Jɔ̀ɔŋ 15:8 - WƆŊ FƐ̀Ì EBÒ SÌÀŊ DAYÀA

⁸ Sèè naŋ nyɛ̀nɛ̀ŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, kɛ̀ e ɗewe lɛɛ̀ sùà nàŋ tɔɔ̀ kɛ̀ nyɛ̀iŋ nàŋ yaà anyùùŋ màŋjɛ̀wɛ̀im nyàŋ yèè e hìàŋ e jòòwo koɓɛ̀ wo Dèda miɔ̀ŋ.

Jɔ̀ɔŋ 15:8 ပူးပေါင်းရင်းမြစ်များ

Maafiù 5:16

E ɗèwè guùŋ lɛɛ̀ sùà, tɔ̀ e gbolòùŋ lɛ mùŋ do nàŋ tɔɔ̀ lɛ e nɔ̀ŋ mɛ̀iŋ niŋ mààŋ e gbòlòùŋ laumpòɛ, e mɛ̀ɛ̀ŋ anyùùŋ nyaŋ fɛɛ̀feìŋ wèè kɛ̀ aŋ yɛmɛ̀ e tòmo sìàaŋ mùŋ naŋ nyɛ̀nɛ̀ŋ lɛ, wèè kɛ̀ aŋ kìɛ̀ŋ wo Dèda mɔɔ̀ŋ e ɓɛ̀ɛ̀jàa ko àìjɛnɛ̀ŋ.

Maafiù 5:44

Kɛɛ tɔ̀ miŋ woòiŋ naàŋ kɛ̀, mànaìŋ aŋ jooiŋ nyàŋ e kìlà niŋ zoolò wèè anyùùŋ nyaŋ nimilàìŋ nyaŋ.

Maafiù 9:8

Nààŋ anyùùŋ nyaŋ naŋ wa tɛɛ̀ yɛmɛ̀, e jùù naŋ nyiŋ nyɛ̀nɛ̀ŋ yèè àŋ naŋ tɛ̀nɛ̀ŋ wo Dayà wèè wo kìɛ̀ŋ e gààŋ mààŋ tɛɛ̀ koɓɛ̀ anyuùŋ kpùuŋ.

Luù 6:35

Kɛɛ mànaìŋ aŋ jooiŋ nyàŋ e kìlà niŋ nyinìàŋ nyiŋ keì sìàŋ. Ɓɔ̀ nìŋ kiɛ̀ŋ nyiŋ fòfoo nìŋ manaŋ wèè aiŋ niŋ ɓɛìŋ kɛlɛ̀ɛ̀. Sèè nìŋ nyɛnɛŋ tii, wo Dayà doiŋ nàŋ kìɛ̀ŋ e jìwààjɛ̀wɛ̀ gbee. E kìlà nìŋ do nàŋ nɔ̀ŋ aŋ jɔ̀à wèè wo Dayà Gaàŋ Gbeeɔ̀. Esaɓù kɛ̀ wo Dayà tuwà tɛ̀ɛ̀ koɓɛ̀ wo nyuùŋ gò nyìmàŋ saɓùɔ yaà wo nyuùŋ nyɛ̀nɛ̀ŋ tùwo naanààaŋ.

Jɔ̀ɔŋ 13:35

Sèè nìŋ mɔnɔŋ aŋ dàwiiŋ nyàŋ nyɛ̀iŋ bi e fèemàŋ, anyùùŋ nyaŋ gbiŋ do nàŋ nyìmè kɛ̀ nyɛ̀iŋ nàŋ yaà anyùùŋ màŋjɛ̀wɛ̀im nyàŋ.”

Jɔ̀ɔŋ 15:5

“Miàŋ nàŋ yaà mààŋ ke kuùkpù gbeeɛ̀, nyɛ̀iŋ nàŋ ya maŋ kuù kpee màŋ. Anyùùŋ nyaŋ gbiŋ nyiniàm wɔŋ nyiiŋ gèe nyiŋ nɔɔ̀ŋ ko sùà nyaŋ, miàŋ pɛɛ mìŋ do nyiŋ nàŋ nyìnìè wɔŋ nyiiŋ gèe miɔ̀ŋ ko sùà. Anyùùŋ nyiiŋ do nàŋ kɛ̀ɛ̀nɛ̀ŋ e hààya zimgbe, esaɓù kɛ̀ aŋ fè ɓɛ̀nɛ̀ŋ nyɛ̀nɛ̀ŋ è keì kɛnɛ gbiŋ èɓìèmàŋjɛ̀wɛ̀ miàŋ.

