Jɔ̀ɔŋ 16:33 - WƆŊ FƐ̀Ì EBÒ SÌÀŊ DAYÀA

³³ Kàiŋ tɛɛ̀ woò tɛ, wèè kɛ̀ niŋ kɛɛnɛ̀ŋ maŋ jii fàa esaɓù mɛ̀ sùà. E teengaà nìŋ yaà anyùùŋ nyaŋ tɛɛ e ɗuunyaŋ lɛɛ̀ sùà lɛ, nìŋ kuwa naŋ kà e keì nyìnga dìì. Kɛɛ geìŋ zɔlɔ̀! Kà ɓùlà aŋ yè nyaŋ kuwa maŋ kpèè naanààŋ yèè àŋ giiyà wo Dayà maŋhɛɛ nyàŋ.”

Jɔ̀ɔŋ 16:33 ပူးပေါင်းရင်းမြစ်များ

Maafiù 9:2

Anyùùŋ bà naŋ wa hìɛ̀ŋ wo felaa kpɔ̀ɔ̀kpɔɔ bà ko nɛ̀ɛ̀uŋ niìŋ wò hawa wɔŋ gbùmaŋ sùà. Nààŋ wo Jisɛ̀ naŋ yɛmɛ̀ kɛ̀ àŋ kuwa wa e hààweɛ̀ kɛ̀ wò ɓɛ̀nɛ̀ŋ jòèyè wo felaaà, wò nàŋ wòò wo felaa kpɔ̀ɔ̀kpɔɔɔ̀ wààŋ, “Felaa wɛɛ̀, kɛ̀ɛ̀nɛɛ̀ŋ ke jii nyingè, kà jùùyà maŋ jùumùum màŋ hakɛ̀.”

Luù 19:38

Àŋ yaà wa kpàaŋ sùà àŋ yaà woo nyààŋ, “Wo Dayà kpuumàŋ wo kanaà hnàŋ e dèè Kanaà diɛŋ wɔ̀! Ke jii fàa nɔ̀ŋ ko àìjɛnɛ̀ŋ yèè e jòòwo nɔ̀ŋ koɓɛ̀ Dayài!”

Luù 2:14

“E jòòwo gbee yaà wèè Dayà ko àìjɛnɛ̀ŋ, yèè ke jii fàa nɔ̀ŋ koɓɛ̀ anyuùŋ kpùuŋ nyàŋ e ɗuunyaàŋ aŋ yè nyaŋ nauŋ fɔ̀ɔ̀yɛ̀ ke jii nyàŋ.”

Jɔ̀ɔŋ 12:31

Kpeiŋ kɛ̀ e teengaà lɛɛ̀ naàŋ wèè wo Dayà wo gbàì anyùùŋ nyaŋ e ɗuunyaàŋ, yèè wo Dayà kòò wò jaa naàŋ wo sìèfèìŋ e ɗuunyaŋ lɛɛ̀ diɛŋ tɛ.

Jɔ̀ɔŋ 14:1

Wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Maŋ jiiŋ màŋ ɓɔ̀ màŋ mɔɔnɛ̀ŋ. Kɛ̀ɛ̀nɛìŋ e hààwe wo Dayà sùà yèè kɛ̀ɛ̀nɛŋ nìim e hààwe sùà.

Jɔ̀ɔŋ 14:27

“Mìŋ yààìŋ jùùya sùà ke jìì fà e gbolòùŋ. Ke jìì fà e gbolòùŋ nɛ ke jii miɛ̀ŋ sùà kiiŋ mìŋ yààìŋ jùùya sùà. E fè kè jii fàaà anyùùŋ nyaŋ è ɗuunyaŋ lɛɛ̀ àŋ kiɛ̀ŋ lɛ. Weètii maŋ jiiŋ màŋ ɓɔ̀ mɔɔnɛ̀ŋ ɔ̀ɔ̀ e jùù ɓɔ̀ è nyɛ̀nɛ̀iŋ wèè è yèɛ do nàŋ kaaìŋ lɛ.

