Jɔ̀ɔŋ 14:23 - WƆŊ FƐ̀Ì EBÒ SÌÀŊ DAYÀA

²³ Wo Jisɛ̀ naŋ fasàì wààŋ, “Anyùùŋ nyaŋ mànàìm nyaŋ, do nàŋ nyɛ̀nɛ̀ŋ e yèɛ mìŋ naŋ nyiŋ woò wèè aŋ nyɛ̀nɛ̀ŋ lɛ. Tɛɛ̀ do nàŋ nyɛ̀nɛ̀ŋ wo Dèda miɔ̀ŋ wo nyiŋ mànàŋ, wo Dèda miɔ̀ŋ yèè miàŋ bi è do nàŋ hnè ko nɛ̀ɛ̀ŋ nyiŋ niìŋ wèè eiŋ nɔ̀ŋ koɓɛ̀ guùŋ.

Jɔ̀ɔŋ 14:23 ပူးပေါင်းရင်းမြစ်များ

Jɔ̀ɔŋ 10:30

Wo Dèdaà yèè miàŋ è yaà anyùùŋ guùŋ.”

Jɔ̀ɔŋ 14:15

Yèè wo Jisɛ̀ naŋ ɓɛìŋ woò wààŋ, “Sèè nìŋ mɔ̀nɔ̀ìm, nìŋ do nàŋ nyɛ̀nɛ̀ŋ e yèɛ mìŋ naiŋ woò wèè naŋ nyɛ̀nɛ̀ŋ lɛ.

Jɔ̀ɔŋ 14:17

Yèè wo Jìnàŋ tɔ̀ɔ̀nyaàaŋ doiŋ nàŋ kaikpɔ tɔɔ̀ kɛ̀ ɓòò nàŋ yaà wo Dayà. Anyuùŋ gò kɛ̀ɛ̀nɛ̀ŋ hààwe nyàŋ e ɗuunyaŋ lɛɛ̀ naàŋ jàà wò Jìnàŋ Nɛɛmaàŋ kùàŋ dìì màŋ jii nyiŋ màŋ sùà wèè wo nɔ̀ŋ wò nyuùŋ kpùùmaŋ nyiŋ, esaɓù kɛ̀ aŋ fòuŋ yɛmɛ̀ ɔ̀ɔ̀ aŋ nyimààuŋ. Kɛɛ nàŋ nyìmàŋ wo Jinàaŋ, wo yèɔ yààìŋ kɔɔ yèè wò do nàŋ nɔ̀ŋ maŋ nyiiŋ gèeiŋ màŋ sùà wɔ.”

Jɔ̀ɔŋ 14:21

“Wo nyùnɔ̀ɔŋ yèɔ gbiŋ mànàìm wɔ, wò do nàŋ nyɛ̀nɛ̀ŋ e yèɛ mìŋ nauŋ woò wèè wo nyɛ̀nɛ̀ŋ lɛ. Yèè wo Dèda miɔ̀ŋ douŋ nàŋ mɔ̀nɔ̀ŋ. Mìŋ do nàŋ mɔ̀nɔ̀ŋ wo nyùùŋ wii miàŋ pɛɛ, yèè mìŋ do nàŋ hnè koɓɛ̀ wo nyùùŋ wii màànààŋ nɔŋ mìŋ yaà lɛ.”

Jɔ̀ɔŋ 14:24

Kɛɛ anyùùŋ nyaŋ yè nyaŋ aŋ manàìm nyaŋ aŋ naàŋ nyɛ̀nɛ̀ŋ è yèɛ mìŋ naŋ nyiŋ woò wèè aŋ nyɛ̀nɛ̀ŋ lɛ. E yèɛ zà àŋ naŋ kòmò mìŋ naŋ woò lɛ gò e yìwìà è gaàŋ mɛ̀ sùà, kɛɛ è yewe e gààŋ Dèdaà naim tùɔ̀ŋ wɔ sùà.”

