Jɔ̀ɔŋ 16:3 - WƆŊ FƐ̀Ì EBÒ SÌÀŊ DAYÀA

³ Anyùùŋ bi do tɛɛ̀ nàŋ nyɛ̀nɛ̀ŋ esaɓù kɛ̀ aŋ nyimààŋ wò Dèda miɔ̀ŋ ɔ̀ɔ̀ miàŋ bi.

Jɔ̀ɔŋ 16:3 ပူးပေါင်းရင်းမြစ်များ

Luù 10:22

“Wo Dayà wo Dèda miɔ̀ŋ wòim kìɛ̀ŋ manɛ̀ŋ maŋ gbiŋ. Wo nyùùŋ bà gbiŋ nyimààŋ kɛ̀ ɓòò nàŋ yaà miàim wò Jɔ̀àfelaaà, sɔɔ̀ nɔŋ wo Dèdaà wuŋ guùŋ, yèè wo nyùùŋ bà gbiŋ nyimààŋ kɛ̀ ɓòò nàŋ yaà wò Dèdaà sɔɔ̀ nɔŋ miàim wo Jɔ̀àfelaaà yaà aŋ yè nyaŋ miàim wo Jɔ̀àfelaaà naŋ tàeɗùù nyaŋ wèè ka nyiŋ tɔɔ̀ kɛ̀ ɓòò nàŋ yaà wo Dèdaà.”

Jɔ̀ɔŋ 15:21

Anyùùŋ doiŋ nàŋ nyìnìè e kèì guùŋ nɛ àŋ naim nyiniè lɛ. Àŋ doiŋ niŋ nàŋ nyiniè esaɓù kɛ̀ nìŋ yaà aŋ bàimbà, e fèfoo aŋ nyimààŋ kɛ̀ ɓòò naim tùɔ̀ŋ.

Jɔ̀ɔŋ 15:23

Wo nyùnɔ̀ɔŋ gbiŋ naim wùɔ̀ŋ wɔ, wò naŋ wùɔ̀ŋ wo Dèda miɔ̀ŋ wuŋ pɛɛ.

Jɔ̀ɔŋ 17:25

Dèdà tɔ̀ɔ̀nyaàaŋ, anyùùŋ nyaŋ e ɗuunyaŋ lɛɛ̀ aŋ nyiŋ mààùm. Kɛɛ miàŋ kàum nyìmàŋ, yèè anyùùŋ màŋjɛ̀wɛ̀im nyàŋ àŋ nyìmàŋ kɛ̀ muàŋ naim tùɔ̀ŋ.

Jɔ̀ɔŋ 17:3

Yèè wɔŋ nyiiŋ gèe gò jùàa nàŋ yaà, wèè aum nyìmàŋ kɛ̀ muàŋ nàŋ yaà wo Dàyà tɔ̀ɔ̀nyaàaŋ, yèè aŋ nyìmàŋ miàim wo Jisɛ̀ Kulaì, wo yèɔ mùŋ naŋ tùɔ̀ŋ wɔ.

Jɔ̀ɔŋ 8:19

Àŋ naŋ dàwè wo Jisɛ̀ nyààŋ, “Kòò wo Dèda mɔɔ̀ŋ wò yaà?” Wo Jisɛ̀ naŋ nyiŋ fasàì wààŋ, “Niŋ nyimààìm miŋ dò nàŋ sɔ̀ wo Dèda miɔ̀ŋ. Sèè nìŋ nyìmèìm weè, nìŋ he weè nàŋ nyìmè wo Dèda miɔ̀ŋ wuŋ pɛɛ.”

Jɔ̀ɔŋ 8:55

joo pɛɛ tɔɔɓaa kɛ̀ niŋ nyimààuŋ. Sèè ka woò kɛ̀ miŋ nyimààuŋ, mìŋ do nàŋ nɔ̀ŋ wo nyuùŋ tòa maàŋ nyɛ̀iŋ gbiŋ. Kɛɛ kàuŋ nyìmàŋ, yèè mìŋ nyɛnɛŋ e yèɛ wò woà lɛ.

