Jɔ̀ɔŋ 15:27 - WƆŊ FƐ̀Ì EBÒ SÌÀŊ DAYÀA

²⁷ Yèè nyɛ̀iŋ pɛɛ nìŋ do nàŋ nɔ̀ŋ aŋ sèì, esaɓù kɛ̀ èiŋ nɔ̀ŋ koɓɛ̀ guùŋ e yìwìà ko tɔ̀ɔ̀tù maŋ keì mɛɛ̀ŋ gbiŋ.

Jɔ̀ɔŋ 15:27 ပူးပေါင်းရင်းမြစ်များ

Luù 24:48

Nìŋ yaà aŋ sèì wèè maŋ keì mɛɛ̀ŋ gbiŋ.

Jɔ̀ɔŋ 19:35

Èiŋ nyìmàŋ kɛ̀ tɛɛ̀ è yaà e tɔɔɓaa, esaɓù kɛ̀ wo nyùùŋ bà naŋ niŋ wa yɛmɛ̀ e kìlà wò naŋ kìɛ̀ŋ ke mìè seì, wèè kɛ̀ nyɛ̀iŋ pɛɛ niŋ kɛɛnɛ̀ŋ e hààwe.

Jɔ̀ɔŋ 21:24

Wo nyùùŋ màŋjɛ̀wɛ̀ wɛɛ̀ naŋ sìngè maŋ keì mɛɛ̀ŋ gbiŋ. Èiŋ nyìmàŋ kɛ̀ ke mìè seìɛ wò naŋ kiɛ̀ŋ lɛ è yaà tɔɔɓaa.

Nyɛ̀nɛ̀ŋ 1:8

Kɛɛ e teengaà wo Jìnàŋ Nɛɛmaàŋ doiŋ nàŋ kìɛ̀ŋ gààŋ lɛ̀, e gààŋ doiŋ nàŋ sɛ̀ɛ̀ sùà, nìŋ do nàŋ nɔ̀ŋ aŋ sèì e kìlà naŋ wòò anyùùŋ kɛ̀ kiìŋ nìŋ naŋ nyìmè e nyaàiŋ eim dè ko Jùlusɛ̀làm, wɔŋ fùɔ̀ŋ Jùdiàa, wɔŋ fùɔ̀ŋ Sàmiliàa yaà maŋ fuɔŋ joo màŋ gbiŋ sùà e ɗuunyaàŋ.”

Nyɛ̀nɛ̀ŋ 13:31

yèè e teenga zimgbe wo Jisɛ̀ naŋ wa fòlò aŋ nyùùŋ màŋjɛ̀wɛ̀uŋ nyàŋ fèìŋ, aŋ yè nyaŋ heuŋ wa kààìŋ maŋjɛ̀wɛ e yìwìà ko Galaliì e kà ko Jùlusɛ̀làm. Kòò àŋ yaà naàŋ kìɛ̀ŋ sùà maŋ mìè seì e nyaàiŋ euŋ dè koɓɛ̀ anyuùŋ wi nyàŋ.

Nyɛ̀nɛ̀ŋ 18:5

Kɛɛ nààŋ wo Silà yaà wo Timetè naŋ kɛ̀ɛ̀ maŋjɛ̀wɛ e yìwìà ko Mɛ̀sèdonià, e tòmò Pɔɔ̀ɛ wò yaà wa nyinie lɛ̀ nàŋ yaà ke mìè gbìàŋ Dayàa gbòa koɓɛ̀ aŋ Juùù nyaŋ, kɛ̀ wo Jisɛ̀ nàŋ yaà wo Kulaìɔ wo Dayà naŋ tàeɗùù wɔ wèè wo hìàŋ e jòèye koɓɛ̀ anyùùŋ nyaŋ e ɗuunyaàŋ.

Nyɛ̀nɛ̀ŋ 23:11

Wɔŋ dùùm wiiŋ wo Kanaà Jisɛ̀ naŋ fòlò wo Pɔɔ̀ fɛɛ̀feìŋ yèè wò nauŋ woò wààŋ, “Kɛ̀ɛ̀nɛɛ̀ŋ ke jii nyingè! Màŋ kìɛ̀ŋ ke mìè seì mɔɛ̀ŋ e nyaàiŋ eim dè ko Jùlusɛ̀làm, yèè kìɛ̀ŋ ɓɛìŋ ke mìè seì bi ko Luùm.”

