Jɔ̀ɔŋ 17:21 - WƆŊ FƐ̀Ì EBÒ SÌÀŊ DAYÀA

²¹ Dèda, mìŋ zoolà wèè aŋ gbiŋ aŋ nɔ̀ŋ anyùùŋ guùŋ koɓɛ̀ aŋ dàwi nyiŋ nyàŋ, màànààŋ nɔŋ mìŋ yaà wò guùŋ mìŋ yààùm ko sùà lɛ, yèè mùŋ yaà wò guùŋ mùŋ yààìm ko sùà. Kpeiŋ kɛ̀ anyùùŋ nyaŋ e ɗuunyaŋ lɛɛ̀ do nàŋ haawè kɛ̀ muàŋ naim tùɔ̀ŋ.

Jɔ̀ɔŋ 17:21 ပူးပေါင်းရင်းမြစ်များ

Jɔ̀ɔŋ 10:16

Kòò mìŋ kuwa aŋ ɓaawaa joo bà àŋ yè nyaŋ fè wɔ̀ŋ gɔ̀ɔ̀ŋ àŋ ɓaawaa nyɛɛ̀ŋ kò sùà nyaŋ. Mìŋ kuwa ka nyiŋ hìàŋ koɓɛ̀ guùŋ nyiŋ pɛɛ, yèè àŋ do nàŋ kòmò ke miè miɛ̀ŋ. Kpeiŋ àŋ do nàŋ nɔ̀ŋ ke gbòò maŋ ɗòlònɛ̀ŋ aŋ ɓààwàà guùŋ.

Jɔ̀ɔŋ 10:30

Wo Dèdaà yèè miàŋ è yaà anyùùŋ guùŋ.”

Jɔ̀ɔŋ 10:38

Kɛɛ sèè mìŋ nyɛnɛŋ e yèɛ wo Dèda miɔ̀ŋ nyɛnɛŋ lɛ̀, kɛ̀ kɛ̀ɛ̀nɛìŋ e hààwe esàɓù tii, sèè pɛɛ nìŋ goim haawè. Kpeiŋ nìŋ do nàŋ nyìmè kɛ̀ tɔɔɓaa wo Dèdaà yààìm ko sùà yèè mìŋ yàuŋ ko sùà.”

Jɔ̀ɔŋ 11:42

Kà nyìmàŋ kɛ̀ mùŋ jaa e zòòlo mɛ̀ kùàŋ dìì e teenga gbiŋ, kɛɛ mìŋ naŋ tɛɛ̀ woò wèè esàɓù anyùùŋ nyɛɛ̀ŋ kià, wèè kɛ̀ aŋ haawè kɛ̀ muàŋ naim tùɔ̀ŋ.”

Jɔ̀ɔŋ 13:32

Kpeiŋ, sèè wo Dayà nɔ̀ŋ jòòwouŋ esaɓù mɛ̀ sùà, wo Dayà doim nàŋ joowò, yèè wo Dayà do niŋ nàŋ nyɛ̀nɛ̀ŋ e teenga kpuu sùà.

Jɔ̀ɔŋ 13:35

Sèè nìŋ mɔnɔŋ aŋ dàwiiŋ nyàŋ nyɛ̀iŋ bi e fèemàŋ, anyùùŋ nyaŋ gbiŋ do nàŋ nyìmè kɛ̀ nyɛ̀iŋ nàŋ yaà anyùùŋ màŋjɛ̀wɛ̀im nyàŋ.”

Jɔ̀ɔŋ 17:11

Dèdà Nɛɛmaàŋ, miŋ fè ɓɛìŋ ànyùùŋ nyaŋ tɛɛ e ɗuunyaàŋ. Mìŋ yaà naàŋ hìnìè ko nɛ̀ɛ̀ŋ muìŋ. Kɛɛ anyùùŋ màŋjɛ̀wɛ̀im nyàŋ kòò àŋ yaà nɔŋ e ɗuunyaàŋ. Yɛ̀mɛ̀ nyiŋ diɛŋ e yìwìà e dèè e gaàŋ gbee mɔ̀ɛ̀ mùŋ naim kiɛ̀ŋ lɛ, wèè kɛ̀ aŋ gbiŋ aŋ nɔ̀ŋ anyùùŋ guùŋ, màànààŋ yàwium tìyèe è yaà anyùùŋ guùŋ lɛ.

Jɔ̀ɔŋ 17:18

Mìŋ yaà nyiìŋ tùàŋ sùà koɓɛ̀ anyùùŋ nyaŋ e ɗuunyaàŋ, màànààŋ nɔŋ mùŋ naim wa tùɔ̀ŋ lɛ.

