Jɔ̀ɔŋ 14:11 - WƆŊ FƐ̀Ì EBÒ SÌÀŊ DAYÀA

¹¹ Kɛ̀ɛ̀nɛìŋ e hààwe nààŋ mìŋ naiŋ woò mìàŋ wo Dèdaà yààìm ko sùà yèè mìŋ yaà wo Dèdaà ko sùà lɛ. Sèè nìŋ go pɛɛ tɛɛ̀ haawè, kɛ̀ hààwe nìim wèè maŋ keì maŋ mìŋ nyɛnɛŋ màŋ.

Jɔ̀ɔŋ 14:11 ပူးပေါင်းရင်းမြစ်များ

Jɔ̀ɔŋ 10:25

Wo Jisɛ̀ naŋ nyiŋ fasàì wààŋ, “Kàiŋ niŋ woò tɛ, kɛɛ niŋ gòim haawè. Maŋ keì maŋ mìŋ nyɛnɛŋ esàɓù e dèè wo Dèda miɔ̀ŋ sùà lɛ kiɛ̀ŋ ke mìè seì janyai kɛ̀ ɓòò mìŋ yaà.

Jɔ̀ɔŋ 10:32

Wo Jisɛ̀ naŋ nyiŋ woò wààŋ, “Kàiŋ tɔ̀ɔ̀ maŋ keì sìàŋ zimgbe maŋ yè maŋ wo Dèda miɔ̀ŋ naim tùɔ̀ŋ wèè ka nyɛ̀nɛ̀ŋ maŋ. Wèè esàɓù maŋ keì mɛɛ̀ŋ, kòò miŋ nìŋ manaŋ naim hɔ̀wà weè miŋ?”

Jɔ̀ɔŋ 10:38

Kɛɛ sèè mìŋ nyɛnɛŋ e yèɛ wo Dèda miɔ̀ŋ nyɛnɛŋ lɛ̀, kɛ̀ kɛ̀ɛ̀nɛìŋ e hààwe esàɓù tii, sèè pɛɛ nìŋ goim haawè. Kpeiŋ nìŋ do nàŋ nyìmè kɛ̀ tɔɔɓaa wo Dèdaà yààìm ko sùà yèè mìŋ yàuŋ ko sùà.”

Jɔ̀ɔŋ 14:10

Niŋ gò haawè kɛ̀ mìŋ yaà wo Dèdaà sùà yèè wo Dèdaà wò yààìm sùà? E yèɛ mìŋ woà lɛ e fè è gààŋ miàŋ biɛ̀ sùà. Wo Dèdaà toomàìm ko sùà wɔ nàŋ woà maŋ keì mɛɛ̀ŋ.

Jɔ̀ɔŋ 14:20

Sèè e teenga lii hnàŋ wa nàwèè yèè ka kɛ̀ɛ̀ wɔŋ nyiiŋ gèeɔ̀ sùà, nìŋ do nàŋ nyìmè kɛ̀ kòò mìŋ yaà wo Dèda miɔ̀ŋ ko sùà yèè kɛ̀ nyɛ̀iŋ pɛɛ nìŋ yààìm ko sùà, màànààŋ nɔŋ mìŋ yààìŋ ko sùà lɛ.

Jɔ̀ɔŋ 5:36

Kɛɛ e yèɛ mìŋ nyɛnɛŋ lɛ̀ tɔɔ̀ janyai kɛ̀ ɓòò nàŋ yààìm wɔŋ dòmaŋ nyaaŋ joo bà wɔŋ yèɔ wɔ̀ŋ yaà e sɛmɛmaŋ wuŋ e ngèè pɛɛ nìàŋ e yèɛ naŋ wa nɔ̀ŋ tɔ̀ɔ niŋ e yìwìà e yèɛ wo Jɔ̀ɔŋ naŋ wa woò lɛ e nyaàiŋ eim dè. Maŋ keì bi zà nàŋ yaà e tòmoɛ̀ wo Dèdaà Dayà naim kiɛ̀ŋ wèè ka nyɛ̀nɛ̀ŋ lɛ. Maŋ keì mɛɛ̀ŋ nàŋ kiɛ̀ŋ maŋ mìè seì weèim, e kìlà màŋ tɔɔ̀ kɛ̀ wo Dèdaà Dayà naim tùɔ̀ŋ.

Nyɛ̀nɛ̀ŋ 2:22

Wo Pììlɛ naŋ ɓɛìŋ woò wààŋ, “Nyɛ̀iŋ nààŋ nyùùŋ Ezɔ̀ɛ̀ nyaŋ, kùmiaìŋ e yèɛ mìŋ yaà hinie kaiŋ woò lɛ! Wo Jisɛ̀ e yìwìà ko Naazɔ̀ɛ̀ yaà wa wo felaa wo yèɔ wo Dayà naiŋ wa tɔɔ̀ kɛ̀ wuŋ nauŋ tùɔ̀ŋ, e yìwìà maŋ kèè mèè gbeegbèè yaà maŋ tɔ̀ɔ̀màŋsìè maŋ keì maŋ wo Dayà wuŋ bi naŋ wa nyɛ̀nɛ̀ŋ màŋ naŋ kaaìŋ maŋ esàɓù wo Kanaà Jisɛ̀ sùà. Nyɛ̀iŋ bi nàŋ tɛɛ̀ nyìmàŋ, esaɓù kɛ̀ è naiŋ wa kià kàìŋ ko fɛɛ̀fenìiŋ.

Hiɓu 2:4

Wo Dayà wuŋ bi naŋ kìɛ̀ŋ ke mìè seì, nààŋ wò naŋ tɔ̀ɔ̀ maŋ tɔ̀ɔ̀màŋsèì keì, yèè maŋ kèè mèè, e kìlà wò naŋ wa kìɛ̀ŋ wo Jìnàŋ Nɛɛmaàŋ koɓɛ̀ wo nyùnɔ̀ɔŋ gbiŋ wò manaŋ wouŋ kiɛ̀ŋ wɔ.