Jɔ̀ɔŋ 15:1 - WƆŊ FƐ̀Ì EBÒ SÌÀŊ DAYÀA

¹ Wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Miàŋ nàŋ yaà ke gbɛ̀mɛ̀ɛ̀ŋ kulɛɛ̀ komo maŋ gbɛ̀mɛ̀ɛ̀ŋ kɛnɛ màŋ lɛ. Wo Dèda miɔ̀ŋ nàŋ yaà wo kɛ̀ɛ̀nɛ̀ŋ ɓùɔ.

Jɔ̀ɔŋ 15:1 ပူးပေါင်းရင်းမြစ်များ

Maafiù 15:13

Wo Jisɛ̀ naŋ nyiŋ fasàì yèè wò naŋ woò wààŋ, “Ke kùù gbiŋ ke yèɛ wo Dèda miɔ̀ŋ ko àìjɛnɛ̀ŋ wo gò nyùàŋ yɛ, kè do nàŋ nɔ̀ŋ fìa nyiŋ.

Maafiù 20:1

Wo Jisɛ̀ naŋ ɓɛìŋ woò wààŋ, “E Kànà àìjɛnɛ̀ɛŋ è yaà mààŋ, wo felaa bà naŋ wa kɔ̀ maŋ nyiìŋ tɛ̀tɛ̀ ko kààmè anyùùŋ wèè aŋ nyɛ̀nɛ̀ŋ e tòmo ko ɓù gbɛɛwɛ̀jɛ̀wɛ̀uŋ niìŋ.

Maafiù 21:33

Wo Jisɛ̀ naŋ nyiŋ ɓɛìŋ wòò ke kàɓanè joo bà wààŋ, “Wo felaa bà naŋ wa tòmò wɔŋ ɓù gbɛɛwɛ̀jɛ̀wɛ̀, yèè wò naŋ wuŋ guulò, wò tòmàŋ wɔŋ golo tììlà maŋ gbɛ̀mɛ̀ɛ̀ɔŋ. Wò naŋ nyɛ̀lɛ̀ wɔŋ koo wèè wɔŋ ɓùɔ yɛ̀mɛ̀ diɛŋ. Kpeiŋ wo naŋ kìɛ̀ŋ wɔŋ ɓù bi anyuùŋ tòmò ɓù bà wèè àŋ tomàŋ aŋ pààwà ejotì, yèè wò naŋ kɔ̀ ko kɔì wɔŋ fuɔŋ bà sùà.

Luù 13:6

Wo Jisɛ̀ naŋ nyiŋ ɓɛìŋ wòò ke kàɓanè yɛɛ̀ wààŋ, “Wo felaa bà yaào wa wò naŋ nyùɔ̀ŋ ke kùlɛ̀ɛ àŋ nyaaŋ nyààŋ feè kùù wɔŋ ɓù gbɛɛwɛ̀jɛ̀wɛ̀uŋ nɔɔ̀ŋ sùà. Wò naŋ nyiŋ kɔ̀ dìì ke ɗɔ̀ɔ̀ guùŋ bà wèè wo kpàà maŋ feè kòmàŋ, kɛɛ wo gòo wa mɛ̀ɛ̀ŋ kè bà gbiŋ.

Jɔ̀ɔŋ 1:17

Wo Dayà naŋ wa kìɛ̀ŋ wo Mòòze maŋ Sàwà wèè koɓɛ̀ anyùùŋ nyaŋ, kɛɛ wo Dayà naŋ wa tɔ̀ɔ̀ e mànauŋ nɛ̀ yèè wò naŋ tɔ̀ɔ̀ e tɔ̀ɔ̀nyaàaŋ e nyaàiŋ dè wuŋ bi e yìwìà wo Jisɛ̀ Kulaì sùà.

Jɔ̀ɔŋ 1:9

Tɛɛ̀ nàŋ yaà wa e gbòlòùŋ tɔ̀ɔ̀nyaàaŋ e yèɛ yaà wa hìnìè e ɗuunyaàŋ wèè e mɛ̀ɛ̀ŋ anyùùŋ nyaŋ gbiŋ diɛŋ lɛ̀.

