Jɔ̀ɔŋ 14:10 - WƆŊ FƐ̀Ì EBÒ SÌÀŊ DAYÀA

¹⁰ Niŋ gò haawè kɛ̀ mìŋ yaà wo Dèdaà sùà yèè wo Dèdaà wò yààìm sùà? E yèɛ mìŋ woà lɛ e fè è gààŋ miàŋ biɛ̀ sùà. Wo Dèdaà toomàìm ko sùà wɔ nàŋ woà maŋ keì mɛɛ̀ŋ.

Jɔ̀ɔŋ 14:10 ပူးပေါင်းရင်းမြစ်များ

Jɔ̀ɔŋ 10:30

Wo Dèdaà yèè miàŋ è yaà anyùùŋ guùŋ.”

Jɔ̀ɔŋ 10:38

Kɛɛ sèè mìŋ nyɛnɛŋ e yèɛ wo Dèda miɔ̀ŋ nyɛnɛŋ lɛ̀, kɛ̀ kɛ̀ɛ̀nɛìŋ e hààwe esàɓù tii, sèè pɛɛ nìŋ goim haawè. Kpeiŋ nìŋ do nàŋ nyìmè kɛ̀ tɔɔɓaa wo Dèdaà yààìm ko sùà yèè mìŋ yàuŋ ko sùà.”

Jɔ̀ɔŋ 11:26

Yèè aŋ yè nyaŋ yaà wɔŋ nyiiŋ gèeɔ̀ sùà àŋ naim haawè nyaŋ aŋ naàŋ wa nàwèè fɔ̀ julɔfɔ. Màŋ tɛɛ̀ haawè?”

Jɔ̀ɔŋ 12:49

Miŋ fè gbòà è gààŋ miàŋ biɛ̀ sùà. Mìŋ woà nɔŋ e yèɛ wo Dèdaà naim tùɔ̀ŋ wɔ wò manaŋ wèè ka woò lɛ.

Jɔ̀ɔŋ 14:11

Kɛ̀ɛ̀nɛìŋ e hààwe nààŋ mìŋ naiŋ woò mìàŋ wo Dèdaà yààìm ko sùà yèè mìŋ yaà wo Dèdaà ko sùà lɛ. Sèè nìŋ go pɛɛ tɛɛ̀ haawè, kɛ̀ hààwe nìim wèè maŋ keì maŋ mìŋ nyɛnɛŋ màŋ.

Jɔ̀ɔŋ 14:20

Sèè e teenga lii hnàŋ wa nàwèè yèè ka kɛ̀ɛ̀ wɔŋ nyiiŋ gèeɔ̀ sùà, nìŋ do nàŋ nyìmè kɛ̀ kòò mìŋ yaà wo Dèda miɔ̀ŋ ko sùà yèè kɛ̀ nyɛ̀iŋ pɛɛ nìŋ yààìm ko sùà, màànààŋ nɔŋ mìŋ yààìŋ ko sùà lɛ.

Jɔ̀ɔŋ 14:24

Kɛɛ anyùùŋ nyaŋ yè nyaŋ aŋ manàìm nyaŋ aŋ naàŋ nyɛ̀nɛ̀ŋ è yèɛ mìŋ naŋ nyiŋ woò wèè aŋ nyɛ̀nɛ̀ŋ lɛ. E yèɛ zà àŋ naŋ kòmò mìŋ naŋ woò lɛ gò e yìwìà è gaàŋ mɛ̀ sùà, kɛɛ è yewe e gààŋ Dèdaà naim tùɔ̀ŋ wɔ sùà.”

Jɔ̀ɔŋ 17:8

Mìŋ naŋ wòò anyùùŋ màŋjɛ̀wɛ̀im nyàŋ e yèɛ mùŋ naim woò lɛ, yèè àŋ naŋ niŋ jàà kùàŋ dìì. Àŋ nyìmàŋ kɛ̀ tɔɔɓaa ko nɛ̀ɛ̀ŋ muìŋ mìŋ yewe, e kìlà àŋ naŋ haawè kɛ̀ muàŋ naim tùɔ̀ŋ.

Jɔ̀ɔŋ 3:2

Wɔŋ dùùm guùŋ wò naŋ wa kɔ̀ koɓɛ̀i wo Jisɛ̀ joà lɛ yèè wò nauŋ woò wààŋ, “Kààmɔɔŋ, èiŋ nyìmàŋ kɛ̀ wo Dayà naum tùɔ̀ŋ ko nɛ̀ɛ̀ŋ wiì wèè maŋ wi kàà e ɗèwè ke dòmauŋ nɛɛ̀ŋ dè diɛŋ. Esaɓù kɛ̀, sèè wo Dayà goum weè nɔ̀ŋ maŋjɛ̀wɛ, muŋ fè weè ɓɛ̀nɛ̀ŋ nyɛ̀nɛ̀ŋ màŋ kèè mèè mɛɛ̀ŋ mùŋ nyɛnɛŋ yaà maŋ.”

Jɔ̀ɔŋ 5:17

Kɛɛ wo Jisɛ̀ naŋ nyiŋ fasàì wààŋ, “Wo Dèda miɔ̀ŋ kòò wò yaà toomo, weètii mìŋ kuwa ka tomo miàŋ pɛɛ.”

