Jɔ̀ɔŋ 16:19 - WƆŊ FƐ̀Ì EBÒ SÌÀŊ DAYÀA

¹⁹ Wo Jisɛ̀ wa nyìmàŋ kɛ̀ àŋ manaŋ wa auŋ dawè, yèè wò naŋ nyiŋ woò wààŋ, “Nìŋ yaà daawe nààŋ mìŋ naŋ woò mìàŋ, ‘wèè e teenga kpàa bà niŋ naàim ɓɛìŋ yɛmɛ̀.’ Yèè mìàŋ ‘kɛɛ e teenga kpàa bà nìŋ doim ɓɛìŋ nàŋ yɛmɛ̀?’

Jɔ̀ɔŋ 16:19 ပူးပေါင်းရင်းမြစ်များ

Maafiù 6:8

Ɓɔ̀ mùŋ fɔɔnɔ̀ŋ nyiŋ. Wo Dèda mɔɔ̀ŋ wò nyìmàŋ kɛ̀ kiɛ̀ŋ mùŋ manaŋ paŋgàà mùŋ nauŋ dawè.

Maafiù 9:4

Wo Jisɛ̀ nyìmàŋ kɛ̀ kiìŋ àŋ yaà wa goongo maŋ jii nyiŋ màŋ sùà. Kpeiŋ wò naŋ nyiŋ woò wààŋ, “Ɓɔ̀ nìŋ goongòim màŋ keì naanààŋ, nààŋ nìŋ yààìm gbùwa sùà maŋ keì ɗì, esaɓù kɛ̀ mìŋ naŋ woò mìàŋ miàŋ nàŋ yaà wo Dayà.

Jɔ̀ɔŋ 13:33

Nyɛ̀iŋ nààŋ nyuùŋ mɔ̀ɔ̀nɔim nyàŋ, mìŋ doiŋ nàŋ nɔ̀ŋ e tɛɛ wèè e teenga jɔa kpàa bà. Nìŋ doim nàŋ kamè, kɛɛ niŋ nàim yɛmɛ̀. Kɛɛ tɔ̀ miŋ woòiŋ naàŋ e yèɛ mìŋ naŋ wa wòò anyùùŋ gbèègbèè aŋ Juùù nyaŋ lɛ̀. ‘Nìŋ fè ɓɛ̀nɛ̀ŋ kà kòɓɛ̀i mìŋ yaà kɔɔyɛ̀ lɛ̀.’

Jɔ̀ɔŋ 14:19

E teenga kpàa bà sùà, anyùùŋ nyaŋ e ɗuunyaàŋ naàim wa nàwèè ɓɛìŋ yɛmɛ̀, kɛɛ nyɛ̀iŋ nìŋ doim nàŋ yɛmɛ̀. Yèè e fèfoo nààŋ mìŋ yaà wɔŋ nyiiŋ gèeɔ̀ sùà, nyɛ̀iŋ pɛɛ nìŋ do nàŋ nɔ̀ŋ wɔŋ nyiiŋ gèeo sùà.

Jɔ̀ɔŋ 16:16

Wo Jisɛ̀ naŋ ɓɛìŋ wòò anyùùŋ màŋjɛ̀wɛ̀uŋ nyàŋ wààŋ, “Nyɛ̀iŋ nààŋ nyuùŋ mɔ̀ɔ̀nɔim nyàŋ, wèè e teenga kpàa bà niŋ naàim ɓɛìŋ yɛmɛ̀, mìŋ do nàŋ kɛ̀ɛ̀ koɓɛ̀ wo nyùnɔ̀ɔŋ naim tùɔ̀ŋ wɔ. Kɛɛ e teenga kpàa bà sùà nìŋ doim ɓɛìŋ nàŋ yɛmɛ̀.”

Jɔ̀ɔŋ 16:18

Yèè àŋ naŋ ɓɛìŋ dawè nyààŋ, “Kiìŋ nàŋ yaà ‘e teenga kpààa’ wò yaà wòò kii niŋ lɛ̀? E nyimààŋ kɛ̀ kiìŋ wò manaŋ wo wi woò.”

Jɔ̀ɔŋ 16:23

“Sèè e teenga lii haì wa nàwèè, niŋ naàim ɓɛìŋ dawè wèè è nɛ̀ŋ gbiŋ. Miŋ woòiŋ e tɔɔɓaaà kɛ̀ wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè weè niŋ lɛ̀ e deè mɛ̀ diɛŋ.

