Jɔ̀ɔŋ 14:27 - WƆŊ FƐ̀Ì EBÒ SÌÀŊ DAYÀA

²⁷ “Mìŋ yààìŋ jùùya sùà ke jìì fà e gbolòùŋ. Ke jìì fà e gbolòùŋ nɛ ke jii miɛ̀ŋ sùà kiiŋ mìŋ yààìŋ jùùya sùà. E fè kè jii fàaà anyùùŋ nyaŋ è ɗuunyaŋ lɛɛ̀ àŋ kiɛ̀ŋ lɛ. Weètii maŋ jiiŋ màŋ ɓɔ̀ mɔɔnɛ̀ŋ ɔ̀ɔ̀ e jùù ɓɔ̀ è nyɛ̀nɛ̀iŋ wèè è yèɛ do nàŋ kaaìŋ lɛ.

Jɔ̀ɔŋ 14:27 ပူးပေါင်းရင်းမြစ်များ

Maafiù 10:26

“Weètii ɓɔ̀ nìŋ dùàŋ ànyùùŋ. E nɛ̀ɛŋ gbiŋ yaà naàŋ ko nyɛɛnɛŋ lɛ̀, è do nàŋ fòlò ke fòolà, e kìlà anyùùŋ do nàŋ nyìmè e nɛ̀ɛŋ gbiŋ yaà ke gbùnuo sùà lɛ janjai.

Luù 1:79

Yèè yàwi nààŋ nyùùŋ nyaŋ joàìŋ ke nyìwì e fàa sùà nyaŋ, e gbolòùŋ lɛɛ̀ do wi nàŋ mɛ̀ɛ̀ŋ diɛŋ wèè e wi tɔ̀ɔ̀ ke dòmaàŋ kɔ̀à koɓɛ̀ wɔŋ nyììŋ gè ke jii fàa sùà yɛ̀.”

Luù 10:5

Sèè nìŋ kɔ̀à ko gboo gbiŋ wòoìŋ anyùùŋ nyaŋ ko gboo bi jiɛ̀ nààŋ, ‘Ke jii fàa nɔ̀ŋ ko gboo yaà.’

Luù 12:4

“Tɔ̀ miŋ woòiŋ dàwiim nyàŋ, ɓɔ̀ nìŋ dùàŋ ànyùùŋ nyaŋ jiwe kè kpùnaŋ mɔɛ̀ŋ nyaŋ, kɛɛ eɓìèmàŋjɛ̀wɛ̀ tii, aŋ fè ɓɛìŋ ɓɛ̀nɛ̀ŋ nyɛ̀nɛ̀ŋ è nɛ̀ŋ bà gbiŋ è do tii nìàŋ.

Luù 2:14

“E jòòwo gbee yaà wèè Dayà ko àìjɛnɛ̀ŋ, yèè ke jii fàa nɔ̀ŋ koɓɛ̀ anyuùŋ kpùuŋ nyàŋ e ɗuunyaàŋ aŋ yè nyaŋ nauŋ fɔ̀ɔ̀yɛ̀ ke jii nyàŋ.”

Jɔ̀ɔŋ 14:1

Wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Maŋ jiiŋ màŋ ɓɔ̀ màŋ mɔɔnɛ̀ŋ. Kɛ̀ɛ̀nɛìŋ e hààwe wo Dayà sùà yèè kɛ̀ɛ̀nɛŋ nìim e hààwe sùà.

Jɔ̀ɔŋ 16:33

Kàiŋ tɛɛ̀ woò tɛ, wèè kɛ̀ niŋ kɛɛnɛ̀ŋ maŋ jii fàa esaɓù mɛ̀ sùà. E teengaà nìŋ yaà anyùùŋ nyaŋ tɛɛ e ɗuunyaŋ lɛɛ̀ sùà lɛ, nìŋ kuwa naŋ kà e keì nyìnga dìì. Kɛɛ geìŋ zɔlɔ̀! Kà ɓùlà aŋ yè nyaŋ kuwa maŋ kpèè naanààŋ yèè àŋ giiyà wo Dayà maŋhɛɛ nyàŋ.”