Jɔ̀ɔŋ 5:19

Kpeiŋ wo Jisɛ̀ naŋ nyiŋ fasàì wààŋ, “Miŋ woòiŋ e tɔɔɓaaà, miàim wo Jɔ̀àfèlàà Dayàa fè ɓɛ̀nɛ̀ŋ nyɛ̀nɛ̀ŋ è keì gbiŋ kùàŋ wùùmaim. Mìŋ nyɛnɛŋ nɔŋ e yèɛ mìŋ yɛmɛ̀ wo Dèda miɔ̀ŋ nyɛnɛŋ lɛ̀.

Jɔ̀ɔŋ 7:16

Yèè wo Jisɛ̀ naŋ nyiŋ fasàì wààŋ, “E yèɛ mìŋ kaà lɛ e fè kè nyɛ̀nɛ̀ŋ miàŋ bi, kɛɛ è yewe wo Dayà sìwè, wo yèɔ naim tùɔ̀ŋ wɔ.

Jɔ̀ɔŋ 8:28

Yèè wo Jisɛ̀ naŋ nyiŋ ɓɛìŋ woò wààŋ, “Sèè nìŋ joowà wa nàwèè wo Jɔ̀àfèlàà Nyuùŋ Kpùnɔɔ̀ŋ ko fùùŋ wɔŋ vànèkpaaà diɛŋ, nìŋ do nàŋ nyìmè tɔɔɓaa kɛ̀ ɓòò nàŋ yààìm . Nìŋ do ɓɛìŋ nàŋ nyìmè kɛ̀ miŋ fè nyɛ̀nɛ̀ŋ è keì gbiŋ wɔ̀ŋ kùàŋ wùŋ maim. Mìŋ woà nɔŋ e yèɛ wo Dèdaà woàìm wèè ka woò lɛ.

Jɔ̀ɔŋ 8:38

Mìŋ yààìŋ wòo sùà e kèè e yèɛ wo Dèda miɔ̀ŋ naim tɔɔ̀ lɛ, màànààŋ nɔŋ nìŋ nyɛnɛŋ e yèɛ wo dèdaiŋ nɔɔ̀ŋ naiŋ kaà lɛ.”

Jɔ̀ɔŋ 8:40

Kɛɛ wèè niŋ go niŋ nàŋ jàà kùàŋ dìì, nìŋ manaŋ naim jìwà e fòfoo mìŋ yààìŋ wòò sùà e tɔ̀ɔ̀nyaàaŋ wo Dayà naim kiɛ̀ŋ lɛ. Wo Eɓulɔhɛɛ̀ŋ gò wa nyɛ̀nɛ̀ŋ è keì mààŋ tii.

Nyɛ̀nɛ̀ŋ 10:38

Nàŋ nyìmàŋ e kèè wo Jisɛ̀ e yìwìà ko Naazɔ̀ɛ̀, wo yèɔ wo Dayà naŋ wa tàeɗùù yèè wò nauŋ kìɛ̀ŋ wo Jìnàŋ Nɛɛmaàŋ yaà e gààŋ. Wò naŋ wa kìlìè maŋ tàta màŋ gbiŋ sùà, wò yaà nyìnìè maŋ keì sìàŋ yèè wò yaà jòèye sùà anyùùŋ nyaŋ yaà wa e gààŋ Dɛwìɔ dìì nyaŋ, esaɓù kɛ̀ wo Dayà yàaùŋ wa kpuumo.

2 Kɔliìŋ 5:19

Ke miè gbìaŋ wiɛ̀ è woàìŋ nɛ nàŋ yaà kɛ̀, wo Dayà naŋ wa nyɛ̀nɛ̀ŋ anyùùŋ kpùùŋ ɗuunyaŋ nyàŋ gbiŋ aŋ dàwiuŋ esàɓù Jisɛ̀ Kulaì sùà. Wo Dayà gò wa gbìàŋ màŋ jùumù nyiŋ màŋ kè jiio sùà, yèè wò wi fè ke miè gbìaàŋ ke yèɛ naŋ tɔ̀ɔ̀ e ɗeweɛ̀ wò naŋ nyiŋ mììnè aŋ dàwiuŋ nɛ̀.

Kòlo 1:19

È yaà wa esàɓù e kìtì Dayàa wuŋ bi sùà wo Jɔ̀àfelaaà naŋ wa tèènè wo Dayà e nɔ̀ŋ kiiuŋ nɛ̀ gbiŋ sùà.

Kòlo 2:9

E ɗewe kiiɛ̀ wo Dayàa yaà lɛ, e ɗèwè kìì guùŋ bi nɔŋ sùà wo Jisɛ̀ Kulaì naŋ tèènè wo Dayà e nɔ̀ŋ kiiuŋ nɛ̀ ke kpùnàŋ wɔŋ nyiiŋ gèeuŋ nɔɔ̀ŋ sùà,

1Jɔ̀ɔŋ 5:7

Aŋ sèì taai naŋ kìɛ̀ŋ ke mìè seìɛ.