Jɔ̀ɔŋ 16:16 - WƆŊ FƐ̀Ì EBÒ SÌÀŊ DAYÀA

¹⁶ Wo Jisɛ̀ naŋ ɓɛìŋ wòò anyùùŋ màŋjɛ̀wɛ̀uŋ nyàŋ wààŋ, “Nyɛ̀iŋ nààŋ nyuùŋ mɔ̀ɔ̀nɔim nyàŋ, wèè e teenga kpàa bà niŋ naàim ɓɛìŋ yɛmɛ̀, mìŋ do nàŋ kɛ̀ɛ̀ koɓɛ̀ wo nyùnɔ̀ɔŋ naim tùɔ̀ŋ wɔ. Kɛɛ e teenga kpàa bà sùà nìŋ doim ɓɛìŋ nàŋ yɛmɛ̀.”

Jɔ̀ɔŋ 16:16 ပူးပေါင်းရင်းမြစ်များ

Jɔ̀ɔŋ 12:35

Wo Jisɛ̀ naŋ nyiŋ fasàì wààŋ, “E gbolòùŋ nɛ do nàŋ nɔ̀ŋ ko nɛ̀ɛ̀iŋ niìŋ wèè e teenga kpuu. Kàaìŋ e gbolòùŋ nɛ sùà e teengaà nìŋ yɛmɛ̀ niìŋ lɛ. Wo nyùnɔ̀ɔŋ kaaìŋ ke nyìwìɛ sùà wɔ fè nyìmàŋ kɛ̀ kòò wò yaà kɔɔyɛ.

Jɔ̀ɔŋ 13:3

Wo Jisɛ̀ wa nyìmàŋ kɛ̀ wo Dèdauŋ nɔɔ̀ŋ nauŋ wa kìɛ̀ŋ e gàaŋ gbiŋ, e kìlà wò nyìmàŋ kɛ̀ wò naŋ wa yèwè koɓɛ̀ Dayài yèè wò yaà wa kɛ̀ɛ sùà koɓɛ̀ Dayài.

Jɔ̀ɔŋ 13:33

Nyɛ̀iŋ nààŋ nyuùŋ mɔ̀ɔ̀nɔim nyàŋ, mìŋ doiŋ nàŋ nɔ̀ŋ e tɛɛ wèè e teenga jɔa kpàa bà. Nìŋ doim nàŋ kamè, kɛɛ niŋ nàim yɛmɛ̀. Kɛɛ tɔ̀ miŋ woòiŋ naàŋ e yèɛ mìŋ naŋ wa wòò anyùùŋ gbèègbèè aŋ Juùù nyaŋ lɛ̀. ‘Nìŋ fè ɓɛ̀nɛ̀ŋ kà kòɓɛ̀i mìŋ yaà kɔɔyɛ̀ lɛ̀.’

Jɔ̀ɔŋ 16:10

È yaà e keì jèèe nyiŋ e fèfoo aŋ nyimààŋ kɛ̀ kiìŋ nàŋ yaà è tɔ̀ɔ̀nyààŋ Dayàa, esaɓù kɛ̀ mìŋ yaà kɔ̀ɔ̀yɛ̀ koɓɛ̀ Dèda miɔ̀ŋ, yèè niŋ naàim wa nàwèè ɓɛìŋ yɛmɛ̀.

Jɔ̀ɔŋ 16:22

Nìŋ yaà naàŋ ke nyowo gbee sùà. Kɛɛ mìŋ doiŋ ɓɛìŋ nàŋ yɛmɛ̀, yèè e zɔlɔ̀ do nàŋ nɔ̀ŋ maŋ jiiŋ màŋ sùà, yèè wo nyùùŋ gbiŋ wo naàìŋ ɓɛ̀nɛ̀ŋ gè è zɔlɔ̀ bi màŋ jiiŋ màŋ sùà.