Jɔ̀ɔŋ 8:31

Wo Jisɛ̀ naŋ ɓɛìŋ wòò Juùù nyaŋ nauŋ haawè nyaŋ wààŋ, “Sèè nìŋ haawà yèè nìŋ jɔɔlɔ̀ e yèɛ mìŋ naiŋ woò lɛ dìì, kɛ̀ tɔɔɓaa nìŋ yaà anyùùŋ màŋjɛ̀wɛ̀im.

1 Kɔliìŋ 10:31

E ɗewe gbiŋ sùà, e yèɛ gbiŋ mùŋ nyɛnɛŋ lɛ̀, màŋ jènɛ̀ŋ, màŋ tìà nɛ̀, nyɛnɛ̀ŋ niŋ e jòòwo Dayà sùà.

1 Kɔliìŋ 6:20

Wo Dayà naiŋ dìnìè e ɓaà gbee. Wèètii, tòòmoìŋ ke kpùnaiŋ nɛɛ̀ŋ wèè niŋ kiɛ̀uŋ e ɓɛ̀ɛ̀jàa.

Fèle 1:11

Maŋ nyiiŋ gèeiŋ màŋ do nàŋ dìè maŋ kèì tɔ̀ɔ̀nyaàŋ kɛnɛ, maŋ yè maŋ wo Jisɛ̀ Kulaì doiŋ nàŋ kpuumò wèè naŋ nyɛ̀nɛ̀ŋ, wèè e jòòwò yèè e tɛ̀nɛŋ koɓɛ̀ Dayài.

Taitɔ̀ 2:10

ɔ̀ɔ̀ ɓɔ̀ àŋ wùà àŋ kɛ̀ɛ̀nɛŋ nyiŋ nyàŋ sìwè. Kɛɛ aŋ tɔɔ̀ kɛ̀ e teenga gbiŋ àŋ yaà tɛ̀ɛ̀ yèè aŋ nɔ̀ŋ anyuùŋ tùlìà jii, kpeiŋ kɛ̀ tɛɛ̀ do nàŋ tɔ̀ɔ̀ e ɓɛ̀ɛ̀jàa gbee koɓɛ̀ e kàaà e nyaàiŋ dè wo Dayà wo Nyuùŋ Jòèye wiɔ̀ maŋ keì nyɛ̀nɛŋ nyiŋ màŋ gbiŋ sùà.

Taitɔ̀ 2:5

e kìlà aŋ nyìmàŋ e ɗèwè nyiŋ bi yɛ̀mɛ̀ diɛŋ yèè aŋ zɛ̀nɛ̀ŋ. Aŋ nɔ̀ŋ aŋ jɔ̀ùŋ maŋ kpèè siaŋ maŋ gboo nyiŋ màŋ sùà aŋ yè nyaŋ jɔɔlɔ̀ aŋ faiŋ nyiŋ nyàŋ dìì wèè wo nyùùŋ gbiŋ go nàŋ wòò keì naanààŋ è nyaàiŋ dè kè miè gbìaàŋ yewe Dayà sìwè yɛ.

1Pììlɛ 2:12

Maŋ keì kààŋ kiiŋ màŋ anyuùŋ gò hààwè Dayà nyaŋ e fèemàŋ, maŋ nɔ̀ŋ tɛ̀ɛ̀ kaiŋ. Wèè sèè pɛɛ aŋ woò nyààŋ nìŋ yaà anyuùŋ nyɛ̀nɛ̀ŋ maŋ keì naanààŋ, aŋ yɛmɛ̀ maŋ kpèè siaŋ sìàiŋ màŋ aŋ tɛnɛ̀ŋ Dayà ke ɗɔɔɛ̀ wò hiàŋ e jààme ko nɛ̀ɛ̀ŋ wiì lɛ̀.

1Pììlɛ 4:11

Anyùùŋ nyaŋ kuwa e kìɛ̀ŋ gbòa nyàŋ, aŋ woò ke mìè gbìàŋ Dayàa. Aŋ yè nyaŋ yaà aŋ ɓɔìjɔ̀à tòmo nyàŋ, aŋ toomò e gàaŋ wo Dayà naŋ nyiŋ kiɛ̀ŋ lɛ. E wèè kɛ̀ e gbio sùà wo Dayà yɛmɛ̀ e ɓɛ̀ɛ̀jàa esàɓù Jisɛ̀ Kulaì sùà wo yèɔ e gààŋ yèè e jòòwo yaà weèuŋ wèè julɔfɔ yèè julɔfɔ wɔ̀. Àmiinàŋ.