Jɔ̀ɔŋ 15:21 - WƆŊ FƐ̀Ì EBÒ SÌÀŊ DAYÀA

²¹ Anyùùŋ doiŋ nàŋ nyìnìè e kèì guùŋ nɛ àŋ naim nyiniè lɛ. Àŋ doiŋ niŋ nàŋ nyiniè esaɓù kɛ̀ nìŋ yaà aŋ bàimbà, e fèfoo aŋ nyimààŋ kɛ̀ ɓòò naim tùɔ̀ŋ.

Jɔ̀ɔŋ 15:21 ပူးပေါင်းရင်းမြစ်များ

Maafiù 10:18

Nìŋ do nàŋ sìè aŋ kànà fuɔŋ yèè anyùùŋ nyaŋ fè àŋ Juùù nyaŋ fɛɛ̀feìŋ wèè esàɓù e deè mɛ̀, wèè naŋ nyiŋ kìɛ̀ŋ ke mìè seì e nyaàiŋ dè Ebò Siaàŋ.

Maafiù 10:22

Anyùùŋ nyaŋ gbiŋ doiŋ nàŋ wùɔ̀ŋ esàɓù e deè mɛ̀. Kɛɛ wo nyùnɔ̀ɔŋ gbiŋ kuwo e keì nyìnga bi e jèèsùà e hàì ko dìaì wɔ̀, wo Dayà douŋ wa nàwèè nàŋ joeyè.

Maafiù 10:39

Wo nyùnɔ̀ɔŋ gbiŋ kamàŋ ɗewe wèè wo jòèyè wɔŋ nyiiuŋ nɔɔ̀ŋ wɔ, wɔ̀ŋ douŋ nàŋ gbɛ̀nɛ̀ŋ wèè julɔfɔ. Kɛɛ wo nyùnɔ̀ɔŋ gbiŋ naim haawè yèè wò naŋ nyimèè wèè wo fà wèè esaɓù mɛ̀ wɔ, wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Maafiù 24:9

“Anyùùŋ doiŋ nàŋ kùwò aiŋ kòà ke sàwà wèè naŋ kà e keì nyìnga dìì, e kìlà aiŋ jìwà. Anyùùŋ nyaŋ maŋ fuɔŋ màŋ gbiŋ sùà, doiŋ nàŋ wùɔ̀ŋ esàɓù e deè mɛ̀.

Maafiù 5:11

“E zɔlɔ̀ e nɔ̀iŋ sèè anyùùŋ aiŋ diɛ̀ŋ, aiŋ tuwò naanààŋ, e kìlà aiŋ jàà maŋ keì ɓòù e ɗì esaɓù kɛ̀ nìŋ yaà anyùùŋ màŋjɛ̀wɛ̀im.

Luù 21:12

Wèè paŋ maŋ keì mɛɛ̀ŋ gbiŋ maŋ kaaìŋ, anyùùŋ doiŋ nàŋ kùwò aiŋ kòà ke sàwà wèè aiŋ gbaì. Àŋ doiŋ nàŋ kɔ̀ɔ̀ maŋ sààŋ zòòlò aŋ Juùù nyaŋ dìì e kìlà àŋ doiŋ nàŋ gbìɛ̀ŋ ko sààŋ nyìwì. Nìŋ do nàŋ sìè aŋ kana yaà aŋ ɓɛ̀mànɗì fuɔŋ fɛɛ̀feìŋ wèè esàɓù e deè mɛ̀.

Luù 21:17

Aŋ nyùùŋ nyaŋ gbiŋ doiŋ nàŋ wùɔ̀ŋ esàɓù e deè mɛ̀.

Luù 6:22

“E zɔlɔ̀ e nɔ̀iŋ sèè anyùùŋ aiŋ wùàŋ, aiŋ gbàŋ, aiŋ diɛ̀ŋ, e kìlà aŋ woò nyààŋ nìŋ yaà anyuùŋ nyɛ̀nɛ̀ŋ maŋ keì naanààŋ, esaɓù kɛ̀ nìŋ yaà anyùùŋ màŋjɛ̀wɛ̀ miàim wo Jɔ̀àfèlàà Nyuùŋ Kpùnɔɔ̀ŋ.

Jɔ̀ɔŋ 15:24

Kà nyɛ̀nɛ̀ŋ maŋ kèè mèè maŋ yè maŋ wo nyùùŋ bà gbiŋ e ɗuunyaàŋ kòò wò nyɛ̀nɛ̀ŋ wa màŋ. Yèè sèè àŋ goim weè yɛmɛ̀ mìŋ do miŋ nyɛ̀nɛ̀ŋ, e keì naàŋ nyiŋ weè jeè wèè màŋ jùumù nyiŋ màŋ. Kɛɛ àim yɛmɛ̀ kà nyɛ̀nɛ̀ŋ maŋ kèè mèè mɛɛ̀ŋ, yɛi nɔŋ è yaà àŋ naim wùɔ̀ŋ yèè wo Dèda miɔ̀ŋ.