Jɔ̀ɔŋ 16:11

È yaà e keì jèèe nyiŋ esaɓù kɛ̀ wo Dayà wò naàŋ hàà e kìtì tɔ̀ɔ̀nyaàŋ wo ɓɛ̀màŋɗì e kànà ɗuunyaŋ lɛɛ̀ diɛŋ.

Nyɛ̀nɛ̀ŋ 14:22

Àŋ naŋ wa kìɛ̀ŋ anyuùŋ hààwe nyàŋ maŋ jii nyingè yèè àŋ naŋ nyiŋ pɔwɔ̀ wèè aŋ jeèè tɔ̀ɔ̀nyaàŋ e hààwe nyiŋ nɛ̀ sùà. Àŋ naŋ nyiŋ woò nyààŋ, “È kuwa eiŋ kà e keì nyìnga zimgbe dìì pangàà è kɔ̀àìŋ e Kànà Dayàa sùà.”

Nyɛ̀nɛ̀ŋ 23:11

Wɔŋ dùùm wiiŋ wo Kanaà Jisɛ̀ naŋ fòlò wo Pɔɔ̀ fɛɛ̀feìŋ yèè wò nauŋ woò wààŋ, “Kɛ̀ɛ̀nɛɛ̀ŋ ke jii nyingè! Màŋ kìɛ̀ŋ ke mìè seì mɔɛ̀ŋ e nyaàiŋ eim dè ko Jùlusɛ̀làm, yèè kìɛ̀ŋ ɓɛìŋ ke mìè seì bi ko Luùm.”

Nyɛ̀nɛ̀ŋ 27:22

Kɛɛ mìŋ yààìŋ dàwè sùà wèè naŋ kɛ̀ɛ̀nɛ̀ŋ maŋ jii nyingè, esaɓù kɛ̀ nyɛ̀iŋ nyɛɛ̀ŋ bà gbiŋ, maŋ nyiiŋ màŋ naàŋ go, wɔŋ meeèɔ nɔŋ nàŋ do nàŋ pɔɔpɔ̀ɔ̀.

Nyɛ̀nɛ̀ŋ 27:25

Weètii kɛ̀ɛ̀nɛìŋ maŋ jii nyingè felaa nyɛɛ̀ŋ, esaɓù mìŋ naŋ hààwè wo Dayà kɛ̀ è do nàŋ kaaìŋ màànààŋ nɔŋ wo màikàa naim niŋ woò lɛ.

Nyɛ̀nɛ̀ŋ 9:31

Anyùùŋ hààwe nyàŋ gbiŋ ko Jùdià, ko Galaliì, yèè ko Sàmilià naŋ wa ngàà nɔ̀ŋ ke jii fàa sùà yèè àŋ naŋ kpèènè e zòòlo nyiŋ nɛ̀ maŋjɛ̀wɛ e dèè Kanaà sùà. Wo Jìnàŋ Nɛɛmaàŋ naŋ wa kìɛ̀ŋ jii nyingè yèè wò naŋ kpùùmò ke gbòò anyuùŋ hààwe nyàŋ ke dɛ̀ɛ̀ò sùà yèè wò naŋ nyiŋ kìɛ̀ŋ e gààŋ wèè aŋ kɛɛnɛ̀ŋ ɓɛ̀ɛ̀jàa wo Kanaà sùà.

2 Kɔliìŋ 1:3

Tɛ̀nɛ̀ŋ wiìŋ wo Dayà wo Dèdà Kana wiɔ̀ Jisɛ̀ Kulaìɔ wo Dèdà ke nyowoɔ̀, wo Dayàa e kpùùmaŋ gbiŋ folo sìwè wɔ!

2 Kɔliìŋ 13:11

E gbiŋ sùà, nyɛ̀iŋ nààŋ wùìyaim nyàŋ enììsìàiŋ. Nɔ̀ɔìŋ tɛ̀ɛ̀ yèè niŋ kuwìè e gòngo wèè maŋ keì maŋ mìŋ naiŋ woò maŋ. Fɛ̀ɛìŋ niŋ nɔ̀ŋ ɓɛ̀ guùŋ ke jii fàa sùà. Kɛ̀ wo Dayà kùwìè e mànaàŋ yaà ke jii fàa doiŋ nàŋ nɔ̀ŋ e kɔɔ.

