Jɔ̀ɔŋ 14:18 - WƆŊ FƐ̀Ì EBÒ SÌÀŊ DAYÀA

¹⁸ Sèè mìŋ jòòìŋ, niŋ naàŋ nɔ̀ŋ mààŋ àŋ jɔ̀à è dàà. Mìŋ do ɓɛìŋ nàŋ kɛ̀ɛ̀ ko nɛ̀ɛ̀iŋ niìŋ.

Jɔ̀ɔŋ 14:18 ပူးပေါင်းရင်းမြစ်များ

Maafiù 18:20

Esaɓù kɛ̀ koɓɛ̀i anyùùŋ tìyèe ɔ̀ɔ̀ àŋ taai àŋ naŋ dèènè koɓɛ̀ guùŋ e deè mɛ̀ diɛŋ lɛ̀, kòò mìŋ yaà nyiìŋ nèè tɛɛ.”

Maafiù 28:20

e kìlà niŋ kaà nyiŋ wèè aŋ jɔɔlɔ̀ e yèɛ gbiŋ mìŋ naiŋ kaà lɛ dìì. Yèè mìŋ doiŋ nàŋ nɔ̀ŋ maŋjɛ̀wɛ e teenga gbiŋ, e jèesùà e hàì ko dìà e ɗuunyaàŋ.”

Jɔ̀ɔŋ 14:16

Kpeiŋ mìŋ do nàŋ dàwè wo Dèdaà, yèè wò doiŋ nàŋ tùɔ̀ŋ wo Jìnàŋ Nɛɛmaàŋ wo yèɔ doiŋ nàŋ kpuumò yèè wo nɔ̀ŋ ko nɛ̀ɛ̀iŋ niìŋ wèè julɔfɔ.

Jɔ̀ɔŋ 14:3

Yèè sèè mìŋ kɔ̀à mìŋ kpɛɛyɛ̀o bàne, mìŋ do nàŋ hnè wèè kaiŋ noo koà, wèè kɛ̀ yàwi nààŋ gbiŋ eiŋ nɔ̀ŋ koɓɛ̀ guùŋ.

Jɔ̀ɔŋ 16:16

Wo Jisɛ̀ naŋ ɓɛìŋ wòò anyùùŋ màŋjɛ̀wɛ̀uŋ nyàŋ wààŋ, “Nyɛ̀iŋ nààŋ nyuùŋ mɔ̀ɔ̀nɔim nyàŋ, wèè e teenga kpàa bà niŋ naàim ɓɛìŋ yɛmɛ̀, mìŋ do nàŋ kɛ̀ɛ̀ koɓɛ̀ wo nyùnɔ̀ɔŋ naim tùɔ̀ŋ wɔ. Kɛɛ e teenga kpàa bà sùà nìŋ doim ɓɛìŋ nàŋ yɛmɛ̀.”

Jɔ̀ɔŋ 16:33

Kàiŋ tɛɛ̀ woò tɛ, wèè kɛ̀ niŋ kɛɛnɛ̀ŋ maŋ jii fàa esaɓù mɛ̀ sùà. E teengaà nìŋ yaà anyùùŋ nyaŋ tɛɛ e ɗuunyaŋ lɛɛ̀ sùà lɛ, nìŋ kuwa naŋ kà e keì nyìnga dìì. Kɛɛ geìŋ zɔlɔ̀! Kà ɓùlà aŋ yè nyaŋ kuwa maŋ kpèè naanààŋ yèè àŋ giiyà wo Dayà maŋhɛɛ nyàŋ.”

2Tɛsè 2:16

Tɔ̀ wo Kana wiɔ̀ Jisɛ̀ Kulaì wuŋ bi yèè wo Dayà wo Dèdaà, wo yèɔ mànàŋ wì e kìlà wò kiɛ̀ŋ wì keì sìàŋ yèè e yìwìà e tɛ̀ɛ̀tɛ̀ɛ̀uŋ nɛ̀ sùà wò kiɛ̀ŋ wi ke jìì nyìngè nyiiŋ gèe gò jùà, yèè ke jii tùlia nyìngà sùà wɔ,

Hiɓu 2:18

Wò Jisɛ̀ naàŋ ɓɛ̀nɛ̀ŋ kpùùmàŋ anyùùŋ nyaŋ naŋ wa kɔ̀ e wàa dìì nyaŋ, esaɓù kɛ̀ wuŋ bi naŋ wa kɔ̀ e keì nyìnga yaà e wàa dìì.