Jɔ̀ɔŋ 15:2 - WƆŊ FƐ̀Ì EBÒ SÌÀŊ DAYÀA

² Sèè ke kpee miɛ̀ŋ bà ke yèɛ kè yaà bàimbà kè go kòmàŋ maŋ gbɛ̀mɛ̀ɛ̀ŋ komaŋ, wò do nyiŋ noo nàŋ kɛ̀ɛ̀ kpo. Kɛɛ wò gbeye maŋ kpee nyɛɛ̀ɛ̀ maŋ wèè kɛ̀ ke gbɛ̀mɛ̀ɛ̀ŋ kulɛɛ̀ ke nɔ̀ŋ sùà janyai wèè ke kòmàŋ maŋ gbɛ̀mɛ̀ɛ̀ŋ zimgbe.

Jɔ̀ɔŋ 15:2 ပူးပေါင်းရင်းမြစ်များ

Maafiù 13:12

Wo nyùnɔ̀ɔŋ gbiŋ kuwa e nɛ̀ŋ bà wɔ, wo Dayà douŋ ɓɛìŋ nàŋ tooyè, wèè kɛ̀ wo kɛɛnɛ̀ŋ niŋ zimgbe e nìàŋ e yèɛ wò kuwa lɛ̀. Kɛɛ wo nyùnɔ̀ɔŋ kuwà è nɛ̀ŋ bà gbiŋ wɔ̀, e tòloòɛ pɛɛ wò kuwa lɛ̀, wò douŋ niŋ nàŋ gè sìwè.

Maafiù 13:33

Wo Jisɛ̀ naŋ nyiŋ ɓɛìŋ wòò ke kàɓanè joo. Wò naŋ woò wààŋ, “E Kànà àìjɛnɛ̀ɛŋ è yaà mààŋ e yèɛ kaaìŋ sèè wo jɔùŋ wo ɓèmè e sòi bàànè gbɔ̀u jɔa wo niŋ kàànè kàànè maŋ fìlàwà pòùm gbèègbèè taai. Kpeiŋ ko diemeì kɛ̀ e gbɔ̀uɛ̀ gbiŋ è jòwà.”

Maafiù 15:13

Wo Jisɛ̀ naŋ nyiŋ fasàì yèè wò naŋ woò wààŋ, “Ke kùù gbiŋ ke yèɛ wo Dèda miɔ̀ŋ ko àìjɛnɛ̀ŋ wo gò nyùàŋ yɛ, kè do nàŋ nɔ̀ŋ fìa nyiŋ.

Maafiù 21:19

Kpeiŋ wò naŋ yɛ̀mɛ̀ ke feè kùù kè sia ko dòmaàŋ kɔɔì. Kɛɛ nààŋ wò naŋ nyiŋ haì, wo gò nyiŋ wa mɛ̀ɛ̀ŋ kè kuù kòmàŋ gbiŋ kò sùà, maŋ tùwa zimgbe màŋ nɔŋ wò nao wa mɛɛ̀ŋ. Kpeiŋ wò naŋ wòò ke kùlɛ̀ɛ wààŋ, “Julɔfɔ muŋ naàŋ wa nàwèè ɓɛìŋ kòmò kè kòmàŋ gbiŋ.” Ko fɛɛ̀feìŋ, ke feè kùlɛ̀ɛ naŋ wòò ke fà.

Maafiù 25:29

Esaɓù kɛ̀ wo nyùnɔ̀ɔŋ gbiŋ kuwa e nɛ̀ŋ bà wɔ, wo Dayà douŋ ɓɛìŋ nàŋ tooyè, wèè kɛ̀ wo kɛɛnɛ̀ŋ niŋ zimgbe e nìàŋ e yèɛ wò kuwa lɛ̀. Kɛɛ wo nyùnɔ̀ɔŋ kuwà è nɛ̀ŋ bà gbiŋ wɔ̀, e tòloòɛ pɛɛ wò kuwa lɛ̀, wò douŋ niŋ nàŋ gè sìwè.

Maafiù 3:10

E gbuu kòò è yaà naàŋ nɛ̀wɛ niŋ tɛ wèè e kɛ̀ɛ̀kɛ̀ɛ̀ maŋ kùù maŋ e hàì koɓɛ̀ maŋ kuù gùlò maŋ. Ke kùù gbiŋ ke yèɛ gò kòmàŋ maŋ kuù kòmàŋ kɛnɛ yɛ̀, kè do nàŋ nɔ̀ŋ kɛ̀ɛ nyiŋ aŋ nyiŋ gbìàŋ ko hmɔ̀iŋ.

Maafiù 3:12

Wò kuwa wɔŋ sɛmɛ̀ŋ fùùnyàŋ e kpàliuŋ nɛ̀ ko sìwè wèè wo fùàŋ e kpàliuŋ nɛ̀. Wò do nàŋ gbònògbònò e kpàli kɛnɛɛ̀ wo niŋ gbìàŋ ko kɛiŋ, kpeiŋ kɛ̀ wò hàmàŋ maŋ kpàli dɛɛ màŋ wò miŋ gbìàŋ ko hmɔ̀ɔ̀ŋ, yèè e hmɔ̀ɔ̀ŋ bi fè wa nàwèè nyime.”