2 Kɔliìŋ 2:14

Kɛɛ mìŋ naŋ gè Dayà ke sɛ̀! E nɔ̀ŋ wilɛ̀ aŋ bàwibà Jisɛ̀ Kulaì sùà, e teenga gbiŋ wo Dayà sià wì feìŋ nààŋ è yààìŋ anyùùŋ keì wɔŋ gɛ̀ŋ yɛ̀mɛ̀ Jisɛ̀ Kulaìɔ wò kanaŋ wɔ̀ŋ sùà. Wo Dayà toomàŋ wì wèè eiŋ ɓààyè e jiikɛ̀ɛɛ̀ nyaàiŋ dè wo Jisɛ̀ Kulaì koɓɛ̀ gbiŋ mààŋ e dòmaŋ kuùmàì sìàŋ.

2 Kɔliìŋ 4:7

E ɗewe gbiŋ sùà yàwi nyàŋ è kùwàìŋ e bàne lɛɛ̀ jinàaŋ sùà nyaŋ, è yààìŋ mààŋ maŋ golà kpoò kpàna, wèè e tɔɔ̀iŋ kɛ̀ e gaàŋ kɛnɛɛ̀ è yaà wèè Dayà e fè weè wi.

2 Kɔliìŋ 6:4

Kɛɛ, e nɛ̀ŋ gbiŋ è naŋ nyɛ̀nɛ̀ŋ, è tɔɔ̀ kɛ̀ è yààìŋ aŋ ɓɔ̀ìjɔ̀à Dayà esàɓù maŋ keì nyìnga kà dìì ke jii jùa diɛŋ, maŋ mɔ̀ɔ̀nɛŋ, yèè maŋ nimilà.

2 Kɔliìŋ 7:4

Mìŋ kùwàìŋ ke jii tùlia gbee sùà, yèè mìŋ kuwa e ɓɛ̀ɛ̀jàa gbee weèiŋ. E kìlà ke di naim diè, yèè kpùlìà maŋ keì nyìnga wi màŋ gbiŋ sùà, mìŋ naŋ dìè, ke jii nyingè yèè e zɔlɔ̀ zimgbe yaà jii miɛ̀ŋ.

Gàla 1:4

Wo Jisɛ̀ Kulaì naŋ wa jɔ̀ɔ̀lɔ̀ wo Dèda wiɔ̀ wo Dayà dìì, yèè wò naŋ kiɛ̀ŋ wuŋ bi wèè wo nɔ̀ŋ e nɛ̀ŋ saàà wèè maŋ jùumù wi màŋ, wèè wo joeyè wi e yìwìà e ɗuunyaŋ naanààŋ lɛɛ̀ sùà.

Gàla 6:14

Kɛɛ è gbio sùà, miàŋ bi, mìŋ do nɔŋ nàŋ kɛ̀ɛ̀ maŋ yòngà e nyaàiŋ dè wɔŋ vànèkpàà Kana wiɔ̀ Jisɛ̀ Kulaìɔ. Esàɓù wɔŋ vànèkpaauŋ nɔɔ̀ŋ sùà, e ɗuunyaàŋ gbiŋ naŋ fɔ̀ ko nɛ̀ɛ̀ŋ miìŋ yèè miàŋ bi pɛɛ mìŋ naŋ fɔ̀ koɓɛ̀ e ɗuunyaàŋ.

Fèle 4:7

Kpeiŋ nààŋ nìŋ yaà aŋ bàiŋbà wo Jisɛ̀ Kulaì sùà lɛ, wo Dayà doiŋ nàŋ kpuumò yèè woiŋ kìɛ̀ŋ jii fàa, ke yèɛ wo nyùùŋ gbiŋ fè ɓɛ̀nɛ̀ŋ nyìmaŋ lɛ̀. Yèè wo Dayà do nàŋ nyɛ̀nɛ̀ŋ maŋ jii wi màŋ maŋ jɛi.

