Jɔ̀ɔŋ 13:24 - WƆŊ FƐ̀Ì EBÒ SÌÀŊ DAYÀA

²⁴ Yèè wo Saimɔŋ Piilɛ̀ naŋ wòò wo nyùùŋ màŋjɛ̀wɛ̀ɔ jaa Jisɛ̀ kɔɔ wɔ̀ wèè wo dawè kɛ̀ ɓòò wo Jisɛ̀ sɔ̀à.

Jɔ̀ɔŋ 13:24 ပူးပေါင်းရင်းမြစ်များ

Luù 1:22

Nààŋ wò naŋ wa fòlò ko Saaŋ Zòòlò Dayài, wo gò wa ɓɛ̀nɛ̀ŋ gbòà kò nɛ̀ɛ̀ŋ nyiŋ niìŋ. Yèè àŋ naŋ nyìmè kɛ̀ wò gò e gɔ̀à gò ke jɛ̀ì. Wò naŋ nyiŋ gbùùyè maŋ kùàŋ, kɛɛ wo gò wa wòò è keì gbiŋ.

Luù 5:7

Kpeiŋ àŋ naŋ nyààŋ anyuùŋ sùnga dàwi nyiŋ nyàŋ e yìwìà je nyiŋ gɔɔ̀ sùà wèè aŋ hnàŋ aŋ kpuumàŋ nyiŋ. Aŋ felaa nyàŋ naŋ hnè yèè nyiŋ gbiŋ naŋ gɔ̀ɛ̀ɛ̀ maŋ kpee màŋ aŋ kùwà aŋ kɛ̀ì aŋ dììyà maŋ gɔ màŋ, e joo tòloò wèè maŋ gɔ màŋ maŋ hɔ̀wɛ.

Jɔ̀ɔŋ 13:23

Wo nyùùŋ màŋjɛ̀wɛ̀ɔ bà guùŋ, wo yèɔ wo Jisɛ̀ manaŋ wa sɛmɛ wɔ̀ jàaùŋ wa kɔɔ fɔ̀ɔ̀.

Jɔ̀ɔŋ 13:25

Kpeiŋ wo nyùùŋ màŋjɛ̀wɛ̀ wii naŋ dè e ɗìuŋ nɛ̀ wo Jisɛ̀ kɔɔ yèè wò nauŋ dawè wààŋ, “Kanaà, kèè ɓòò titi mùŋ yaà woo yàwi nààŋ gbiŋ e tɛɛ?”

Nyɛ̀nɛ̀ŋ 12:17

Kɛɛ wo Pììlɛ naŋ nyiŋ gbùùyè maŋ kùàŋ wèè aŋ nɔ̀ŋ gìli. Kpeiŋ wò naŋ nyiŋ wòò e ɗewe kiiɛ̀ wo màìkà Kanaà nauŋ fulìè lɛ e yìwìà ko sààŋ nyìwìi. Yèè wò naŋ nyiŋ ɓɛìŋ woò wààŋ, “Wòoiŋ tɛɛ̀ koɓɛ̀ Jìiìŋ yèè anyuùŋ hààwe gbànaŋ nyàŋ wèè e yèɛ naŋ kaaìŋ lɛ.” Eɓìèmàŋjɛ̀wɛ̀ tii, wò naŋ nyiŋ jòò yèè wò naŋ kɔ̀ koɓɛ̀ joo bà.

Nyɛ̀nɛ̀ŋ 13:16

Wo Pɔɔ̀ naŋ sie, yèè wò naŋ jòòwò wɔŋ kuàuŋ nɔɔ̀ŋ fùùŋ yèè wò naŋ woò wààŋ, “Nyɛ̀iŋ nààŋ nyùùŋ Ezɔ̀ɛ̀ nyaŋ, yèè nyɛ̀iŋ nyàŋ duɔŋ Dayà nyaŋ, jàaìŋ maŋ nùŋ dìì.

Nyɛ̀nɛ̀ŋ 21:40

Wo kànà aŋ kààlòòɗùà nyaŋ nauŋ gè nyààŋ diɛŋ wèè wò gbòà, yèè wo Pɔɔ̀ naŋ sìè ke kùù kɛinyɛɛ̀ŋ diɛŋ wèè ko saaìŋ yèè wò naŋ mɛ̀ɛ̀mɛ̀ɛ̀ŋ maŋ kùàŋ koɓɛ̀ anyùùŋ nyaŋ. Nààŋ àŋ naŋ wa nɔ̀ŋ dìì tɔ̀ɔ̀ùŋ, wo Pɔɔ̀ naŋ gbòò ko nɛ̀ɛ̀ŋ nyiŋ niìŋ e Hiɓulù mieɛ̀ sùà, wɔŋ kàìŋ aŋ Hiɓulù nyaŋ.