Jɔ̀ɔŋ 16:10 - WƆŊ FƐ̀Ì EBÒ SÌÀŊ DAYÀA

¹⁰ È yaà e keì jèèe nyiŋ e fèfoo aŋ nyimààŋ kɛ̀ kiìŋ nàŋ yaà è tɔ̀ɔ̀nyààŋ Dayàa, esaɓù kɛ̀ mìŋ yaà kɔ̀ɔ̀yɛ̀ koɓɛ̀ Dèda miɔ̀ŋ, yèè niŋ naàim wa nàwèè ɓɛìŋ yɛmɛ̀.

Jɔ̀ɔŋ 16:10 ပူးပေါင်းရင်းမြစ်များ

Jɔ̀ɔŋ 16:28

Mìŋ naŋ hnè koɓɛ̀ anyùùŋ nyaŋ e ɗuunyaàŋ e yìwìà koɓɛ̀ wo Dèda miɔ̀ŋ. Kɛɛ mìŋ yaà jòà sùà anyùùŋ nyaŋ e ɗuunyaàŋ ka kɛ̀ɛ̀ koɓɛ̀ wo Dèda miɔ̀ŋ ko àìjɛnɛ̀ŋ.”

Jɔ̀ɔŋ 16:5

Kɛɛ mìŋ yaà naàŋ kɛ̀ɛ sùà koɓɛ̀ wo Dèdaà naim tùɔ̀ŋ wɔ. Yèè nyɛ̀iŋ nààŋ bà gbiŋ niŋ gò dawè sèè mààŋ kɛ̀ kòò mìŋ yaà kɔɔyɛ.

Jɔ̀ɔŋ 3:14

“Màànààŋ nɔŋ wo Mòòze naŋ wa dìkìè wo kaì bàànè maŋ kàìɔ ke kùù yèè wò nauŋ jòòwò fùùŋ ke fòùngà e diì wòaà diɛŋ lɛ̀, yɛi nɔŋ miàim wo Jɔ̀àfèlàà Nyuùŋ Kpùnɔɔ̀ŋ do nàŋ nɔ̀ŋ jòòwoim e ɗèwè kìì guùŋ nɛ sùà.

Jɔ̀ɔŋ 5:32

Kɛɛ wo nyùùŋ bà kòò wò yaào wo yèɔ naŋ nyìmè yèè wò naŋ woò kɛ̀ ɓòò nàŋ yààìm , e kìlà kà nyìmàŋ kɛ̀ ke mìè seìɛ wò naŋ kiɛ̀ŋ lɛ è yaà tɔ̀ɔ̀nyaàŋ e nyaàiŋ eim dè.

Jɔ̀ɔŋ 7:33

Kɛɛ wo Jisɛ̀ naŋ nyiŋ wa woò wààŋ, “Mìŋ doiŋ nàŋ nɔ̀ŋ e tɛɛ wèè e teenga jɔa kpàa bà, eɓìèmàŋjɛ̀wɛ̀ mìŋ do nàŋ kɛ̀ɛ̀ koɓɛ̀ wo nyùnɔ̀ɔŋ naim tùɔ̀ŋ wɔ.

Nyɛ̀nɛ̀ŋ 17:31

Wò jàà ke ɗɔɔ e ɓula wèè wo gbàì anyùùŋ nyaŋ gbiŋ e ɗuunyaàŋ e tɔ̀ɔ̀nyaàŋ sùà. Yèè wò naŋ tà wo Jisɛ̀ ke ɗùù wèè wo gbaì anyùùŋ nyaŋ weèuŋ. Wo Dayà wò wi kìɛ̀ŋ e tɔ̀ɔ̀nyààŋ e keì lɛɛ̀ yàwi nààŋ gbiŋ nààŋ wò naŋ gè wo Jisɛ̀ e fàa dìì.”

Nyɛ̀nɛ̀ŋ 2:32

Wo Dayà naŋ wa gè wo Kanaà Jisɛ̀ wɛɛ̀ e fàa dìì, yèè yàwi nààŋ gbiŋ è yààìŋ aŋ sèì koɓɛ̀ e tɔ̀ɔ̀nyaàŋ lɛɛ̀.

Nyɛ̀nɛ̀ŋ 3:14

Wò naŋ wa kìɛ̀ŋ wuŋ bi koɓɛ̀ Dayài yèè wò naŋ wa nyɛ̀nɛ̀ŋ e yèɛ wo Dayà naŋ woò kɛ̀ è yaà wa tɛ̀ɛ̀ lɛ, kɛɛ nìŋ naŋ wa wòò e keì naanààŋ weèuŋ. Nìŋ naŋ wa dàwè wo Paalè wèè wo daŋgè wo nyuùŋ jìwà nyùnɔ̀ɔŋ wo ka, kɛɛ nààŋ wo Paalè jìwà wo Kanaà Jisɛ̀, wo yèɔ yaà wa e nɛɛmaŋ e kìlà wò yaà tɔ̀ɔ̀nyaàŋ wɔ.

