Jɔ̀ɔŋ 15:11 - WƆŊ FƐ̀Ì EBÒ SÌÀŊ DAYÀA

¹¹ “Mìŋ naiŋ tɛɛ̀ woò wèè kaiŋ sìà e zɔlɔ̀ zimgbe sùà màànààŋ mìŋ yaà lɛ.

Jɔ̀ɔŋ 15:11 ပူးပေါင်းရင်းမြစ်များ

Luù 15:23

Yèè niŋ ka niŋ hiàŋ wo dìi jawe gbeeɔ̀ niŋ jìwàuŋ e gbìlàiŋ wuŋ e kìlà e giiyàiŋ e zɔlɔ̀ koɓɛ̀ guùŋ wɔŋ ɗaa gèe sùà.

Luù 15:32

Kɛɛ è kuwa eiŋ gè zɔlɔ̀ esaɓù kɛ̀ wo wùìyà mɔɔ̀ŋ naŋ mɛ̀iŋ fɔ̀, kɛɛ kòò wò yaà naàŋ wɔŋ nyiiŋ gèeɔ̀ sùà, wò naŋ wa go, èuŋ mɛɛ̀ŋ.’ ”

Luù 15:5

Sèè mùŋ mɛɛ̀ŋ wo ɓaawaaà naŋ go wɔ̀, mùŋ do nàŋ nɔ̀ŋ e zɔlɔ̀ gbee sùà e weèuŋ, kɛ̀ màuŋ ɓemè màuŋ hàà gbaŋ

Luù 15:9

Sèè wò mɛɛ̀ŋ nyiìŋ, wò do nàŋ nyààŋ aŋ dàwiuŋ nyàŋ yaà anyùùŋ gboo kuauŋ nyàŋ koɓɛ̀ guùŋ wo nyiŋ woò wààŋ, ‘Ke jii naim fɔ̀ esaɓù kà mɛ̀ɛ̀ŋ ke kaiŋ fua nɛɛnɛɛ̀ŋ naim gò sìwè yɛ. Gììyà wiìŋ zɔlɔ̀ koɓɛ̀ guùŋ!’

Jɔ̀ɔŋ 16:24

Kòò nìŋ dàwè wò Dayà wèè wo nyɛ̀nɛ̀ŋ è nɛ̀ŋ gbiŋ weèiŋ è teenga lɛɛ̀ sùà kpɛlɛɛ, kɛɛ kùùno nùuŋ naàŋ dàwè wèè e nɛ̀ɛŋ nìŋ naŋ kpɛɛ̀ŋ weè niŋ lɛ̀ e deè mɛ̀ diɛŋ. Sèè nìŋ nyɛnɛŋ tii, wò doiŋ niŋ nàŋ kiɛ̀ŋ, wèè kɛ̀ niŋ nɔ̀ŋ e zɔlɔ̀ gbee sùà.”

Jɔ̀ɔŋ 16:33

Kàiŋ tɛɛ̀ woò tɛ, wèè kɛ̀ niŋ kɛɛnɛ̀ŋ maŋ jii fàa esaɓù mɛ̀ sùà. E teengaà nìŋ yaà anyùùŋ nyaŋ tɛɛ e ɗuunyaŋ lɛɛ̀ sùà lɛ, nìŋ kuwa naŋ kà e keì nyìnga dìì. Kɛɛ geìŋ zɔlɔ̀! Kà ɓùlà aŋ yè nyaŋ kuwa maŋ kpèè naanààŋ yèè àŋ giiyà wo Dayà maŋhɛɛ nyàŋ.”

Jɔ̀ɔŋ 17:13

Mìŋ yaà naàŋ ko dòmaŋ mìŋ yaà hìnìè ko nɛ̀ɛ̀ŋ muìŋ. Kɛɛ mìŋ yaà wòò maŋ keì mɛɛ̀ŋ e teengaà mìŋ yaà weè nɔŋ e ɗuunyaàŋ lɛ, wèè e nyɛ̀nɛ̀ŋ anyùùŋ màŋjɛ̀wɛ̀im nyàŋ aŋ kɛɛnɛ̀ŋ e zɔlɔ̀ maŋ jii nyiŋ màŋ sùà màànààŋ nɔŋ miàŋ bi mìŋ kuwa e zɔlɔ̀ lɛ.