Jɔ̀ɔŋ 16:3

Anyùùŋ bi do tɛɛ̀ nàŋ nyɛ̀nɛ̀ŋ esaɓù kɛ̀ aŋ nyimààŋ wò Dèda miɔ̀ŋ ɔ̀ɔ̀ miàŋ bi.

Jɔ̀ɔŋ 17:25

Dèdà tɔ̀ɔ̀nyaàaŋ, anyùùŋ nyaŋ e ɗuunyaŋ lɛɛ̀ aŋ nyiŋ mààùm. Kɛɛ miàŋ kàum nyìmàŋ, yèè anyùùŋ màŋjɛ̀wɛ̀im nyàŋ àŋ nyìmàŋ kɛ̀ muàŋ naim tùɔ̀ŋ.

Jɔ̀ɔŋ 8:19

Àŋ naŋ dàwè wo Jisɛ̀ nyààŋ, “Kòò wo Dèda mɔɔ̀ŋ wò yaà?” Wo Jisɛ̀ naŋ nyiŋ fasàì wààŋ, “Niŋ nyimààìm miŋ dò nàŋ sɔ̀ wo Dèda miɔ̀ŋ. Sèè nìŋ nyìmèìm weè, nìŋ he weè nàŋ nyìmè wo Dèda miɔ̀ŋ wuŋ pɛɛ.”

Jɔ̀ɔŋ 8:54

Wo Jisɛ̀ naŋ nyiŋ fasàì wààŋ, “Sèè ka tɛ̀nɛ̀ŋ miàŋ bi, è yaà wèè foo. Wo Dèda miɔ̀ŋ wuŋ bi nàŋ dɛɛkɛ̀ìm. Nìŋ naŋ woò kɛ̀ wuŋ nàŋ yaà wo Dayàiŋ nɔɔ̀ŋ,

Jɔ̀ɔŋ 8:55

joo pɛɛ tɔɔɓaa kɛ̀ niŋ nyimààuŋ. Sèè ka woò kɛ̀ miŋ nyimààuŋ, mìŋ do nàŋ nɔ̀ŋ wo nyuùŋ tòa maàŋ nyɛ̀iŋ gbiŋ. Kɛɛ kàuŋ nyìmàŋ, yèè mìŋ nyɛnɛŋ e yèɛ wò woà lɛ.

Nyɛ̀nɛ̀ŋ 17:23

Yèè nààŋ mìŋ yaà weè kààìŋ ko jawa gbeeiŋ niìŋ yèè mìŋ yaà yɛ̀ɛ̀mɛ̀ manɛ̀ŋ maŋ nìŋ zoolà maŋ, mìŋ naŋ mɛ̀ɛ̀ŋ wɔŋ gbɛ̀gbɛ̀ zòòlo maŋ mìè mɛɛ̀ŋ sìngìà wuùŋ wààŋ, ‘Koɓɛ̀ wo Dayàa e nyimàiŋ wɔ.’ Nìŋ zoolà wo Dayà wɛɛ̀, kɛɛ niŋ nyimààŋ wuùŋ ngèè gbiŋ. Weètii mìŋ manaŋ kaiŋ wòò e kiiuŋ nɛ̀.

Nyɛ̀nɛ̀ŋ 26:9

“Miàŋ bi mìŋ naŋ wa gongò kɛ̀ sɔɔ̀ ka wa nyɛ̀nɛ̀ŋ e yèɛ gbiŋ mìŋ kuwa wa ka nyɛ̀nɛ̀ŋ lɛ wèè ka pɔ̀ɔ̀pɔ̀ɔ̀ e dèè sìàŋ Jisɛ̀ɛ e yìwìà ko Naazɔ̀ɛ̀.

Nyɛ̀nɛ̀ŋ 3:17

“Sèè è nɔ̀ŋ yɛi nyɛ̀iŋ nààŋ wùìyaim nyàŋ, kà nyìmàŋ kɛ̀ e keì gò nyìmàŋ fèemàiŋ nɛ̀ naŋ nyɛ̀nɛ̀ŋ nyɛ̀iŋ e kpùlìà anyùùŋ gbèègbèè fuɔiŋ nyàŋ naŋ wa tɛɛ̀ nyìnìè wo Jisɛ̀.

Nyɛ̀nɛ̀ŋ 4:17

Kɛɛ wèè eiŋ kèèwè ke nyɛ̀nɛŋ yɛɛ̀ kùàŋ feìŋ wèè ke go nàŋ ɓààyè koɓɛ̀ dii anyùùŋ nyaŋ fèemàŋ, sɔɔ̀ eiŋ nyiŋ naàà wèè kɛ̀ ɓɔ̀ àŋ gbòà ɓɛìŋ kòɓɛ̀ wò nyùùŋ è dèè Kanaà Jisɛ̀ɛ sùà.”