Jɔ̀ɔŋ 15:10

Sèè nìŋ nyɛnɛŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, nìŋ do nàŋ jèè e mànaŋ mɛ̀ sùà, màànààŋ nɔŋ mìŋ nyɛnɛŋ e yèɛ wo Dèda miɔ̀ŋ manaŋ wèè ka nyɛ̀nɛ̀ŋ lɛ yèè mìŋ naŋ jèè e mànauŋ nɛ̀ sùà.

Jɔ̀ɔŋ 16:27

Wo Dèda miɔ̀ŋ Dayà mànàìŋ, esaɓù kɛ̀ nyɛ̀iŋ pɛɛ nìŋ mànàìm; yèè nìŋ naŋ haawè kɛ̀ wuŋ naim tùɔ̀ŋ.

Jɔ̀ɔŋ 6:56

Anyùùŋ nyaŋ do nàŋ gbìlè e kenìŋ mɛ̀ yèè aŋ tìà maŋ sɛnìim màŋ nyaŋ, àŋ doim nàŋ nyìnìè wɔŋ nyiiŋ gèe nyiŋ nɔɔ̀ŋ ko sùà, yèè wɔŋ nyiiŋ gèe miɔ̀ŋ do nyiŋ nàŋ nɔ̀ŋ ko sùà.

Jɔ̀ɔŋ 8:51

Mìŋ yààìŋ wòò e tɔɔɓaaà kɛ̀ sèè nìŋ jaa maŋ mìè gbòaim màŋ kùàŋ dìì, niŋ naàŋ wa nàwèè fɔ̀ julɔfɔ.”

Jɔ̀ɔŋ 8:52

Kpeiŋ aŋ Juùù nyaŋ nauŋ woò nyààŋ, “Èiŋ naàŋ nyìmàŋ kɛ̀ wo jinàŋ naanààŋ yààùm ko sùà. Wo Eɓulɔhɛɛ̀ŋ naŋ wa fɔ̀, e hààwè aŋ wɛ̀ijì nyaŋ. Dièsɔa mùŋ naŋ ɓɛ̀nɛ̀ŋ wòo mààŋ kɛ̀ wo nyùnɔ̀ɔŋ haawà maŋ mìè gbòaim màŋ wɔ wo naàŋ wa nàwèè fɔ̀ julɔfɔ?

2 Kɔliìŋ 6:16

Kiìŋ ke saaŋ zòòlò Dayàa kuwa wèè ke nyìnìàŋ aŋ dayà joo? Yàwi nàŋ yaà ke saaŋ zòòlò Dayàa wo yèɔ yaà wɔŋ nyiiŋ gèeɔ̀ sùà wɔ, mààŋ wo Dayà wuŋ bi naŋ woò lɛ, “Ko gboo miìŋ nàŋ do nàŋ nɔ̀ŋ anyunùim nyàŋ yèè ka nyiŋ nɔ̀ŋ e tɛɛ. Mìŋ do nàŋ nɔŋ wo Dayà nyiŋ nɔɔ̀ŋ, yèè àŋ do nàŋ nɔ̀ŋ anyunùim nyàŋ.”

Ɛfesɔ̀ 3:17

Mìŋ humo Dayà wèè wo Jisɛ̀ Kulaì nɔ̀ŋ maŋ jiiiŋ màŋ sùà esàɓù e hààweiŋ nɛ̀. E kìlà mìŋ humo Dayà wèè naŋ kɛ̀ɛ̀nɛ̀ŋ e gulòiŋ nɛ̀ yèè ko tɔɔtuiŋ niìŋ e mànaŋ sùà.

1Jɔ̀ɔŋ 2:24

Ke miè gbìaàŋ nìŋ naŋ wa kòmò e yìwìà e teengaà nìŋ naŋ wa nɔ̀ŋ anyuùŋ hààwe ko tɔ̀ɔ̀tù e ɗuunyaàŋ lɛ, jàaiŋ ke miè gbìaàŋ bi jii. Sèè nìŋ naŋ jàà ke mìè gbiàŋ bi jii, nìŋ do nàŋ nɔ̀ŋ aŋ bàwibà wo Jɔ̀àfelaaà yaà wo Dèdaà sùà.

