Jɔ̀ɔŋ 16:26 - WƆŊ FƐ̀Ì EBÒ SÌÀŊ DAYÀA

²⁶ Ke ɗɔɔ yii sùà, nìŋ do nàŋ dàwè Dèda miɔ̀ŋ e deè mɛ̀ diɛŋ, yèè miàŋ nààŋ naàuŋ ɓɛìŋ dawè wèè nyɛ̀iŋ.

Jɔ̀ɔŋ 16:26 ပူးပေါင်းရင်းမြစ်များ

Jɔ̀ɔŋ 14:16

Kpeiŋ mìŋ do nàŋ dàwè wo Dèdaà, yèè wò doiŋ nàŋ tùɔ̀ŋ wo Jìnàŋ Nɛɛmaàŋ wo yèɔ doiŋ nàŋ kpuumò yèè wo nɔ̀ŋ ko nɛ̀ɛ̀iŋ niìŋ wèè julɔfɔ.

Jɔ̀ɔŋ 14:20

Sèè e teenga lii hnàŋ wa nàwèè yèè ka kɛ̀ɛ̀ wɔŋ nyiiŋ gèeɔ̀ sùà, nìŋ do nàŋ nyìmè kɛ̀ kòò mìŋ yaà wo Dèda miɔ̀ŋ ko sùà yèè kɛ̀ nyɛ̀iŋ pɛɛ nìŋ yààìm ko sùà, màànààŋ nɔŋ mìŋ yààìŋ ko sùà lɛ.

Jɔ̀ɔŋ 16:19

Wo Jisɛ̀ wa nyìmàŋ kɛ̀ àŋ manaŋ wa auŋ dawè, yèè wò naŋ nyiŋ woò wààŋ, “Nìŋ yaà daawe nààŋ mìŋ naŋ woò mìàŋ, ‘wèè e teenga kpàa bà niŋ naàim ɓɛìŋ yɛmɛ̀.’ Yèè mìàŋ ‘kɛɛ e teenga kpàa bà nìŋ doim ɓɛìŋ nàŋ yɛmɛ̀?’

Jɔ̀ɔŋ 16:23

“Sèè e teenga lii haì wa nàwèè, niŋ naàim ɓɛìŋ dawè wèè è nɛ̀ŋ gbiŋ. Miŋ woòiŋ e tɔɔɓaaà kɛ̀ wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè weè niŋ lɛ̀ e deè mɛ̀ diɛŋ.

Jɔ̀ɔŋ 16:30

Yèiŋ ngàà naàŋ nyìmàŋ kɛ̀ màŋ nyìmàŋ maŋ keì maŋ gbiŋ, e kìlà e kuwàìŋ ɓɛìŋ wɔ̀ŋ mààŋdàwè gbiŋ wèè eum dawè. Tɛɛ̀ naŋ nyɛ̀nɛ̀ŋ è naiŋ haawè tɔɔɓaa kɛ̀ mùŋ yewe koɓɛ̀ Dayài.”

Jɔ̀ɔŋ 17:19

Wèè esaɓù nyiŋ nɛ̀ kà jàà miàŋ bi e ɓula ko nɛ̀ɛ̀ŋ muìŋ, wèè kɛ̀ nyiŋ pɛɛ, àŋ naŋ ɓɛ̀nɛ̀ŋ nɔ̀ŋ e ɓula jàa nyiŋ ko nɛ̀ɛ̀ŋ muìŋ wèè e tɔ̀ɔ̀nyaàaŋ.

Jɔ̀ɔŋ 17:24

“Dèda, mìŋ zoolà wèè anyùùŋ nyaŋ gbiŋ mùŋ naim kiɛ̀ŋ nyaŋ aŋ nɔ̀ŋ koɓɛ̀i mìŋ do nàŋ nɔ̀ŋ lɛ. Kpeiŋ kɛ̀ àŋ do nàŋ yɛ̀mɛ̀ e dɛ̀ɛ̀kɛɛ̀ mùŋ naim kiɛ̀ŋ lɛ, esaɓù kɛ̀ mùŋ naim wa mɔ̀nɔ̀ŋ paŋgàà e ɗuunyaàŋ naŋ wa nɔ̀ŋ bàne niŋ.

Jɔ̀ɔŋ 17:9

“Mìŋ yààùm zoolo Dèda weè nyiŋ. Miŋ fè zoolo wèè ànyùùŋ nyaŋ è ɗuunyaàŋ. Muàŋ nàŋ kanaŋ anyùùŋ màŋjɛ̀wɛ̀im nyàŋ, weètii mìŋ yaà zoolo weè nyiŋ.

Luùm 8:34

Ɓòò nàŋ do nyiŋ naàŋ nàŋ hèè e kiti diɛŋ? E naàŋ nɔ̀ŋ wò Jisɛ̀ Kulaì, wo yèɔ naŋ fɔ̀ e kìlà wo Dayà nauŋ gè e fàaà dìì wɔ, yèè kòò wò jaa naàŋ wɔŋ kùàŋ jìkà Dayàa, wò yàaùŋ pɔɔwɔ weè wi.