Jɔ̀ɔŋ 16:28

Mìŋ naŋ hnè koɓɛ̀ anyùùŋ nyaŋ e ɗuunyaàŋ e yìwìà koɓɛ̀ wo Dèda miɔ̀ŋ. Kɛɛ mìŋ yaà jòà sùà anyùùŋ nyaŋ e ɗuunyaàŋ ka kɛ̀ɛ̀ koɓɛ̀ wo Dèda miɔ̀ŋ ko àìjɛnɛ̀ŋ.”

Jɔ̀ɔŋ 16:5

Kɛɛ mìŋ yaà naàŋ kɛ̀ɛ sùà koɓɛ̀ wo Dèdaà naim tùɔ̀ŋ wɔ. Yèè nyɛ̀iŋ nààŋ bà gbiŋ niŋ gò dawè sèè mààŋ kɛ̀ kòò mìŋ yaà kɔɔyɛ.

Jɔ̀ɔŋ 17:13

Mìŋ yaà naàŋ ko dòmaŋ mìŋ yaà hìnìè ko nɛ̀ɛ̀ŋ muìŋ. Kɛɛ mìŋ yaà wòò maŋ keì mɛɛ̀ŋ e teengaà mìŋ yaà weè nɔŋ e ɗuunyaàŋ lɛ, wèè e nyɛ̀nɛ̀ŋ anyùùŋ màŋjɛ̀wɛ̀im nyàŋ aŋ kɛɛnɛ̀ŋ e zɔlɔ̀ maŋ jii nyiŋ màŋ sùà màànààŋ nɔŋ miàŋ bi mìŋ kuwa e zɔlɔ̀ lɛ.

Jɔ̀ɔŋ 17:5

Weètii Dèda, kìɛ̀im ɓɛìŋ e dɛ̀ɛ̀kɛɛ̀ mùŋ naim wa kiɛ̀ŋ lɛ ko tɔɔtuì paŋgàà e ɗuunyaàŋ naŋ wa nɔ̀ŋ bàne niŋ nɛ̀.

Jɔ̀ɔŋ 7:33

Kɛɛ wo Jisɛ̀ naŋ nyiŋ wa woò wààŋ, “Mìŋ doiŋ nàŋ nɔ̀ŋ e tɛɛ wèè e teenga jɔa kpàa bà, eɓìèmàŋjɛ̀wɛ̀ mìŋ do nàŋ kɛ̀ɛ̀ koɓɛ̀ wo nyùnɔ̀ɔŋ naim tùɔ̀ŋ wɔ.

Nyɛ̀nɛ̀ŋ 1:3

Wèè maŋ ɗɔɔ kpɛ̀ùŋ tìyèe sùà e yìwìà e teengaà wo Kanaà Jisɛ̀ naŋ wa fɔ̀ lɛ, wò naŋ nyiŋ fòlò feìŋ e teenga zimgbe maŋ dòmanyaaŋ titi bà sùà, maŋ yè maŋ naŋ nyiŋ tɔɔ̀ jaŋyai e hààwe sùà kɛ̀ kòò wò yaà wɔŋ nyiiŋ gèeɔ̀ sùà. Àŋ nauŋ yɛmɛ̀, yèè wò naŋ nyiŋ gbòò kɔɔ e nyaàiŋ dè e kèè e Kànà Dayàa.

Hiɓu 12:2

Jàà wiìŋ e fɛɛ̀ wilɛ̀ wo Jisɛ̀ diɛŋ, wo yèɔ è naiŋ tùlìè jii e hààwe wilɛ̀ sùà, e yìwìà ko tɔ̀ɔ̀tù e hààwe wilɛ̀ e hàì ko dìaì. Wò naŋ wa nyimèè wèè auŋ sìà sàngè, yèè auŋ kpùùnyàŋ wɔŋ vànèkpaaà diɛŋ. Kɛɛ esàɓù e zɔlɔ̀ɛ yàaùŋ wa fulie lɛ̀, wo gò wa gòngò è kèè ɓɛ̀ɛ̀pɔ̀ɔɛ̀ wèè auŋ kpùùnyàŋ wɔ̀ŋ vànèkpaaà diɛŋ. Yèè kòò wò jaa naàŋ wɔŋ kùàŋ jìka ke kpùà Kanaà Dayà kɔɔ.