Jɔ̀ɔŋ 17:1 - WƆŊ FƐ̀Ì EBÒ SÌÀŊ DAYÀA

¹ Nààŋ wo Jisɛ̀ naŋ kpɛ̀ɛ̀yɛ̀ gbòà koɓɛ̀ anyùùŋ màŋjɛ̀wɛ̀uŋ nyàŋ, wò naŋ gè fɛ̀ɛ̀ dìì yèè wò naŋ yɛ̀mɛ̀ e tèèngà ko àìjɛnɛ̀ŋ wò naŋ zoolò wààŋ, “Dèda, e teengaà è haì wèè maŋ kìɛ̀ŋ miàim wo Jɔ̀àfelaa mɔɔ̀ŋ e jòòwo, wèè kɛ̀ miàŋ pɛɛ mìŋ naum ɓɛ̀nɛ̀ŋ jòòwo.

Jɔ̀ɔŋ 17:1 ပူးပေါင်းရင်းမြစ်များ

Luù 18:13

Kɛɛ wo nyuùŋ kùwà nɛ̀ɛ̀nɛ̀ŋ fuɔŋ wii naŋ sìè e fèemàŋ mùnlaŋ, yèè wo gò ngèè pɛɛ gè è ɗì dìì wèè wo yɛ̀mɛ̀ è tèèngà kò àìjɛnɛ̀ŋ, kɛɛ wò naŋ ɓùlò ke sɔɔ yèè wò naŋ woò wààŋ, ‘Dayà, mìŋ yaà wo nyùùŋ maŋ jùumù, yɛ̀mɛ̀im ke nyowo!’ ”

Luù 22:53

Maŋ ɗɔɔ màŋ gbiŋ mìŋ yààìŋ wa e tɛɛ ko Saaŋ Zòòlò Dayài, yèè niŋ gòim wa kùwà. Kɛɛ e jeiŋ e teengaà lɛɛ̀, yèè e gààŋ ke nyìwìɛ kuwa e tomo.”

Jɔ̀ɔŋ 11:4

Kɛɛ nààŋ wo Jisɛ̀ naŋ wa tɛɛ̀ kòmò, wò naŋ woò wààŋ, “Ko jee ɗìi wèè e sàauŋ nɛ̀ e naàŋ nɔ̀ŋ è fàa. È do nàŋ hìɛ̀ŋ e jòòwo koɓɛ̀ Dayài yèè miàim wo Jɔ̀àfèlàà Dayàa.”

Jɔ̀ɔŋ 11:41

Yèè anyùùŋ nyaŋ nao gè wɔŋ duò fààa. Yèè wo Jisɛ̀ naŋ yɛ̀mɛ̀ e tèèngà ko àìjɛnɛ̀ŋ wò naŋ woò wààŋ, “Dèda, mìŋ naum gè esɛ̀ wèè mùŋ naŋ jàà e zòòlo mɛ̀ kùàŋ dìì lɛ.

Jɔ̀ɔŋ 12:23

Wo Jisɛ̀ naŋ nyiŋ woò wààŋ, “E teengaà è naàŋ haì wèè wo Dayà jòòwò miàim wò Jɔ̀àfèlàà Nyuùŋ Kpùnɔɔ̀ŋ.

Jɔ̀ɔŋ 13:1

È naŋ wa naàŋ jòò ke ɗɔ̀ɔ̀ guùŋ paŋgàà wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ wɔŋ haì. Wo Jisɛ̀ wa nyìmàŋ kɛ̀ e teengaà wa naàŋ haì wèè wo jòà e ɗuunyaŋ lɛɛ̀ wèè wo kɛ̀ɛ̀ ko àìjɛnɛ̀ŋ koɓɛ̀ wo Dèdauŋ nɔɔ̀ŋ. Wò naŋ wa tɔ̀ɔ̀ e mànaŋ koɓɛ̀ anyùùŋ màŋjɛ̀wɛ̀uŋ nyàŋ e ɗuunyaŋ lɛɛ̀, yèè wò naŋ nyiŋ wa tɔ̀ɔ̀ e mànaŋ bi paŋgàà wò jòà wa e ɗuunyaàŋ.