Jɔ̀ɔŋ 15:2

Sèè ke kpee miɛ̀ŋ bà ke yèɛ kè yaà bàimbà kè go kòmàŋ maŋ gbɛ̀mɛ̀ɛ̀ŋ komaŋ, wò do nyiŋ noo nàŋ kɛ̀ɛ̀ kpo. Kɛɛ wò gbeye maŋ kpee nyɛɛ̀ɛ̀ maŋ wèè kɛ̀ ke gbɛ̀mɛ̀ɛ̀ŋ kulɛɛ̀ ke nɔ̀ŋ sùà janyai wèè ke kòmàŋ maŋ gbɛ̀mɛ̀ɛ̀ŋ zimgbe.

Jɔ̀ɔŋ 6:32

Kpeiŋ wo Jisɛ̀ naŋ nyiŋ woò wààŋ, “Miŋ woòiŋ e tɔɔɓaaà kɛ̀, wo Mòòze nàŋ gòiŋ wa kìɛ̀ŋ è nɛ̀ŋjeɛ̀ e yìwìà kò àìjɛnɛ̀ŋ. Wo Dèda miɔ̀ŋ naiŋ wa kìɛ̀ŋ e nɛ̀ŋje kɛnɛɛ̀ e yìwìà ko àìjɛnɛ̀ŋ.

Jɔ̀ɔŋ 6:55

E kenìŋ mɛ̀ nàŋ yaà e nɛ̀ŋje kɛnɛɛ̀, yèè maŋ sɛnìim màŋ nàŋ yaà e nɛ̀ŋ tìa kɛnɛɛ̀.

Luùm 11:17

Nyɛ̀iŋ nààŋ nyùùŋ nyaŋ nààŋ fè àŋ Juùù nyaŋ, nìŋ yaà mààŋ maŋ kuù kpee wèè ke ɔlè kùù gbee ke yèɛ naŋ wùìyè kùàŋ kiiŋ bi yɛ̀, yèè wo Dayà naŋ nyɛ̀nɛ̀ŋ màŋ naŋ nɔ̀ŋ maŋ bà miŋ bà wèè ke ɔlè kùlɛ̀ɛ àŋ naŋ nyùɔ̀ŋ yɛ. Wo Dayà wòiŋ nyɛ̀nɛ̀ŋ nàŋ ɓèmè maŋ jɛ̀ì maŋ kuù kpee màŋ wò naŋ gbèyè maŋ e yìwìà ke yèɛ àŋ naŋ nyùɔ̀ŋ yɛ. Wèè esaɓù lɛɛ̀, nìŋ jikà e kpùùmaàŋ folo e gùlò ke kuù nyùaŋ yii sùà lɛ, nààŋ nìŋ naŋ nɔ̀ŋ aŋ bà nyiŋ bà.

1 Kɔliìŋ 3:9

Yàwi Àpolò è yaà anyuùŋ tòmo dàwi, yèè è yaà tòòmò koɓɛ̀ guùŋ wèè Dayà, yèè nìŋ yaà mààŋ wɔŋ ɓù wèè Dayàa. E kìlà nìŋ yaà mààŋ maŋ saaŋ wèè Dayà.

1Jɔ̀ɔŋ 2:8

È gbio sùà, ke sàwàa mìŋ yaà nààŋ sengei yɛ̀ kè yaà ke jɛi nyiŋ, efèfoo è naŋ yɛ̀mɛ̀ e tɔ̀ɔ̀nyaàŋ kɛnɛ nyiŋ nɛ̀ wo Jisɛ̀ Kulaì sùà yèè nyɛ̀iŋ bi. Ke nyìwìɛ kè yaà màaŋ sùà yèè e gbòlòùŋ tɔ̀ɔ̀nyaàaŋ è yaà naàŋ mɛ̀ɛŋ sùà.