Nyɛ̀nɛ̀ŋ 3:17

“Sèè è nɔ̀ŋ yɛi nyɛ̀iŋ nààŋ wùìyaim nyàŋ, kà nyìmàŋ kɛ̀ e keì gò nyìmàŋ fèemàiŋ nɛ̀ naŋ nyɛ̀nɛ̀ŋ nyɛ̀iŋ e kpùlìà anyùùŋ gbèègbèè fuɔiŋ nyàŋ naŋ wa tɛɛ̀ nyìnìè wo Jisɛ̀.

1 Kɔliìŋ 2:8

Anyùùŋ gbèègbèè ɗuunyaŋ lɛɛ̀ bà gbiŋ gò nyìmàŋ è jiikɛ̀ɛ lɛɛ̀. Sèè aiŋ wa weè nyìmàŋ, aŋ naàŋ wa weè nàŋ jìwìè wò Kànà nɛɛmaàŋ wɔ̀ŋ vànèkpaàa diɛŋ.

2Tɛsè 1:8

e hmɔɔ̀ŋ kùwa sùà wèè wo gbàì e tɔ̀ɔ̀nyaàŋ sùà anyùùŋ nyaŋ naŋ kùwìè wo Dayà maŋhɛɛ nyàŋ, yèè aŋ yè nyaŋ fè jɔ̀ɔ̀lɔ̀ Èbò Siaàŋ nyaàiŋ dè wò Kana wiɔ̀ Jisɛ̀ dìì nyaŋ.

1Time 1:13

jòòpɛɛ mìŋ naŋ wa gbòò naanààŋ e nyaàìŋ euŋ dè, yèè mìŋ nauŋ ngainɓù e kìlà kauŋ wòò maŋ mìè ɓɛ̀ɛ̀pɔ̀ɔ. Kɛɛ wo Dayà naŋ wa tɔ̀ɔ̀ ke nyowo esaɓù è hààwe gò kɛɛnɛ̀ŋ mɛ̀, yèè miŋ nyimààŋ wa kɛ̀ kiìŋ mìŋ yaà nyinie.

1Jɔ̀ɔŋ 2:23

Aŋ yè nyaŋ gò jàà wò Jɔ̀àfelaaà kùàŋ dìì nyaŋ, aŋ gò jàà wò Dèdaà kùàŋ dìì. Aŋ yè nyaŋ gbiŋ naŋ jàà wo Jɔ̀àfelaaà kùàŋ dìì nyaŋ, àŋ naŋ jàà wo Dèdaà kùàŋ dìì.

1Jɔ̀ɔŋ 3:1

Yɛ̀mɛìŋ e ɗeweɛ̀ wo Dèdaà naŋ wi mɔ̀nɔ̀ŋ lɛ. E mànaàŋ wò kuwa e weè wi lɛ è naŋ dɛɛ̀, weètii àŋ naŋ wi nyààŋ aŋ jɔ̀à Dayà, yèè ngèè è yààìŋ aŋ jɔ̀à Dayà. Tɛɛ̀ naŋ nyɛ̀nɛ̀ŋ e ɗuunyaàŋ nyimààŋ wì, e fèfoo e ɗuunyaàŋ nyimààŋ wò Dayà.

1Jɔ̀ɔŋ 4:8

Wo nyùnɔ̀ɔŋ gbiŋ gò kɛ̀ɛ̀nɛ̀ŋ è mànaŋ wɔ̀, wo nyimààŋ Dayà, esaɓù kɛ̀ wo Dayà nàŋ yaà e mànaŋ.

1Jɔ̀ɔŋ 5:20

Yèè èiŋ nyìmàŋ kɛ̀ wo Jɔ̀àfèlàà Dayàa naŋ hnè yèè wò naŋ wi fè jiikɛ̀ɛ, wèè eiŋ nyìmàŋ wo Dàyà tɔ̀ɔ̀nyaàaŋ. È yààìŋ anyùùŋ guùŋ wo Dayàa tɔ̀ɔ̀nyaàaŋ sùà, yèè anyùùŋ guùŋ wo Jɔ̀àfelaauŋ nɔɔ̀ŋ Jisɛ̀ Kulaì sùà. Wuŋ nàŋ yaà wo Dàyà tɔ̀ɔ̀nyaàaŋ, yèè wuŋ nàŋ yaà wɔŋ nyiiŋ gèe gò jùàa.