Jɔ̀ɔŋ 20:19

Ke ɗɔɔ jiɛ̀jiɛ̀ɛ ke wikìɛ sùà e koya lii, anyùùŋ màŋjɛ̀wɛ̀ nyaŋ gbiŋ naŋ wa kɔ̀ aŋ jɔ̀à ko saaŋ aŋ yìlà maŋ gbemgbee màŋ kpaŋ, esaɓù kɛ̀ e jùùɛ yaà nyiìŋ wa wèè anyùùŋ gbèègbèè aŋ Juùù nyaŋ. Yèè ko fɛɛ̀feìŋ wo Jisɛ̀ naŋ hnè wò naŋ nyiŋ sìè e tɛɛ ko saaìŋ, yèè wò naŋ nyiŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ.”

Jɔ̀ɔŋ 20:21

Yèè wo Jisɛ̀ naŋ nyiŋ ɓɛìŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ. Mìŋ yààìŋ tùaŋ sùà koɓɛ̀ anyùùŋ nyaŋ e ɗuunyaàŋ, màànààŋ nɔŋ wo Dèda miɔ̀ŋ naim wa tùɔ̀ŋ lɛ.”

Jɔ̀ɔŋ 20:26

Ke wìkì guùŋ naŋ mààŋ, yèè anyùùŋ màŋjɛ̀wɛ̀ nyaŋ naŋ ɓɛìŋ gbònò koɓɛ̀ guùŋ ko saaìŋ. Wo Tàmaŋ yaà nyiìŋ wa naàŋ e tɛɛ e teenga lɛɛ̀ sùà, e kìlà maŋ gbemgbee màŋ yaà wa ɓɛìŋ yìla miŋ kpaŋ. Wo Jisɛ̀ naŋ hnè yèè wò naŋ nyiŋ sìè e tɛɛ, yèè wò naŋ nyiŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ.”

Nyɛ̀nɛ̀ŋ 10:36

Nàŋ nyìmàŋ ke mìè gbìaàŋ wò naŋ wa tùɔ̀ŋ koɓɛ̀ anyùùŋ Ezɔ̀ɛ̀ nyaŋ lɛ̀, nààŋ wò naŋ wa wòò Ebò Siaàŋ e nyaàiŋ dè ke jii fàa esàɓù wo Jisɛ̀ Kulaì sùà, wo Kanaà wèè anyùùŋ nyaŋ gbiŋ.

Nyɛ̀nɛ̀ŋ 18:9

Wɔŋ dùùm guùŋ wo Pɔɔ̀ naŋ gò e gɔa, yèè e gɔagòo bi sùà wo Kanaà nauŋ woò wààŋ, “E jùù ɓɔ̀ è nyɛ̀nɛ̀um wèè kè mìè Kanaà gbòa kòɓɛ̀ ànyùùŋ nyaŋ, yèè ɓɔ̀ mùŋ hɔnè nyiŋ gbòa.

Luùm 1:7

Weètii mìŋ naŋ sìngè wɔŋ fɛi wɛɛ̀ŋ koɓɛ̀ nyɛ̀iŋ nààŋ nyùùŋ nɛɛmaŋ nyàŋ gbiŋ ko Luùm. Wo Dayà mànàìŋ e kìlà wòiŋ tàeɗùù wèè naŋ nɔ̀ŋ anyùùŋ wuŋ bi. Tɔ̀ wo Dayà Dèda wiɔ̀ yaà wo Kanaà Jisɛ̀ Kulaì kiɛ̀iŋ e tɛ̀ɛ̀tɛ̀ɛ̀ yèè ke jii fàa!

Luùm 15:13

Tɔ̀ wo Dayà, wo yèɔ kiɛ̀ŋ ke jii tùlia wɔ̀, wo kpuumàiŋ niŋ kɛɛnɛ̀ŋ e zɔlɔ̀ kɛnɛ yèè ke jii fàa, esàɓù e hààweiŋ nɛ̀, wèè kɛ̀ ke jii tùliaiŋ nɛɛ̀ŋ e gààŋ wo Jìnàŋ Nɛɛmaàŋ sùà, e nɔ̀iŋ maŋjɛ̀wɛ e teenga gbiŋ.

Luùm 5:1

E yìwìà e hààwe wilɛ̀ sùà, wo Dayà wò wi jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ, yèè è kùwàìŋ naàŋ ke jii fàa koɓɛ̀ Dayài esàɓù wo Kana wiɔ̀ Jisɛ̀ Kulaì sùà.

