Jɔ̀ɔŋ 15:22 - WƆŊ FƐ̀Ì EBÒ SÌÀŊ DAYÀA

²² Sèè mìŋ go wa weè hnàŋ wèè ka gbòà ko nɛ̀ɛ̀ŋ nyiŋ niìŋ, e keì naàŋ nyiŋ weè jeèè wèè màŋ jùumù nyiŋ màŋ. Kɛɛ aŋ kuwà ɓɛìŋ kè kàfaì wèè màŋ jùumù nyiŋ màŋ.

Jɔ̀ɔŋ 15:22 ပူးပေါင်းရင်းမြစ်များ

Luù 12:46

Sèè è kaaìŋ yɛi, wo kààmɔ̀ɔ̀ŋ wo ɓɔìjɔ̀àa do nàŋ hnè ke ɗɔ̀ɔ̀ guùŋ e teengaà wo ɓɔìjɔ̀àa naàuŋ nɔ̀ŋ yɛ̀ɛ̀mɛ̀ dòmaŋ yèè e teengaà wo nyimààŋ lɛ. Wo ɓɔìjɔ̀à wɛɛ̀ do nàŋ kɔ̀ e keì nyìnga dìì yèè auŋ gbìàŋ koɓɛ̀ aŋ ɓɔìjɔ̀à gò kɛ̀ɛ̀nɛ̀ŋ tɔ̀ɔ̀nyaàŋ nyaŋ.

Jɔ̀ɔŋ 12:48

Kɛɛ anyùùŋ nyaŋ gbiŋ naŋ gè maŋhɛɛ wèè aŋ hààwè e yèɛ mìŋ naŋ nyiŋ kaà lɛ, àŋ do nàŋ nɔ̀ŋ gbài nyiŋ e yìwìà e yèɛ mìŋ naŋ nyiŋ woò lɛ ke ɗɔɔ dìàmaàŋ diɛŋ nàwèè.

Jɔ̀ɔŋ 15:23

Wo nyùnɔ̀ɔŋ gbiŋ naim wùɔ̀ŋ wɔ, wò naŋ wùɔ̀ŋ wo Dèda miɔ̀ŋ wuŋ pɛɛ.

Jɔ̀ɔŋ 15:24

Kà nyɛ̀nɛ̀ŋ maŋ kèè mèè maŋ yè maŋ wo nyùùŋ bà gbiŋ e ɗuunyaàŋ kòò wò nyɛ̀nɛ̀ŋ wa màŋ. Yèè sèè àŋ goim weè yɛmɛ̀ mìŋ do miŋ nyɛ̀nɛ̀ŋ, e keì naàŋ nyiŋ weè jeè wèè màŋ jùumù nyiŋ màŋ. Kɛɛ àim yɛmɛ̀ kà nyɛ̀nɛ̀ŋ maŋ kèè mèè mɛɛ̀ŋ, yɛi nɔŋ è yaà àŋ naim wùɔ̀ŋ yèè wo Dèda miɔ̀ŋ.

Jɔ̀ɔŋ 16:9

Wo Jinàaŋ do nyiŋ nàŋ tɔɔ̀ kɛ̀ è yaà e keì jèèe nyiŋ e fèfoo aŋ nyimààŋ kɛ̀ kiìŋ nàŋ yaà è jùumù, esaɓù kɛ̀ aŋ gòim haawè.

Jɔ̀ɔŋ 19:11

Wo Jisɛ̀ naŋ fasàì wààŋ, “Sèè wo Dayà gòum weè kìɛ̀ŋ è gààaŋ, muŋ naàim weè ɓɛ̀nɛ̀ŋ kpùùnyàŋ wɔ̀ŋ vànèkpaaà diɛŋ. Kɛɛ wo nyùnɔ̀ɔŋ naim mààŋ ko nɛ̀ɛ̀ŋ muìŋ wɔ nàŋ kanaŋ e jùumù gbeeɛ̀.”

Jɔ̀ɔŋ 9:41

Wo Jisɛ̀ naŋ nyiŋ fasàì wààŋ, “Sèè nìŋ nɔ̀ŋ weè anyuùŋ zììlè le fɛ̀ɛ̀, e keì naàìŋ weè jeè wèè màŋ jùumù maŋ nìŋ naŋ nyɛ̀nɛ̀ŋ maŋ. Kɛɛ nààŋ nìŋ naŋ woò nààŋ nìŋ yɛmɛ̀ dìì lɛ, nìŋ do nàŋ nɔ̀ŋ anyuùŋ jèè keì wèè maŋ jùumùiŋ màŋ.”

Nyɛ̀nɛ̀ŋ 17:30

E teenga gɔuɛ̀ sùà, wo Dayà naŋ wa jùùyè anyùùŋ nyaŋ gbiŋ hakɛ̀ wèè tɛɛ̀, esaɓù kɛ̀ aŋ nyimààŋ wa kɛ̀ kiìŋ àŋ yaà wa nyinie. Kɛɛ wò naŋ naàŋ woò sààmɛ kɛ̀ wo nyùùŋ gbiŋ yèè koɓɛ̀ gbiŋ aŋ dangè maŋ tùwo naanààŋ nyiŋ màŋ yèè aŋ kìlà ko nɛ̀ɛ̀uŋ niìŋ.

Luùm 1:20

E yìwìà e teengaà wo Dayà naŋ wa bànè e ɗuunyaàŋ lɛ, anyùùŋ àŋ yɛ̀mɛ̀ manɛ̀ŋ bàneuŋ yaà maŋ kèè mèèuŋ màŋ, yèè àŋ nyìmàŋ janjai kɛ̀ e gààŋ Dayàa yaà wèè julɔfɔ e kìlà tɔɔɓaa wuŋ nàŋ yaà wo Dayà. Weètii anyùùŋ nyiiŋ aŋ kuwà kè kàfaì gbiŋ.

Luùm 2:1

Nyɛ̀iŋ nààŋ bà nyiŋ nìŋ haà aŋ dàwiiŋ nyàŋ e kiti diɛŋ wèè e keì naanààŋ nyɛ̀nɛŋ. Kɛɛ niŋ kuwà kè kàfaì bà gbiŋ, wo Dayà gò kpɛɛ̀ŋ kɛ̀ ɓòò nàŋ yààùm. Sèè nìŋ gbaì aŋ dàwiiŋ nyàŋ, kɛ̀ nàŋ hàà e kiti nyɛ̀iŋ bi diɛŋ, esaɓù kɛ̀ è yaà e keì jèeiŋ e fèfoo nìŋ nyɛnɛŋ maŋ kèì guùŋ bi.

Jìiiŋ 4:17

Wèètii wo nyùnɔ̀ɔŋ gbiŋ naŋ nyìmè e keì sìàaŋ wò nyɛnɛŋ lɛ̀ yèè wo gò niŋ nyɛ̀nɛ̀ŋ wɔ è yaà e jùumù ko nɛ̀ɛ̀uŋ niìŋ.

1Pììlɛ 2:16

Niŋ fè è ɗo dìì, kɛɛ e ɗewe gbiŋ sùà, ɓɔ̀ nìŋ ɓemè naàŋ è ɗo gò nɔ̀ŋ dìì bi wèè naŋ niŋ toomò naŋ ɓùwà màŋ keì naanààŋ, kɛɛ nɔ̀iŋ mààŋ aŋ ɗò Dayà.