Jɔ̀ɔŋ 16:32 - WƆŊ FƐ̀Ì EBÒ SÌÀŊ DAYÀA

³² Wo Jisɛ̀ naŋ ɓɛìŋ woò wààŋ, “E teenga kòò è yaà hinie, yèè ngèè kòò è yaà naàŋ kià tɛ. Nyɛ̀iŋ nààŋ gbiŋ nìŋ do nàŋ dùɔ̀ŋ naŋ ɓaayè. Nyɛ̀iŋ nààŋ gbiŋ nìŋ doim nàŋ jòò miàŋ guùŋ naŋ kɛ̀ɛ̀ maŋ jawaiŋ màŋ sùà guùŋ guùŋ. Kɛɛ wo Dèda miɔ̀ŋ doim nàŋ nɔ̀ŋ kɔɔ, weètii miŋ naào nɔ̀ŋ miàŋ guùŋ kpò.

Jɔ̀ɔŋ 16:32 ပူးပေါင်းရင်းမြစ်များ

Maafiù 26:31

Kpeiŋ wo Jisɛ̀ naŋ nyiŋ woò wààŋ, “Nyɛ̀iŋ nààŋ gbiŋ nìŋ do nàŋ dùɔ̀ŋ naim jòà wɔŋ dùùm guùŋ wɛɛ̀ŋ, esaɓù è yaà sìnga niŋ wɔŋ fɛ̀ì Dayàa sùà kɛ̀, ‘Wo Dayà do nàŋ jìwè wo nyuùŋ tùnìàŋ aŋ ɓaawaa nyàŋ, yèè ke gbòò aŋ ɓaawaa nyàŋ gbiŋ do nàŋ ɓaayè.’

Maafiù 26:56

Kɛɛ e nɛ̀ɛŋ wɔŋ fɛ̀ì Dayàa naŋ woò lɛ kuwa e hɛɛnɛ̀ŋ nààŋ aŋ wɛ̀ijì nyaŋ naŋ niŋ wa sìngè lɛ.” Kpeiŋ anyùùŋ màŋjɛ̀wɛ̀uŋ nyàŋ gbiŋ nauŋ ɓàà e kɔɔ aŋ dùàŋ auŋ jòà.

Jɔ̀ɔŋ 12:23

Wo Jisɛ̀ naŋ nyiŋ woò wààŋ, “E teengaà è naàŋ haì wèè wo Dayà jòòwò miàim wò Jɔ̀àfèlàà Nyuùŋ Kpùnɔɔ̀ŋ.

Jɔ̀ɔŋ 16:2

Anyùùŋ nyaŋ doiŋ wa nàwèè nàŋ gè maŋ sààŋ zòòlò aŋ Juùù nyaŋ dìì. E teenga bà do nàŋ hnè anyùùŋ àŋ doiŋ nàŋ jìwè, sèè àŋ nyɛnɛŋ tii àŋ do nàŋ gongò kɛ̀ àŋ yaà toomo wèè Dayà.

Jɔ̀ɔŋ 16:25

Wo Jisɛ̀ naŋ ɓɛìŋ woò wààŋ, “Mìŋ naŋ gbòò ko nɛ̀ɛ̀iŋ niìŋ maŋ sai sùà wèè kaiŋ wòò maŋ keì mɛɛ̀ŋ. Kɛɛ e teengaà do nàŋ hnè wèè ka gbòà ko nɛ̀ɛ̀iŋ niìŋ janyai wèè kaiŋ wòò e kèè Dèda miɔ̀ŋ, yèè miŋ naàŋ wa nàwèè ɓɛìŋ gbòò kò nɛ̀ɛ̀iŋ niìŋ maŋ sàì e keì wòo sùà.

Jɔ̀ɔŋ 16:31

Yèè wo Jisɛ̀ naŋ nyiŋ dawè wààŋ, “Tɔɔɓaa nàim ngàà haawè?”

Jɔ̀ɔŋ 19:27

Yèè wo Jisɛ̀ naŋ wòò wo nyùùŋ màŋjɛ̀wɛ̀uŋ nɔɔ̀ŋ wààŋ, “Wo yèye mɔɔ̀ŋ wii.” Yèè e yìwìà ke ɗɔɔ yii, wo nyùùŋ màŋjɛ̀wɛ̀ɔ naŋ kɔ̀ɔ̀ wo nààŋ Jisɛ̀ɔ ko gboouŋ noo wèè wouŋ nɔ̀ŋ kùàŋ.