Luùm 5:10

È yààìŋ wa aŋ joo koɓɛ̀ Dayài, kɛɛ wò naŋ wi nyɛ̀nɛ̀ŋ anyuùŋ mɔ̀ɔ̀nɔuŋ wèè euŋ ɓɛìŋ jɛ̀ì kɔɔ esàɓù e fà wo Jɔ̀àfelaauŋ nɔɔ̀ŋ sùà. Kɛɛ e nɛ̀ŋ bà ngèè kòò è yaà weè wi è kuwa sɛmɛ e nìàŋ e mɔ̀ɔ̀nɔŋ. Nààŋ è yààìŋ naàŋ ke jii fàa sùà koɓɛ̀ Dayài lɛ̀, wò do wi nàŋ joeyè e yìwìà wɔŋ nyììŋ wo Jɔ̀àfelaauŋ nɔɔ̀ŋ sùà.

Luùm 8:6

Sèè maŋ jii wi màŋ maŋ nɔ̀ŋ e gààŋ maŋ jùumù wi màŋ dìì, maŋ kpùnaŋ wi màŋ do nàŋ fɔ̀ɔ̀yɛ̀ maŋ jùumù sùà. Kɛɛ sèè maŋ jii wi màŋ maŋ nɔ̀ŋ e gààŋ wo Jìnàŋ Nɛɛmaàŋ dìì, wo Dayà do nàŋ nyɛ̀nɛ̀ŋ eiŋ kɛ̀ɛ̀nɛ̀ŋ wɔŋ nyiiŋ gèe e kìlà eiŋ nɔ̀ŋ ke jii fàa sùà.

1 Kɔliìŋ 1:3

Tɔ̀ wo Dayà wo Dèda wiɔ̀ yaà wo Kanaà Jisɛ̀ Kulaì kiɛ̀iŋ e tɛ̀ɛ̀tɛ̀ɛ̀ yèè ke jii fàa!

Gàla 1:3

Tɔ̀ wo Dayà wo Dèda wiɔ̀ yèè wo Kanaà Jisɛ̀ Kulaì kiɛ̀iŋ e tɛ̀ɛ̀tɛ̀ɛ̀ yèè ke jii fàa.

Gàla 5:22

Wo Jìnàŋ Nɛɛmaàŋ kiɛ̀ŋ wì e mànaŋ, e zɔlɔ̀, ke jii fàa, ke jii tɔumtɔ̀ùm, e keì sìàŋ, e tɛ̀ɛ̀tɛ̀ɛ̀, e hààwe,

Gàla 6:16

Anyùùŋ nyaŋ naŋ jɔ̀ɔ̀lɔ̀ e keì wòo lɛɛ̀ dìì maŋ nyiiŋ gèe nyiŋ màŋ sùà nyaŋ, tɔ̀ ke jii fàa yèè ke nyowo nɔ̀ŋ nyiŋ maŋjɛ̀wɛ yaà anyùùŋ Dayà nyaŋ gbiŋ.

Fèle 4:7

Kpeiŋ nààŋ nìŋ yaà aŋ bàiŋbà wo Jisɛ̀ Kulaì sùà lɛ, wo Dayà doiŋ nàŋ kpuumò yèè woiŋ kìɛ̀ŋ jii fàa, ke yèɛ wo nyùùŋ gbiŋ fè ɓɛ̀nɛ̀ŋ nyìmaŋ lɛ̀. Yèè wo Dayà do nàŋ nyɛ̀nɛ̀ŋ maŋ jii wi màŋ maŋ jɛi.

Kòlo 1:2

nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ hààwè nɛɛmaŋ nyàŋ ko Kòlosìà, aŋ yè nyaŋ yaà aŋ bà nyiŋ bà wo Jisɛ̀ Kulaì sùà nyaŋ. Tɔ̀ wo Dayà wo Dèda wiɔ̀ wo kiɛ̀iŋ e tɛ̀ɛ̀tɛ̀ɛ̀ yèè ke jii fàa.