Nyɛ̀nɛ̀ŋ 5:41

Nààŋ aŋ keela tàeɗùù nyaŋ naŋ wa yèwè anyùùŋ gbèègbèè fuɔɔ̀ŋ feìŋ àŋ yaà kɔɔyɛ, e zɔlɔ̀ naŋ nyiŋ wa diè, esaɓù kɛ̀ wo Dayà naŋ nyiŋ wa tàeɗùù wèè aŋ nɔ̀ŋ anyuùŋ kɛnɛ wèè aŋ kà e mɔ̀ɔ̀nɛŋ dìì wèè esàɓù wo Kanaà Jisɛ̀.

Nyɛ̀nɛ̀ŋ 9:14

Wò naàŋ hnàŋ ko Dàmakɔ̀ e yìwìà e gààŋ aŋ kànà sìèfèìŋ zòòlo nyàŋ wèè wo nyààŋ e kìlà wo kùwà wo nyùùŋ gbiŋ wo yèɔ do nàŋ zoolò e deè mɔ̀ɛ̀ diɛŋ wɔ̀.”

Nyɛ̀nɛ̀ŋ 9:16

Kɛɛ miàŋ bi douŋ nàŋ tɔ̀ɔ kɛ̀ kiìŋ è keì nyìnga wò do nàŋ kɔ̀ɛ̀ sùà wèè esàɓù e deè mɛ̀.”

Luùm 1:28

Nààŋ anyùùŋ nyɛɛ̀ŋ naŋ gè maŋhɛɛ wèè aŋ ngèè pɛɛ gòngò e kèè Dayàa, wò dangà wèè maŋ jìì kòmàŋ kàaɓì nyiŋ màŋ maŋ nyiŋ toomò. Weètii àŋ nyɛnɛŋ maŋ keì sàngè maŋ yè maŋ gò tɛɛwɛ̀ wèè aŋ nyɛ̀nɛ̀ŋ maŋ.

1 Kɔliìŋ 15:34

Ɓèmeìŋ e jiikɛ̀ɛ niŋ gè kùàŋ maŋ jùumùiŋ màŋ sùà. Mìŋ yààìŋ wòo sùà e kèì sàngè tiŋ nàŋ yaà kɛ̀ nyɛ̀iŋ nɛɛ̀ŋ bà nyiŋ niŋ nyimààŋ Dayà.

1 Kɔliìŋ 2:8

Anyùùŋ gbèègbèè ɗuunyaŋ lɛɛ̀ bà gbiŋ gò nyìmàŋ è jiikɛ̀ɛ lɛɛ̀. Sèè aiŋ wa weè nyìmàŋ, aŋ naàŋ wa weè nàŋ jìwìè wò Kànà nɛɛmaàŋ wɔ̀ŋ vànèkpaàa diɛŋ.

2Tɛsè 1:8

e hmɔɔ̀ŋ kùwa sùà wèè wo gbàì e tɔ̀ɔ̀nyaàŋ sùà anyùùŋ nyaŋ naŋ kùwìè wo Dayà maŋhɛɛ nyàŋ, yèè aŋ yè nyaŋ fè jɔ̀ɔ̀lɔ̀ Èbò Siaàŋ nyaàiŋ dè wò Kana wiɔ̀ Jisɛ̀ dìì nyaŋ.

1Jɔ̀ɔŋ 3:1

Yɛ̀mɛìŋ e ɗeweɛ̀ wo Dèdaà naŋ wi mɔ̀nɔ̀ŋ lɛ. E mànaàŋ wò kuwa e weè wi lɛ è naŋ dɛɛ̀, weètii àŋ naŋ wi nyààŋ aŋ jɔ̀à Dayà, yèè ngèè è yààìŋ aŋ jɔ̀à Dayà. Tɛɛ̀ naŋ nyɛ̀nɛ̀ŋ e ɗuunyaàŋ nyimààŋ wì, e fèfoo e ɗuunyaàŋ nyimààŋ wò Dayà.

3Jɔ̀ɔŋ 1:7

Àŋ naŋ dè ke dòmàŋ kààiŋ nyiŋ nɛɛ̀ŋ diɛŋ wèè e tòmò Jisɛ̀ Kulaìɛ e yèɛ aŋ gò gèe è kpùùmaŋ anyuùŋ gò hààwè Dayà sìwè lɛ.

Maŋ kèì nyɛɛnɛŋ 2:3

Nìŋ kuwa maŋ jii tɔumtɔ̀ùm, nàŋ kùwà e keì nyìnga wèè esaɓù e deè mɛ̀, kɛɛ e bɔ̀mɔ̀ŋ kòò è wùiyèìŋ wèè naŋ dàngè è hààwiŋ nɛ̀.