Jɔ̀ɔŋ 20:10

Anyùùŋ màŋjɛ̀wɛ̀ tìyèe nyàŋ naŋ kɛ̀ɛ̀ maŋjɛ̀wɛ koɓɛ̀i àŋ yewe lɛ̀.

Jɔ̀ɔŋ 4:21

Wo Jisɛ̀ naŋ fasàì wo nìeɔ̀ yèè wò nauŋ woò wààŋ, “Nìe wɛɛ̀, hààweè e yèɛ mìŋ yààùm wòo sùà lɛ, e teengaà kòò è yaà hinie e yèɛ wo nyùùŋ gbiŋ naàŋ ɓɛìŋ zòòlò wò Dèdaà wɔ̀ŋ toò gbee wɛɛ̀ŋ dìmɛ̀ ɔ̀ɔ̀ kò Jùlusɛ̀làm.

Jɔ̀ɔŋ 4:23

Kɛɛ e teenga kòò è yaà hinie, e kìlà kòò è yaà naàŋ kià tɛ! Wo Jinàaŋ do nàŋ nyɛ̀nɛ̀ŋ anyuùŋ zòòlò Dayà kɛnɛ nyàŋ aŋ zòòlò Dayà e tɔ̀ɔ̀nyaàŋ sùà.

Jɔ̀ɔŋ 5:25

Mìŋ yààìŋ wòo sùà e tɔɔɓaaà kɛ̀ e teenga do nàŋ hnè, yèè ngèè kòò è yaà naàŋ kià tɛ, anyuùŋ fàa nyàŋ do nàŋ kòmò ke mìè miàim wo Jɔ̀àfèlàà Dayàa. Yèè anyùùŋ nyaŋ do nyiŋ nàŋ kòmò nyaŋ do nàŋ nɔ̀ŋ wɔŋ nyiiŋ gèe sùà.

Jɔ̀ɔŋ 5:28

Tɛɛ̀ ɓɔ̀ è foonòiŋ wa nàwèè! E teengaà do nàŋ hnè, yèè anyuùŋ fàa nyàŋ gbiŋ maŋ hùaŋ màŋ sùà do nàŋ kòmò ke miè miɛ̀ŋ,

Jɔ̀ɔŋ 8:16

Kɛɛ sèè mìŋ nyɛnɛŋ yɛi weè, e kiti mɛ̀ henàŋ nɔ̀ŋ e tɔ̀ɔ̀nyaàŋ, esaɓù kɛ̀ miàŋ guùŋ nààŋ fè niìŋ nyinie. Wo Dèdaà naim tùɔ̀ŋ wɔ yèè miàŋ è yaà koɓɛ̀ guùŋ.

Jɔ̀ɔŋ 8:29

Wo nyùnɔ̀ɔŋ naim tùɔ̀ŋ wɔ kòò wò yààìm kɔɔ. Mìŋ nyɛnɛŋ e yèɛ wò manaŋ wèè ka nyɛ̀nɛ̀ŋ lɛ e teenga gbiŋ, yèè wo naàim wa nàwèè jòò miàŋ guùŋ.”

Nyɛ̀nɛ̀ŋ 21:6

Eɓìèmàŋjɛ̀wɛ̀ tii è naiŋ dìèmè aŋ dàwi, yèè è naiŋ sɛ̀ɛ̀ wɔŋ meeèɔ sùà, yèè anyuùŋ gbànaŋ nyàŋ naŋ kɛ̀ɛ̀ ko jawaì.

Nyɛ̀nɛ̀ŋ 8:1

Wo Sɔɔ̀ naŋ wa nyimèè wèè aŋ jìwà wo Siiwììŋ. Ke ɗɔ̀ɔ̀ guùŋ bi diɛŋ ke gbòò anyuùŋ hààwe nyàŋ naŋ wa tɔ̀ɔ̀tù e nimilà kùwa ko Jùlusɛ̀làm. Anyuùŋ hààwe nyàŋ gbiŋ, eɓìèmaŋjɛ̀wɛ̀ aŋ keela tàeɗùù nyaŋ, naŋ wa dùɔ̀ŋ aŋ ɓààyè maŋ tàta màŋ sùà wɔŋ fùɔ̀ŋ Jùdiàa sùà yèè ko Sàmilià.