Jɔ̀ɔŋ 13:5 - WƆŊ FƐ̀Ì EBÒ SÌÀŊ DAYÀA

⁵ Kpeiŋ wò naŋ sìè e wùìyè wɔŋ gɛ̀i gbee sùà, yèè wò naŋ tɔ̀ɔ̀tù gùà anyùùŋ màŋjɛ̀wɛ̀uŋ nyàŋ maŋ gòlò wò haangà mìŋ wɔŋ ɓààa wò naŋ dìkìè e tɛɛ wɔ̀ŋ.

Jɔ̀ɔŋ 13:5 ပူးပေါင်းရင်းမြစ်များ

Luù 7:38

yèè wò naŋ sìè wo Jisɛ̀ jɛ̀wɛ̀ maŋ golòuŋ màŋ kɔɔ wò yaà gulie, maŋ fɛɛ̀màìuŋ màŋ dè maŋ gòlò Jisɛ̀ maŋ. Kpeiŋ wò naŋ miŋ hààngè e ɗì dumuuŋ nɛ̀, wo miŋ kisì, yèè wò naŋ miŋ kpàlèè maŋ kuùmàì.

Luù 7:44

Kpeiŋ wo Jisɛ̀ naŋ kìlè koɓɛ̀ wo nìeɔ̀ yèè wò naŋ wòò Saimɔ̀ŋ wààŋ, “Màŋ yɛ̀mɛ̀ wo nìe wɛɛ̀? Mìŋ naŋ hnè ko gboo muìŋ, muŋ gòim kìɛ̀ŋ è wùìyè wèè ka gùà màŋ gòlò, kɛɛ wò naŋ gùùyè maŋ golòim màŋ maŋ fɛɛ̀màìuŋ màŋ yèè wò naŋ miŋ hààngè e ɗì dumuuŋ nɛ̀.

Jɔ̀ɔŋ 13:10

Wo Jisɛ̀ naŋ woò wààŋ, “Wo nyùnɔ̀ɔŋ naŋ guò tɛ wɔ̀ wò yaà naàŋ zɛ̀nɛuŋ, weètii esaɓù bà gbiŋ fè ɓɛìŋ wèè wo guò, sɔɔ̀ nɔŋ wo gùà maŋ gòlò. Nyɛ̀iŋ nààŋ nyùùŋ màŋjɛ̀wɛ̀im nyàŋ, nàŋ guò, yèè nìŋ yaà zɛ̀nɛiŋ, eɓìèmàŋjɛ̀wɛ̀ wo nyùùŋ guùŋ e tɛɛiŋ.”

Jɔ̀ɔŋ 13:6

Kpeiŋ nààŋ wò naŋ hàì koɓɛ̀ Saimɔŋ Piilɛ̀i wèè wouŋ gùà maŋ gòlò, wo Pììlɛ nauŋ dawè wààŋ, “Kanaà, mùŋ manaŋ maim gùà maŋ gòlò?”

Jɔ̀ɔŋ 13:8

Wo Pììlɛ naŋ woò wààŋ, “Miŋ naàŋ nyimèè julɔfɔ wèè maim gùà màŋ gòlò.” Yèè wo Jisɛ̀ nauŋ woò wààŋ, “Sèè mùŋ go nyimèè wèè kaum gùà maŋ gòlò, kɛ̀ tɔɔɓaa muŋ naàŋ nɔ̀ŋ wò nyùùŋ màŋjɛ̀wɛ̀ miɔ̀ŋ bà guùŋ.”

Jɔ̀ɔŋ 19:34

Yèè wo kààlòòɗùàa bà guùŋ naŋ zɔ̀ɔ̀lɔ̀ ke kpɛɛuŋ nɛɛ̀ŋ wo Jisɛ̀ e ɓula, yèè maŋ sɛ̀ìŋ yaà e wùìyè nao fòlò.

Nyɛ̀nɛ̀ŋ 22:16

Kiìŋ mùŋ yaà fulie? Yewà dìì muŋ nɔ̀ŋ gùaum wèè Dayà juuyà maŋ jùumùum màŋ hakɛ̀ e yìwìà e zòòlo mɔ̀ɛ̀ koɓɛ̀ e deèuŋ nɛ̀.’ ”

1 Kɔliìŋ 6:11

Yɛi nɔŋ nyɛ̀iŋ nààŋ bà nyiŋ nìŋ yaà wa. Kɛɛ sààngɛ naàŋ, e dèè Kanaà Jisɛ̀ Kulaìɛ yaà e gààŋ Jìnàŋ Dayàa èiŋ gùà e yìwìà maŋ jùumù sùà nìŋ yaà naàŋ anyùùŋ tɔ̀ɔ̀nyaàŋ yèè wo Dayà wòiŋ jàà kùàŋ dìì. Nìŋ yaà naàŋ anyuùŋ jàà ɓula titi e wèè Dayà.

