Jɔ̀ɔŋ 15:24 - WƆŊ FƐ̀Ì EBÒ SÌÀŊ DAYÀA

²⁴ Kà nyɛ̀nɛ̀ŋ maŋ kèè mèè maŋ yè maŋ wo nyùùŋ bà gbiŋ e ɗuunyaàŋ kòò wò nyɛ̀nɛ̀ŋ wa màŋ. Yèè sèè àŋ goim weè yɛmɛ̀ mìŋ do miŋ nyɛ̀nɛ̀ŋ, e keì naàŋ nyiŋ weè jeè wèè màŋ jùumù nyiŋ màŋ. Kɛɛ àim yɛmɛ̀ kà nyɛ̀nɛ̀ŋ maŋ kèè mèè mɛɛ̀ŋ, yɛi nɔŋ è yaà àŋ naim wùɔ̀ŋ yèè wo Dèda miɔ̀ŋ.

Jɔ̀ɔŋ 15:24 ပူးပေါင်းရင်းမြစ်များ

Maafiù 11:5

Anyuùŋ zììlè le fɛ̀ɛ̀ nyaŋ àŋ yɛ̀mɛ̀ dìì, yèè anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ àŋ kaaìŋ naàŋ tɛ̀ɛ̀. Anyuùŋ kɛ̀ɛ̀nɛ̀ŋ e sààŋ maŋkùnù nyaŋ àŋ nɔ̀ŋ zɛ̀nɛŋ nyiŋ, yèè anyuùŋ kpùɔ̀ŋ maŋ nùŋ nyaŋ komo naàŋ maŋ kàìŋ. Anyuùŋ fàa nyàŋ yèwà e fàaà dìì koɓɛ̀ wɔŋ nyiiŋ gèe, yèè àŋ wòò ke mìè gbìàŋ Ebò Siaàŋ koɓɛ̀ anyuùŋ pɔ̀ɔ nyàŋ.

Maafiù 21:32

Mìŋ woàìŋ tɛɛ̀ esaɓù kɛ̀, jòòpɛɛ e teengaà wo Jɔ̀ɔŋ Gùà Nyùnɔ̀ɔŋ naiŋ wa tɔ̀ɔ̀ ke dòmaŋ tɔ̀ɔ̀nyaàŋ lɛ̀, niŋ gòuŋ wa haawè. Kɛɛ anyuùŋ kùwà nɛ̀ɛ̀nɛ̀ŋ fuɔɔ̀ŋ yaà anyuùŋ nyɛ̀nɛ̀ŋ maŋ yɛɛ̀ gò kɛ̀ɛ̀nɛ̀ŋ ɓɛ̀ɛ̀jàa nauŋ wa haawè. Yèè nààŋ pɛɛ nìŋ naŋ wa yɛ̀mɛ̀ e yèɛ àŋ nyɛ̀nɛ̀ŋ lɛ̀, maŋ jiiŋ màŋ gò wa kìlà wèè nauŋ haawè.”

Maafiù 9:33

Kɛɛ nààŋ wo Jisɛ̀ naŋ wa gè wo jinàŋ naanààaŋ wo felaaà maŋjɛ̀wɛ, wo felaaà naŋ tɔ̀ɔ̀tù gbòa ko fɛɛ̀feìŋ. E keì lɛɛ̀ naŋ wa fòònò anyùùŋ zimgbe yèè àŋ naŋ tɔ̀ɔ̀tù wòo nyààŋ, “Kòò è yɛ̀mɛ̀ìŋ wa è keì mààŋ tɛɛ̀ bà gbiŋ wèè e kààìŋ wɔ̀ŋ fùɔ̀ŋ Ezɔ̀ɛ̀ɔ sùà!”