Nyɛ̀nɛ̀ŋ 7:52

Wo kèèlà Dayà bà gbiŋ wa hnàŋ wo yèɔ aŋ nèwàènɛweiŋ nyàŋ aŋ gò wa nimilà wɔ? Àŋ naŋ wa jìwè aŋ kèèlà Dayà nyaŋ naŋ wa wòò e kèè e hnàŋ wo Ɓɔ̀ìjɔ̀à Nɛɛmauŋ nɔɔ̀ŋ. Nìŋ nàuŋ maàŋ e kìlà nàuŋ jìwà.

Luùm 1:17

Ebò Siaàŋ woà e ɗeweɛ̀ wo Dayà hiàŋ anyùùŋ koɓɛ̀ wuŋ biì wèè aŋ nɔ̀ŋ anyùùŋ tɔ̀ɔ̀nyaàŋ, e kìlà è yaà nɔŋ esàɓù ke jii tùliaà yaà e hààweɛ̀ anyùùŋ kuwa wo Jisɛ̀ sùà lɛ. Nààŋ wɔŋ fɛ̀ì Dayàa naŋ woò lɛ, “Anyùùŋ nyaŋ wo Dayà hiàŋ wèè aŋ nɔ̀ŋ anyùùŋ tɔ̀ɔ̀nyaàŋ esaɓù e hààweɛ̀ àŋ kuwa lɛ̀, do nàŋ nɔ̀ŋ wɔŋ nyiiŋ gèe siaŋ sùà wèè julɔfɔ.”

1 Kɔliìŋ 1:30

Kɛɛ wo Dayà wòiŋ nyɛ̀nɛ̀ŋ nàŋ nɔ̀ŋ aŋ bàiŋbà Jisɛ̀ Kulaì sùà, yèè wo Dayà naŋ nyɛ̀nɛ̀ŋ wo Jisɛ̀ Kulaì wèè wo nɔ̀ŋ e jiikɛ̀ɛ wilɛ̀. Wuŋ naŋ wi nyɛ̀nɛ̀ŋ è naiŋ nɔ̀ŋ tɔ̀ɔ̀nyaàŋ koɓɛ̀ Dayài, yèè è naiŋ nɔ̀ŋ anyùùŋ nɛ̀ɛ̀màŋ Dayà nyaŋ, yèè wò naŋ wi joeyè wèè foo.

2 Kɔliìŋ 5:21

Wo Jisɛ̀ Kulaì kuwà wa màŋ jùumù, kɛɛ wo Dayà nauŋ nyɛ̀nɛ̀ŋ wo nɔ̀ŋ wo bàuŋbà maŋ jùumù wi màŋ sùà, e wèè kɛ̀ sèè è nɔ̀ìŋ ke gboòuŋ nɛɛ̀ŋ sùà, kɛ̀ wo Dayà wò wi ɓemè wèè èiŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ.

Gàla 5:5

Ke jii tùliaà è kùwàìŋ lɛ̀ nàŋ yaà kɛ̀, wo Dayà do wi nàŋ jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ, yèè tɛɛ̀ è yiwìà gààŋ Jìnàŋ Nɛɛmaàŋ, e wi toomò e yìwìà e hààwe wi lɛ sùà.

1Time 3:16

Wo nyùùŋ gbiŋ fè ɓɛ̀nɛ̀ŋ gììyà kè gbùnu gbeeɛ̀ kè yaà e hààwe wilɛ̀ sùà yɛ màŋhɛɛ. Wo Jisɛ̀ Kulaì naŋ wa hnè mààŋ wo nyuùŋkpùuŋ, wo Jìnàŋ Nɛɛmaàŋ nauŋ wa tɔɔ̀ wèè wo nɔ̀ŋ nyuùŋ tɔ̀ɔ̀nyaàaŋ, yèè aŋ màìkà nauŋ wa yɛmɛ̀. Àŋ naŋ dàànè Ebò Siauŋ nɛ̀ maŋ fuɔŋ màŋ gbiŋ sùà, e ɗuunyaàŋ gbiŋ nauŋ sìè e hààwe sùà, yèè wò naŋ nɔ̀ŋ jòòwòuŋ ko àìjɛnɛ̀ŋ.

1Pììlɛ 3:18

Wo Jisɛ̀ Kulaì naŋ fɔ̀ wèè maŋ jùumù è guùŋ kpò wèè maŋ gbiŋ, wo nyùùŋ tɔ̀ɔ̀nyaàŋ naŋ fɔ̀ wèè anyuùŋ gò haawè nyaŋ, wèè wo tɔɔ̀ nyiŋ ke dòmaàŋ koɓɛ̀ Dayà. Àŋ nauŋ jìwè e yìwìà maŋ kèìŋ maŋ sùà, kɛɛ wò naŋ nɔ̀ŋ wɔŋ nyiiŋ gèeɔ̀ sùà wo jinàaŋ sùà,