Jɔ̀ɔŋ 16:32

Wo Jisɛ̀ naŋ ɓɛìŋ woò wààŋ, “E teenga kòò è yaà hinie, yèè ngèè kòò è yaà naàŋ kià tɛ. Nyɛ̀iŋ nààŋ gbiŋ nìŋ do nàŋ dùɔ̀ŋ naŋ ɓaayè. Nyɛ̀iŋ nààŋ gbiŋ nìŋ doim nàŋ jòò miàŋ guùŋ naŋ kɛ̀ɛ̀ maŋ jawaiŋ màŋ sùà guùŋ guùŋ. Kɛɛ wo Dèda miɔ̀ŋ doim nàŋ nɔ̀ŋ kɔɔ, weètii miŋ naào nɔ̀ŋ miàŋ guùŋ kpò.

Jɔ̀ɔŋ 7:30

Anyùùŋ nyaŋ bà nyiŋ manaŋ wa auŋ kùwà ko fɛɛ̀feìŋ. Kɛɛ wo nyùùŋ gbiŋ gòuŋ wa mɛnlɛ̀ɛ̀ŋ, esaɓù kɛ̀ e tèèngà fàauŋ nɛ̀ kòò è hàì wa.

Jɔ̀ɔŋ 7:39

Wo Jisɛ̀ yaà wa wòò e kèè wo Jìnàŋ Dayàa, wo yèɔ wò hewa nàŋ kìɛ̀ŋ koɓɛ̀ wo nyùnɔ̀ɔŋ gbiŋ nauŋ haawè wɔ. Wo Jìnàŋ wo Kanaà Dayà kòò wò nɔ̀ŋ wa kìɛuŋ kòɓɛ̀ wò nyùùŋ gbiŋ, nààŋ wo Jisɛ̀ kòò wò nɔ̀ŋ wa jòòwouŋ wèè wò Dayà wouŋ kìɛ̀ŋ è dɛ̀ɛ̀kɛ.

Jɔ̀ɔŋ 8:20

Wo Jisɛ̀ naŋ wa tɛɛ̀ woò e teengaà wò yaà wa kàà sùà anyùùŋ nyaŋ koɓɛ̀i e sùlò nɛɛnɛɛ̀ŋ yaà wa lɛ̀ ko Saaŋ Zòòlò Dayài. Kɛɛ wo nyùùŋ gbiŋ wo gòuŋ wa kùwà, esaɓù kɛ̀ e tèèngà e fàauŋ nɛ̀ kòò è hàì wa.

Nyɛ̀nɛ̀ŋ 3:13

Wo Dàyà Eɓulɔhɛɛ̀ɔŋ, wo Ààze yèè wo Jègɔ, wo Dàyà aŋ nèwàènèwe wi nyàŋ naŋ wa kìɛ̀ŋ e dɛ̀ɛ̀kɛ yèè e jòòwo gbee koɓɛ̀ wo Ɓɔìjɔ̀àuŋ nɔɔ̀ŋ Jisɛ̀. Kɛɛ nìŋ nauŋ wa kìlè koɓɛ̀ anyùùŋ gbèègbèè fuɔɔ̀ŋ wèè auŋ jìwà, yèè nìŋ nauŋ wa gììyè maŋhɛɛ wo Paalè ko fɛɛ̀feìŋ, jòòpɛɛ wo Paalè naŋ wa ɗewè wèè wouŋ wa dangè wo ka foo.

1Pììlɛ 1:21

Esàɓù Jisɛ̀ Kulaì sùà nìŋ naŋ hààwè Dayà, wo yèɔ nauŋ gèe dìì e yìwìà e fàa dìì, yèè wò nauŋ fè e jòòwo, wèètii e hààweiŋ nɛ̀ yèè ke jii tùliaiŋ nɛɛ̀ŋ yaà koɓɛ̀ Dayài.