀ guùŋ.

Jɔ̀ɔŋ 15:9

Mìŋ mànàìŋ màànààŋ nɔŋ wo Dèda miɔ̀ŋ mànàìm lɛ. Jèeìŋ e hààwe e mànaŋ mɛ̀ sùà.

Jɔ̀ɔŋ 17:2

Mùŋ naim kìɛ̀ŋ e gààŋ anyuùŋ kpùuŋ nyàŋ gbiŋ diɛŋ, wèè ka kìɛ̀ŋ wɔŋ nyiiŋ gèe gò jùà koɓɛ̀ anyùùŋ nyaŋ gbiŋ mùŋ naim kiɛ̀ŋ nyaŋ.

Jɔ̀ɔŋ 17:22

Kà dɛ̀ɛ̀kɛ̀ anyùùŋ màŋjɛ̀wɛ̀im nyàŋ e ɗèwè guùŋ nɛ mùŋ naim dɛɛkɛ̀ lɛ, wèè kɛ̀ aŋ nɔ̀ŋ anyùùŋ guùŋ aŋ dàwi nyiŋ nyàŋ sùà, màànààŋ nɔŋ yàwium è yaà guùŋ aŋ dàwi sùà lɛ.

Jɔ̀ɔŋ 17:5

Weètii Dèda, kìɛ̀im ɓɛìŋ e dɛ̀ɛ̀kɛɛ̀ mùŋ naim wa kiɛ̀ŋ lɛ ko tɔɔtuì paŋgàà e ɗuunyaàŋ naŋ wa nɔ̀ŋ bàne niŋ nɛ̀.

Jɔ̀ɔŋ 6:37

Wo nyùnɔ̀ɔŋ gbiŋ wo Dèda miɔ̀ŋ doim nàŋ kiɛ̀ŋ wɔ wò do nàŋ nɔ̀ŋ wo nyùùŋ màŋjɛ̀wɛ̀ miɔ̀ŋ bà guùŋ. Miŋ naàŋ gè màŋhɛɛ wèè kauŋ jàà kùàŋ dìì.

Jɔ̀ɔŋ 6:39

Yèè e yèɛ wo Dayà manaŋ ka nyɛ̀nɛ̀ŋ lɛ tiŋ tɛɛ̀, wèè ka yɛ̀mɛ̀ anyùùŋ nyaŋ gbiŋ wò naim kiɛ̀ŋ nyaŋ diɛŋ wèè kɛ̀ wo bà gbiŋ ɓɔ̀ wò go. E kìlà, wò manaŋ wèè ka nyiŋ gè e fàaà dìì wɔŋ nyiiŋ gèeo sùà ke ɗɔɔ dìàmaàŋ.

Jɔ̀ɔŋ 8:58

Wo Jisɛ̀ naŋ nyiŋ woò wààŋ, “Mìŋ yààìŋ wòo sùà e tɔɔɓaaà kɛ̀, wèè paŋ aŋ kòmàŋ wa wo Eɓulɔhɛɛ̀ŋ, mìŋ yaào wa, yèè kòò miŋ yaà.”

1 Kɔliìŋ 13:12

E ɗeweɛ̀ è yààìŋ naàŋ yɛ̀ɛ̀mɛ̀ Dayà wèè wo nɔ̀ŋ lɛ, è yaà mààŋ wɔŋ miimiiŋ fà e fɛ̀ɛ̀ wɔŋ mɛ̀ɛ̀mɛ̀ɛ̀ŋ sùà, kɛɛ e teenga bà sùà, è doiŋ wuŋ nàŋ yɛmɛ̀ janjai. E nɛ̀ɛŋ mìŋ naŋ naàŋ nyìmè lɛ kòò è dìò sùà, kɛɛ è do nàŋ dìò sùà màànààŋ e jììkɛ̀ɛ̀ Dayàa naŋ dìò sùà wèè nyaàiŋ eim dè lɛ.

2 Kɔliìŋ 3:18

Yàwi nààŋ gbiŋ, maŋ dewà wi màŋ tɔɔ̀ e jòòwò Kanaà maŋ dewà gò ɓùwà sùà, yèè e jòòwò guùŋ bi è yewe wo Kanaà sìwè, wo yèɔ yaà wo Jinàaŋ wɔ̀, wò naŋ wi kìlè e ɗeweɛ̀ wò yaà lɛ sùà e jòòwo tɛ̀mɛ̀ɛ̀ gbee bà sùà.