Kòlo 1:20

E yìwìà esàɓù wo Jɔ̀àfelaauŋ nɔɔ̀ŋ sùà, wo Dayà naŋ wa ɗewè wèè wo kɛ̀lɛ̀ɛ̀ anyùùŋ nyaŋ gbiŋ ko àìjɛnɛ̀ŋ yèè e dììɛ diɛŋ koɓɛ̀ wuŋ biì. Wò naŋ wa hìàŋ jii fàa, nààŋ wò naŋ wa nyimèè wèè wo gììyà maŋ sɛ̀ìŋ wo Jɔ̀àfelaauŋ nɔɔ̀ŋ saaà wɔŋ vànèkpaaà diɛŋ. E ɗewe lɛɛ̀ sùà wò naŋ kɛ̀lɛ̀ɛ̀ manɛ̀ŋ maŋ gbiŋ ko àìjɛnɛ̀ŋ yaà e ɗuunyaàŋ koɓɛ̀ wuŋ biì.

1Tɛsè 3:4

E teengaà è yààìŋ ko nɛ̀ɛ̀iŋ niìŋ lɛ èiŋ niŋ wa wòo gɔu kɛ̀ àŋ do wi nàŋ mɔɔnɛ̀ŋ, yèè nààŋ nìŋ naŋ nyìmè lɛ tiiŋ nɔŋ naŋ kaaìŋ.

1Tɛsè 3:7

Wèè esaɓù tɛɛ̀ sùà nyɛ̀iŋ nààŋ wùìya wi nyàŋ, e kpùlìà maŋ mɔ̀ɔ̀nɛŋ wi màŋ yaà maŋ keì nyìnga màŋ gbiŋ è naiŋ kɔ̀ dìì maŋ, ke di yaà maŋ jii wì sùà e weèiŋ, e hààweiŋ nɛ̀ zà naŋ wi fè ke di bi,

2Tɛsè 3:16

Tɔ̀ wo Kanaà Jisɛ̀ wuŋ bi, wo yèɔ yaà ke dòmàŋ jii fàa wiɛ̀ wɔ wo kiɛ̀iŋ jii fàa dòmaŋ nyaaŋ ɗewe gbiŋ sùà, yèè e teenga gbiŋ sùà. Wo Kanaà nɔ̀ŋ nyɛ̀iŋ gbiŋ maŋjɛ̀wɛ.

2Time 3:12

Wo nyùnɔ̀ɔŋ gbiŋ manaŋ wèè wo nɔ̀ŋ wo nyùùŋ tɔ̀ɔ̀nyaàŋ yèè wo bàuŋbà wo Jisɛ̀ Kulaì sùà wɔ, wò do nàŋ kùwò e nìmìlà e yìwìà anyuùŋ joo sìwè.

Hiɓu 11:25

Wò naŋ wa banebànè wèè wuŋ yèè anyùùŋ Dayà nyaŋ aŋ kùwà e keì nyìnga koɓɛ̀ guùŋ, wèè e nɛ̀ɛŋ nyɛ̀nɛ̀ŋ wo jikà maŋ kèì ɓùùyè maŋ jùumù wèè e teenga kpuu sùà.

Hiɓu 7:2

Manɛ̀ŋ maŋ gbiŋ wo Eɓulɔhɛɛ̀ŋ kuwa wò naŋ wa gè ko sùmìè ɗùàa màŋ, wò naŋ miŋ goonò ɗì zììyà yèè wò naŋ fè e ɗì guùŋ koɓɛ̀ wo Kanaà Mɛ̀kisiɗɛ̀. E fàsàì e dèèɛ Mɛ̀kisiɗɛ̀ nàŋ yaà, “Wo Kànà Tɔ̀ɔ̀nyaàŋ.” Kɛɛ nààŋ e fàsàì e dèèɛ Salɛ̀m nàŋ yaà “jii fàa lɛ̀,” àŋ nyàaùŋ wa ɓɛìŋ “Wo Kànà Jii Fàa.”

