Jɔ̀ɔŋ 13:4 - WƆŊ FƐ̀Ì EBÒ SÌÀŊ DAYÀA

⁴ Nààŋ àŋ yaà wa jììyè nɛ̀ŋ, wo Jisɛ̀ naŋ yèwè dìì wo sie, wo gè maŋ dèè kɔɔuŋ màŋ, yèè wò naŋ dìkìè wɔŋ ɓàà e tɛɛ.

Jɔ̀ɔŋ 13:4 ပူးပေါင်းရင်းမြစ်များ

Luù 12:37

E zɔlɔ̀ do nàŋ nɔ̀ŋ aŋ ɓɔìjɔ̀à nyiiŋ sèè wo kana nyiŋ nɔɔ̀ŋ wò hnàŋ wo nyiŋ mɛ̀ɛ̀ŋ fɛɛ̀ wòwò yèè àŋ yaà bànèbane nyiŋ! Miŋ woòiŋ e tɔɔɓaaà, wò do nàŋ gè wɔŋ kumàuŋ nɔɔ̀ŋ, wo nyiŋ nyɛ̀nɛ̀ŋ aŋ jɛ̀ì wɔŋ gbɛ̀gbɛ̀ɔ kɔɔ, yèè wo nyiŋ gòònò e nɛ̀ŋje fèemàŋ.

Luù 17:7

“Sèè wo ɓɔìjɔ̀à tòmo mɔɔ̀ŋ wo weè hnàŋ e yìwìà ko tùmìè dìì ko ɓùi ɔ̀ɔ̀ ko yɛ̀ɛ̀mɛ̀ aŋ ɓaawaa nyàŋ diɛŋ, màuŋ ɓɛ̀nɛ̀ŋ wòo mààŋ, ‘Hnaàŋ muŋ kùwà e nɛ̀ŋje muŋ jè’?

Luù 17:8

Kpele, muŋ naàŋ tii woò. Mùŋ douŋ nàŋ woò mààŋ, ‘Kɔ̀à vɔ̀ɔ̀nɔɔ̀ŋ maŋ deèum màŋ muŋ banebànè e nɛ̀ŋje muŋ kiɛ̀im miŋ jè. E kìlà muŋ fòlàim miŋ kpɛɛyɛ̀ jèe pangàà mùŋ jè e nɛ̀ŋje mɔ̀ɛ̀ maŋ tìà.’ ”

Luù 22:27

Ɓòò anyùùŋ àŋ gongà kɛ̀ wuŋ nàŋ yaà wo gbeeɔ̀, wo yèɔ jaà aŋ hìàŋ e nɛ̀ŋjeuŋ nɛ̀ wo jè wɔ, ɔ̀ɔ̀ wo yèɔ tomàŋ wo hìàŋ e nɛ̀ŋjeɛ̀ wɔ? Wo yèɔ jaà aŋ hìàŋ e nɛ̀ŋjeuŋ nɛ̀ wɔ nàŋ yaà wo gbeeɔ̀. Kɛɛ kàiŋ naàŋ nɔ̀ŋ e tɛɛ mààŋ wo ɓɔìjɔ̀à tòmo.”

Jɔ̀ɔŋ 13:12

Nààŋ wo Jisɛ̀ naŋ wa kpɛ̀ɛ̀yɛ̀ anyùùŋ màŋjɛ̀wɛ̀uŋ nyàŋ gùà maŋ gòlò, wò naŋ ɓɛìŋ gbìɛ̀ŋ wɔŋ deèuŋ nɔɔ̀ŋ gbààì yèè wò naŋ jɛi. Kpeiŋ wò naŋ nyiŋ dawè wààŋ, “Nàŋ nyìmàŋ kɛ̀ kiìŋ mìŋ naŋ yaà nyɛ̀nɛ̀ŋ lɛ?”

2 Kɔliìŋ 8:9

Nàŋ nyìmàŋ e tɛ̀ɛ̀tɛ̀ɛ̀ Kana wiɔ̀ Jisɛ̀ Kulaìɛ, e kpulìà e bàneuŋ nɛ̀ gbiŋ, wò naŋ wa mììnè wuŋ bi wo nyuùŋ pɔ̀ɔ e weèiŋ, wèè wo nyɛ̀nɛ̀ŋ naŋ nɔ̀ŋ anyuùŋ banè esàɓù e pɔ̀ɔuŋ nɛ̀ sùà.

1Jɔ̀ɔŋ 3:11

Ke mìè gbìaàŋ kɛɛ̀ nìŋ nàŋ wa kòmò e yìwìà ko tɔ̀ɔ̀tù e ɗuunyaàŋ, kɛ̀ e mànàiŋ aŋ dàwi wi nyàŋ.