Jɔ̀ɔŋ 17:13 - WƆŊ FƐ̀Ì EBÒ SÌÀŊ DAYÀA

¹³ Mìŋ yaà naàŋ ko dòmaŋ mìŋ yaà hìnìè ko nɛ̀ɛ̀ŋ muìŋ. Kɛɛ mìŋ yaà wòò maŋ keì mɛɛ̀ŋ e teengaà mìŋ yaà weè nɔŋ e ɗuunyaàŋ lɛ, wèè e nyɛ̀nɛ̀ŋ anyùùŋ màŋjɛ̀wɛ̀im nyàŋ aŋ kɛɛnɛ̀ŋ e zɔlɔ̀ maŋ jii nyiŋ màŋ sùà màànààŋ nɔŋ miàŋ bi mìŋ kuwa e zɔlɔ̀ lɛ.

Jɔ̀ɔŋ 17:13 ပူးပေါင်းရင်းမြစ်များ

Jɔ̀ɔŋ 13:3

Wo Jisɛ̀ wa nyìmàŋ kɛ̀ wo Dèdauŋ nɔɔ̀ŋ nauŋ wa kìɛ̀ŋ e gàaŋ gbiŋ, e kìlà wò nyìmàŋ kɛ̀ wò naŋ wa yèwè koɓɛ̀ Dayài yèè wò yaà wa kɛ̀ɛ sùà koɓɛ̀ Dayài.

Jɔ̀ɔŋ 15:11

“Mìŋ naiŋ tɛɛ̀ woò wèè kaiŋ sìà e zɔlɔ̀ zimgbe sùà màànààŋ mìŋ yaà lɛ.

Jɔ̀ɔŋ 16:33

Kàiŋ tɛɛ̀ woò tɛ, wèè kɛ̀ niŋ kɛɛnɛ̀ŋ maŋ jii fàa esaɓù mɛ̀ sùà. E teengaà nìŋ yaà anyùùŋ nyaŋ tɛɛ e ɗuunyaŋ lɛɛ̀ sùà lɛ, nìŋ kuwa naŋ kà e keì nyìnga dìì. Kɛɛ geìŋ zɔlɔ̀! Kà ɓùlà aŋ yè nyaŋ kuwa maŋ kpèè naanààŋ yèè àŋ giiyà wo Dayà maŋhɛɛ nyàŋ.”

Jɔ̀ɔŋ 17:11

Dèdà Nɛɛmaàŋ, miŋ fè ɓɛìŋ ànyùùŋ nyaŋ tɛɛ e ɗuunyaàŋ. Mìŋ yaà naàŋ hìnìè ko nɛ̀ɛ̀ŋ muìŋ. Kɛɛ anyùùŋ màŋjɛ̀wɛ̀im nyàŋ kòò àŋ yaà nɔŋ e ɗuunyaàŋ. Yɛ̀mɛ̀ nyiŋ diɛŋ e yìwìà e dèè e gaàŋ gbee mɔ̀ɛ̀ mùŋ naim kiɛ̀ŋ lɛ, wèè kɛ̀ aŋ gbiŋ aŋ nɔ̀ŋ anyùùŋ guùŋ, màànààŋ yàwium tìyèe è yaà anyùùŋ guùŋ lɛ.

Jɔ̀ɔŋ 3:29

E kèè ke nyɛɛ̀ gbìaàŋ sùà, wo kɛ̀ɛ̀nɛ̀ŋ jɔunɔ̀ɔŋ nàŋ mɔnɔŋ wo jɔunɔ̀ɔŋ. Wo dàwì mɔ̀ɔ̀nɔ̀ŋ wo kɛ̀ɛ̀nɛ̀ŋ jɔunɔ̀ɔŋ siàuŋ kɔɔ wèè wo kumiàŋ e nɛ̀ɛŋ wò woà lɛ, wò giiyà ke mìè gbòà wo kɛ̀ɛ̀nɛ̀ŋ jɔunɔ̀ɔŋ e zɔ̀lɔ̀ zimgbe. Weètii, e zɔlɔ̀ naim diè zimgbe.

Jɔ̀ɔŋ 7:33

Kɛɛ wo Jisɛ̀ naŋ nyiŋ wa woò wààŋ, “Mìŋ doiŋ nàŋ nɔ̀ŋ e tɛɛ wèè e teenga jɔa kpàa bà, eɓìèmàŋjɛ̀wɛ̀ mìŋ do nàŋ kɛ̀ɛ̀ koɓɛ̀ wo nyùnɔ̀ɔŋ naim tùɔ̀ŋ wɔ.

Nyɛ̀nɛ̀ŋ 13:52

Kɛɛ anyuùŋ hààwe nyàŋ ko Aŋtiɔ̀ yaà wa e zɔlɔ̀ zimgbe sùà yèè wo Jìnàŋ Nɛɛmaàŋ yaà nyiìŋ wa maŋjɛ̀wɛ.

Luùm 14:17

E Kànà Dayàa e fè wèè è nɛ̀ŋje jèe yèè màŋ muàŋ tìa, kɛɛ è yaà wèè e tɔ̀ɔ̀nyaàŋ, ke jii fàa, yàà e zɔlɔ̀ e yèɛ wo Jìnàŋ Nɛɛmaàŋ kiɛ̀ŋ lɛ.

Gàla 5:22

Wo Jìnàŋ Nɛɛmaàŋ kiɛ̀ŋ wì e mànaŋ, e zɔlɔ̀, ke jii fàa, ke jii tɔumtɔ̀ùm, e keì sìàŋ, e tɛ̀ɛ̀tɛ̀ɛ̀, e hààwe,

Hiɓu 12:2

Jàà wiìŋ e fɛɛ̀ wilɛ̀ wo Jisɛ̀ diɛŋ, wo yèɔ è naiŋ tùlìè jii e hààwe wilɛ̀ sùà, e yìwìà ko tɔ̀ɔ̀tù e hààwe wilɛ̀ e hàì ko dìaì. Wò naŋ wa nyimèè wèè auŋ sìà sàngè, yèè auŋ kpùùnyàŋ wɔŋ vànèkpaaà diɛŋ. Kɛɛ esàɓù e zɔlɔ̀ɛ yàaùŋ wa fulie lɛ̀, wo gò wa gòngò è kèè ɓɛ̀ɛ̀pɔ̀ɔɛ̀ wèè auŋ kpùùnyàŋ wɔ̀ŋ vànèkpaaà diɛŋ. Yèè kòò wò jaa naàŋ wɔŋ kùàŋ jìka ke kpùà Kanaà Dayà kɔɔ.

1Jɔ̀ɔŋ 1:4

È naiŋ tɛɛ̀ sìngè wèè e nyɛ̀nɛ̀ŋ esaɓù wèè e zɔlɔ̀ ge wilɛ̀ dià sùà.

2Jɔ̀ɔŋ 1:12

Mìŋ kuwa maŋ keì zimgbe wèè kaìŋ woò, kɛɛ miŋ manàŋ wèè ka miŋ nyìnìàŋ kè kuù sìngìà ɔ̀ɔ̀ wɔ̀ŋ fɛi diɛŋ, yèè mìŋ kuwa ke jii tùliaà wèè kaìŋ jaamè wèè eiŋ kɛ̀ɛ̀nɛ̀ŋ maŋ di ɓùla titi koɓɛ̀ guùŋ, wèè e zɔlɔ̀ wilɛ̀ jùà jɛ̀wɛ̀.