Jɔ̀ɔŋ 17:15 - WƆŊ FƐ̀Ì EBÒ SÌÀŊ DAYÀA

¹⁵ Dèda, miŋ gòum dawè wèè maŋ gè anyùùŋ màŋjɛ̀wɛ̀im nyàŋ è ɗuunyaŋ lɛɛ̀ sùà, kɛɛ muŋ yɛmɛ̀ nyiŋ diɛŋ e yìwìà wo Sɛ̀tanàaŋ sìwè.

Jɔ̀ɔŋ 17:15 ပူးပေါင်းရင်းမြစ်များ

Maafiù 5:37

Tɔ̀ e yèɛ nìŋ woà lɛ e nɔ̀ŋ ‘Èèè’ ɔ̀ɔ̀ ‘Kpele.’ Eɓìèmàŋjɛ̀wɛ̀ tɛɛ̀, e yèɛ gbiŋ nìŋ woà naàŋ lɛ è yewe wo Sɛ̀tanàŋ sìwè, wo Nyuùŋ Kɛ̀ɛ̀nɛ̀ŋ ke Kpèè naanààaŋ.

Maafiù 6:13

Ɓɔ̀ mùŋ koà wi è wàa nyìnga dìì, kɛɛ yɛ̀mɛ̀ wi diɛŋ e yìwìà koɓɛ̀ wo Nyùùŋ kɛ̀ɛ̀nɛ̀ŋ ke Kpèè Naanààaŋ. Esaɓù kɛ̀ muàŋ nàŋ kanaŋ e kanaà, yèè e gààaŋ, yèè e jòòwoɛ̀ wèè julɔfɔ. Àmiinàŋ.’

Luù 11:4

Jùùyaà wi hakɛ̀ wèè maŋ keì naanààŋ maŋ è naiŋ nyɛ̀nɛ̀ŋ maŋ, màànààŋ nɔŋ è juuyà aŋ dàwi wi nyàŋ hakɛ̀ wèè maŋ keì naanààŋ maŋ àŋ jàà wì maŋ. Ɓɔ̀ mùŋ koà wi è wàa nyìnga dìì.’ ”

Luù 22:32

Kɛɛ kà zoolò weèum Saimɔ̀ŋ, wèè kɛ̀ e hààwe mɔ̀ɛ̀ nyìngà sùà. Yèè sèè muŋ kɛɛ maŋjɛ̀wɛ ko nɛ̀ɛ̀ŋ miìŋ, kpùùmaŋ aŋ wùìya gbànaŋ nyàŋ.”

Gàla 1:4

Wo Jisɛ̀ Kulaì naŋ wa jɔ̀ɔ̀lɔ̀ wo Dèda wiɔ̀ wo Dayà dìì, yèè wò naŋ kiɛ̀ŋ wuŋ bi wèè wo nɔ̀ŋ e nɛ̀ŋ saàà wèè maŋ jùumù wi màŋ, wèè wo joeyè wi e yìwìà e ɗuunyaŋ naanààŋ lɛɛ̀ sùà.

2Tɛsè 3:3

Kɛɛ wo Kanaà yaà wo nyuùŋ tùlìà jii, yèè wò doiŋ nàŋ fè e gààŋ yèè woiŋ yɛ̀mɛ̀ diɛŋ anyùùŋ maŋ kpèè naanààŋ nyaŋ e tɛɛ.

2Time 4:8

Eɓìèmàŋjɛ̀wɛ̀ tɛɛ̀ ke ɓɔ̀ɗì kana kòò kè yaà naàŋ bànè hàa nyiŋ e weèim esaɓù kɛ̀ wo Dayà weèim jàà kùàŋ dìì wèè ka nɔ̀ŋ wo nyùùŋ tɔ̀ɔ̀nyaàŋ, ke yèɛ wo Kanaà, wo nyuùŋ gbàì tɔ̀ɔ̀nyaàŋ, wò doim nàŋ kiɛ̀ŋ ke ɗɔɔ yii diɛŋ yɛ̀, yèè e naàŋ nɔŋ nɔ̀ŋ miàŋ guùŋ, kɛɛ è do naŋ nɔ̀ŋ wèè aŋ yè nyaŋ gbiŋ naŋ kùwò maŋ jii e manaŋ sùà wèè e hnàuŋ nɛ̀ lɛ.

1Jɔ̀ɔŋ 5:18

Èiŋ nyìmàŋ kɛ̀ aŋ jɔ̀à Dayà fè nɔŋ nɔ̀ŋ nyɛ̀nɛ̀ŋ sùà màŋ keì naanààŋ keleiŋ, esaɓù kɛ̀ wo Jɔ̀àfèlàà Dayàa yɛmɛ̀ nyiìŋ diɛŋ, yèè wo Nyuùŋ kɛ̀ɛ̀nɛ̀ŋ ke Kpèè naanààaŋ fè nyiŋ jàà keì nyìnga.

1Jɔ̀ɔŋ 5:19

Èiŋ nyìmàŋ kɛ̀ wo Dayà nàŋ kànàŋ wì, jòòpɛɛ e ɗuunyaàŋ gbiŋ è yaà e gààŋ wo Nyuùŋ kɛ̀ɛ̀nɛ̀ŋ ke Kpèè naanààaŋ sìwè.