Jɔ̀ɔŋ 14:16 - WƆŊ FƐ̀Ì EBÒ SÌÀŊ DAYÀA

¹⁶ Kpeiŋ mìŋ do nàŋ dàwè wo Dèdaà, yèè wò doiŋ nàŋ tùɔ̀ŋ wo Jìnàŋ Nɛɛmaàŋ wo yèɔ doiŋ nàŋ kpuumò yèè wo nɔ̀ŋ ko nɛ̀ɛ̀iŋ niìŋ wèè julɔfɔ.

Jɔ̀ɔŋ 14:16 ပူးပေါင်းရင်းမြစ်များ

Maafiù 28:20

e kìlà niŋ kaà nyiŋ wèè aŋ jɔɔlɔ̀ e yèɛ gbiŋ mìŋ naiŋ kaà lɛ dìì. Yèè mìŋ doiŋ nàŋ nɔ̀ŋ maŋjɛ̀wɛ e teenga gbiŋ, e jèesùà e hàì ko dìà e ɗuunyaàŋ.”

Jɔ̀ɔŋ 14:14

Sèè nìŋ dawà wèè e nɛ̀ŋ gbiŋ e deè mɛ̀ sùà esaɓù kɛ̀ nìŋ yaà anyùùŋ màŋjɛ̀wɛ̀im, mìŋ doiŋ niŋ nàŋ kiɛ̀ŋ.”

Jɔ̀ɔŋ 14:18

Sèè mìŋ jòòìŋ, niŋ naàŋ nɔ̀ŋ mààŋ àŋ jɔ̀à è dàà. Mìŋ do ɓɛìŋ nàŋ kɛ̀ɛ̀ ko nɛ̀ɛ̀iŋ niìŋ.

Jɔ̀ɔŋ 14:26

Kɛɛ wo nyuùŋ kpùùmaàŋ, wo Jìnàŋ Nɛɛmaàŋ do nàŋ hnè wèè woiŋ kpuumàŋ, wo yèɔ wo Dèdaà do nàŋ tùɔ̀ŋ e deè mɛ̀ diɛŋ wɔ̀. Wo Jinàaŋ doiŋ nàŋ kàà maŋ keì maŋ gbiŋ, yèè wò doiŋ nàŋ nyɛ̀nɛ̀ŋ naŋ kɛ̀ɛ̀nɛ̀ŋ jii jàa e nyaàiŋ dè e yèɛ mìŋ naiŋ woò e teengaà mìŋ yaà wa ko nɛ̀ɛ̀iŋ niìŋ lɛ.

Jɔ̀ɔŋ 15:26

“Kpeiŋ mìŋ doiŋ nàŋ tùɔ̀ŋ wo Jìnàŋ Nɛɛmaàŋ wo yèɔ yewe koɓɛ̀ wo Dèdaà wɔ yèè wò doiŋ nàŋ wòò e tɔ̀ɔ̀nyaàaŋ. Yèè wò doiŋ nàŋ kpuumò woiŋ wòò e tɔ̀ɔ̀nyaàaŋ e nyaàiŋ eim dè.

Jɔ̀ɔŋ 16:22

Nìŋ yaà naàŋ ke nyowo gbee sùà. Kɛɛ mìŋ doiŋ ɓɛìŋ nàŋ yɛmɛ̀, yèè e zɔlɔ̀ do nàŋ nɔ̀ŋ maŋ jiiŋ màŋ sùà, yèè wo nyùùŋ gbiŋ wo naàìŋ ɓɛ̀nɛ̀ŋ gè è zɔlɔ̀ bi màŋ jiiŋ màŋ sùà.

Jɔ̀ɔŋ 17:15

Dèda, miŋ gòum dawè wèè maŋ gè anyùùŋ màŋjɛ̀wɛ̀im nyàŋ è ɗuunyaŋ lɛɛ̀ sùà, kɛɛ muŋ yɛmɛ̀ nyiŋ diɛŋ e yìwìà wo Sɛ̀tanàaŋ sìwè.

Jɔ̀ɔŋ 17:20

“Miŋ fè nɔŋ zoolo wèè ànyùùŋ màŋjɛ̀wɛ̀im nyɛɛ̀ŋ nyiŋ guùŋ. Mìŋ yaà pɛɛ zoolo wèè anyùùŋ nyaŋ gbiŋ do nàŋ kɛ̀ɛ̀nɛ̀ŋ e hààwe esàɓù e yèɛ anyùùŋ màŋjɛ̀wɛ̀im nyàŋ naŋ nyiŋ woò lɛ e nyaàiŋ eim dè.

