Jɔ̀ɔŋ 14:3 - WƆŊ FƐ̀Ì EBÒ SÌÀŊ DAYÀA

³ Yèè sèè mìŋ kɔ̀à mìŋ kpɛɛyɛ̀o bàne, mìŋ do nàŋ hnè wèè kaiŋ noo koà, wèè kɛ̀ yàwi nààŋ gbiŋ eiŋ nɔ̀ŋ koɓɛ̀ guùŋ.

Jɔ̀ɔŋ 14:3 ပူးပေါင်းရင်းမြစ်များ

Jɔ̀ɔŋ 12:26

Sèè nyɛ̀iŋ nààŋ bà gbiŋ nìŋ mɔnɔŋ wèè naŋ tomo weèim, kɛ̀ sɔɔ̀ naŋ dè ke kpèè siaŋ miɛ̀ŋ maŋjɛ̀wɛ. Kpeiŋ sèè mìŋ fà, koɓɛ̀i mìŋ do nàŋ nɔ̀ŋ lɛ, kuuŋ nɔŋ wo ɓɔìjɔ̀à miɔ̀ŋ wò do nàŋ nɔ̀ŋ. Wo Dèda miɔ̀ŋ do nàŋ dɛ̀ɛ̀kɛ̀ wo nyùnɔ̀ɔŋ gbiŋ tomàŋ weèim wɔ̀.”

Jɔ̀ɔŋ 14:28

Nyɛ̀iŋ nààŋ nyuùŋ mɔ̀ɔ̀nɔim nyàŋ, kàiŋ woò kɛ̀ mìŋ do nàŋ kɛ̀ɛ̀ koɓɛ̀ wo nyùnɔ̀ɔŋ naim tùɔ̀ŋ wɔ. Mìŋ do ɓɛìŋ nàŋ kɛ̀ɛ̀ ko nɛ̀ɛ̀iŋ niìŋ. Yèè sèè nìŋ mɔ̀nɔ̀ìm, kɛ̀ nɔ̀iŋ jii fàa sùà e fèfoo mìŋ yaà kɛ̀ɛ sùà koɓɛ̀ wo Dèdaà naim tùɔ̀ŋ wɔ, esaɓù kɛ̀ wò kuwa e gààŋ eim nìàŋ.

Jɔ̀ɔŋ 14:4

Nàŋ nyìmàŋ ke dòmaàŋ kɔ̀à koɓɛ̀i mìŋ yaà kɔɔyɛ lɛ̀.”

Jɔ̀ɔŋ 17:24

“Dèda, mìŋ zoolà wèè anyùùŋ nyaŋ gbiŋ mùŋ naim kiɛ̀ŋ nyaŋ aŋ nɔ̀ŋ koɓɛ̀i mìŋ do nàŋ nɔ̀ŋ lɛ. Kpeiŋ kɛ̀ àŋ do nàŋ yɛ̀mɛ̀ e dɛ̀ɛ̀kɛɛ̀ mùŋ naim kiɛ̀ŋ lɛ, esaɓù kɛ̀ mùŋ naim wa mɔ̀nɔ̀ŋ paŋgàà e ɗuunyaàŋ naŋ wa nɔ̀ŋ bàne niŋ.

Nyɛ̀nɛ̀ŋ 1:11

Aŋ felaa nyàŋ naŋ nyiŋ dawè nyààŋ, “Nyùnòò fùɔ̀ŋ Galaliì nyɛɛ̀ŋ, wèè kiìŋ nìŋ sia kià nìŋ yaà yɛ̀ɛ̀mɛ̀ ke nyiliɛ̀? Wo Kanaà Jisɛ̀ wɛɛ̀ wo Dayà naiŋ yaà gè sìwè wò naŋ kɔ̀ ko àìjɛnɛ̀ŋ wɔ, do ɓɛìŋ nàŋ kɛɛ̀ e ɗèwè guùŋ nɛ sùà màànààŋ nɔŋ nìŋ nauŋ yɛmɛ̀ wò naŋ jòwò ko àìjɛnɛ̀ŋ lɛ.”