Kòlo 1:20

E yìwìà esàɓù wo Jɔ̀àfelaauŋ nɔɔ̀ŋ sùà, wo Dayà naŋ wa ɗewè wèè wo kɛ̀lɛ̀ɛ̀ anyùùŋ nyaŋ gbiŋ ko àìjɛnɛ̀ŋ yèè e dììɛ diɛŋ koɓɛ̀ wuŋ biì. Wò naŋ wa hìàŋ jii fàa, nààŋ wò naŋ wa nyimèè wèè wo gììyà maŋ sɛ̀ìŋ wo Jɔ̀àfelaauŋ nɔɔ̀ŋ saaà wɔŋ vànèkpaaà diɛŋ. E ɗewe lɛɛ̀ sùà wò naŋ kɛ̀lɛ̀ɛ̀ manɛ̀ŋ maŋ gbiŋ ko àìjɛnɛ̀ŋ yaà e ɗuunyaàŋ koɓɛ̀ wuŋ biì.

Kòlo 3:15

Ke jii fàaà wo Jisɛ̀ Kulaì kiɛ̀ŋ lɛ nàŋ yaà wèè keiŋ yɛ̀mɛ̀ diɛŋ e nyaàiŋ dè e ɗèweɛ̀ nìŋ nyɛnɛ̀ŋ lɛ̀. E wèè esàɓù ke jii fàa yɛɛ̀ wo Dayà naiŋ nyààŋ koɓɛ̀ guùŋ ke kpùnàŋ guùŋ sùà, weètii kɛ̀ɛ̀nɛìŋ ke sɛ̀ gèe koɓɛ̀ Dayài.

2Tɛsè 1:2

Tɔ̀ wo Dayà wo Dèda wiɔ̀ yaà wo Kanaà Jisɛ̀ Kulaì kiɛ̀iŋ e tɛ̀ɛ̀tɛ̀ɛ̀ yèè ke jii fàa.

2Tɛsè 3:16

Tɔ̀ wo Kanaà Jisɛ̀ wuŋ bi, wo yèɔ yaà ke dòmàŋ jii fàa wiɛ̀ wɔ wo kiɛ̀iŋ jii fàa dòmaŋ nyaaŋ ɗewe gbiŋ sùà, yèè e teenga gbiŋ sùà. Wo Kanaà nɔ̀ŋ nyɛ̀iŋ gbiŋ maŋjɛ̀wɛ.

2Time 1:7

Wo Jinàaŋ wo Dayà naŋ wi kiɛ̀ŋ wɔ, wo fè wi sìà è jùù, kɛɛ, wo Jinàaŋ kiɛ̀ŋ wì e gààŋ, e mànaŋ, yèè wo wi nyɛ̀nɛ̀ŋ eiŋ yɛ̀mɛ̀ yàwi bi diɛŋ.

Hiɓu 13:20

Tɔɔɓaa, wo Dayà naŋ gè wo Kana wiɔ̀ Jisɛ̀ e fàaà dìì. Wo Jisɛ̀ yaà mààŋ wo nyuùŋ tùnìàŋ ɓaawaa gbee, wo yèɔ naŋ wùɔ̀ŋ maŋ sɛ̀nùuŋ màŋ wèè wo banè e ɗààhìì e mìèsùàguùŋ wèè julɔfɔ e fèèmàŋ Dayà yaà anyunùuŋ nyàŋ. Tɔ̀ wo Dàyà jii fàaà kiɛ̀iŋ e tɛ̀ɛ̀tɛ̀ɛ̀ɛ gbiŋ nìŋ manaŋ lɛ̀, wèè kɛ̀ niŋ nyɛ̀nɛ̀ŋ e yèɛ wò manaŋ lɛ̀. Tɔ̀ esàɓù Jisɛ̀ Kulaìɛ nyɛ̀nɛ̀ŋ wo Dayà toomò wi sùà wèè e nyɛ̀nɛ̀iŋ e yèɛ fɔɔyɛ̀uŋ jii lɛ̀. Yèè tɔ̀ e jòòwo nɔ̀ŋ koɓɛ̀ Jisɛ̀ Kulaìi wèè julɔfɔ yèè julɔfɔ. Àmiinàŋ!

