Jɔ̀ɔŋ 15:7 - WƆŊ FƐ̀Ì EBÒ SÌÀŊ DAYÀA

⁷ Sèè nìŋ jeeà aŋ bàimbà nɔ̀ɔŋ yèè maŋ mìè gbìaim màŋ maŋ jèè maŋ nyiiŋ geiŋ màŋ sùà, kɛ̀ wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè wèè woiŋ kiɛ̀ŋ lɛ.

Jɔ̀ɔŋ 15:7 ပူးပေါင်းရင်းမြစ်များ

Maafiù 7:7

“Dàweìŋ wo Dayà wèè e nɛ̀ɛŋ nìŋ naŋ kpɛɛ̀ŋ weè niŋ lɛ̀. Sèè nìŋ nyɛnɛŋ tii, wò doiŋ niŋ nàŋ kiɛ̀ŋ. Kàmeìŋ koɓɛ̀i wo Dayà yaà lɛ, nìŋ douŋ nàŋ mɛɛ̀ŋ, kpùlaìŋ wɔŋ gbemgbeeɔ̀ koɓɛ̀i wo Dayà yaà lɛ, wò do wuŋ nàŋ yilè weèiŋ.

Jɔ̀ɔŋ 14:13

Yèè e nɛ̀ɛŋ gbiŋ nìŋ do nàŋ dawè weè niŋ e deè mɛ̀ sùà lɛ, mìŋ doiŋ niŋ nàŋ kiɛ̀ŋ. Tɛɛ̀ do nàŋ hìɛ̀ŋ e jòòwo koɓɛ̀ Dèdaà esàɓù miàim wo Jɔ̀àfelaaà sùà.

Jɔ̀ɔŋ 15:16

Nyɛ̀iŋ nàŋ gòim wa tàeɗùù. Miàŋ naiŋ wa tàeɗùù wèè naŋ hìàŋ anyùùŋ koɓɛ̀ guùŋ aŋ yè nyaŋ do nàŋ jèè kpèè miɛ̀ŋ sùà yèè wèè naŋ ka naŋ gbòà ke mìè Dayà koɓɛ̀ anyùùŋ nyaŋ gbiŋ e ɗuunyaàŋ yèè naŋ mànàŋ aŋ dàwi nyiŋ nyàŋ wèè julɔfɔ. Yèè sèè nìŋ nyɛnɛŋ tɛɛ̀, wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè weè niŋ lɛ̀ e deè mɛ̀ diɛŋ.

Jɔ̀ɔŋ 16:23

“Sèè e teenga lii haì wa nàwèè, niŋ naàim ɓɛìŋ dawè wèè è nɛ̀ŋ gbiŋ. Miŋ woòiŋ e tɔɔɓaaà kɛ̀ wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè weè niŋ lɛ̀ e deè mɛ̀ diɛŋ.

Jɔ̀ɔŋ 8:31

Wo Jisɛ̀ naŋ ɓɛìŋ wòò Juùù nyaŋ nauŋ haawè nyaŋ wààŋ, “Sèè nìŋ haawà yèè nìŋ jɔɔlɔ̀ e yèɛ mìŋ naiŋ woò lɛ dìì, kɛ̀ tɔɔɓaa nìŋ yaà anyùùŋ màŋjɛ̀wɛ̀im.

Jɔ̀ɔŋ 8:37

Kà nyìmàŋ kɛ̀ nìŋ folo ke kpòò Eɓulɔhɛɛ̀ɛŋ sùà, yɛi nɔŋ è yaà nìŋ yaà kààmè ɗewe wèè naim jìwà, esaɓù kɛ̀ niŋ gò jàà è kàa mɛ̀ kùàŋ dìì.

Gàla 4:2

E teengaà wò yaà jɔ̀àkàiŋ jɔa lɛ̀, anyuùŋ joo kɛɛnɛ̀ŋ e gààŋ wèè wo yɛ̀mɛ̀ e kèè maŋ nɛ̀ŋ èdààuŋ màŋ dìì sùà e jèèsùà e teengaà wo dèdauŋ naŋ jàà ɓula lɛ̀ e haì.