Luù 24:19

Wo Jisɛ̀ naŋ dawè wààŋ, “Kiìŋ màŋ keì naŋ kaaìŋ?” Àŋ naŋ woò nyààŋ, “Maŋ keì maŋ naŋ kààìŋ wo Jisɛ̀ e yìwìà ko Naazɔ̀ɛ̀ maŋ. E yìwìà maŋ keì maŋ wò nàŋ nyɛ̀nɛ̀ŋ yèè wò naŋ woò maŋ naŋ tɔɔ̀ kɛ̀ wò yaà wo wɛ̀ijì ko fɛ̀ɛ̀fèìŋ Dayà yèè anyùùŋ nyaŋ gbiŋ.

Jɔ̀ɔŋ 10:32

Wo Jisɛ̀ naŋ nyiŋ woò wààŋ, “Kàiŋ tɔ̀ɔ̀ maŋ keì sìàŋ zimgbe maŋ yè maŋ wo Dèda miɔ̀ŋ naim tùɔ̀ŋ wèè ka nyɛ̀nɛ̀ŋ maŋ. Wèè esàɓù maŋ keì mɛɛ̀ŋ, kòò miŋ nìŋ manaŋ naim hɔ̀wà weè miŋ?”

Jɔ̀ɔŋ 10:37

Kɛ̀ ɓɔ̀ nìŋ kɛɛnɛ̀im è hààwe sùà sèè mìŋ go nɔ̀ŋ nyìnìè e yèɛ wo Dèda miɔ̀ŋ manaŋ ka nyɛ̀nɛ̀ŋ lɛ.

Jɔ̀ɔŋ 12:10

Kpeiŋ aŋ kànà sìèfèìŋ zòòlo nyàŋ naŋ ɗewè wèè aŋ wa jìwà wo Lazɔlɔ̀ wuŋ pɛɛ,

Jɔ̀ɔŋ 12:45

Yèè wo nyùnɔ̀ɔŋ gbiŋ naim yɛmɛ̀ wɔ, wò yɛ̀mɛ̀ wo nyùnɔ̀ɔŋ naim tùɔ̀ŋ wɔ.

Jɔ̀ɔŋ 14:9

Wo Jisɛ̀ naŋ fàsàì wo Felè wààŋ, “Kàiŋ naàŋ nɔ̀ŋ e tɛɛ wèè e teenga mùŋlaŋ bà. Yèè kòò nìŋ nyìmè nɔ̀ŋ kɛ̀ ɓòò nàŋ yààìm? Sèè nìŋ yɛmɛ̀ìm nɔŋ, kɛ̀ nàŋ yɛ̀mɛ̀ wo Dèdaà ko àìjɛnɛ̀ŋ. Dièsɔa nìŋ naŋ ɓɛ̀nɛ̀ŋ wòo nààŋ, ‘Tɔ̀ɔ̀ wi wo Dèdaà’?

Jɔ̀ɔŋ 15:21

Anyùùŋ doiŋ nàŋ nyìnìè e kèì guùŋ nɛ àŋ naim nyiniè lɛ. Àŋ doiŋ niŋ nàŋ nyiniè esaɓù kɛ̀ nìŋ yaà aŋ bàimbà, e fèfoo aŋ nyimààŋ kɛ̀ ɓòò naim tùɔ̀ŋ.

Jɔ̀ɔŋ 15:22

Sèè mìŋ go wa weè hnàŋ wèè ka gbòà ko nɛ̀ɛ̀ŋ nyiŋ niìŋ, e keì naàŋ nyiŋ weè jeèè wèè màŋ jùumù nyiŋ màŋ. Kɛɛ aŋ kuwà ɓɛìŋ kè kàfaì wèè màŋ jùumù nyiŋ màŋ.

Jɔ̀ɔŋ 15:23

Wo nyùnɔ̀ɔŋ gbiŋ naim wùɔ̀ŋ wɔ, wò naŋ wùɔ̀ŋ wo Dèda miɔ̀ŋ wuŋ pɛɛ.

Jɔ̀ɔŋ 16:9

Wo Jinàaŋ do nyiŋ nàŋ tɔɔ̀ kɛ̀ è yaà e keì jèèe nyiŋ e fèfoo aŋ nyimààŋ kɛ̀ kiìŋ nàŋ yaà è jùumù, esaɓù kɛ̀ aŋ gòim haawè.

