Jɔ̀ɔŋ 16:8 - WƆŊ FƐ̀Ì EBÒ SÌÀŊ DAYÀA

⁸ Wo nyùùŋ bà gbiŋ e ɗuunyaŋ lɛɛ̀ wòim ɓɛ̀nɛ̀ŋ wòo kɛ̀ kiìŋ nàŋ yaà maŋ jùumù? Kɛɛ sèè wo Jìnàŋ Nɛɛmaàŋ wò hnàŋ, wò do nàŋ wòò anyùùŋ nyaŋ e ɗuunyaŋ lɛɛ̀ e tɔ̀ɔ̀nyaàaŋ e nyaàiŋ dè maŋ jùumù nyiŋ màŋ, e tɔ̀ɔ̀nyààŋ Dayàa yèè e kitiuŋ nɛ̀.

Jɔ̀ɔŋ 16:8 ပူးပေါင်းရင်းမြစ်များ

Jɔ̀ɔŋ 16:7

Kɛɛ mìŋ yààìŋ wòò sùà e tɔɔɓaaà, è yaà tɛ̀ɛ̀ wèè ka kà koɓɛ̀ Dèda miɔ̀ŋ, sèè mìŋ go ka, wo nyuùŋ kpùùmaàŋ, wo Jìnàŋ Nɛɛmaàŋ naàŋ hnè wèè woiŋ kpuumàŋ. Kɛɛ sèè mìŋ kɔ̀à, mìŋ do nàŋ tùɔ̀ŋ wo Jìnàŋ Nɛɛmaàŋ ko nɛ̀ɛ̀iŋ niìŋ.

Jɔ̀ɔŋ 16:9

Wo Jinàaŋ do nyiŋ nàŋ tɔɔ̀ kɛ̀ è yaà e keì jèèe nyiŋ e fèfoo aŋ nyimààŋ kɛ̀ kiìŋ nàŋ yaà è jùumù, esaɓù kɛ̀ aŋ gòim haawè.

Jɔ̀ɔŋ 8:46

Nyɛ̀iŋ nààŋ bà gbiŋ nàim ɓɛ̀nɛ̀ŋ wòo kɛ̀ mìŋ yaà wo nyùùŋ maŋ jùumù? Kɛɛ sèè mìŋ woàìŋ e tɔ̀ɔ̀nyaàaŋ, kɛ̀ wèè kiìŋ niŋ fèim haawè?

Jɔ̀ɔŋ 8:9

Nààŋ àŋ naŋ wa kòmò e nɛ̀ɛŋ wò naŋ woò lɛ, e yìwìà wo gbeeɔ̀, aŋ gbiŋ naŋ kɔ̀ guùŋ guùŋ. Àŋ naŋ jòò wo Jisɛ̀ wuŋ guùŋ, wo nìeɔ̀ sia koɓɛ̀i àŋ nauŋ seelè lɛ wo Jisɛ̀ kɔɔ.

Nyɛ̀nɛ̀ŋ 2:37

Nààŋ anyùùŋ nyaŋ naŋ wa tɛɛ̀ kòmò, maŋ jii nyiŋ màŋ naŋ wa kpòlòkpòlò sùà yèè àŋ naŋ dàwè wo Pììlɛ yaà aŋ keela tàeɗùù nyaŋ nyààŋ, “Wùìya wi nyàŋ, kiìŋ è naiŋ naàŋ ɓɛ̀nɛ̀ŋ nyɛ̀nɛŋ?”

1 Kɔliìŋ 14:24

Kɛɛ sèè anyùùŋ nyaŋ gbiŋ nɔ̀ŋ wòò ke mìè gbìàŋ Dayàa sèè anyuùŋ gò kùwìè è hààwe nyàŋ bà ɔ̀ɔ̀ anyuùŋ joo aŋ jɔ̀à, àŋ do nàŋ fè maŋ jùumù nyiŋ màŋ jɛwɛ aŋ gbeè, esàɓù e nɛ̀ɛŋ àŋ komo lɛ̀. E nɛ̀ɛŋ àŋ komo lɛ̀ do nyiŋ nàŋ tùɔ̀ŋ maŋ nɔnɔŋ,

Juù 1:15

wèè wo hàà kiti anyùùŋ nyaŋ gbiŋ diɛŋ. Wò do nàŋ ngàìnɓù anyuùŋ gò nyìmàŋ Dayà nyaŋ gbiŋ wèè maŋ jùumù maŋ gbiŋ àŋ naŋ wa dè nyɛ̀nɛŋ màŋ e kpùlìà maŋ mìè gbòà ɓɛ̀ɛ̀pɔ̀ɔ naanààŋ maŋ kinɛiŋ àŋ naŋ wa dè gbòa maŋ nyiiŋ gè nyiŋ màŋ sùà maŋ e nyaàiŋ euŋ dè.”