Luùm 8:17

Nààŋ è yààìŋ aŋ jɔ̀à Dayà, è doiŋ nàŋ yɛ̀mɛ̀ e kpùùmaàŋ wò naŋ bànè hàa wèè anyunùuŋ nyàŋ lɛ. Yèè yàwi pɛɛ doiŋ nàŋ yɛ̀mɛ̀ e nɛ̀ɛŋ wo Dayà naŋ bànè hàa wèè Jisɛ̀ Kulaì, màànààŋ nɔŋ wò naŋ niŋ yɛmɛ̀ lɛ. Kɛɛ sɔɔ̀ eiŋ kà e mɔ̀ɔ̀nɛŋ dìì wèè e keì sìàŋ nyɛ̀nɛŋ màànààŋ wo Jisɛ̀ Kulaì naŋ niŋ kɔ̀ dìì lɛ, wèè kɛ̀ yàwi pɛɛ e yɛmɛ̀iŋ e jòòwo màànààŋ wò naŋ niŋ yɛmɛ̀ lɛ.

Fèle 1:23

Mìŋ sia maŋ dòmàŋ gbààmàŋ tìyèe. Mìŋ manaŋ wèè ka jòà e ɗuunyaŋ lɛɛ̀ wèè ka nɔ̀ŋ koɓɛ̀ Jisɛ̀ Kulaìi, e yèɛ do nàŋ nɔ̀ŋ tɛ̀ɛ̀ e nìàŋ wèè ka nɔ̀ŋ wɔŋ nyiiŋ gèeɔ̀ sùà.

2Tɛsè 1:12

E ɗewe mààŋ tɛɛ̀ sùà, e dèè Kana wiɔ̀ Jisɛ̀ Kulaì do nàŋ yɛ̀mɛ̀ e jòòwo e yìwìà nyɛ̀iŋ sìwè, yèè e yìwìà wuŋ sìwè wèè nyɛ̀iŋ esàɓù e tɛ̀ɛ̀tɛ̀ɛ̀ Dayà wiɔ̀ yèè wo Kana wiɔ̀ Jisɛ̀ Kulaì sùà.

2Time 2:12

Sèè è naiŋ jèè kɔ̀ɔ̀yɛ̀ keì nyìnga dìì, yàwiiŋ nyiŋ doiŋ nàŋ nɔ̀ŋ e kana kɛ̀ɛ̀uŋ nɛ̀ sùà. Sèè euŋ gììyà maŋhɛɛ, wò do wi nàŋ gììyè maŋhɛɛ.

Hiɓu 9:28

E ɗèwè guùŋ nɛ sùà wo Dayà naŋ wa kìɛ̀ŋ wo Jisɛ̀ Kulaì e sùà guùŋ kpò wèè wo nɔ̀ŋ e nɛ̀ŋ saaà, yèè wò naŋ fɔ̀ e sùà guùŋ kpò wèè wo gùà maŋ jùùmù anyuùŋ zimgbe. Kɛɛ sèè wò hnàŋ ɓɛìŋ, e naàŋ ɓɛìŋ nɔ̀ŋ wèè wo gùà màŋ jùumù. Wò do nàŋ hnè wèè wo jòèyè anyùùŋ nyaŋ gbiŋ yàaùŋ fulie nyàŋ.

Maŋ kèì nyɛɛnɛŋ 3:21

Anyùùŋ nyaŋ do nàŋ ɓùlò nyaŋ, mìŋ do nyiŋ nàŋ kìɛ̀ŋ e tɔ̀ɔ̀nyaàŋ wèè aim jɛ̀ì kɔɔ ke kpùà kana miɛ̀ŋ diɛŋ, màànààŋ nɔŋ mìŋ naŋ wa ɓùlò yèè mìŋ naŋ jɛ̀ì wo Dèda miɔ̀ŋ kɔɔ ke kpùà kanauŋ nɛɛ̀ŋ diɛŋ lɛ̀.”