Jɔ̀ɔŋ 3:2

Wɔŋ dùùm guùŋ wò naŋ wa kɔ̀ koɓɛ̀i wo Jisɛ̀ joà lɛ yèè wò nauŋ woò wààŋ, “Kààmɔɔŋ, èiŋ nyìmàŋ kɛ̀ wo Dayà naum tùɔ̀ŋ ko nɛ̀ɛ̀ŋ wiì wèè maŋ wi kàà e ɗèwè ke dòmauŋ nɛɛ̀ŋ dè diɛŋ. Esaɓù kɛ̀, sèè wo Dayà goum weè nɔ̀ŋ maŋjɛ̀wɛ, muŋ fè weè ɓɛ̀nɛ̀ŋ nyɛ̀nɛ̀ŋ màŋ kèè mèè mɛɛ̀ŋ mùŋ nyɛnɛŋ yaà maŋ.”

Jɔ̀ɔŋ 5:36

Kɛɛ e yèɛ mìŋ nyɛnɛŋ lɛ̀ tɔɔ̀ janyai kɛ̀ ɓòò nàŋ yààìm wɔŋ dòmaŋ nyaaŋ joo bà wɔŋ yèɔ wɔ̀ŋ yaà e sɛmɛmaŋ wuŋ e ngèè pɛɛ nìàŋ e yèɛ naŋ wa nɔ̀ŋ tɔ̀ɔ niŋ e yìwìà e yèɛ wo Jɔ̀ɔŋ naŋ wa woò lɛ e nyaàiŋ eim dè. Maŋ keì bi zà nàŋ yaà e tòmoɛ̀ wo Dèdaà Dayà naim kiɛ̀ŋ wèè ka nyɛ̀nɛ̀ŋ lɛ. Maŋ keì mɛɛ̀ŋ nàŋ kiɛ̀ŋ maŋ mìè seì weèim, e kìlà màŋ tɔɔ̀ kɛ̀ wo Dèdaà Dayà naim tùɔ̀ŋ.

Jɔ̀ɔŋ 6:36

Kɛɛ kàiŋ niŋ woò kɛ̀, jòòpɛɛ nàim yɛmɛ̀ kɛɛ kòò niŋ kɛ̀ɛ̀nɛ̀ìm è hààwe kò sùà.

Jɔ̀ɔŋ 7:31

Anyuùŋ zimgbe e faaàŋ sùà naŋ wa kɛ̀ɛ̀nɛ̀ŋ e hààwe wo Jisɛ̀ ko sùà yèè àŋ naŋ woò nyààŋ, “Sèè wo yèɔ wo Dayà naŋ tàeɗùù wèè wo joeyè e ɗuunyaàŋ wɔ wò hnàŋ, tɔɔɓaa wo naàŋ nyɛ̀nɛ̀ŋ màŋ kèè mèè màŋ do nìàŋ màŋ yè maŋ wò felaa wɛɛ̀ naŋ nyɛ̀nɛ̀ŋ maŋ!”

Jɔ̀ɔŋ 9:32

Yèè e teenga jiɛ̀jiɛ̀ɛ lɛɛ̀ e yìwìà ko tɔ̀ɔ̀tù e ɗuunyaàŋ wèè wò nyùùŋ wo gbàì le fɛ̀ɛ̀ wo nyùùŋ wo yèɔ àŋ naŋ wa kùmìè le fɛɛ̀ zììle wɔ̀.

Jɔ̀ɔŋ 9:41

Wo Jisɛ̀ naŋ nyiŋ fasàì wààŋ, “Sèè nìŋ nɔ̀ŋ weè anyuùŋ zììlè le fɛ̀ɛ̀, e keì naàìŋ weè jeè wèè màŋ jùumù maŋ nìŋ naŋ nyɛ̀nɛ̀ŋ maŋ. Kɛɛ nààŋ nìŋ naŋ woò nààŋ nìŋ yɛmɛ̀ dìì lɛ, nìŋ do nàŋ nɔ̀ŋ anyuùŋ jèè keì wèè maŋ jùumùiŋ màŋ.”