Nyɛ̀nɛ̀ŋ 3:15

Nìŋ naŋ wa jìwè wo nyùnɔ̀ɔŋ tɔɔ̀ wɔŋ nyiiŋ gèe kɛnɛ wɔ̀, kɛɛ wo Dayà nauŋ wa gè e fàaà dìì wɔŋ nyiiŋ gèeo sùà. Yàwi nààŋ gbiŋ è yààìŋ aŋ sèì koɓɛ̀ e keì lɛɛ̀.

Nyɛ̀nɛ̀ŋ 4:20

Esaɓù e naìŋ hɔ̀ànè wòò e yèɛ è naiŋ yɛmɛ̀ yèè è naiŋ kòmò lɛ.”

Nyɛ̀nɛ̀ŋ 4:33

E gaàŋ gbee sùà aŋ keela tàeɗùù nyaŋ naŋ wa kìɛ̀ŋ ke mìè seì kɛ̀ wo Kanaà Jisɛ̀ yèwà e fàa dìì wɔŋ nyiiŋ gèeo sùà, e kìlà wo Dayà naŋ wa kìɛ̀ŋ aŋ gbiŋ e keì sìàŋ.

1Pììlɛ 5:1

Miàŋ bi, mìŋ yaà wo màmàŋkùmɛŋ, mìŋ yaà dàwè sùà aŋ màmàŋkùmɛŋ nyàŋ e tɛɛiŋ. Mìŋ yaà wo sèì Jisɛ̀ Kulaì wèè maŋ keì nyìnga màŋ wò naŋ kɔ̀ dìì maŋ. Yèè e jòòwoɛ̀ do nàŋ hnè lɛ, wuŋ nàŋ kànaìŋ yèè mìŋ do nàŋ nɔ̀ŋ bà nyiŋ bà.

1Pììlɛ 5:12

Wo Sailɔ̀ naim kpuumò mìŋ naŋ sìngè wɔŋ fɛi kpuu wɛɛ̀ŋ ko nɛ̀ɛ̀ŋ niìŋ, wo yèɔ mìŋ naŋ ɓemè wèè wo nɔ̀ŋ wo wùìya hààwè tɔ̀ɔ̀nyaàŋ wɔ. Mìŋ yààìŋ sìa sùà ke di kɛ̀ tɛɛ̀ nàŋ yaà e kìɛ̀ŋ tɔ̀ɔ̀nyààŋ Dayàa nyììneìŋ sùà niŋ nɔ̀iŋ sùà.

1Jɔ̀ɔŋ 4:14

Yèè èiŋ yɛmɛ̀ e mànaùŋ nɛ̀ e kìlà èiŋ fè ke mìè seì koɓɛ̀ anyùùŋ kɛ̀ wo Dèdaà naŋ tùɔ̀ŋ wo Jɔ̀àfelaauŋ nɔɔ̀ŋ wèè wo nɔ̀ŋ wo Nyuùŋ Jòèyè ɗuunyaàŋ.

Maŋ kèì nyɛɛnɛŋ 1:2

Wo Jɔ̀ɔŋ naŋ wòò e yèɛ gbiŋ wò naŋ wa yɛmɛ̀ lɛ. E jìwààjɛ̀wɛ̀uŋ nɛ̀ lɛɛ̀ e nyaàiŋ dè ke miè gbìaàŋ e yìwìà wo Dayà sìwè yèè e tɔ̀ɔ̀nyaàaŋ wo Jisɛ̀ Kulaì naŋ gbàì sùà lɛ.

Maŋ kèì nyɛɛnɛŋ 1:9

Miàŋ nàŋ yaà wo Jɔ̀ɔŋ, wo wùìyaiŋ nɔɔ̀ŋ, yèè wo nyùùŋ màŋjɛ̀wɛ̀ wo Kanaà Jisɛ̀. Miàŋ nàŋ yaà wo dàwiiŋ nɔɔ̀ŋ ke jii tɔumtɔ̀ùm sùà, wo yèɔ yaà kɔ̀ɔ̀yɛ̀ e keì nyìngaà dìì e yèɛ hnàŋ koɓɛ̀ aŋ yè nyaŋ yaà aŋ bà nyiŋ bà e Kanauŋ nɛ̀ sùà nyaŋ. Àŋ naim wa gbìɛ̀ŋ ke tììŋ Pamòɛ sùà mààŋ wo nyùùŋ keì, esaɓù kɛ̀ mìŋ naŋ gbòò ke mìè Dayàa, yèè mìŋ naŋ wòò e tɔ̀ɔ̀nyaàaŋ e nyaàiŋ dè ke mìè seìɛ wo Jisɛ̀ naŋ wa gɔ̀ì sùà yɛ.