Jɔ̀ɔŋ 14:4 - WƆŊ FƐ̀Ì EBÒ SÌÀŊ DAYÀA

⁴ Nàŋ nyìmàŋ ke dòmaàŋ kɔ̀à koɓɛ̀i mìŋ yaà kɔɔyɛ lɛ̀.”

Jɔ̀ɔŋ 14:4 ပူးပေါင်းရင်းမြစ်များ

Luù 24:26

Niŋ nyimààŋ kɛ̀ wò Kulaìɔ, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, kuwa wa wo kùwà è keì nyìnga paŋgàà wo wa nɔ̀ŋ jòòwouŋ?”

Jɔ̀ɔŋ 10:9

Miàŋ nàŋ yaà wɔŋ gbàngiɔ̀. Aŋ yè nyaŋ gbiŋ doim nàŋ kɔ̀ɛ̀ ko sùà aŋ jɔ̀à nyaŋ do nàŋ nɔ̀ŋ jòèye nyiŋ. Esaɓù mɛ̀ sùà àŋ do nàŋ hnè yèè aŋ ka aŋ mɛ̀ɛ̀ŋ maŋ tùwa ɓou wèè aŋ gbìlà.

Jɔ̀ɔŋ 12:26

Sèè nyɛ̀iŋ nààŋ bà gbiŋ nìŋ mɔnɔŋ wèè naŋ tomo weèim, kɛ̀ sɔɔ̀ naŋ dè ke kpèè siaŋ miɛ̀ŋ maŋjɛ̀wɛ. Kpeiŋ sèè mìŋ fà, koɓɛ̀i mìŋ do nàŋ nɔ̀ŋ lɛ, kuuŋ nɔŋ wo ɓɔìjɔ̀à miɔ̀ŋ wò do nàŋ nɔ̀ŋ. Wo Dèda miɔ̀ŋ do nàŋ dɛ̀ɛ̀kɛ̀ wo nyùnɔ̀ɔŋ gbiŋ tomàŋ weèim wɔ̀.”

Jɔ̀ɔŋ 13:3

Wo Jisɛ̀ wa nyìmàŋ kɛ̀ wo Dèdauŋ nɔɔ̀ŋ nauŋ wa kìɛ̀ŋ e gàaŋ gbiŋ, e kìlà wò nyìmàŋ kɛ̀ wò naŋ wa yèwè koɓɛ̀ Dayài yèè wò yaà wa kɛ̀ɛ sùà koɓɛ̀ Dayài.

Jɔ̀ɔŋ 14:2

Maŋ saaŋ hàwe zimgbe yaà ko jàwà Dèda mio ko àìjɛnɛ̀ŋ. Sèè è go yɛi weè nɔ̀ŋ, miŋ naàiŋ niŋ weè woò. Mìŋ yaà kɔɔyɛ ka bànè ko nɛ̀nɛ̀ŋ wèè nyɛ̀iŋ nààŋ bà guùŋ gbiŋ.

Jɔ̀ɔŋ 14:28

Nyɛ̀iŋ nààŋ nyuùŋ mɔ̀ɔ̀nɔim nyàŋ, kàiŋ woò kɛ̀ mìŋ do nàŋ kɛ̀ɛ̀ koɓɛ̀ wo nyùnɔ̀ɔŋ naim tùɔ̀ŋ wɔ. Mìŋ do ɓɛìŋ nàŋ kɛ̀ɛ̀ ko nɛ̀ɛ̀iŋ niìŋ. Yèè sèè nìŋ mɔ̀nɔ̀ìm, kɛ̀ nɔ̀iŋ jii fàa sùà e fèfoo mìŋ yaà kɛ̀ɛ sùà koɓɛ̀ wo Dèdaà naim tùɔ̀ŋ wɔ, esaɓù kɛ̀ wò kuwa e gààŋ eim nìàŋ.

Jɔ̀ɔŋ 14:3

Yèè sèè mìŋ kɔ̀à mìŋ kpɛɛyɛ̀o bàne, mìŋ do nàŋ hnè wèè kaiŋ noo koà, wèè kɛ̀ yàwi nààŋ gbiŋ eiŋ nɔ̀ŋ koɓɛ̀ guùŋ.

Jɔ̀ɔŋ 14:5

Yèè wo Tàmaŋ naŋ woò wààŋ, “Kanaà, E nyimààìŋ kɛ̀ kòò mùŋ yaà kɔɔyɛ, dièsɔa è naiŋ ɓɛ̀nɛ̀ŋ nyìmàŋ ke dòmaàŋ?”

Jɔ̀ɔŋ 16:28

Mìŋ naŋ hnè koɓɛ̀ anyùùŋ nyaŋ e ɗuunyaàŋ e yìwìà koɓɛ̀ wo Dèda miɔ̀ŋ. Kɛɛ mìŋ yaà jòà sùà anyùùŋ nyaŋ e ɗuunyaàŋ ka kɛ̀ɛ̀ koɓɛ̀ wo Dèda miɔ̀ŋ ko àìjɛnɛ̀ŋ.”

Jɔ̀ɔŋ 3:36

Wo nyùnɔ̀ɔŋ gbiŋ haawà wo Jɔ̀àfèlàà Dayàa sùà wɔ, wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà. Kɛɛ wo nyùnɔ̀ɔŋ yèɔ gbiŋ gè maŋhɛɛ wèè wouŋ haawè wɔ wò naàŋ wa nàwèè nɔ̀ŋ wò bàuŋbà wɔ̀ŋ nyiiŋ gèe bi sùà, yèè wo Dayà do nàŋ kìɛ̀ŋ wo nyùùŋ wii e keì nyìnga wèè julɔfɔ.

Jɔ̀ɔŋ 6:40

Wo Dèda miɔ̀ŋ manaŋ wèè anyùùŋ nyaŋ gbiŋ aim yɛmɛ̀ miàim wo Jɔ̀àfèlàà Nyuùŋ Kpùnɔɔ̀ŋ aim haawè yèè aŋ kɛ̀ɛ̀nɛ̀ŋ wɔŋ nyiiŋ gèe gò jùà. Yèè mìŋ do nyiŋ nàŋ gè e fàaà dìì wɔŋ nyiiŋ gèeo sùà ke ɗɔɔ dìàmaàŋ.”