Jɔ̀ɔŋ 4:14

Kɛɛ sèè wo nyùùŋ gbiŋ wo tìà e wùìyèɛ mìŋ do nàŋ kiɛ̀ŋ lɛ, ke jòòmàì naàuŋ wa nàwèè ɓɛìŋ nyɛ̀nɛ̀ŋ julɔfɔ. E wùìyèɛ mìŋ do nàŋ kiɛ̀ŋ lɛ è do nàŋ nɔ̀ŋ ke wuiyè soo wo nyùùŋ wii ko sùà e yèɛ kiɛ̀ŋ wɔŋ nyiiŋ gèe gò jùà.”

Jɔ̀ɔŋ 7:39

Wo Jisɛ̀ yaà wa wòò e kèè wo Jìnàŋ Dayàa, wo yèɔ wò hewa nàŋ kìɛ̀ŋ koɓɛ̀ wo nyùnɔ̀ɔŋ gbiŋ nauŋ haawè wɔ. Wo Jìnàŋ wo Kanaà Dayà kòò wò nɔ̀ŋ wa kìɛuŋ kòɓɛ̀ wò nyùùŋ gbiŋ, nààŋ wo Jisɛ̀ kòò wò nɔ̀ŋ wa jòòwouŋ wèè wò Dayà wouŋ kìɛ̀ŋ è dɛ̀ɛ̀kɛ.

Nyɛ̀nɛ̀ŋ 1:4

E teengaà wo Kanaà Jisɛ̀ yaà anyùùŋ màŋjɛ̀wɛ̀uŋ nyàŋ naŋ wa dèènè koɓɛ̀ guùŋ nɛ, wò naŋ nyiŋ wa kìɛ̀ŋ e go nyìnga wààŋ, “Ɓɔ̀ nìŋ yèwà kò Jùlusɛ̀làm, kɛɛ fòlaìŋ e nɛ̀ŋ kìɛɛ̀ŋ wo Dèda miɔ̀ŋ naiŋ wa wòò kii niŋ lɛ̀, e nɛ̀ŋ kìɛɛ̀ŋ wo Dèda miɔ̀ŋ naŋ wa jɔ̀ɔ̀ e ɗààhiì kɛ̀ wò doiŋ nàŋ kiɛ̀ŋ lɛ.

Nyɛ̀nɛ̀ŋ 13:52

Kɛɛ anyuùŋ hààwe nyàŋ ko Aŋtiɔ̀ yaà wa e zɔlɔ̀ zimgbe sùà yèè wo Jìnàŋ Nɛɛmaàŋ yaà nyiìŋ wa maŋjɛ̀wɛ.

Nyɛ̀nɛ̀ŋ 9:31

Anyùùŋ hààwe nyàŋ gbiŋ ko Jùdià, ko Galaliì, yèè ko Sàmilià naŋ wa ngàà nɔ̀ŋ ke jii fàa sùà yèè àŋ naŋ kpèènè e zòòlo nyiŋ nɛ̀ maŋjɛ̀wɛ e dèè Kanaà sùà. Wo Jìnàŋ Nɛɛmaàŋ naŋ wa kìɛ̀ŋ jii nyingè yèè wò naŋ kpùùmò ke gbòò anyuùŋ hààwe nyàŋ ke dɛ̀ɛ̀ò sùà yèè wò naŋ nyiŋ kìɛ̀ŋ e gààŋ wèè aŋ kɛɛnɛ̀ŋ ɓɛ̀ɛ̀jàa wo Kanaà sùà.

Luùm 14:17

E Kànà Dayàa e fè wèè è nɛ̀ŋje jèe yèè màŋ muàŋ tìa, kɛɛ è yaà wèè e tɔ̀ɔ̀nyaàŋ, ke jii fàa, yàà e zɔlɔ̀ e yèɛ wo Jìnàŋ Nɛɛmaàŋ kiɛ̀ŋ lɛ.

Luùm 15:13

Tɔ̀ wo Dayà, wo yèɔ kiɛ̀ŋ ke jii tùlia wɔ̀, wo kpuumàiŋ niŋ kɛɛnɛ̀ŋ e zɔlɔ̀ kɛnɛ yèè ke jii fàa, esàɓù e hààweiŋ nɛ̀, wèè kɛ̀ ke jii tùliaiŋ nɛɛ̀ŋ e gààŋ wo Jìnàŋ Nɛɛmaàŋ sùà, e nɔ̀iŋ maŋjɛ̀wɛ e teenga gbiŋ.

Luùm 5:5

Ke jii tùlia yɛɛ̀ fè wi zuwò, esaɓù kɛ̀ wo Dayà gbìàŋ e mànauŋ nɛ̀ maŋ jii wi màŋ sùà, esàɓù wo Jìnàŋ Nɛɛmaàŋ wo yèɔ wò naŋ wi kiɛ̀ŋ wɔ.