Jɔ̀ɔŋ 17:20

“Miŋ fè nɔŋ zoolo wèè ànyùùŋ màŋjɛ̀wɛ̀im nyɛɛ̀ŋ nyiŋ guùŋ. Mìŋ yaà pɛɛ zoolo wèè anyùùŋ nyaŋ gbiŋ do nàŋ kɛ̀ɛ̀nɛ̀ŋ e hààwe esàɓù e yèɛ anyùùŋ màŋjɛ̀wɛ̀im nyàŋ naŋ nyiŋ woò lɛ e nyaàiŋ eim dè.

Jɔ̀ɔŋ 17:25

Dèdà tɔ̀ɔ̀nyaàaŋ, anyùùŋ nyaŋ e ɗuunyaŋ lɛɛ̀ aŋ nyiŋ mààùm. Kɛɛ miàŋ kàum nyìmàŋ, yèè anyùùŋ màŋjɛ̀wɛ̀im nyàŋ àŋ nyìmàŋ kɛ̀ muàŋ naim tùɔ̀ŋ.

Jɔ̀ɔŋ 17:3

Yèè wɔŋ nyiiŋ gèe gò jùàa nàŋ yaà, wèè aum nyìmàŋ kɛ̀ muàŋ nàŋ yaà wo Dàyà tɔ̀ɔ̀nyaàaŋ, yèè aŋ nyìmàŋ miàim wo Jisɛ̀ Kulaì, wo yèɔ mùŋ naŋ tùɔ̀ŋ wɔ.

Jɔ̀ɔŋ 17:8

Mìŋ naŋ wòò anyùùŋ màŋjɛ̀wɛ̀im nyàŋ e yèɛ mùŋ naim woò lɛ, yèè àŋ naŋ niŋ jàà kùàŋ dìì. Àŋ nyìmàŋ kɛ̀ tɔɔɓaa ko nɛ̀ɛ̀ŋ muìŋ mìŋ yewe, e kìlà àŋ naŋ haawè kɛ̀ muàŋ naim tùɔ̀ŋ.

Jɔ̀ɔŋ 3:17

E teengaà wo Dayà naŋ wa tùɔ̀ŋ wo Jɔ̀àfelaauŋ nɔɔ̀ŋ koɓɛ̀ anyùùŋ nyaŋ e ɗuunyaàŋ lɛ, e fè wa wèè wo nyiŋ kìlìà è kiti diɛŋ. Wo Dayà nauŋ wa tùɔ̀ŋ ko nɛ̀ɛ̀ŋ nyiŋ niìŋ wèè wo nɔ̀ŋ wo Nyuùŋ Jòèye nyiŋ nɔɔ̀ŋ.

Jɔ̀ɔŋ 5:23

Wo Dèda miɔ̀ŋ manaŋ anyùùŋ nyaŋ gbiŋ aŋ kìɛ̀ŋ miàim wo Jɔ̀àfelaauŋ nɔɔ̀ŋ e ɓɛ̀ɛ̀jàa, màànààŋ nɔŋ àŋ kiɛ̀uŋ e ɓɛ̀ɛ̀jàa lɛ̀. Sèè wo nyùùŋ gbiŋ gè maŋhɛɛ wèè wo kìɛ̀ŋ miàim wo Jɔ̀àfelaauŋ nɔɔ̀ŋ e ɓɛ̀ɛ̀jàa, kɛ̀ wò gè maŋhɛɛ wèè wo kìɛ̀ŋ e ɓɛ̀ɛ̀jàa koɓɛ̀ wo Dèda miɔ̀ŋ naim tɔ̀ùŋ wɔ.

Nyɛ̀nɛ̀ŋ 2:46

Ke ɗɔɔ gbiŋ anyuùŋ hààwe nyàŋ hewa dèènè koɓɛ̀ guùŋ ke gbòò sùà ko Saaŋ Zòòlò Dayài. Aŋ gbiŋ hewa jììyà e nɛ̀ŋje koɓɛ̀ guùŋ maŋ gboò nyiŋ màŋ sùà ke jii fàa yèè e ɓɛ̀ɛ̀jàa sùà,

Nyɛ̀nɛ̀ŋ 4:32

Ke gbòò anyuùŋ hààwe nyàŋ naŋ wa tòòmò koɓɛ̀ guùŋ e mìèsùàguùŋ yèè ke jìì guùŋ sùà. Aŋ bà gbiŋ gò wa woò kɛ̀ nyiŋ bi nàŋ kanaŋ wa è yèɛ àŋ kuwa wa lɛ̀, kɛɛ àŋ gbiŋ naŋ wa gòònò e yèɛ gbiŋ àŋ kuwa wa lɛ̀ nyiŋ bi e fèemàŋ.