Nyɛ̀nɛ̀ŋ 10:38

Nàŋ nyìmàŋ e kèè wo Jisɛ̀ e yìwìà ko Naazɔ̀ɛ̀, wo yèɔ wo Dayà naŋ wa tàeɗùù yèè wò nauŋ kìɛ̀ŋ wo Jìnàŋ Nɛɛmaàŋ yaà e gààŋ. Wò naŋ wa kìlìè maŋ tàta màŋ gbiŋ sùà, wò yaà nyìnìè maŋ keì sìàŋ yèè wò yaà jòèye sùà anyùùŋ nyaŋ yaà wa e gààŋ Dɛwìɔ dìì nyaŋ, esaɓù kɛ̀ wo Dayà yàaùŋ wa kpuumo.

Nyɛ̀nɛ̀ŋ 2:22

Wo Pììlɛ naŋ ɓɛìŋ woò wààŋ, “Nyɛ̀iŋ nààŋ nyùùŋ Ezɔ̀ɛ̀ nyaŋ, kùmiaìŋ e yèɛ mìŋ yaà hinie kaiŋ woò lɛ! Wo Jisɛ̀ e yìwìà ko Naazɔ̀ɛ̀ yaà wa wo felaa wo yèɔ wo Dayà naiŋ wa tɔɔ̀ kɛ̀ wuŋ nauŋ tùɔ̀ŋ, e yìwìà maŋ kèè mèè gbeegbèè yaà maŋ tɔ̀ɔ̀màŋsìè maŋ keì maŋ wo Dayà wuŋ bi naŋ wa nyɛ̀nɛ̀ŋ màŋ naŋ kaaìŋ maŋ esàɓù wo Kanaà Jisɛ̀ sùà. Nyɛ̀iŋ bi nàŋ tɛɛ̀ nyìmàŋ, esaɓù kɛ̀ è naiŋ wa kià kàìŋ ko fɛɛ̀fenìiŋ.

Luùm 1:30

àŋ woà maŋ keì naanààŋ wèè aŋ dàwi nyiŋ nyàŋ. Àŋ naŋ wùɔ̀ŋ Dayà, aŋ kuwà ɓɛ̀ɛ̀jàa màŋ mìè gbòa nyiŋ màŋ sùà, àŋ ɓemàŋ nyiŋ bi gbee, àŋ kɛɛ maŋ nyòngà. Àŋ gongà tutùtuuŋ wèè aŋ yɛmɛ̀ e ɗewe jɛi wèè aŋ nyɛ̀nɛ̀ŋ e keì naanààŋ. Anyùùŋ nyɛɛ̀ŋ kuwà ɓɛ̀ɛ̀jàa wèè ànyuùŋ kòmaŋ nyiŋ nyàŋ.

2Time 3:4

Àŋ do nàŋ nɔ̀ŋ anyùùŋ kàaɓì, anyuùŋ gììyà keì kɛ̀ɛ̀ɛ, yèè aŋ ɓèmè nyiŋ bi gbee, e kìlà àŋ do nàŋ kɛ̀ɛ̀nɛ̀ŋ e mànàŋ gbana e nìàŋ e mànàŋ Dayàa.

Jìiiŋ 4:4

Nyɛ̀iŋ nààŋ nyuùŋ gò jilɛ̀ŋ nyɛɛ̀ŋ, niŋ nyimààŋ kɛ̀ sèè nìŋ nɔ̀ŋ ànyuùŋ mɔ̀ɔ̀nɔŋ koɓɛ̀ è ɗuunyaàŋ è naŋ tɔɔ̀ kɛ̀ nìŋ yaà àŋ joo koɓɛ̀ Dayài? Wèètii wo nyùnɔ̀ɔŋ gbiŋ naŋ nyɛ̀nɛ̀ŋ e wùànàŋ wèè wo nɔ̀ŋ wo dàwi koɓɛ̀ e ɗuunyaàŋ wɔ, wò mììnè wuŋ bi wo jòò Dayà.