Maafiù 7:19

Ke kùù gbiŋ ke yèɛ komo maŋ kuù kòmàŋ naanààŋ maŋ, dò nàŋ nɔ̀ŋ kɔ̀àa nyiŋ yèè aŋ nyiŋ gbìàŋ ko hmɔ̀ɔ̀ŋ.

Luù 8:13

Manɛ̀ŋ koei màŋ naŋ sɔ̀ɔ̀ e dìì le dùò lɛ sùà maŋ, nàŋ yaà anyùùŋ nyaŋ komo ke mìè gbìàŋ Dayàa, aŋ nyiŋ jàà kùàŋ dìì e zɔlɔ̀ sùà. Kɛɛ ke miè gbìaàŋ fè gè lè gùlò màŋ jii nyiŋ màŋ sùà, yèè àŋ kɛɛnɛ̀ŋ nɔŋ e hààwe wèè e teenga kpuu. Sèè e wàà e keì nyìnga jɔa è hnàŋ nyiìŋ nɔŋ ko feìŋ, àŋ kɛ̀ɛ̀ maŋjɛ̀wɛ.

Jɔ̀ɔŋ 15:1

Wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Miàŋ nàŋ yaà ke gbɛ̀mɛ̀ɛ̀ŋ kulɛɛ̀ komo maŋ gbɛ̀mɛ̀ɛ̀ŋ kɛnɛ màŋ lɛ. Wo Dèda miɔ̀ŋ nàŋ yaà wo kɛ̀ɛ̀nɛ̀ŋ ɓùɔ.

Jɔ̀ɔŋ 15:16

Nyɛ̀iŋ nàŋ gòim wa tàeɗùù. Miàŋ naiŋ wa tàeɗùù wèè naŋ hìàŋ anyùùŋ koɓɛ̀ guùŋ aŋ yè nyaŋ do nàŋ jèè kpèè miɛ̀ŋ sùà yèè wèè naŋ ka naŋ gbòà ke mìè Dayà koɓɛ̀ anyùùŋ nyaŋ gbiŋ e ɗuunyaàŋ yèè naŋ mànàŋ aŋ dàwi nyiŋ nyàŋ wèè julɔfɔ. Yèè sèè nìŋ nyɛnɛŋ tɛɛ̀, wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè weè niŋ lɛ̀ e deè mɛ̀ diɛŋ.

Jɔ̀ɔŋ 15:3

E yìwìà e yèɛ mìŋ naiŋ woò lɛ, naŋ nyɛ̀nɛ̀ŋ nìŋ naŋ nɔ̀ŋ zɛ̀nɛiŋ.

Jɔ̀ɔŋ 15:6

Sèè nìŋ go jèè e jààneiŋ ko nɛ̀ɛ̀ŋ miìŋ, nìŋ do nàŋ go. Nìŋ do nàŋ nɔ̀ŋ mààŋ maŋ kuù kpee wòa maŋ yè maŋ àŋ gbonaŋ gbònàŋ aŋ miŋ gbìàŋ ko hmɔ̀ɔ̀ŋ maŋ hèwà kpai.

Jɔ̀ɔŋ 15:8

Sèè naŋ nyɛ̀nɛ̀ŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, kɛ̀ e ɗewe lɛɛ̀ sùà nàŋ tɔɔ̀ kɛ̀ nyɛ̀iŋ nàŋ yaà anyùùŋ màŋjɛ̀wɛ̀im nyàŋ yèè e hìàŋ e jòòwo koɓɛ̀ wo Dèda miɔ̀ŋ.

Jɔ̀ɔŋ 17:12

E teengaà yàwi nyiŋ yààìŋ wa koɓɛ̀ guùŋ lɛ, mìŋ naŋ nyiŋ wa yɛ̀mɛ̀ diɛŋ e yìwìà e gààaŋ mùŋ naim wa kiɛ̀ŋ lɛ sùà. Mìŋ naŋ nyiŋ wa gbònò koɓɛ̀ guùŋ, yèè wo bà gbiŋ gò wa go, sɔɔ̀ wò guùŋ, wo jɔ̀àfèlàà wo nyùùŋ maŋ kpèè naanààŋ bà wo yèɔ naŋ wa sɔ̀ dèè wèè wo go wɔ̀. Tɛɛ̀ zà naŋ wa kaaìŋ wèè kɛ̀ e nyɛ̀nɛ̀ŋ e yèɛ wɔŋ fɛ̀ì Dayàa naŋ wa woò lɛ e hɛɛnɛ̀ŋ.

