Jɔ̀ɔŋ 13:19 - WƆŊ FƐ̀Ì EBÒ SÌÀŊ DAYÀA

¹⁹ Mìŋ naiŋ tɛɛ̀ woò sààmɛ wèè naŋ nyìmàŋ e yèɛ do nàŋ kaaìŋ lɛ paŋgàà è do wa nàwèè nàŋ kaaìŋ, wèè sèè è kaaìŋ, nìŋ do nàŋ haawè kɛ̀ ɓòò nàŋ yààìm .

Jɔ̀ɔŋ 13:19 ပူးပေါင်းရင်းမြစ်များ

Maafiù 11:3

Kpeiŋ àŋ naŋ dàwè wo Jisɛ̀ nyààŋ, “Wòò wi, muàŋ nàŋ yaà wo nyùnɔ̀ɔŋ wo Jɔ̀ɔŋ naŋ woò wààŋ, wo Dayà naŋ tàeɗùù wèè wo hnàŋ wo wi joeyè wɔ? Ɔ̀ɔ̀ e yɛmɛ̀iŋ wo nyuùŋ joo bà dòmaŋ?”

Maafiù 24:25

Weètii yɛ̀mɛìŋ nyɛ̀iŋ bi diɛŋ, kàiŋ kpìnìàŋ e keìɛ gbiŋ dììò sùà paŋ ngàà e teenga niŋ nɛ̀ e wa nàwèè haì.

Luù 21:13

Tɛɛ̀ do nàŋ nɔ̀ŋ e teengaiŋ nɛ̀ wèè naŋ nyiŋ kìɛ̀ŋ ke mìè seì e nyaàiŋ dè Ebò Siaàŋ.

Jɔ̀ɔŋ 1:15

Ke ɗɔ̀ɔ̀ guùŋ nààŋ wo Jɔ̀ɔŋ yaà wa wòò sùà anyùùŋ nyaŋ e kiiuŋ, wò naŋ yɛ̀mɛ̀ wo Jisɛ̀. Kpeiŋ wò naŋ kpààŋ yèè wò naŋ nyiŋ woò wààŋ, “Wɛɛ̀ nàŋ yaà wo nyùnɔ̀ɔŋ mìŋ naiŋ weè wòò e kiiuŋ wɔ̀ nààŋ mìŋ naŋ woò miàŋ, wo nyùùŋ bà do nàŋ hnè eɓìèmàŋjɛ̀wɛ̀ miàŋ, kɛɛ wò kuwa e gààŋ woim nìàŋ, esaɓù kɛ̀ wò yaà wa wɔŋ nyiiŋ gèeɔ̀ sùà paŋgàà àŋ naim kòmò.”

Jɔ̀ɔŋ 14:29

Mìŋ yààìŋ tɛɛ̀ wòo sùà paŋgàà mìŋ jòòìŋ, wèè kɛ̀ sèè è kaaìŋ, nìŋ do nàŋ haawè kɛ̀ e yèɛ mìŋ naŋ woò lɛ è yaà tɔ̀ɔ̀nyaàŋ.

Jɔ̀ɔŋ 16:4

Mìŋ yààìŋ naàŋ tɛɛ̀ wòo sùà wèè naŋ niŋ jàà jii wèè kɛ̀ sèè è kaaìŋ wa nàwèè naŋ nyìmàŋ kɛ̀ kàiŋ niŋ wa woò. “Miŋ gòiŋ wa wòò màŋ keì mɛɛ̀ŋ kò tɔ̀ɔ̀tù è mɔ̀ɔ̀nɔŋ wilɛ̀, esaɓù kɛ̀ è yààìŋ wa koɓɛ̀ guùŋ.

Jɔ̀ɔŋ 4:26

Wo Jisɛ̀ naŋ wòò wo nìeɔ̀ wààŋ, “Miàŋ nàŋ yaà wo nyùùŋ bi, miàim wo yèɔ yààùm naàŋ gbùùyè kɔɔ sààmɛ wɔ̀.”

Jɔ̀ɔŋ 8:28

Yèè wo Jisɛ̀ naŋ nyiŋ ɓɛìŋ woò wààŋ, “Sèè nìŋ joowà wa nàwèè wo Jɔ̀àfèlàà Nyuùŋ Kpùnɔɔ̀ŋ ko fùùŋ wɔŋ vànèkpaaà diɛŋ, nìŋ do nàŋ nyìmè tɔɔɓaa kɛ̀ ɓòò nàŋ yààìm . Nìŋ do ɓɛìŋ nàŋ nyìmè kɛ̀ miŋ fè nyɛ̀nɛ̀ŋ è keì gbiŋ wɔ̀ŋ kùàŋ wùŋ maim. Mìŋ woà nɔŋ e yèɛ wo Dèdaà woàìm wèè ka woò lɛ.

Jɔ̀ɔŋ 8:58

Wo Jisɛ̀ naŋ nyiŋ woò wààŋ, “Mìŋ yààìŋ wòo sùà e tɔɔɓaaà kɛ̀, wèè paŋ aŋ kòmàŋ wa wo Eɓulɔhɛɛ̀ŋ, mìŋ yaào wa, yèè kòò miŋ yaà.”