Luùm 12:5

Yɛi nɔŋ yàwi pɛɛ è yààìŋ. È kùwàìŋ maŋ suono suono zimgbe maŋ kpùnaŋ wi màŋ sùà, kɛɛ è yààìŋ nɔŋ guùŋ ke kpùnàŋ Jisɛ̀ Kulaìɛ sùà, yèè ke kpùnàŋ guùŋ aŋ dàwi wi nyàŋ sùà.

1 Kɔliìŋ 1:10

E yìwìà e gààŋ e dèè Kana wiɔ̀ Jisɛ̀ Kulaìɛ sùà, mìŋ yààìŋ dàwe sùà nyɛ̀iŋ nààŋ wùìyaim nyàŋ gbiŋ, wèè e nɛ̀ɛ̀ŋ nìŋ woà lɛ naiŋ jàà kùàŋ dìì, wèè e tɛɛ gòòno goiŋ nàŋ sɛ̀ɛ̀ è fèemàŋ. Nɔ̀iŋ koɓɛ̀ guùŋ, e gòngò guùŋ diɛŋ, yèè esàɓù guùŋ diɛŋ.

1 Kɔliìŋ 12:12

Wo Jisɛ̀ Kulaì wò yaà mààŋ ke kpùnàŋ guùŋ, ke yèɛ kuwa manɛ̀ŋ è kɔɔ zimgbe lɛ̀, kɛɛ kè yaà nɔŋ ke kpùnàŋ guùŋ kpò, jòòpɛɛ manɛ̀ŋ è kɔɔ nyiŋ màŋ yaà gbàgbà.

1 Kɔliìŋ 6:17

Kɛɛ wo nyùnɔ̀ɔŋ jàànè wuŋ bi koɓɛ̀ Kanaà wɔ, wuŋ yaà Kanaà àŋ nɔ̀ŋ ke kpùnàŋ guùŋ wo jinàaŋ sùà.

Gàla 3:28

E fèemàŋ gòòno bà gbiŋ fè e fèèmàŋ àŋ Juùù ɔ̀ɔ̀ anyùùŋ nyaŋ fè àŋ Juùù nyaŋ, àŋ ɗo ɔ̀ɔ̀ ànyùùŋ nyaŋ fè è ɗo dìì nyaŋ, àŋ felaa ɔ̀ɔ̀ àŋ jɔùŋ, nyɛ̀iŋ nààŋ gbiŋ nìŋ yaà anyùùŋ guùŋ e yìwìà e hààweiŋ nɛ̀ wo Jisɛ̀ Kulaì sùà.

Fèle 1:27

Eɓìèmàŋjɛ̀wɛ̀ tii gbiŋ, tɔ̀ ke nyɛ̀nɛiŋ nɛɛ̀ŋ wɔŋ nyiiŋ gèeiŋ nɔɔ̀ŋ sùà nɔ̀ŋ e ɗewe kiiɛ̀ dò naŋ hìɛ̀ŋ e ɓɛ̀ɛ̀jàa koɓɛ̀ Ebò Siaàŋ, e nyaàiŋ dè wo Jisɛ̀ Kulaì. Kpeiŋ sèè kaiŋ pɛɛ jaamè ɔ̀ɔ̀ mìŋ goiŋ pɛɛ jaamè, mìŋ do nàŋ kòmò kɛ̀ nyɛ̀iŋ gbiŋ kòò nìŋ yaà toomo ke jìì guùŋ sùà, nìŋ sia koɓɛ̀ guùŋ tiiŋ, wèè naŋ nyɛ̀nɛ̀ŋ anyuùŋ joo aŋ hààwè Ebò Siaàŋ.

1Jɔ̀ɔŋ 1:3

E yèɛ è naiŋ yɛmɛ̀ yèè è naiŋ kòmò lɛ tiŋ è naiŋ woò, wèè naŋ wi dè maŋjɛ̀wɛ wèè eiŋ nɔ̀ŋ ke gbòò Dayà zòòloɛ̀ sùà, yèè ke gbòò zòòlo yɛɛ̀ kè yaà wèè wo Dèdaà yèè wo jɔ̀àfelaauŋ nɔɔ̀ŋ Jisɛ̀ Kulaì.

1Jɔ̀ɔŋ 5:7

Aŋ sèì taai naŋ kìɛ̀ŋ ke mìè seìɛ.