Gàla 5:16

E yèɛ mìŋ yaà woo lɛ̀ nàŋ yaà tɛɛ̀, tɔ̀ e gààŋ Jìnàŋ Nɛɛmaàŋ nɔ̀ŋ maŋ nyiiŋ gèeiŋ màŋ sùà, yèè ɓɔ̀ nìŋ jɔɔlɔ̀ è ɗèwè màŋ kèìŋ nyuùŋkpùuŋ màŋ dìì.

Kòlo 3:16

Tɔ̀ ke miè gbìaàŋ e nyaàiŋ dè wo Jisɛ̀ Kulaì dià maŋ jiiŋ màŋ sùà. Kààaìŋ e kìlà niŋ kiɛ̀ŋ maŋ mìè gòo koɓɛ̀ aŋ dàwiiŋ nyàŋ e jiikɛ̀ɛ sùà. Dààaìŋ maŋ nùŋ, e nyaàiŋ dè wo Jisɛ̀ Kulaì, yèè maŋ nùŋ nɛɛmaŋ. Dààaìŋ wɔŋ nùŋ ke sɛ̀ gèe koɓɛ̀ Dayài maŋ jiiŋ màŋ sùà.

1Jɔ̀ɔŋ 2:14

Mìŋ naŋ sìngè ko nɛ̀ɛ̀iŋ niìŋ, nyɛiŋ nààŋ jɔ̀àim nyàŋ, e fèfoo nàŋ nyìmàŋ wo Dèdaà. Mìŋ naŋ sìngè ko nɛ̀ɛ̀iŋ niìŋ, nyɛ̀iŋ nààŋ nyuùŋ kòmaŋ nyàŋ, e fèfoo nàŋ wa nyìmàŋ wo Dayà e yìwìà ko tɔ̀ɔ̀tù e ɗuunyaàŋ. Mìŋ naŋ sìngè ko nɛ̀ɛ̀iŋ niìŋ, nyɛ̀iŋ nààŋ nyuùŋ bɔwɔ nyàŋ, e fèfoo nìŋ kuwa e gààŋ. E kìlà ke mìè Dayàa yaà maŋ jiiŋ màŋ sùà, yèè nìŋ kuwa e gààŋ wo Nyuùŋ Nyɛ̀nɛ̀ŋ keì naanààaŋ diɛŋ.

1Jɔ̀ɔŋ 2:27

Kɛɛ nyɛ̀iŋ nyɛɛ̀ŋ, wo Jisɛ̀ naiŋ wa gbìɛ̀ŋ wo Jinàuŋ nɔɔ̀ŋ maŋ jiio sùà. Yèè e teengaà wo Jinààŋ yààìŋ maŋ jiio sùà lɛ, niŋ naàŋ ɓɛìŋ mɔ̀nɔ̀ŋ wèè wò nyùùŋ ba doiŋ kaà. Efèfoo wo Jinàaŋ wòiŋ kàà e nɛ̀ɛŋ gbiŋ, yèè e yèɛ gbiŋ wò naìŋ kaà lɛ, è yaà tɔɔɓaaà, e fè tòa. Jɔ̀ɔ̀lɔìŋ e kàà wo Jinàaŋ dìì, yèè niŋ jeeè aŋ bàiŋbà nɔ̀ɔŋ wo Jisɛ̀ Kulaìɛ sùà.

1Jɔ̀ɔŋ 3:22

Wò do wi nàŋ kìɛ̀ŋ e yèɛ gbiŋ è hùmoùŋ lɛ, e fèfoo è jɔɔlɔ̀ maŋ sàwàuŋ màŋ dìì yèè è nyɛnɛŋ e yèɛ fɔɔyɛ̀ wuŋ ke jii lɛ̀.

1Jɔ̀ɔŋ 5:14

È kùwàìŋ ke jii nyingè ko fɛ̀ɛ̀fèìŋ Dayà, esaɓù èiŋ nyìmàŋ kɛ̀ wò komo ke miè wiɛ̀ sèè è dawàuŋ wèè e keì ɗewe gbiŋ e yìwìà e mànauŋ nɛ̀ sùà wò do wi niŋ nàŋ kiɛ̀ŋ.