Jɔ̀ɔŋ 3:29

E kèè ke nyɛɛ̀ gbìaàŋ sùà, wo kɛ̀ɛ̀nɛ̀ŋ jɔunɔ̀ɔŋ nàŋ mɔnɔŋ wo jɔunɔ̀ɔŋ. Wo dàwì mɔ̀ɔ̀nɔ̀ŋ wo kɛ̀ɛ̀nɛ̀ŋ jɔunɔ̀ɔŋ siàuŋ kɔɔ wèè wo kumiàŋ e nɛ̀ɛŋ wò woà lɛ, wò giiyà ke mìè gbòà wo kɛ̀ɛ̀nɛ̀ŋ jɔunɔ̀ɔŋ e zɔ̀lɔ̀ zimgbe. Weètii, e zɔlɔ̀ naim diè zimgbe.

Luùm 15:13

Tɔ̀ wo Dayà, wo yèɔ kiɛ̀ŋ ke jii tùlia wɔ̀, wo kpuumàiŋ niŋ kɛɛnɛ̀ŋ e zɔlɔ̀ kɛnɛ yèè ke jii fàa, esàɓù e hààweiŋ nɛ̀, wèè kɛ̀ ke jii tùliaiŋ nɛɛ̀ŋ e gààŋ wo Jìnàŋ Nɛɛmaàŋ sùà, e nɔ̀iŋ maŋjɛ̀wɛ e teenga gbiŋ.

2 Kɔliìŋ 1:24

E fè fɛ̀ɛ sùà wèè eiŋ tɔ̀ɔ̀ è nɛ̀ɛŋ nìŋ haawà lɛ, è nyìmàŋ kɛ̀ nìŋ sia gbàùŋ gbàùŋ e hààweɛ̀ sùà. Kɛɛ e gbio sùà, è yààìŋ tòòmò koɓɛ̀ guùŋ wèè e zɔ̀lɔ̀ nyɛ̀iŋ biɛ̀.

Ɛfesɔ̀ 5:18

Ɓɔ̀ nìŋ tìà maŋ tala muaŋ màŋ wèè maiŋ kùwà, e yèɛ kɛ̀ màŋ pɔɔ̀ìŋ nɔŋ lɛ̀, kɛɛ wo Jìnàŋ Nɛɛmaàŋ nɔ̀ìŋ sùà.

Fèle 1:25

Esaɓùɛ lɛɛ̀ mìŋ kuwa ke jii tùlia, kɛ̀ mìŋ do nàŋ nɔ̀ŋ wɔŋ nyiiŋ gèeɔ̀ sùà wèè kaiŋ kpuumàŋ nàŋ kɛ̀ɛ̀nɛ̀ŋ zɔlɔ̀ e kìlà e hààweiŋ nɛ̀ e dɛ̀kɛ̀ sùà,

1Tɛsè 5:16

Nɔ̀ɔìŋ e zɔlɔ̀ sùà e teenga gbiŋ.

1Pììlɛ 1:8

Nìŋ kuwa e mànaŋ wèè Dayà jòòpɛɛ kòò nìŋ yɛ̀mɛùŋ, yèè nìŋ nauŋ haawè sùà, jòòpɛɛ niŋ fèeùŋ naàŋ yɛɛmɛ. Wèètii nìŋ gèe e zɔ̀lɔ̀ ɓɛ̀ɛ̀jàa gbee e yèɛ nyùùŋ fè ɓɛ̀nɛ̀ŋ wòò lɛ̀,

1Jɔ̀ɔŋ 1:4

È naiŋ tɛɛ̀ sìngè wèè e nyɛ̀nɛ̀ŋ esaɓù wèè e zɔlɔ̀ ge wilɛ̀ dià sùà.

2Jɔ̀ɔŋ 1:12

Mìŋ kuwa maŋ keì zimgbe wèè kaìŋ woò, kɛɛ miŋ manàŋ wèè ka miŋ nyìnìàŋ kè kuù sìngìà ɔ̀ɔ̀ wɔ̀ŋ fɛi diɛŋ, yèè mìŋ kuwa ke jii tùliaà wèè kaìŋ jaamè wèè eiŋ kɛ̀ɛ̀nɛ̀ŋ maŋ di ɓùla titi koɓɛ̀ guùŋ, wèè e zɔlɔ̀ wilɛ̀ jùà jɛ̀wɛ̀.