Jɔ̀ɔŋ 14:28 - WƆŊ FƐ̀Ì EBÒ SÌÀŊ DAYÀA

²⁸ Nyɛ̀iŋ nààŋ nyuùŋ mɔ̀ɔ̀nɔim nyàŋ, kàiŋ woò kɛ̀ mìŋ do nàŋ kɛ̀ɛ̀ koɓɛ̀ wo nyùnɔ̀ɔŋ naim tùɔ̀ŋ wɔ. Mìŋ do ɓɛìŋ nàŋ kɛ̀ɛ̀ ko nɛ̀ɛ̀iŋ niìŋ. Yèè sèè nìŋ mɔ̀nɔ̀ìm, kɛ̀ nɔ̀iŋ jii fàa sùà e fèfoo mìŋ yaà kɛ̀ɛ sùà koɓɛ̀ wo Dèdaà naim tùɔ̀ŋ wɔ, esaɓù kɛ̀ wò kuwa e gààŋ eim nìàŋ.

Jɔ̀ɔŋ 14:28 ပူးပေါင်းရင်းမြစ်များ

Maafiù 12:18

“Wɛɛ̀ nàŋ yaà wo ɓɔìjɔ̀à miɔ̀ŋ, wo yèɔ mìŋ naŋ tàeɗùù wɔ, wo yèɔ mìŋ manaŋ yèè wɔŋ nyììŋ Jinàŋ miɔ̀ŋ naŋ fɔ̀ weèuŋ wɔ̀. Mìŋ douŋ nàŋ tùɔ̀ŋ wo Jinàŋ miɔ̀ŋ diɛŋ, yèè wò do nàŋ wòò anyùùŋ nyaŋ fè àŋ Juùù nyaŋ e ɗuunyaàŋ kɛ̀ dièsɔa mìŋ do nyiŋ wa nàwèè nàŋ gbaì.

Jɔ̀ɔŋ 10:38

Kɛɛ sèè mìŋ nyɛnɛŋ e yèɛ wo Dèda miɔ̀ŋ nyɛnɛŋ lɛ̀, kɛ̀ kɛ̀ɛ̀nɛìŋ e hààwe esàɓù tii, sèè pɛɛ nìŋ goim haawè. Kpeiŋ nìŋ do nàŋ nyìmè kɛ̀ tɔɔɓaa wo Dèdaà yààìm ko sùà yèè mìŋ yàuŋ ko sùà.”

Jɔ̀ɔŋ 13:16

Miŋ woòiŋ e tɔɔɓaaà kɛ̀, aŋ ɓɔìjɔ̀à kuwà è gààŋ àŋ do nìàŋ wò kààmɔɔŋ nyiŋ nɔɔ̀ŋ, e kìlà aŋ keela kuwà è gààŋ àŋ do nìàŋ wò nyùnɔ̀ɔŋ naŋ nyiŋ tùɔ̀ŋ wɔ.

Jɔ̀ɔŋ 14:12

Mìŋ yààìŋ wòò e tɔɔɓaaà, sèè nìŋ kɛɛnɛ̀ìm e hààwe ko sùà, nìŋ do nàŋ nyɛ̀nɛ̀ŋ maŋ kèì guùŋ maŋ mìŋ nyɛnɛŋ màŋ. Yèè nìŋ do ngèè nàŋ nyɛ̀nɛ̀ŋ maŋ gbeegbèè miŋ, nààŋ ngèè mìŋ yaà naàŋ kɔ̀ɔ̀yɛ̀ koɓɛ̀ Dèda miɔ̀ŋ ko àìjɛnɛ̀ŋ lɛ.

Jɔ̀ɔŋ 14:18

Sèè mìŋ jòòìŋ, niŋ naàŋ nɔ̀ŋ mààŋ àŋ jɔ̀à è dàà. Mìŋ do ɓɛìŋ nàŋ kɛ̀ɛ̀ ko nɛ̀ɛ̀iŋ niìŋ.

Jɔ̀ɔŋ 16:7

Kɛɛ mìŋ yààìŋ wòò sùà e tɔɔɓaaà, è yaà tɛ̀ɛ̀ wèè ka kà koɓɛ̀ Dèda miɔ̀ŋ, sèè mìŋ go ka, wo nyuùŋ kpùùmaàŋ, wo Jìnàŋ Nɛɛmaàŋ naàŋ hnè wèè woiŋ kpuumàŋ. Kɛɛ sèè mìŋ kɔ̀à, mìŋ do nàŋ tùɔ̀ŋ wo Jìnàŋ Nɛɛmaàŋ ko nɛ̀ɛ̀iŋ niìŋ.