1Pììlɛ 5:9

Nyìngaìŋ e hààweiŋ nɛ̀ sùà niŋ giiyàuŋ maŋhɛɛ, esaɓù nàŋ nyìmàŋ kɛ̀ ke gbòò aŋ wùìya nyàŋ e ɗuunyaàŋ gbiŋ sùà, àŋ yaà kɔ̀ɔ̀yɛ̀ maŋ kèì nyìngà guùŋ mɛɛ̀ŋ dìì.

1Jɔ̀ɔŋ 2:13

Mìŋ naŋ sìngè ko nɛ̀ɛ̀iŋ niìŋ, nyɛ̀iŋ nààŋ nyuùŋ kòmaŋ nyàŋ, e fèfoo nàŋ wa nyìmàŋ kɛ̀ wo Dayà yaà e yìwìà ko tɔ̀ɔ̀tù e ɗuunyaàŋ. Mìŋ naŋ sìngè ko nɛ̀ɛ̀iŋ niìŋ, nyɛ̀iŋ nààŋ nyuùŋ bɔwɔ nyàŋ, e fèfoo nàŋ gbùwò e gààŋ wo Nyuùŋ Kɛ̀ɛ̀nɛ̀ŋ ke Kpèè naanààaŋ diɛŋ.

1Jɔ̀ɔŋ 4:4

Nyɛ̀iŋ nààŋ jɔ̀àim nyàŋ, wo Dayà nàŋ kànàìŋ, yèè nàŋ ɓùlà aŋ wɛ̀ijì tòa nyɛɛ̀ŋ. Esaɓù kɛ̀ wo Jìnàŋ Dayàa yààìŋ sùà yèè wò kuwa gaàŋ zimgbe e nìàŋ wo jinàaŋ yàa e ɗuunyaàŋ sùà wɔ.

1Jɔ̀ɔŋ 5:4

Wo jɔ̀à Dayà gbiŋ ɓɛ̀nɛ̀ŋ ɓùlà e ɗuunyaàŋ. Yèè e hààwe wilɛ̀ nàŋ kiɛ̀ŋ wì e gààŋ bi.

Maŋ kèì nyɛɛnɛŋ 12:11

Aŋ wùìya wi nyàŋ naŋ ɓùlò wo Sɛ̀tanàŋ, esàɓù maŋ sɛ̀ìŋ wo Ɓaawaaà, yèè esàɓù ke mìè seìɛ àŋ naŋ kiɛ̀ŋ lɛ. È yaà wa e kèì jii nyiŋ wèè aŋ kìɛ̀ŋ maŋ nyiiŋ nyiŋ màŋ e kìlà aŋ fà wèè e tɔ̀ɔ̀nyaàŋ.

Maŋ kèì nyɛɛnɛŋ 3:21

Anyùùŋ nyaŋ do nàŋ ɓùlò nyaŋ, mìŋ do nyiŋ nàŋ kìɛ̀ŋ e tɔ̀ɔ̀nyaàŋ wèè aim jɛ̀ì kɔɔ ke kpùà kana miɛ̀ŋ diɛŋ, màànààŋ nɔŋ mìŋ naŋ wa ɓùlò yèè mìŋ naŋ jɛ̀ì wo Dèda miɔ̀ŋ kɔɔ ke kpùà kanauŋ nɛɛ̀ŋ diɛŋ lɛ̀.”

Maŋ kèì nyɛɛnɛŋ 7:14

Mìŋ naŋ fasàì mìàŋ, “Dàa, miŋ nyimààŋ, kɛɛ muàŋ màŋ nyìmàŋ.” Wò naim woò wààŋ, “Anyùùŋ nyɛɛ̀ŋ naŋ kɔ̀ɛ̀ɛ̀ e nimilà nyìngaà sùà yèè àŋ naŋ hnè bòìbòì. Àŋ naŋ sɔ̀ɔ̀ maŋ ɓuuɓane nyiŋ màŋ yèè àŋ naŋ miŋ nyɛ̀nɛ̀ŋ màŋ naŋ fòò e yìwìà maŋ sɛ̀ìŋ Ɓaawaaà sùà.