Jɔ̀ɔŋ 16:5 - WƆŊ FƐ̀Ì EBÒ SÌÀŊ DAYÀA

⁵ Kɛɛ mìŋ yaà naàŋ kɛ̀ɛ sùà koɓɛ̀ wo Dèdaà naim tùɔ̀ŋ wɔ. Yèè nyɛ̀iŋ nààŋ bà gbiŋ niŋ gò dawè sèè mààŋ kɛ̀ kòò mìŋ yaà kɔɔyɛ.

Jɔ̀ɔŋ 16:5 ပူးပေါင်းရင်းမြစ်များ

Jɔ̀ɔŋ 13:3

Wo Jisɛ̀ wa nyìmàŋ kɛ̀ wo Dèdauŋ nɔɔ̀ŋ nauŋ wa kìɛ̀ŋ e gàaŋ gbiŋ, e kìlà wò nyìmàŋ kɛ̀ wò naŋ wa yèwè koɓɛ̀ Dayài yèè wò yaà wa kɛ̀ɛ sùà koɓɛ̀ Dayài.

Jɔ̀ɔŋ 13:36

Wo Saimɔŋ Piilɛ̀ naŋ dawè wààŋ, “Kanaà, kòò mùŋ yaà kɔɔyɛ?” Wo Jisɛ̀ naŋ fasàì wààŋ, “Niŋ fèim naàŋ ɓɛ̀nɛ̀ŋ dè màŋjɛ̀wɛ, kɛɛ sèè e teenga bà è maaŋ, kɛ̀ nàim dè maŋjɛ̀wɛ.”

Jɔ̀ɔŋ 14:28

Nyɛ̀iŋ nààŋ nyuùŋ mɔ̀ɔ̀nɔim nyàŋ, kàiŋ woò kɛ̀ mìŋ do nàŋ kɛ̀ɛ̀ koɓɛ̀ wo nyùnɔ̀ɔŋ naim tùɔ̀ŋ wɔ. Mìŋ do ɓɛìŋ nàŋ kɛ̀ɛ̀ ko nɛ̀ɛ̀iŋ niìŋ. Yèè sèè nìŋ mɔ̀nɔ̀ìm, kɛ̀ nɔ̀iŋ jii fàa sùà e fèfoo mìŋ yaà kɛ̀ɛ sùà koɓɛ̀ wo Dèdaà naim tùɔ̀ŋ wɔ, esaɓù kɛ̀ wò kuwa e gààŋ eim nìàŋ.

Jɔ̀ɔŋ 16:10

È yaà e keì jèèe nyiŋ e fèfoo aŋ nyimààŋ kɛ̀ kiìŋ nàŋ yaà è tɔ̀ɔ̀nyààŋ Dayàa, esaɓù kɛ̀ mìŋ yaà kɔ̀ɔ̀yɛ̀ koɓɛ̀ Dèda miɔ̀ŋ, yèè niŋ naàim wa nàwèè ɓɛìŋ yɛmɛ̀.

Jɔ̀ɔŋ 16:16

Wo Jisɛ̀ naŋ ɓɛìŋ wòò anyùùŋ màŋjɛ̀wɛ̀uŋ nyàŋ wààŋ, “Nyɛ̀iŋ nààŋ nyuùŋ mɔ̀ɔ̀nɔim nyàŋ, wèè e teenga kpàa bà niŋ naàim ɓɛìŋ yɛmɛ̀, mìŋ do nàŋ kɛ̀ɛ̀ koɓɛ̀ wo nyùnɔ̀ɔŋ naim tùɔ̀ŋ wɔ. Kɛɛ e teenga kpàa bà sùà nìŋ doim ɓɛìŋ nàŋ yɛmɛ̀.”

Jɔ̀ɔŋ 16:17

Yèè anyùùŋ màŋjɛ̀wɛ̀uŋ nyàŋ bà naŋ dàwè nyiŋ bi e fèemàŋ nyààŋ, “Kiìŋ wò manaŋ wo wi woò? Wààŋ wèè e teenga bà e naàuŋ ɓɛìŋ yɛmɛ̀. Yèè wààŋ kɛɛ e teenga kpàa bà sùà è douŋ ɓɛìŋ nàŋ yɛmɛ̀. Wò naŋ ɓɛìŋ woò wààŋ, ‘E fèfoo mìŋ yaà kɔ̀ɔ̀yɛ̀ koɓɛ̀ Dèda miɔ̀ŋ.’ ”

Jɔ̀ɔŋ 16:28

Mìŋ naŋ hnè koɓɛ̀ anyùùŋ nyaŋ e ɗuunyaàŋ e yìwìà koɓɛ̀ wo Dèda miɔ̀ŋ. Kɛɛ mìŋ yaà jòà sùà anyùùŋ nyaŋ e ɗuunyaàŋ ka kɛ̀ɛ̀ koɓɛ̀ wo Dèda miɔ̀ŋ ko àìjɛnɛ̀ŋ.”