Luùm 8:34

Ɓòò nàŋ do nyiŋ naàŋ nàŋ hèè e kiti diɛŋ? E naàŋ nɔ̀ŋ wò Jisɛ̀ Kulaì, wo yèɔ naŋ fɔ̀ e kìlà wo Dayà nauŋ gè e fàaà dìì wɔ, yèè kòò wò jaa naàŋ wɔŋ kùàŋ jìkà Dayàa, wò yàaùŋ pɔɔwɔ weè wi.

Gàla 5:22

Wo Jìnàŋ Nɛɛmaàŋ kiɛ̀ŋ wì e mànaŋ, e zɔlɔ̀, ke jii fàa, ke jii tɔumtɔ̀ùm, e keì sìàŋ, e tɛ̀ɛ̀tɛ̀ɛ̀, e hààwe,

Fèle 2:1

Maŋ nyiiŋ gèeiŋ màŋ wo Jisɛ̀ Kulaì toomàŋ sùà wo nyɛ̀nɛ̀ŋ naŋ kɛ̀ɛ̀nɛ̀ŋ maŋ jii nyingè, yèè e mànauŋ nɛ̀ nyɛnɛŋ naŋ kɛ̀ɛ̀nɛ̀ŋ jii fàa. Wo Jìnàŋ nɛɛmaàŋ nyɛ̀nɛ̀ìŋ naŋ nɔ̀ŋ koɓɛ̀ guùŋ ke gbòò anyuùŋ hààwe nyàŋ sùà, e kìlà naŋ kɛ̀ɛ̀nɛ̀ŋ gòngo yèè ke nyowo wèè aŋ dàwiiŋ nyàŋ.

2Tɛsè 2:16

Tɔ̀ wo Kana wiɔ̀ Jisɛ̀ Kulaì wuŋ bi yèè wo Dayà wo Dèdaà, wo yèɔ mànàŋ wì e kìlà wò kiɛ̀ŋ wì keì sìàŋ yèè e yìwìà e tɛ̀ɛ̀tɛ̀ɛ̀uŋ nɛ̀ sùà wò kiɛ̀ŋ wi ke jìì nyìngè nyiiŋ gèe gò jùà, yèè ke jii tùlia nyìngà sùà wɔ,

Hiɓu 7:25

Wò ɓɛnɛ̀ŋ sààmɛ, yèè e teenga gbiŋ, wèè wo jòèyè anyùùŋ nyaŋ gbiŋ hnàŋ koɓɛ̀ Dayài nyàŋ e saɓùuŋ nɛ̀ sùà, esaɓù kɛ̀ wò yaà wɔŋ nyiiŋ gèeɔ̀ sùà wèè julɔfɔ, wèè wo pɔwɔ̀ wo Dayà weè nyiŋ.

1Jɔ̀ɔŋ 2:1

Mìŋ yaà tɛɛ̀ sìngà sùà ko nɛ̀ɛ̀ŋ niìŋ, nyɛ̀iŋ nààŋ jɔ̀àim nyàŋ, wèè kɛ̀ ɓɔ̀ nìŋ nyɛ̀nɛ̀ŋ màŋ kèì jùumù, kɛɛ sèè wo nyùnɔ̀ɔŋ gbiŋ naŋ nyɛ̀nɛ̀ŋ maŋ kei jùumù wɔ, è kùwàìŋ wo nyùùŋ wèè wo pɔ̀wɔ̀ wo Dèdaà e wèè wi, wo nyùùŋ bi nàŋ yaà wo Jisɛ̀ Kulaì wo nyùùŋ tɔ̀ɔ̀nyaàaŋ.

1Jɔ̀ɔŋ 2:27

Kɛɛ nyɛ̀iŋ nyɛɛ̀ŋ, wo Jisɛ̀ naiŋ wa gbìɛ̀ŋ wo Jinàuŋ nɔɔ̀ŋ maŋ jiio sùà. Yèè e teengaà wo Jinààŋ yààìŋ maŋ jiio sùà lɛ, niŋ naàŋ ɓɛìŋ mɔ̀nɔ̀ŋ wèè wò nyùùŋ ba doiŋ kaà. Efèfoo wo Jinàaŋ wòiŋ kàà e nɛ̀ɛŋ gbiŋ, yèè e yèɛ gbiŋ wò naìŋ kaà lɛ, è yaà tɔɔɓaaà, e fè tòa. Jɔ̀ɔ̀lɔìŋ e kàà wo Jinàaŋ dìì, yèè niŋ jeeè aŋ bàiŋbà nɔ̀ɔŋ wo Jisɛ̀ Kulaìɛ sùà.

2Jɔ̀ɔŋ 1:2

È mànàìŋ esaɓù kɛ̀ e tɔ̀ɔ̀nyaàŋ yaà naàŋ maŋ jii wi màŋ sùà, yèè è doo nàŋ jeè wèè julɔfɔ.