Jɔ̀ɔŋ 20:17

Yèè wo Jisɛ̀ nauŋ woò wààŋ, “Ɓɔ̀ mùŋ kpùlàim! Kòò mìŋ kɔ̀ weè kòɓɛ̀ wò Dèda miɔ̀ŋ. Kɛɛ kɔ̀à muŋ woò anyùùŋ màŋjɛ̀wɛ̀im nyàŋ kɛ̀ mìŋ yaà kɔ̀ɔ̀yɛ̀ koɓɛ̀ wo yèɔ yaà wo Dèda miɔ̀ŋ yèè wo Dèda nyiŋ nɔɔ̀ŋ wɔ. Yèè wo yèɔ yaà wo Dayà miɔ̀ŋ yèè wo Dayà nyiŋ nɔɔ̀ŋ wɔ.”

Jɔ̀ɔŋ 20:21

Yèè wo Jisɛ̀ naŋ nyiŋ ɓɛìŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ. Mìŋ yààìŋ tùaŋ sùà koɓɛ̀ anyùùŋ nyaŋ e ɗuunyaàŋ, màànààŋ nɔŋ wo Dèda miɔ̀ŋ naim wa tùɔ̀ŋ lɛ.”

Jɔ̀ɔŋ 5:18

Kpeiŋ anyùùŋ gbèègbèè aŋ Juùù nyaŋ naŋ wa ɗewè wèè aŋ jìwà wo Jisɛ̀ wèè esàɓù tìyèe. Nyààŋ wò naŋ wa pɔ̀ɔ̀ ke sàwà ke Ɗɔ̀ɔ̀ Zòòlò aŋ Juùù nyaŋ. Yèè nyààŋ wò naŋ wa ɓèmè wuŋ bi wèè yaà wo Dayà aŋ seenè.

Jɔ̀ɔŋ 7:33

Kɛɛ wo Jisɛ̀ naŋ nyiŋ wa woò wààŋ, “Mìŋ doiŋ nàŋ nɔ̀ŋ e tɛɛ wèè e teenga jɔa kpàa bà, eɓìèmàŋjɛ̀wɛ̀ mìŋ do nàŋ kɛ̀ɛ̀ koɓɛ̀ wo nyùnɔ̀ɔŋ naim tùɔ̀ŋ wɔ.

1 Kɔliìŋ 11:3

Kɛɛ mìŋ manaŋ wèè naŋ jàà jii kɛ̀ wo Jisɛ̀ Kulaì nàŋ yaà wo ɓɛ̀ è ɗì wèè felaa gbiŋ, wo felaa nàŋ yaà wo ɓɛ̀ è ɗì wèè wo jawèuŋ nɔɔ̀ŋ, yèè wo Dayà nàŋ yaà wo ɓɛ̀ è ɗì wèè wo Jisɛ̀ Kulaì.

1Pììlɛ 1:8

Nìŋ kuwa e mànaŋ wèè Dayà jòòpɛɛ kòò nìŋ yɛ̀mɛùŋ, yèè nìŋ nauŋ haawè sùà, jòòpɛɛ niŋ fèeùŋ naàŋ yɛɛmɛ. Wèètii nìŋ gèe e zɔ̀lɔ̀ ɓɛ̀ɛ̀jàa gbee e yèɛ nyùùŋ fè ɓɛ̀nɛ̀ŋ wòò lɛ̀,

Maŋ kèì nyɛɛnɛŋ 1:11

Ke mìèɛ naŋ woò wààŋ, “Singà e nɛ̀ɛŋ mùŋ naŋ yɛmɛ̀ lɛ wɔŋ fɛi sùà, yèè muŋ tùàŋ niŋ koɓɛ̀ maŋ gbòò anyuùŋ hààwe nyàŋ maŋ jàwà gbèègbèè nɔɔnɔŋ le tìyèe mɛɛ̀ŋ sùà, ko Ɛfesɔ̀, ko Sìmanà, ko Pɛgamùŋ, ko Tàyatilà, ko Saɗì, ko Fèlèdɛfià, yaà ko Làòdisià.”