1Jɔ̀ɔŋ 2:5

Kɛɛ sèè tɔɔɓaa è naiŋ jɔ̀ɔ̀lɔ̀ ke mie Dayàa dìì, è doiŋ nàŋ nɔ̀ŋ aŋ yè nyaŋ wo Dayà naŋ tɔ̀ɔ̀ e mànaùŋ nɛ̀ janjai nyàŋ. Yèè tɛɛ̀ naŋ wi kìɛŋ e hààwe kɛ̀ è yààìŋ aŋ bàwibà wo Dayà sùà.

1Jɔ̀ɔŋ 4:4

Nyɛ̀iŋ nààŋ jɔ̀àim nyàŋ, wo Dayà nàŋ kànàìŋ, yèè nàŋ ɓùlà aŋ wɛ̀ijì tòa nyɛɛ̀ŋ. Esaɓù kɛ̀ wo Jìnàŋ Dayàa yààìŋ sùà yèè wò kuwa gaàŋ zimgbe e nìàŋ wo jinàaŋ yàa e ɗuunyaàŋ sùà wɔ.

1Jɔ̀ɔŋ 5:3

E mànaàŋ è kùwàìŋ wèè wo Dayà lɛ nàŋ yaà wèè eiŋ jɔ̀ɔ̀lɔ̀ maŋ sàwàuŋ màŋ dìì. Yèè maŋ sàwàuŋ màŋ gò nyìngà weè wi.

2Jɔ̀ɔŋ 1:6

E mànaàŋ mìŋ naŋ wòò kii niŋ nɛ̀ nàŋ yaà wèè eiŋ nɔ̀ŋ wɔŋ nyììŋ gè jɔ̀ɔ̀lɔ sùà maŋ sàwà Dayà màŋ dìì. Ke sàwàa, nààŋ nìŋ naŋ wa kòmò ko tɔ̀ɔ̀tù e ɗuunyaàŋ lɛ nàŋ yaà, wèè nyɛ̀iŋ nààŋ gbiŋ naŋ nɔ̀ŋ wɔŋ nyììŋ gèe e mànaŋ sùà.

Maŋ kèì nyɛɛnɛŋ 21:22

Mìŋ gò wa yɛ̀mɛ̀ kè saaŋ zòòlò Dayà kò jawa gbeeì, esaɓù kɛ̀ wo Kanaà wo Dàyà Gaàŋ Gbeeɔ̀ yaà wo Ɓaawaaà nàŋ yaà wa ke Saaŋ Zòòlò Dayàa.

Maŋ kèì nyɛɛnɛŋ 21:3

Mìŋ naŋ kòmò ke mìè kpàaŋ e yìwìà koɓɛ̀ ke kpùà kanaà kè naŋ woò wààŋ, “Ke vààyà Dayàa do nàŋ nɔ̀ŋ koɓɛ̀ anyunùuŋ nyàŋ! Wò do nàŋ nɔ̀ŋ ko nɛ̀ɛ̀ŋ nyiŋ niìŋ, yèè àŋ do nàŋ nɔ̀ŋ anyunùuŋ nyàŋ. Wo Dayà wuŋ bi do nyiŋ nàŋ nɔ̀ŋ e tɛɛ, yèè wuŋ nàŋ do nàŋ nɔ̀ŋ wo Dayà nyiŋ nɔɔ̀ŋ.

Maŋ kèì nyɛɛnɛŋ 22:3

E nɛ̀ɛŋ gbiŋ wo Dayà gò jàà kùàŋ dìì lɛ e fè nɔ̀ŋ kò jawa gbeeì. Ke kpùà e kànà Dayàa yaà wo Ɓaawaaà do nàŋ nɔ̀ŋ ko jawa gbeeì, e kìlà aŋ ɓɔìjɔ̀àuŋ nyàŋ douŋ nàŋ zoolò.