2 Kɔliìŋ 4:6

Wo Dayàa naŋ woò wààŋ, “E yìwìà ke nyìwìɛ sùà e gbolòùŋ do nàŋ mɛ̀ɛ̀ŋ wɔ,” wo Dàyà guùŋ bi nɔŋ naŋ nyɛ̀nɛ̀ŋ e gbolòùuŋ nɛ naŋ mɛ̀ɛ̀ŋ maŋ jii wi màŋ sùà wèè e wi hìàŋ koɓɛ̀ e jììkɛ̀ɛ̀ e jòòwò Dayàa e yèɛ yaà mɛ̀ɛŋ sùà wo Jisɛ̀ Kulaì dewà lɛ.

2 Kɔliìŋ 5:8

È naiŋ dìè maŋ jii nyingè e jèèsùà e weè pɛɛ mànàŋ wèè eiŋ jòà maŋ gboo wi màŋ ke kpùnaàŋ sùà wèè eiŋ kà ko gbooì koɓɛ̀i wo Kanaà yaà lɛ.

Fèle 1:23

Mìŋ sia maŋ dòmàŋ gbààmàŋ tìyèe. Mìŋ manaŋ wèè ka jòà e ɗuunyaŋ lɛɛ̀ wèè ka nɔ̀ŋ koɓɛ̀ Jisɛ̀ Kulaìi, e yèɛ do nàŋ nɔ̀ŋ tɛ̀ɛ̀ e nìàŋ wèè ka nɔ̀ŋ wɔŋ nyiiŋ gèeɔ̀ sùà.

1Tɛsè 4:17

pangàà kɛ̀ yàwi nyàŋ kùwàìŋ nyiiŋ gèeɔ̀ e teenga lii sùà nyaŋ, èiŋ gbònògbònò koɓɛ̀ guùŋ ke nyili fuaà sùà wèè eiŋ mɛ̀ɛ̀ŋ wo Kanaà Jisɛ̀ ko fùùiŋ. Kpeiŋ kɛ̀ è doiŋ wa nàwèè naàŋ nàŋ nɔ̀ŋ koɓɛ̀ Kanaà Jisɛ̀i wèè julɔfɔ.

1Pììlɛ 1:21

Esàɓù Jisɛ̀ Kulaì sùà nìŋ naŋ hààwè Dayà, wo yèɔ nauŋ gèe dìì e yìwìà e fàa dìì, yèè wò nauŋ fè e jòòwo, wèètii e hààweiŋ nɛ̀ yèè ke jii tùliaiŋ nɛɛ̀ŋ yaà koɓɛ̀ Dayài.

1Jɔ̀ɔŋ 3:2

Dàwi mànaim nyàŋ, è yààìŋ naàŋ aŋ jɔ̀à Dayà. Yèè kòò è nyìmèìŋ weè janjai kɛ̀ ɓòò è doiŋ nàŋ nɔ̀ŋ, kɛɛ èiŋ nyìmàŋ kɛ̀ sèè wo Jisɛ̀ hnàŋ wa nàwèè è doiŋ nàŋ nɔ̀ŋ màànààŋ wò yaà lɛ. Yèè è douŋ nàŋ yɛmɛ̀ màànààŋ wò yaà lɛ.

Maŋ kèì nyɛɛnɛŋ 21:22

Mìŋ gò wa yɛ̀mɛ̀ kè saaŋ zòòlò Dayà kò jawa gbeeì, esaɓù kɛ̀ wo Kanaà wo Dàyà Gaàŋ Gbeeɔ̀ yaà wo Ɓaawaaà nàŋ yaà wa ke Saaŋ Zòòlò Dayàa.

Maŋ kèì nyɛɛnɛŋ 3:21

Anyùùŋ nyaŋ do nàŋ ɓùlò nyaŋ, mìŋ do nyiŋ nàŋ kìɛ̀ŋ e tɔ̀ɔ̀nyaàŋ wèè aim jɛ̀ì kɔɔ ke kpùà kana miɛ̀ŋ diɛŋ, màànààŋ nɔŋ mìŋ naŋ wa ɓùlò yèè mìŋ naŋ jɛ̀ì wo Dèda miɔ̀ŋ kɔɔ ke kpùà kanauŋ nɛɛ̀ŋ diɛŋ lɛ̀.”