Luùm 11:17

Nyɛ̀iŋ nààŋ nyùùŋ nyaŋ nààŋ fè àŋ Juùù nyaŋ, nìŋ yaà mààŋ maŋ kuù kpee wèè ke ɔlè kùù gbee ke yèɛ naŋ wùìyè kùàŋ kiiŋ bi yɛ̀, yèè wo Dayà naŋ nyɛ̀nɛ̀ŋ màŋ naŋ nɔ̀ŋ maŋ bà miŋ bà wèè ke ɔlè kùlɛ̀ɛ àŋ naŋ nyùɔ̀ŋ yɛ. Wo Dayà wòiŋ nyɛ̀nɛ̀ŋ nàŋ ɓèmè maŋ jɛ̀ì maŋ kuù kpee màŋ wò naŋ gbèyè maŋ e yìwìà ke yèɛ àŋ naŋ nyùɔ̀ŋ yɛ. Wèè esaɓù lɛɛ̀, nìŋ jikà e kpùùmaàŋ folo e gùlò ke kuù nyùaŋ yii sùà lɛ, nààŋ nìŋ naŋ nɔ̀ŋ aŋ bà nyiŋ bà.

Luùm 11:22

Nyìmaìŋ kɛ̀ wo Dayà ɓɛ̀nɛ̀ŋ nɔ̀ŋ tɛ̀ɛ̀ ko nɛ̀ɛ̀iŋ niìŋ, yèè wòiŋ ɓɛ̀nɛ̀ŋ kìɛ̀ŋ e keì nyìnga. Wò kiɛ̀ŋ e keì nyìnga koɓɛ̀ anyùùŋ nyaŋ nauŋ fè jɛwɛ nyàŋ, kɛɛ wò nɔ̀ŋ tɛ̀ɛ̀ ko nɛ̀ɛ̀iŋ niìŋ sèè nìŋ jeeà ke nyɛ̀nɛŋ siauŋ nɛɛ̀ŋ sùà. Kɛɛ sèè nìŋ fòuŋ jɛwɛ, wò doiŋ nàŋ gè kùàŋ dìì woiŋ jàà e ɓula nyɛ̀iŋ pɛɛ.

Luùm 8:28

Wo Dayà tomàŋ wèè e tɛ̀ɛ̀tɛ̀ɛ̀ anyùùŋ nyaŋ mànauŋ nyaŋ. Nyiŋ nàŋ yaà anyùùŋ nyaŋ wo Dayà naŋ nyààŋ wèè aŋ nyɛ̀nɛ̀ŋ e yèɛ wò manaŋ lɛ̀.

1 Kɔliìŋ 13:1

Kà wɛ̀i ɓɛ̀nɛ̀ŋ gbòà maŋ kàìŋ nyuùŋkpùuŋ e kpùlìà maŋ jè aŋ màikà nyaŋ, kɛɛ sèè miŋ gò kùwìè è mànaŋ, e gbòaim mɛ̀ è yaà nɔŋ mààŋ wɔŋ kaì fàà ɓɔwɔɔ ɓùlìà nɛ̀ŋ, ɔ̀ɔ̀ ke ɓaɓaane kùwìè e giimè gbee.

Taitɔ̀ 2:14

Wò naŋ fè wuŋ bi wèè yàwi, yèè wo naŋ wi bilɛ̀ŋ e yìwìà maŋ keì naanààŋ gbiŋ sùà, e kìlà wò naŋ wi nyɛ̀nɛ̀ŋ eiŋ nɔ̀ŋ anyuùŋ zɛ̀nɛŋ, aŋ yè nyaŋ wuŋ guùŋ kpò kanaŋ yèè àŋ naŋ haamìŋ wèè e keì sìàŋ nyɛ̀nɛŋ nyàŋ.

Hiɓu 12:15

Yɛ̀mɛìŋ nyɛ̀iŋ bi diɛŋ, wèè niŋ go nàŋ fè e tɛ̀ɛ̀tɛ̀ɛ̀ Dayàa jɛwɛ. Ɓɔ̀ nìŋ dangè wò nyùùŋ gbiŋ wò do nɔ̀ŋ mààŋ e kùù gùlò kè kuù fiìì, yèè wo nyɛ̀nɛ̀ŋ anyuùŋ zimgbe aŋ nɔ̀ŋ è keì nyìnga sùà.

1Jɔ̀ɔŋ 2:19

Anyùùŋ nyɛɛ̀ŋ naŋ fòlò ke gbòò Dayà zòòlo wiɛ̀ sùà, kɛɛ tɔɔɓaa aŋ fè wa àŋ bàwibà. Yèè esaɓùɛ lii àŋ naŋ wi wa kɛ̀ɛ̀ maŋjɛ̀wɛ. Kɛɛ sèè aŋ wa weè nɔ̀ŋ aŋ bàwibà ke gbòò zòòloɛ̀ sùà, àŋ he wi wa weè nàŋ jèè maŋjɛ̀wɛ. Kɛɛ àŋ naŋ wi wa dangè, tii naŋ wa tɔɔ̀ janjai kɛ̀ aŋ fè àŋ bàwibà.

Maŋ kèì nyɛɛnɛŋ 3:19

Mìŋ gbuuyà e kìlà mìŋ nimilà anyùùŋ nyaŋ gbiŋ mìŋ manaŋ nyàŋ. Weètii, nɔ̀ŋ wo nyùùŋ tɔ̀ɔ̀nyaàŋ, e kìlà muŋ fè maŋ tùwo naanààum màŋ jɛwɛ.