Jɔ̀ɔŋ 17:13

Mìŋ yaà naàŋ ko dòmaŋ mìŋ yaà hìnìè ko nɛ̀ɛ̀ŋ muìŋ. Kɛɛ mìŋ yaà wòò maŋ keì mɛɛ̀ŋ e teengaà mìŋ yaà weè nɔŋ e ɗuunyaàŋ lɛ, wèè e nyɛ̀nɛ̀ŋ anyùùŋ màŋjɛ̀wɛ̀im nyàŋ aŋ kɛɛnɛ̀ŋ e zɔlɔ̀ maŋ jii nyiŋ màŋ sùà màànààŋ nɔŋ miàŋ bi mìŋ kuwa e zɔlɔ̀ lɛ.

Jɔ̀ɔŋ 17:4

Kàum joowò anyùùŋ nyaŋ tɛɛ e ɗuunyaŋ lɛɛ̀, nààŋ mìŋ naŋ nyɛ̀nɛ̀ŋ e tòmoɛ̀ gbiŋ mùŋ naim kiɛ̀ŋ wèè ka nyɛ̀nɛ̀ŋ lɛ.

Jɔ̀ɔŋ 6:62

Kpeiŋ kɛ̀, diè nìŋ do nàŋ gongò sèè nìŋ yɛmɛ̀ weè miàim wo Jɔ̀àfèlàà Nyuùŋ Kpùnɔɔ̀ŋ mìŋ jowo ko àìjɛnɛ̀ŋ koɓɛ̀i mìŋ yewe lɛ̀?

Jɔ̀ɔŋ 7:33

Kɛɛ wo Jisɛ̀ naŋ nyiŋ wa woò wààŋ, “Mìŋ doiŋ nàŋ nɔ̀ŋ e tɛɛ wèè e teenga jɔa kpàa bà, eɓìèmàŋjɛ̀wɛ̀ mìŋ do nàŋ kɛ̀ɛ̀ koɓɛ̀ wo nyùnɔ̀ɔŋ naim tùɔ̀ŋ wɔ.

Hiɓu 1:3

Wo Jɔ̀àfèlàà Dayàa nàŋ kuwa e gbolòùŋ nɛ gbiŋ wèè e jòòwò Dayàa, e kìlà wò yaà mààŋ e nɔ̀ŋ kìì Dayàa wuŋ bi. E yìwìà ke mìè gaàŋ gbeeuŋ nɛɛ̀ŋ, wò nyɛnɛŋ manɛ̀ŋ maŋ gbiŋ wo Dayà naŋ banè maŋ, jèè e nɔ̀ŋ kìì bàne miŋ nɛ̀ sùà. Nààŋ wo Jɔ̀àfelaaà naŋ nyɛ̀nɛ̀ŋ wo Dayà naŋ jùùyè anyuùŋ kpùuŋ nyàŋ hakɛ̀ wèè maŋ jùumù nyiŋ màŋ wèè aŋ zɛ̀nɛ̀ŋ, wò naŋ jɛ̀ì wɔŋ kùàŋ jìkà Dayàa, wo yèɔ kuwa e gaàŋ gbeeɛ̀ gbiŋ wɔ̀ ko àìjɛnɛ̀ŋ ko fùùiŋ.

Hiɓu 12:2

Jàà wiìŋ e fɛɛ̀ wilɛ̀ wo Jisɛ̀ diɛŋ, wo yèɔ è naiŋ tùlìè jii e hààwe wilɛ̀ sùà, e yìwìà ko tɔ̀ɔ̀tù e hààwe wilɛ̀ e hàì ko dìaì. Wò naŋ wa nyimèè wèè auŋ sìà sàngè, yèè auŋ kpùùnyàŋ wɔŋ vànèkpaaà diɛŋ. Kɛɛ esàɓù e zɔlɔ̀ɛ yàaùŋ wa fulie lɛ̀, wo gò wa gòngò è kèè ɓɛ̀ɛ̀pɔ̀ɔɛ̀ wèè auŋ kpùùnyàŋ wɔ̀ŋ vànèkpaaà diɛŋ. Yèè kòò wò jaa naàŋ wɔŋ kùàŋ jìka ke kpùà Kanaà Dayà kɔɔ.