Ɛfesɔ̀ 5:26

Wò naŋ tɛɛ̀ nyɛ̀nɛ̀ŋ wèè wo tulìà ke gbòò anyuùŋ hààwe nyàŋ wo Dayà e yìwìà ke mìè gbòauŋ nɛɛ̀ŋ sùà, nààŋ wò naŋ nyiŋ gùùyè e wùìyè àŋ naŋ zɛ̀nɛ̀ŋ lɛ.

1Time 5:10

yèè wo nɔ̀ŋ wo nyùnɔ̀ɔŋ àŋ gboo tɛ̀ɛ̀ e nyaàiŋ euŋ dè wèè ke kpèè siaŋ wɔ̀. Wo nɔ̀ŋ wo jɔunɔ̀ɔŋ wo yèɔ naŋ gè aŋ jɔ̀àuŋ nyàŋ dìì tɛ̀ɛ̀ wɔ, wo yèɔ naŋ jàà aŋ nyùnèènyɛiŋ kùàŋ dìì ko gboo noo wɔ̀, wo nɔ̀ŋ nyùnɔ̀ɔŋ deeyà wuŋ bi e tòmò nɛɛmaŋ sùà wèè anyuùŋ hààwe joo wɔ̀, wo kpuumàŋ anyùùŋ nyaŋ yaà maŋ keì nyìnga sùà nyaŋ, yèè wò naŋ gbìɛ̀ŋ ke nyɛ̀nɛ̀uŋ nɛɛ̀ŋ gbiŋ e keì sìàŋ nyɛ̀nɛŋ maŋjɛ̀wɛ wɔ̀.

Hiɓu 10:22

Weètii, hnàŋ wiìŋ e gbɛ̀ɛ̀iŋ wo Dayà, maŋ jii tɔ̀ɔ̀nyaàŋ yaà ke jii tùlia gbee e yìwìà hààwe kɛnɛ sùà. È kùwàìŋ naàŋ maŋ jii zɛ̀nɛŋ, e kìlà maŋ fè ɓɛìŋ màŋ keì naanààŋ mɛɛ̀ŋ màŋjɛ̀wɛ, yèè maŋ kpùnaŋ wi màŋ nɔ̀ŋ gùa miŋ e wuiyè sengèì sùà.

1Jɔ̀ɔŋ 1:7

Kɛɛ sèè eiŋ kààìŋ e gbolòùŋ nɛ sùà, màànààŋ wo Dayà yaà e gbolòuŋ sùà lɛ, kɛ̀ è doiŋ nàŋ nɔ̀ŋ ke gbòò Dayà zòòloɛ̀ sùà, yèè maŋ sɛ̀ìŋ Jisɛ̀ maŋ, wo Jɔ̀àfèlàà Dayàa, do naŋ gùò maŋ jùumù wi maŋ gbiŋ.

1Jɔ̀ɔŋ 5:6

Wo Jisɛ̀ Kulaì nàŋ yaà wo yeɔ̀ naŋ wa hìɛ̀ŋ e wuiyè gùùyeuŋ nɛ̀ yèè maŋ sɛ̀ìŋ e fàauŋ nɛ̀. Wo gò wa nɔŋ hìàŋ è wùìyèɛ tiŋ guùŋ, kɛɛ wò naŋ wa hìɛ̀ŋ e wùìyèɛ yaà maŋ sɛ̀ìŋ maŋ. Yèè wo Jinàaŋ Dayàa wuŋ bi naŋ kìɛ̀ŋ ke mìè seì kɛ̀ tɛɛ̀ yaà e tɔ̀ɔ̀nyaàŋ, esaɓù kɛ̀ wo Jinàaŋ Dayàa wuŋ bi yaà e tɔ̀ɔ̀nyaàŋ.

Maŋ kèì nyɛɛnɛŋ 1:5

e yìwìà wo Jisɛ̀ Kulaì sìwè, wo sèì tɔ̀ɔ̀nyaàaŋ, wo jiɛ̀jiɛ̀ɔ wo yèɔ wo Dayà naŋ gè e fàaà dìì wɔ. Wuŋ nàŋ yaà wo sìèfèìŋ aŋ kana nyàŋ gbiŋ e ɗuunyaàŋ diɛŋ. Wo Jisɛ̀ Kulaì mànàŋ wì, yèè e yìwìà maŋ sɛnùuŋ màŋ wò naŋ wi gè maŋ jùumù wi màŋ sùà,

Maŋ kèì nyɛɛnɛŋ 7:14

Mìŋ naŋ fasàì mìàŋ, “Dàa, miŋ nyimààŋ, kɛɛ muàŋ màŋ nyìmàŋ.” Wò naim woò wààŋ, “Anyùùŋ nyɛɛ̀ŋ naŋ kɔ̀ɛ̀ɛ̀ e nimilà nyìngaà sùà yèè àŋ naŋ hnè bòìbòì. Àŋ naŋ sɔ̀ɔ̀ maŋ ɓuuɓane nyiŋ màŋ yèè àŋ naŋ miŋ nyɛ̀nɛ̀ŋ màŋ naŋ fòò e yìwìà maŋ sɛ̀ìŋ Ɓaawaaà sùà.