Hiɓu 7:2

Manɛ̀ŋ maŋ gbiŋ wo Eɓulɔhɛɛ̀ŋ kuwa wò naŋ wa gè ko sùmìè ɗùàa màŋ, wò naŋ miŋ goonò ɗì zììyà yèè wò naŋ fè e ɗì guùŋ koɓɛ̀ wo Kanaà Mɛ̀kisiɗɛ̀. E fàsàì e dèèɛ Mɛ̀kisiɗɛ̀ nàŋ yaà, “Wo Kànà Tɔ̀ɔ̀nyaàŋ.” Kɛɛ nààŋ e fàsàì e dèèɛ Salɛ̀m nàŋ yaà “jii fàa lɛ̀,” àŋ nyàaùŋ wa ɓɛìŋ “Wo Kànà Jii Fàa.”

Maŋ kèì nyɛɛnɛŋ 1:4

Wo Jɔ̀ɔŋ naŋ sìngè wɔŋ fɛi koɓɛ̀ maŋ gbòò anyùùŋ hààwè ɗì nɔɔnɔŋ le tìyèe màŋ naŋ wa hààwè Jisɛ̀ sùà maŋ kpàlàùŋ kpàlàùŋ wɔŋ fùɔ̀ŋ Eesìàa sùà. Wò naŋ nyiŋ woò wààŋ, E tɛ̀ɛ̀tɛ̀ɛ̀ yaà ke jii fàa nɔ̀ŋ ko nɛ̀ɛ̀iŋ niìŋ e yìwìà wo Dayà sìwè, wo yèɔ yaà wɔŋ nyiiŋ gèeɔ̀ sùà nàaŋ, e kìlà wò yaào wa gɔu, yèè wo yèɔ do nàŋ hnè wɔ, yèè e yìwìà aŋ jìnàŋ nɔɔnɔŋ le tìyèe nyàŋ sìwè, aŋ yè nyaŋ sia ke kpùà kanauŋ nɛɛ̀ŋ feìŋ nyaŋ,

Maŋ kèì nyɛɛnɛŋ 2:10

E jùù ɓɔ̀ è nyɛ̀nɛ̀iŋ wèè è nimilàa nìŋ yaà hinie naŋ kà dìì lɛ. Wo Dɛwìɔ doiŋ nàŋ kɔ̀ɔ̀ e wàa dìì e kìlà wo nyɛ̀nɛ̀ŋ aŋ gbìàŋ nyɛ̀iŋ nààŋ bà nyiŋ ko sààŋ nyìwì. E keì nyìngaiŋ nɛ̀ doo nàŋ nɔ̀ŋ wèè maŋ ɗɔ̀ɔ̀ zììyà. Jèeìŋ e hààwe sùà ko nɛ̀ɛ̀ŋ miìŋ, sèè pɛɛ è gelà wèè naŋ fà, mìŋ doiŋ nàŋ kìɛ̀ŋ wɔŋ nyiiŋ gèe màànààŋ nɔŋ àŋ kiɛ̀ŋ wo nyùùŋ ke ɓɔ̀ɗì kana wèè ke nɔ̀ŋ e jìwààjɛ̀wɛ̀ wèè e nɛ̀ɛŋ wò naŋ ɓùlò lɛ.”

Maŋ kèì nyɛɛnɛŋ 21:8

Kɛɛ tɔ̀ miŋ woòiŋ e nɛ̀ɛŋ dò nàŋ kààìŋ koɓɛ̀ anyùùŋ nyaŋ kuwà jii tùlia nyàŋ, anyuùŋ gò kɛ̀ɛ̀nɛ̀ŋ tɔ̀ɔ̀nyaàŋ nyaŋ, anyuùŋ kùwìè maŋ jii naanààŋ nyaŋ, ɔ̀ɔ̀ nyuùŋ jìwà nyùùŋ nyaŋ, anyuùŋ nyɛ̀nɛ̀ŋ yɛɛ̀ hmɔŋtu naanààŋ nyaŋ, anyuùŋ fɔ̀ɔ̀wɔ̀ kɔìɗòlò nyaŋ, anyuùŋ zòòlò maŋ gòò nyaŋ, yaà anyuùŋ tòa nyàŋ, mìŋ do nyiŋ nàŋ gbìɛ̀ŋ e hmɔ̀ɔ̀ŋ kàànè sɔfɔ̀ sùà. Tɛɛ̀ nàŋ yaà e fàa dìà tìyèeɛ̀.”