Jɔ̀ɔŋ 16:26

Ke ɗɔɔ yii sùà, nìŋ do nàŋ dàwè Dèda miɔ̀ŋ e deè mɛ̀ diɛŋ, yèè miàŋ nààŋ naàuŋ ɓɛìŋ dawè wèè nyɛ̀iŋ.

Jɔ̀ɔŋ 16:30

Yèiŋ ngàà naàŋ nyìmàŋ kɛ̀ màŋ nyìmàŋ maŋ keì maŋ gbiŋ, e kìlà e kuwàìŋ ɓɛìŋ wɔ̀ŋ mààŋdàwè gbiŋ wèè eum dawè. Tɛɛ̀ naŋ nyɛ̀nɛ̀ŋ è naiŋ haawè tɔɔɓaa kɛ̀ mùŋ yewe koɓɛ̀ Dayài.”

Jɔ̀ɔŋ 21:17

E dìà taaà wo Jisɛ̀ naŋ ɓɛìŋ dàwè wo Saimɔ̀ŋ wo jɔ̀àfèlàà Jɔ̀ɔɔ̀ŋ wààŋ, “Saimɔ̀ŋ, kòò mùŋ mànàìm?” Wo Pììlɛ naŋ nɔ̀ŋ ɗoomɛɛŋ ke nyowo sùà nààŋ wo Jisɛ̀ nauŋ dawè e dìà taaà sùà wààŋ, “Kòò mùŋ mànàìm?” Yèè wo Pììlɛ nauŋ woò wààŋ, “Kanaà, màŋ nyìmàŋ maŋ keì maŋ gbiŋ. Màŋ nyìmàŋ kɛ̀ mìŋ mànàùm.” Yèè wo Jisɛ̀ nauŋ ɓɛìŋ woò wààŋ, “Kɛ̀ gɔ̀ɔ̀yɛɛ̀ aŋ ɓaawaaim nyàŋ.”

Jɔ̀ɔŋ 6:61

Kɛɛ wo Jisɛ̀ wa nyìmàŋ kɛ̀ anyùùŋ màŋjɛ̀wɛ̀uŋ nyàŋ yaà wa gùlìè ko ɗìòsùà wèè e yèɛ wò naŋ woò lɛ, yèè wò naŋ nyiŋ woò wààŋ, “Nìŋ manaŋ naim kɛ̀ɛ̀ maŋjɛ̀wɛ wèè esàɓù e yèɛ mìŋ naŋ woò lɛ?

Jɔ̀ɔŋ 7:33

Kɛɛ wo Jisɛ̀ naŋ nyiŋ wa woò wààŋ, “Mìŋ doiŋ nàŋ nɔ̀ŋ e tɛɛ wèè e teenga jɔa kpàa bà, eɓìèmàŋjɛ̀wɛ̀ mìŋ do nàŋ kɛ̀ɛ̀ koɓɛ̀ wo nyùnɔ̀ɔŋ naim tùɔ̀ŋ wɔ.

Hiɓu 4:13

E nɛ̀ŋ gbiŋ fè wèè e nɔ̀ŋ kò nyɛɛnɛŋ kò fɛ̀ɛ̀fèìŋ Dayài. Manɛ̀ŋ maŋ gbiŋ e ɗuunyaàŋ màŋ yaà yìle miŋ yèè maŋ hawa janjai ko fɛɛ̀fenùuŋ niìŋ. Ko nɛ̀ɛ̀uŋ niìŋ è kuwa euŋ tɔ̀ɔ̀ e jìwààjɛ̀wɛ̀ e tɔ̀ɔ̀nyaàaŋ è naiŋ nyɛ̀nɛ̀ŋ lɛ.

Maŋ kèì nyɛɛnɛŋ 2:23

Mìŋ do ngèè ɓɛìŋ nàŋ jìwè anyùùŋ màŋjɛ̀wɛ̀uŋ nyàŋ gbiŋ, kpeiŋ kɛ̀ ke gbòò anyuùŋ hààwe nyàŋ gbiŋ do nàŋ nyìmè kɛ̀, miàŋ nàŋ yaà wo nyùnɔ̀ɔŋ naŋ nyìmè e gòngò nyuùŋkpùuŋ gbiŋ ke jiiuŋ nɛɛ̀ŋ sùà, yèè e yèɛ àŋ manaŋ lɛ̀. Mìŋ do ɓɛìŋ nàŋ pààwà nyɛ̀iŋ nààŋ bà guùŋ gbiŋ wèè e tòmoɛ̀ mùŋ naŋ nyɛ̀nɛ̀ŋ lɛ.